ᓯᓚᕐᔪᐊᒥᐅᓄᑦ ᐃᓚᒋᔭᐅᔪᑦ

1658

ᐊᕐᕕᐊᓂ ᔮᓐ ᐊᕐᓇᓗᒡᔪᐊᑉ ᐃᓕᓐᓂᐊᕐᕕᒡᔪᐊᖓᑦ ᓯᕗᓪᓕᖅᐹᒥ ᓯᓚᕐᔪᐊᒥ Connected Northᖑᓂᕋᖅᑕᐅᔪᒃᑯᑦ ᑲᑎᒪᖃᑎᖃᓚᐅᖅᐳᑦ Globe Theatre ᑯᐃᓐ ᓄᓇᖓᓐᓂᒥᐅᑕᓂᒃ London, England, ᔭᓐᓄᐊᕆ 11−ᒥ.

ᐃᓕᓐᓂᐊᖅᑎᑎᔨᓪᓗ, ᑕᑯᓐᓇᒐᒃᓴᓂᒃ ᐱᓐᖑᐊᕐᓂᕐᒧᑦ ᐃᓕᓐᓂᐊᖅᑎᓪᓗ, ᑕᑯᓐᓇᒐᒃᓴᓂᒃ ᐱᓐᖑᐊᕐᓂᕐᒧᑦ ᐃᓚᒋᔭᐅᔪᑦ ᐃᓕᓐᓂᐊᖅᑎᓪᓗ ᐊᔾᔨᒌᖏᑦᑐᓂᑦ ᐅᑭᐅᖁᖅᑐᓂᖅᓴᐃᑦ ᐃᓕᓐᓂᐊᖅᑐᑦ ᐅᑕᕿᓚᐅᖅᐳᑦ ᑕᑯᓐᓇᒐᒃᓴᓕᕆᔨᒃᑯᓐᓂᑦ Globe Theatre ᐱᓐᖑᐊᖅᑎᓂᒃ ᑯᐃᓐ ᓄᓇᖓᓐᓂᑦ London, England−ᓂᑦ, ᔮᓐ ᐊᕐᓇᓗᒡᔪᐊᖅ ᐃᓕᓐᓂᐊᕐᕕᒡᔪᐊᖓᓂ ᑲᑎᒪᑎᑦᓯᓚᖅᐳᑦ ᓯᕗᓪᓕᖅᐹᒥ ᓯᓚᕐᔪᐊᒥ ᑖᒃᑯᐊ Connected North ᐊᕐᕕᐊᓂ, ᔭᓐᓄᐊᕈ 11-ᒥ.

ᑕᑯᓐᓇᒐᒃᓴᐅᑉᓗᓂ ᐱᓐᖑᐊᖅᑎ London−ᒥ ᑎᑭᓯᒪᓚᐅᖅᐳᑦ ᐊᕐᕕᐊᓄᑦ ᐃᓕᓐᓂᐊᖅᑎᑦ ᐳᓚᕋᖅᑎᑦᓯᑉᓗᑎᒃ ᑕᑯᓐᓇᒐᒃᓴᖃᕐᕕᐅᖃᑦᑕᖅᑐᒥᒃ, ᐃᓕᓐᓂᐊᖅᑎᑦᓯᓚᐅᖅᖢᓂᓗ ᖃᓄᐃᓕᐅᕆᐊᖃᕐᓂᕐᒥᒃ ᑕᑯᓐᓇᒐᒃᓴᐅᓂᐊᕐᓗᓂ.

ᑕᑯᓐᓇᒐᒃᓴᓕᕆᓂᕐᒧᑦ ᐃᓕᓐᓂᐊᖅᑎᑎᔨ ᑐᑭᒧᐊᒃᑎᑎᔨᓗ ᐱᓐᖑᐊᖃᑦᑕᖅᑐᓂᒃ ᒍᐊᑦ ᐱᓛᑦ ᐅᖃᓚᐅᖅᐳᖅ ᑕᒪᓐᓇ ᐱᒋᐊᓚᐅᖅᓯᒪᑉᓗᓂ ᓂᐅᕙᐅᓛᒦᑦᖢᓂ ᕼᐋᓕᑏᕐᓇᐅᑎᓪᓗᒍ ᑕᑯᓚᐅᖅᖢᓂᓗ ᔮᓐ ᐊᕐᓇᓗᒡᔪᐊᖅ ᐃᓕᓐᓂᐊᕐᕕᒡᔪᐊᖓᓂ ᐃᓕᓐᓂᐊᖅᑎᑎᔨᐅᓚᐅᖅᓯᒪᔪᒥᒃ ᑭᒻ ᑕᐃᒪᓐ.

ᐅᖃᓚᐅᖅᐳᖅ ᑕᐃᒪᓐ ᐅᖃᓚᐅᕐᒪᑦ ᐱᐊᓂᓵᓚᐅᕋᒥ ᐳᓚᕋᖅᖢᓂ ᑲᓇᑕᓗᒃᑖᒥᐅᓄᑦ ᐅᐃᖓᓗ, ᑮᑦ ᑰᓕᐅ, ᑳᓐᑐᕌᒃᑎᑕᐅᓚᐅᖅᖢᓂᓗ ᐱᓕᕆᑎᑕᐅᑉᓗᓂ ᔭᓂᕗ ᑯᕆᕈᒥᒃ ᐊᒻᒪ TakingItGlobal−ᑯᓐᓂᒃ.

“TakingItGlobal ᑯᑦ ᐱᓕᕆᐊᖃᓕᕐᒪᑕ Connected Northᑯᑦ ᐱᓕᕆᐊᖏᓐᓂᒃ ᑕᐃᑲᓂ Cisco Canada ᐱᓕᕆᐊᕆᓚᐅᖅᓯᒪᔭᖏᓐᓂᒃ,” ᐅᖃᓚᐅᖅᐳᖅ ᐱᓛᑦ.

ᑭᒻ ᑳᓐᑐᕌᒃᖢᓂ ᐱᓕᕆᑎᑕᐅᓚᐅᕐᒪᑦ TakingItGlobal−ᑯᓐᓄᑦ ᐃᑲᔪᕆᐊᖅᖢᓂ ᓯᓚᑦᑐᖅᓴᕐᕕᒡᔪᐊᓂᒃ, ᓯᓚᑦᑐᖅᓴᕐᕕᖕᓂᒡᓗ ᐃᓕᓐᓂᐊᕐᕕᖕᓂᒡᓗ ᐅᑭᐅᖅᑕᖅᑐᒥ ᑲᑎᑎᑕᐅᖁᑉᓗᒋᑦ ᑎᒥᐅᔪᑦ ᐃᓕᓐᓂᐊᕐᕕᑦ ᖃᑉᓗᓈᑦ ᓄᓇᖓᓐᓂ ᐊᒻᒪ ᖃᐅᔨᒪᕐᔪᐊᖅᑐᑦ ᐃᑲᔪᕈᓐᓇᖁᑉᓗᒋᑦ ᖃᐅᔨᒪᔭᒥᖕᓂᒃ ᐃᓕᓐᓂᐊᕈᑎᒃᓴᓂᒃ ᐊᒻᒪᓗ ᑕᒪᒃᑯᓂᖓ ᐃᓕᓐᓂᐊᕐᕕᖕᒥ ᐱᓕᕆᐊᕆᔭᑉᑎᓐᓂᒃ ᑕᒡᕙᓂ.

ᐅᖃᑎᓚᐅᖅᐹᖓ ᑖᒃᑯᐊ Connected North−ᑯᑦ ᖃᐅᔨᒋᐊᓚᐅᕐᒪᑕ Globe Theatreᑯᓐᓂᒃ ᑯᐃᓐ ᓄᓇᖓᓂ London, England, ᐃᓚᐅᒍᒪᓚᐅᖅᖢᑎᒡᓗ ᐸᕐᓇᐅᑎᖃᕐᓂᕐᒧᑦ ᑲᑎᒪᓂᕐᒧᑦ ᐃᓚᖏᑦ ᐃᓕᓐᓂᐊᖅᑎᕗᑦ ᐱᖃᑕᐅᓗᑎᒃ, ᐊᒻᒪ ᐊᐱᕆᓚᐅᖅᖢᓂᖓ ᐃᓚᐅᑎᑦᓯᒍᒪᓇᔭᕐᒪᖔᕐᒪ.

ᑕᐃᒪᓐᓇ ᐱᒋᐊᖃᑕᐅᓕᓚᐅᕋᒪ ᐅᖃᐅᑎᔭᐅᓚᐅᖅᖢᖓᓗ ᑕᒪᓐᓇ ᐱᓕᕆᐊᕆᔭᐅᒋᐊᕈᒪᓂᖓᓄᑦ ᔭᓐᓄᐊᕆ 2018-ᒥ ᐊᒻᒪ, ᐅᑎᕋᒪ ᐊᕐᕕᐊᓄᑦ, ᐅᖃᐅᑎᔭᐅᓚᐅᖅᐳᖓ ᑕᒪᓐᓇ ᐊᑐᖅᑕᐅᓂᐊᕐᓂᖓᓄᑦ ᔭᓐᓄᐊᕆ 11-ᒥ 1-ᒧᐊᖅᐸᑦ ᐅᓐᓄᓴᒃᑯᑦ.”

ᐅᑎᕋᒪ ᐊᕐᕕᐊᓄᒃ, ᐅᖃᐅᑎᔭᐅᓚᐅᖅᐳᖓ ᑕᒪᓐᓇ ᐊᑐᖅᑕᐅᓂᐊᕐᓂᖓᓄᑦ ᔭᓐᓄᐊᕆ 11-ᒥ 1-ᒥ ᐅᓐᓄᓴᒃᑯᑦ.:

ᐱᓛᑦ ᐅᖃᓚᐅᖅᐳᖅ, ᑕᐃᒪᓐᓇ, ᑖᒃᑯᐊ ᐃᓕᓐᓂᐊᖅᑎᑕᖏᑦ ᒍᕇᑦ 10−ᒥ ᑕᑯᓐᓇᒐᒃᓴᓂᒃ ᐱᓐᖑᐊᕐᓂᕐᒧᑦ ᐱᓕᕆᐊᖃᓚᐅᕐᒪᑕ ᑕᒪᒃᑯᓂᖓ ᑕᑯᓐᓇᖅᑕᐅᔪᓐᓇᖅᑐᓂᒃ ᐱᖓᓲᓕᖓᔪᒃᑯᑦ ᒥᑭᔪᓂᒃ Globe Theatre−ᖑᐊᒥᒃ.

ᐅᖃᓚᐅᖅᖢᓂᓗ ᑲᑎᒪᓂᖅ ᐱᓕᕆᐊᕆᔪᓐᓇᓚᐅᖅᐸᕗᑦ, ᐃᓕᓐᓂᐊᖅᑎᖏᓪᓗ ᐃᓚᐅᑦᓯᐊᖅᖢᑎᒃ ᑖᒃᑯᓄᖓ ᐱᓕᕆᖃᑎᒌᓚᐅᖅᐳᑦ.

ᐱᓕᕆᐊᖃᓚᐅᖅᐳᒍᑦ Globeᒥᒃ − ᐅᖃᐅᓯᕆᑉᓗᒍᓗ ᐃᓕᓐᓂᐊᖅᖢᒍᓗ − ᑕᐃᒪ, ᒫᓐᓇ, ᑕᐃᒪᓐᓇ ᐱᓕᕆᖃᑎᖃᕐᓂᐊᖅᐳᒍᑦ ᑕᐃᑉᓱᒪᓂᑐᖃᖅ ᑕᑯᓐᓇᒐᒃᓴᐅᓚᐅᖅᑐᒥᒃ Shakespeareanᑯᓐᓂᑦ ᑕᑯᓐᓇᒐᒃᓴᐅᕙᓚᐅᖅᑐᒥᒃ ᑕᐃᑲᓂ ᐱᓕᕆᔪᒥᒃ.

ᑕᑯᔭᖅᑐᓚᐅᖅᖢᑎᒡᓗ ᑕᑯᓐᓇᒐᒃᓴᓄᑦ ᐱᓐᖑᐊᕐᕕᐅᕙᒃᑐᒥᒃ, ᐃᓕᓐᓂᐊᓚᐅᖅᖢᑎᒡᓗ ᐃᓕᓐᓂᐊᖅᑎᕗᑦ ᐃᓚᔭᐅᑉᓗᑎᒃ ᐊᒻᒪ ᑭᐅᖃᑦᑕᖅᖢᑎᒃ ᐊᐱᖁᑎᒋᔭᐅᔪᓂᒃ ᑭᖑᓂᐊᒍᑦ.

ᐱᓕᕆᑦᓯᐊᓚᐅᖅᐳᒍᑦ ᑕᑯᒃᓴᐅᑦᓯᐊᖅᑐᓂᒃ ᐊᔾᔨᖑᐊᓂᒃ ᓂᐱᓕᐅᖅᓯᒪᑦᓯᐊᖅᖢᑎᒡᓗ ᓯᕗᓪᓕᕐᒥ ᑲᑎᒪᖃᑎᒋᑉᓗᒋᑦ ᑖᒃᑯᐊ ᐱᓕᕆᐊᕆᓯᒪᔭᖏᑦ Connected North ᑯᑦ.

ᑕᓐᓇ ᑕᑯᓐᓇᒐᒃᓴᐅᔪᖅ ᑕᐃᑲᖓᑦ Globe ᒥᑦ ᐱᓕᕆᖃᑎᖃᓚᐅᖅᐳᖅ ᐃᓕᓐᓂᐊᖅᑎᑉᑎᓐᓂᒃ ᑕᐃᒪᓐᓇ ᓴᓇᔭᐅᓯᒪᔪᒥᒃ Shakespeareᒧᑦ ᐱᓐᖑᐊᖅᑕᖏᓐᓂᒃ ᐊᑐᖅᐸᓚᐅᖅᑕᖏᓐᓂᒃ ᐅᖃᐅᓯᖏᓐᓂᒡᓗ.”

ᐱᓛᑦ ᐅᖃᓚᐅᖅᐳᖅ ᑕᒪᓐᓇ ᑲᑎᒪᓂᖅ ᐃᑲᕋᑲᓴᐅᓚᐅᖅᖢᓂ.”

ᐅᖃᓚᐅᖅᖢᓂᓗ ᑕᒪᕐᒥᒃ ᐃᓄᐃᑦ ᖁᕕᐊᓱᓚᐅᖅᐳᑦ ᓯᕗᓪᓕᕐᒥ ᑲᑎᒪᓐᓇᐅᓚᐅᖅᑐᒥᒃ ᑖᒃᑯᐊ ᐱᖃᑎᒋᑉᓗᒋᑦ Connected North ᑲᑎᖃᑎᒋᔭᐅᑉᓗᑎᒡᓗ ᐱᖃᑎᒋᔭᐅᑉᓗᑎᒃ ᔮᓐ ᐊᕐᓇᓗᒡᔪᐊᖅ ᐃᓕᓐᓂᐊᕐᕕᒡᔪᐊᖓᓂᒥᐅᑕᐃᑦ.

ᓄᑕᖃᑦ ᐅᖃᓪᓗᕆᒃᓴᐅᑎᖃᖃᑦᑕᓚᐅᖅᐳᑦ ᖃᓄᖅ ᐃᓱᒪᓂᖏᓐᓄᑦ ᓱᓇᓂᒡᓗ ᐱᐅᒃᓴᕐᓂᖏᓐᓄᑦ ᐱᐅᒃᓴᖏᓐᓂᖏᓐᓄᓪᓗ ᑲᑎᒪᑎᓪᓗᒋᑦ, ᐅᖃᖃᑦᑕᓚᐅᖅᐳᑦ ᑕᐅᑐᒍᒪᒐᒥ ᑕᑯᓐᓇᒐᒃᓴᓕᕆᔪᓂᒃ, ᑕᐃᒪᓐᓇ ᑲᑎᒪᖃᑎᒌᓚᐅᖅᖢᑎᒃ ᐅᖃᖃᑦᑕᓚᐅᖅᐳᑦᑕᐅᖅ.

ᑕᑯᒃᓴᐅᖏᑦᑐᒥ ᑕᑯᓐᓇᒐᒃᓴᖃᕐᕕᐅᑉ ᐃᓗᐊᓂ ᑕᑯᔭᖅᑐᖅᑎᑕᐅᓚᐅᖅᐳᒍᑦ ᐊᒻᒪ ᐊᒻᒪ ᑕᑯᒃᓴᐅᑎᑕᐅᕕᖕᒧᐊᖅᖢᑕ ᑕᑯᔭᖅᑐᖅᖢᒍ ᑕᑯᓐᓇᒐᒃᓴᖃᕐᕕᒃ ᐱᓐᖑᐊᖅᑐᓂᒃ, ᐃᓚᖏᑦ ᐊᑐᖅᑕᐅᓂᖅᓴᐅᑉᓗᑎᒃ ᖃᓄᖅ ᑐᓴᕐᓂᖅᑐᓂᒃ ᐅᖃᐅᓯᖃᕐᓂᕐᒥᒃ ᐱᓐᖑᐊᕈᑎᖃᕐᓂᕐᒥᒡᓗ, ᐊᓯᐊᓄᐊᓗᐊᓚᐅᖏᑉᐳᑦ.
“ᓄᑕᖃᑦ ᑕᑯᔭᖅᑐᕈᒪᓚᐅᖅᖢᑎᒡᓗ ᐅᒃᑯᐊᒥᒃ ᐊᑐᖅᑕᐅᒐᔪᖏᑦᑐᒥᒃ ᐃᓄᑐᐃᓐᓇᕐᓄᑦ, ᓱᓇᑕᖃᕐᒪᖔᑦ ᖁᓛᖓᓂ ᖃᓄᐃᑦᑑᓂᖓᓄᓪᓗ ᓯᓚᒥ.

ᑕᐃᒪ ᖃᓄᐃᑦᑐᑐᐃᓐᓇᕐᓂᒃ ᐱᑕᖃᓚᐅᖅᐳᖅ ᑕᐃᑲᓂ ᐃᒡᓗᕐᔪᐊᒥ, ᑕᐃᑲᓂᑐᐊᖅ, ᐊᓯᖏᑦ ᑕᑯᔭᖅᑐᖅᑕᐅᓚᐅᖏᑦᖢᑎᒃ, ᓄᑕᖃᓪᓗ ᑕᑯᒍᒪᓚᐅᖅᖢᑎᒍ.”

ᐱᓛᑦ ᐅᖃᓚᐅᖅᐳᖅ ᖃᐅᔨᒪᒐᒥ ᑕᐃᒪᓐᓇᐃᓕᐅᒃᑲᓐᓂᕐᓂᐊᕐᒪᑕ, ᑕᐃᒪᓐᓇᓗ ᐃᒡᓗᕐᔪᐊᒥᒃ ᑕᑯᔭᖅᑐᕐᓂᖅᓴᐅᓗᑎᒃ.

ᐅᖃᓚᐅᖅᐳᖅ ᐃᓕᓐᓂᐊᖅᑎᑦ ᑕᑯᒍᒪᓚᐅᕐᒪᑕ, ᑖᒃᑯᓂᖓ ᐃᓂᒋᔭᐅᕙᒃᑐᓂᒃ, ᑐᖅᑯᖅᑕᐅᓯᒪᕕᖕᓂᒡᓗ ᐊᒻᒪ ᖃᐅᔨᒪᔭᐅᒋᐊᖏᑦᑐᓂᒃ ᑕᐃᑲᓂ ᑕᑯᓐᓇᒐᒃᓴᖃᕐᕕᖕᒥ ᐱᓐᖑᐊᖅᑐᓂᒃ Globe Theatre−ᒥ.

ᑲᑎᒪᒃᑲᓐᓂᕈᑎᖃᕈᒪᓚᐅᖅᖢᑎᒡᓗ ᐊᓯᐊᒍᑦ, ᐅᑯᐊᓗ ᐊᑎᖃᖅᑐᖅ Will’s World, ᐊᓐᓄᕌᖅᓯᒪᔪᖅᑐᖃᖅᖢᓂ William Shakespeare−ᖑᐊᒥᒃ ᑕᐃᒪᓐᓇ ᖃᓄᐃᓕᐅᖅᐸᓚᐅᕐᓂᖓᓄᑦ ᐱᓕᕆᐊᖃᖅᖢᓂ ᐃᓅᓚᐅᖅᓯᒪᒐᒥᓂᑦ ᐱᓐᖑᐊᒐᒃᓴᒥᓂᖔᖅᑐᓂᒃ.

ᐱᖃᑎᖓ ᑕᑯᓐᓇᒐᒃᓴᖅ ᐃᓚᖓᓂ ᓈᓴᐅᑎᖃᖅᑐᖅ Acting 101, ᑲᑎᑦᓯᑉᓗᑎᒡᓗ ᓄᓇᖃᖅᑖᖅᓯᒪᔪᒥᒃ ᐱᓐᖑᐊᖅᑎᒥᒃ ᑕᑯᓐᓇᒐᒃᓴᒥᒃ ᐅᖃᓪᓗᕆᒃᓴᖃᑎᖃᕈᒪᓪᓗᓂᓗ ᐃᓕᓐᓂᐊᖅᑎᓂᒃ ᓇᒧᖓᐅᓚᐅᖅᓯᒪᓂᕐᒥᓂᒃ ᖃᓄᕐᓗ ᐊᒃᓱᕈᕐᓇᖅᑐᖃᖃᑦᑕᓚᐅᕐᓂᖓᓄᑦ ᐃᖏᕐᕋᑉᓗᓂ.

ᑕᒪᒃᑯᐊ ᒪᕐᕉᒃ ᑲᑎᒪᓂᐅᓚᐅᖅᑐᑦ ᑲᒪᓇᓚᐅᖅᐳᑦ ᐃᓕᓐᓂᐊᖅᑎᓪᓗ ᐃᓚᐅᒍᒪᓂᐊᖅᐳᑦ ᖃᐅᔨᒋᐊᕈᒪᓗᒋᑦ.

ᓄᓇᕗᑦ ᒐᕙᒪᒃᑯᖏᑦ ᐃᑲᔪᕐᓂᐊᖅᐳᑦ ᒪᕐᕉᖕᓂᒃ ᑲᑎᓐᓇᐅᓂᐊᖅᑐᓂᒃ, ᑭᓯᐊᓂ, ᖃᖓᐅᓪᓚᕆᖕᓂᐊᕐᓂᖓᓄᑦ ᖃᐅᔨᒪᖏᑉᐳᒍᑦ.”