ᓄᑕᖅᑲᑦ, ᒪᓐᓃᑦ ᐊᒻᒪᓗ ᐊᖓᒃᑰᔭᖅᑐᖅ ᐅᑲᓕᐊᕐᔪᒃ

95

100-ᖏᓐᓃᑦᑐᑦ ᓄᑕᖅᑲᑦ ᓯᓚ ᓂᒡᓕᓇᕋᓗᐊᖅᑎᓪᓗᒍ ᑲᖏᖅᖠᓂᐅᑉ ᑕᓯᖓᓃᖃᑕᐅᓚᐅᖅᑐᑦ ᕿᓂᕆᐊᖅᑐᖅᖢᑎᒃ ᒪᒪᖅᑐᓂᒃ ᐱᖓᔪᐊᓂ ᒪᑭᕝᕕᐊᒃᑯᑦ ᑲᑎᕈᓘᔭᖅᑎᓪᓗᒋᑦ ᐃᓄᐃᑦ ᑲᖏᖅᖠᓂᕐᒥ ᐊᐃᕆᓕ 20-ᒥ.

ᐃᓄᐃᑦ ᑲᑎᑦᑐᑦ ᑲᖏᖅᖠᓂᐅᑉ ᑕᓯᖁᑎᖓᓂᒃ ᐱᖓᔪᐊᓂ ᒪᑭᕝᕕᐊᓂ ᐃᓄᐃᑦ ᑲᑎᕈᓘᔭᖅᑎᓪᓗᒋᑦ ᑲᖏᖅᖠᓂᕐᒥ ᐊᐃᕆᓕ 20-ᒥ.
ᐃᓄᐃᑦ ᑲᑎᑦᑐᑦ ᑲᖏᖅᖠᓂᐅᑉ ᑕᓯᖁᑎᖓᓂᒃ ᐱᖓᔪᐊᓂ ᒪᑭᕝᕕᐊᓂ ᐃᓄᐃᑦ ᑲᑎᕈᓘᔭᖅᑎᓪᓗᒋᑦ ᑲᖏᖅᖠᓂᕐᒥ ᐊᐃᕆᓕ 20-ᒥ.

ᑕᒪᓐᓇ ᑮᓇᐅᔭᓕᖅᑐᖅᑕᐅᓯᒪᓲᖅ, ᐸᕐᓇᒃᑕᐅᕙᒃᖢᓂᓗ ᐊᒻᒪᓗ ᑲᒪᒋᔭᐅᓲᖅ ᑲᖏᖅᖠᓂᐅᑉ ᑐᐊᕕᕐᓇᖅᑐᓕᕆᔨᒃᑯᖏᓐᓄᑦ. ᒪᓐᓂᒃᓯᐅᕆᐊᓕᓚᐅᖅᑐᑦ ᒪᒪᖅᑐᓂᒃ 11:30-ᒥ ᐅᑉᓛᒃᑯᑦ ᐃᒪᓐᓇ ᐅᑭᐅᓕᖕᓄᑦ ᐊᕕᒃᑐᖅᓯᒪᑉᓗᑎᒃ 1-4, 5-7 ᐊᒻᒪᓗ 8-ᓂᒃ 13-ᓄᑦ.

ᑕᐃᑲᓂ ᑲᑎᕈᓘᔭᖅᑎᓪᓗᒋᑦ ᐃᑯᐊᓛᖅᑐᖃᓚᐅᕐᒥᔪᖅ ᐃᓄᐃᑦ ᑕᐅᕙᓂ ᐅᖁᖅᓴᕈᓐᓇᖁᑉᓗᒋᑦ ᐅᓲᔮᖅᑐᓂᒡᓗ ᐊᑭᖃᙱᑦᑐᓂᒃ ᓂᕆᑎᑕᐅᑉᓗᑎᒃ, ᒪᒪᖅᑐᓂᒡᓗ ᑯᑮᓂᒃ ᐊᒻᒪᓗ ᐆᓇᖅᑐᓂᒃ ᐃᒥᒐᒃᓴᖅᑐᖅᖢᑎᒃ ᑯᑯᒃᓂᒃ ᓄᑕᖅᑲᑦ, ᐊᖓᔪᖅᑳᕆᔭᐅᔪᑦ ᐊᒻᒪᓗ ᐊᓈᓇᑦᑎᐊᕆᔭᐅᔪᑦ ᐊᑖᑕᑦᑎᐊᕆᔭᐅᔪᑦ.

ᑲᖏᖅᖠᓂᐅᑉ ᑐᐊᕕᕐᓇᖅᑐᓕᕆᔨᒃᑯᖏᑦᑕ ᖃᑉᑎᕆᔨᒃᑯᖏᑦᑕ ᐊᖓᔪᖅᑳᖓ ᒪᑯᓯ ᕙᐃᔭᑦ ᑕᒪᑐᒥᙵ ᐱᒋᐊᖅᑎᑦᑎᓚᐅᖅᓯᒪᔪᖅ 2017-ᒥ ᐊᒻᒪᓗ ᐊᕐᕌᒍᑕᒫᒃᑯᒡᒎᖅ ᐊᖏᓪᓕᕙᓪᓕᐊᖏᓐᓇᖅᑐᖅ.

ᐅᖃᖅᖢᓂᓗ ᓈᒻᒪᙱᔾᔪᑎᑐᐊᕉᖅ ᓯᓚ ᓂᒡᓕᓇᓗᐊᖃᑦᑕᕐᒪᑦ ᐊᕐᕌᒍᑕᒫᒃᑯᑦ.

“ᓯᓚ ᐅᖁᕐᓂᖅᓴᐅᓂᐊᕋᓱᒋᓚᐅᖅᑕᕋ ᐅᑭᐅᖑᔪᖅ, ᑭᓯᐊᓂ ᓯᓚ -30-ᒦᓕᓚᐅᕐᒥᔪᖅ ᐊᓄᕆᖓᓄᓪᓗ ᑕᐅᕙᓂ,” ᑕᐃᒪᓐᓇ ᐅᖃᖅᖢᓂ ᕙᐃᔭᑦ.

“ᐅᖁᒻᒥᐊᖃᑦᑖᓂᒃ ᐃᓚᓯᒃᑲᓐᓂᓚᐅᖅᑐᒍᑦ ᐊᒻᒪᓗ ᐃᓄᒋᐊᖕᓂᖅᓴᐅᓚᐅᖅᖅᖢᓂ, ᓯᓚ ᓂᒡᓕᓇᕋᓗᐊᖅᑎᓪᓗᒍ.

ᐅᑭᐅᖑᔪᖅ ᓂᐅᕕᕐᕕᖕᒥᐅᑕᑦ ᐃᒐᒍᔾᔨᓚᐅᖅᑐᑦ ᒪᒪᖅᑐᓂᒃ ᓯᒐᓛᕋᓛᓂᒃ ᐊᒻᒪᓗ ᐊᓯᐊᓂᒃᑲᓐᓂᖅ ᒪᒪᖅᑐᓂᒃ, ᑕᒪᓐᓇ ᖁᔭᓕᓐᓇᓚᐅᖅᑐᖅ.

“ᐊᕐᕌᒍ, ᒪᑭᕝᕕᐊ ᒫᑦᓯᒦᒻᒥᒃᐸᑦ, ᐱᙳᐊᕐᕕᖕᒥ ᐃᓗᐊᓂ ᐱᓕᕆᑎᑦᑎᖔᕈᒫᖅᑐᒃᓴᐅᔪᒍᑦ ᓄᑖᖅ ᓯᐊᕐᕆᔮᕐᕕᒃᑖᖑᓂᐊᖅᑐᖅ ᐊᖏᔫᖕᒪᑦ ᑕᐃᑲᓂ ᒪᓐᓂᒃᓯᐅᕈᓐᓇᕈᒫᖅᑐᑦ ᑕᐃᒪᐃᓕᐅᕈᒪᓂᐊᕈᑉᑕ.”

ᓯᓚ ᓂᒡᓕᓇᕋᓗᐊᖅᑎᓪᓗᒍ ᓄᑕᖅᑲᑦ ᖃᓄᐃᒃᓴᖅᑑᔭᓚᐅᙱᑦᑐᑦ ᒪᓐᓂᒃᓯᐅᕈᒪᑐᐃᓐᓇᓚᐅᖅᑐᑦ, ᑭᓯᐊᓂ ᐊᑯᓂᐅᓂᖅᓴᐅᓇᔭᕋᓗᐊᖅᖢᓂ ᓇᐃᓪᓕᒋᐊᖅᓯᒪᒃᑲᓐᓂᓕᓚᐅᕐᒥᔪᖅ ᓂᒡᓕᓇᓗᐊᕐᓂᖓᓄᑦ.

ᕙᐃᔭᑦ ᐅᖃᖅᖢᓂ ᐃᓄᐃᒡᒎᖅ ᖃᐃᕙᓪᓕᐊᓕᓚᐅᖅᑐᑦ 11:00-ᒥ ᐊᒻᒪᓗ 11:30-ᒥ ᐅᑉᓛᒃᑯᑦ ᐃᓄᒋᐊᒃᓯᓚᐅᖅᖢᓂᓗ ᑭᓯᐊᓂ, ᐅᑉᓗᕈᒥᑕᕐᓇᒥ, ᒪᓐᓂᒃᓯᐅᕐᓂᖅ ᐱᐊᓂᓚᐅᖅᑐᖅ ᐊᒥᓲᓂᖅᓴᓪᓗ ᐃᓄᐃᑦ ᐊᖏᕐᕋᐅᑉᓗᑎᒃ. ᐅᖃᖅᖢᓂ ᓯᓚᒎᖅ ᐅᖁᕐᓂᖅᓴᐅᓚᐅᖅᐸᑦ, ᐃᓄᐃᑦ ᐊᖏᕐᕋᐅᑲᐅᑎᒋᓇᔭᙱᑦᑐᒃᓴᐅᔪᑦ.