ᑲᖏᖅᖠᓂᕐᒥ ᐃᖃᐃᓕᓴᖅᑏᑦ ᐱᓕᕆᕐᔪᐊᖅᓯᒪᔪᑦ ᑮᓇᐅᔾᔭᒃᓴᕋᓱᒃᖢᑎᒃ ᐱᙳᐊᕆᐊᖅᑐᕐᕕᒋᓂᐊᖅᑕᖓ ᖃᓂᓪᓕᕙᓪᓕᐊᑎᓪᓗᒍ

309

ᑕᒪᑐᒥᙵ ᐱᒋᐊᖅᑎᑦᑎᓚᐅᖅᑐᖅ ᐊᒻᒪᓗ ᒥᐊᓂᖅᓯᔨᓂᒃ ᐊᖓᔪᖅᑳᖅ ᐊᖅᓴᕐᓃᑦ ᐅᔭᐅᑦᑕᒃᑯᓐᓄᑦ ᑲᖏᖅᖠᓂᕐᒥ, ᓖᓴ ᑯᕆᔅᑭ, ᑲᓇᑕᒥ ᐅᑭᐅᖅᑕᖅᑐᒥ ᐱᙳᐊᕕᒡᔪᐊᖅᑐᓄᙵᐅᓚᐅᖅᑐᖅ ᐃᓱᒪᒃᓴᖅᓯᐅᕈᑎᖃᓪᓚᕆᒃᖢᓂ ᐱᓇᓱᐊᕈᓯᐅᓚᐅᖅᑐᒥ.

Members of the Rankin Inlet competitive gym team, back from left, Abby Mac Donald, Kylie Mae Aksalnik and AJ Libatique, and third row from left, Maya Hidalgo, Alyson McKay, Audrey Fredlund, Raegan Tattuinee, Nefretiri Innukshuk and Caroline Gibbons, and second row from left, Latasha Nirlungayuk, Yzabell MacDonald, Kortni McKay, Kyrene Angootealuk, Rachel Tutanuak and Josie Panika, and front from left, Lexus Dion and Bailey Green, are over the moon with happiness as they receive their Team Canada uniforms for the upcoming World Gymnaestrada in Austria in Rankin Inlet on Jan. 30, 2019. Photo courtesy Lisa Kresky
Members of the Rankin Inlet competitive gym team, back from left, Abby Mac Donald, Kylie Mae Aksalnik and AJ Libatique, and third row from left, Maya Hidalgo, Alyson McKay, Audrey Fredlund, Raegan Tattuinee, Nefretiri Innukshuk and Caroline Gibbons, and second row from left, Latasha Nirlungayuk, Yzabell MacDonald, Kortni McKay, Kyrene Angootealuk, Rachel Tutanuak and Josie Panika, and front from left, Lexus Dion and Bailey Green, are over the moon with happiness as they receive their Team Canada uniforms for the upcoming World Gymnaestrada in Austria in Rankin Inlet on Jan. 30, 2019.
Photo courtesy Lisa Kresky

ᑯᕆᔅᑭ ᐃᓚᐅᖃᑕᐅᔪᖅ ᐱᙳᐊᕕᒡᔪᐊᖅᑐᓂᒃ ᐃᓚᐅᖃᑕᐅᑉᓗᓂ ᐊᕐᓇᓂᒃ ᒥᐊᓂᖅᓯᔨᐅᓂᕐᒧᑦ ᐃᓕᓐᓂᐊᖅᑐᓂᒃ ᐊᒻᒪᓗ ᑕᒪᓐᓇ ᐊᒃᑐᐊᓂᓕᒃ ᐳᕆᑎᔅ ᑲᓚᒻᐱᔭᒥ ᐱᙳᐊᖅᑎᖏᓐᓄᑦ ᐃᓕᓐᓂᐊᖅᑎᓪᓗᒍ ᒥᐊᓂᖅᓯᔨᐅᓂᕐᒧᑦ.
ᑲᓇᑕᒥ ᐱᙳᐊᕕᒡᔪᐊᖅᑐᑦ ᐱᐊᓂᒃᐸᑕ ᐱᙳᐊᖅᑎᖏᓐᓂᒃ ᑲᖏᖅᖠᓂᕐᒥ ᐊᔪᕈᓐᓃᖅᓴᖅᑎᑦᑎᒃᑲᓐᓂᕐᓂᐊᖅᑐᖅ ᑲᓇᑕᒥᐅᓂᒃ ᑭᒡᒐᖅᑐᐃᖁᓗᒋᑦ 2019-ᒥ ᓄᓇᕐᔪᐊᕐᒥᐅᑦ ᐱᒡᒍᓴᐅᔾᔪᐊᕐᓂᐊᖅᑎᓪᓗᒋᑦ ᑐᐊᓐᐴᕐᓐ, ᐋᔅᑐᕆᔭᒥ, ᔪᓚᐃ 7-ᒥ 13-ᒧᑦ.
70 ᐅᖓᑖᓂ ᓄᓇᓕᕐᔪᐊᑦ ᐱᙳᐊᕆᐊᖅᑐᕐᓂᐊᕐᓂᕋᖅᑕᐅᔪᑦ ᓄᓇᕐᔪᐊᕐᒥᐅᑦ, 20,000 ᐅᖓᑖᓃᖦᖢᑎᒃ ᐱᙳᐊᖅᑏᑦ.
ᑲᖏᖅᖠᓂᕐᒥ 22-ᖑᔪᑦ ᐱᙳᐊᖅᑎᖏᑦ ᐱᖓᓱᓂᒃ ᒥᐊᓂᖅᓯᔨᖃᖅᖢᑎᒃ ᐃᓚᐅᖃᑕᐅᓂᐊᖅᑐᑦ 600-ᓄᑦ ᑲᓇᑕᒥᐅᓄᑦ ᐱᙳᐊᕆᐊᖅᑐᕐᓂᐊᖅᑐᓄᑦ.
ᑯᕆᔅᑭ ᐅᖃᖅᖢᓂ ᐱᙳᐊᖅᑎᑯᓗᖏᒡᒎᖅ ᖁᕕᐊᓱᓪᓚᕆᓚᐅᖅᑐᑦ ᐊᓐᓄᕌᕆᓂᐊᖅᑕᖏᑦ ᑎᑭᒻᒪᑕ ᑕᖅᑭᐅᓚᐅᖅᑐᒥ.
ᐅᖃᖅᖢᓂ ᑲᖏᖅᖠᓂᕐᒥᒎᖅ ᐱᙳᐊᖅᑏᑦ ᐅᑉᓗᕐᓂᒃ ᓈᓴᐃᖏᓐᓇᖅᑐᑦ ᑕᐃᒪᙵᓂ ᖁᕕᐊᓱᒡᕕᐅᖅᑳᖅᑎᓐᓇᒍ.
“ᐊᓐᓄᕌᖅᑖᖏᑦ ᓇᓗᓇᕈᓐᓃᕈᑕᐅᒃᑲᓐᓂᓚᐅᖅᑐᑦ ᐊᐅᓪᓚᕐᓂᐊᕐᓂᖏᓐᓄᑦ ᐊᒻᒪᓗ ᓇᓗᓇᐃᕈᑕᐅᑉᓗᓂ ᓂᕕᐊᖅᓵᑯᓗᖕᓄᑦ ᐱᕕᒃᓴᕆᔭᖓ ᓇᐃᓪᓕᕙᓪᓕᐊᖕᒪᑦ,” ᑕᐃᒪᓐᓇ ᐅᖃᖅᖢᓂ ᑯᕆᔅᑭ.
“ᑕᐅᑐᒃᑕᒃᑯᑦ 130 ᐅᑉᓗᑦ ᐅᖓᑖᓂᑐᐃᓐᓇᐅᓕᖅᑐᖅ, ᑕᐃᒪᐃᒻᒪᑦ ᓂᕕᐊᖅᓵᑯᓗᐃᑦ ᐊᓕᐊᓇᐃᒍᓱᒃᑲᓐᓂᖅᓯᒪᔪᑦ, ᑕᐃᒪᐃᑦᑐᓐᓇᕋᓗᐊᕐᓂᕈᑎᒃ.”
ᐊᓕᐊᓇᐃᒍᓱᒃᑎᓪᓗᒋᑦ – ᐊᒻᒪᓗ 22-ᖑᑎᓪᓗᒋᑦ ᓂᕕᐊᖅᓵᑯᓗᐃᑦ ᐊᔪᙱᑦᑐᑯᓗᐃᑦ ᑲᖏᖅᖠᓂᕐᒥᐅᑕᑦ ᐃᓚᐅᖃᑕᐅᓂᐊᖅᑐᑦ ᑲᓇᑕᒥᐅᑕᓂᒃ ᑭᒡᒐᖅᑐᐃᔨᐅᓂᕐᒧᑦ – ᐊᑕᐅᓯᒃᑲᓐᓂᖅ ᐱᔭᕆᐊᑐᔪᖅ ᑕᐃᒪᐅᔪᖅ ᐊᒻᒪᓗ, ᑕᐃᒪᐃᓐᓇᕋᔪᖕᒪᑦ ᐅᑭᐅᖅᑕᖅᑐᒥ. ᑕᒪᓐᓇ ᐊᒃᓱᕈᕐᓇᖅᑐᒃᑰᕈᑕᐅᔪᖅ ᑮᓇᐅᔭᖅ.
ᐱᙳᐊᖅᑏᑦ ᐱᒡᒍᓴᐅᔾᔪᐊᖃᑕᐅᓯᒪᔪᑦ ᐊᓯᖏᓐᓂᒃ ᐱᙳᐊᖅᑎᓂᒃ ᒪᕐᕉᖕᓂᒃ ᐅᑭᐅᓂᒃ ᖄᖏᖅᓯᒪᔪᓂᒃ ᑕᐃᒪᐃᓚᐅᖅᑎᓪᓗᒋᑦ ᐋᔅᑐᕆᔭᒧᙵᐅᔪᓐᓇᖅᓯᒪᓕᖅᑐᑦ ᑭᒡᒐᖅᑐᐃᔭᖅᑐᖅᓯᒪᓗᑎᒃ ᑲᓇᑕᒥᐅᓂᒃ.
ᑕᒪᒃᑯᐊ ᐅᐸᖕᓂᐊᕐᓗᒋᑦ ᐊᑭᑐᔫᖃᑦᑕᕐᒪᑕ, ᐱᙳᐊᖅᑏᑦ ᐃᑲᔪᖅᑎᖏᓪᓗ ᐱᓕᕆᕐᔪᐊᖅᓯᒪᒐᓗᐊᖅᑎᓪᓗᒋᑦ ᑮᓇᐅᔾᔭᒃᓴᕐᓂᒃᑯᑦ, ᐊᒥᒐᖅᓯᔪᑦ ᓱᓕ $60,000-ᒥᒃ ᑐᕌᒐᕆᔭᒥᓄᑦ ᐱᕕᒃᓴᕆᔭᖓᓗ ᓄᖑᓕᖅᖢᓂ.
ᑯᕆᔅᑭ ᐅᖃᖅᖢᓂ ᐃᖕᒥᓂᒎᖅ, ᓂᕕᐊᖅᓵᑯᓗᐃᓪᓗ ᐊᒻᒪᓗ ᐊᖓᔪᖅᑳᕆᔭᐅᔪᑦ ᓂᕆᐅᖕᓂᓖᑦ ᓱᓕ ᐊᒻᒪᓗ ᖃᐅᔨᒪᔪᑦ ᑕᒪᓐᓇ ᑎᑭᑦᑐᓐᓇᕐᓂᐊᕋᒥᐅᒃ ᐱᓕᕆᕐᔪᐊᖏᓐᓇᕐᓂᐊᖅᑐᑦ ᑮᓇᐅᔭᓕᐅᕐᓂᕐᒧᑦ.
ᐅᖃᖅᖢᓂᓗ ᐱᓕᕆᐊᒃᓴᓕᒻᒪᕆᐊᓗᐃᑦ ᓱᓕᒎᖅ ᐊᒻᒪᓗ ᓴᐱᓕᖅᓯᒪᔪᖃᙱᑦᑐᖅ. “ᐅᒃᐱᕈᓱᑦᑎᐊᕆᐊᖃᕋᑉᑕ ᑮᓇᐅᔭᓂᒃ ᑲᑎᑦᑎᐊᓂᖕᓂᐊᕐᓂᑉᑎᓐᓄᑦ. “ᓇᓂᓯᓂᐊᖅᑐᒍᑦ ᖃᓄᖅ ᑲᑎᑦᑎᒃᑲᓐᓂᕈᓐᓇᕐᒪᖔᑉᑕ, ᑕᐃᒪᐃᒻᒪᑦ ᐱᓕᕆᕐᔪᐊᖅᑐᒍᑦ ᑕᐅᑐᒃᖢᑕ ᑎᑭᒋᐊᖃᖅᑕᑉᑎᓐᓄᑦ.
“ᐃᒐᓯᒪᔪᓂᒃ ᓂᐅᕕᐊᒃᓴᖃᓚᐅᕐᒥᔪᒍᑦ, ᐊᒧᔭᒃᓴᓂᒃ ᓂᐅᕕᐊᒃᓴᖃᖃᑦᑕᕐᓂᐊᕐᒥᔪᒍᑦ, ᐊᒻᒪᓗ ᑐᓂᐅᖅᑲᐃᖏᓐᓇᖅᑐᒍᑦ ᓇᖕᒥᓂᓕᖕᓄᑦ ᑎᒥᖁᑎᒋᔭᐅᔪᓄᓪᓗ ᐃᑲᔫᓯᐊᖅᑖᕈᒪᓂᕐᒧᑦ ᑕᐃᒪᓐᓇᕈᓘᔭᖅ ᐱᓕᕆᔪᒍᑦ.
“ᐊᒃᓱᕈᕐᓇᖅᑐᒻᒪᕆᐊᓗᒃ ᑮᓇᐅᔾᔭᒃᓴᕋᓱᒃᖢᓂ ᑲᖏᖅᖠᓂᕐᒥ ᒫᓐᓇ ᑕᐃᒫᓘᑎᓪᓗᒋᑦ ᐊᓯᖏᑦ ᐱᙳᐊᖅᑏᑦ ᑮᓇᐅᔾᔭᒃᓴᕋᓱᒃᑐᑦᑕᐅᖅ – ᐊᒥᓱᑦ ᑮᓇᐅᔾᔭᒃᓴᕋᓱᒃᑎᓪᓗᒋᑦ ᐊᑐᖅᑕᐅᔪᓐᓇᖅᑐᑦ ᐊᒥᒐᓕᖃᑦᑕᖅᑐᑦ ᓄᓇᓕᖕᒥ, ᑭᓯᐊᓂ ᓴᐱᓕᔾᔮᙱᑦᑐᒍᑦ ᐊᒻᒪᓗ ᐅᒃᐱᕈᓱᒃᑐᒍᑦ ᑎᑭᑦᑐᓐᓇᕐᓂᐊᕐᓂᑉᑎᓐᓄᑦ ᑐᕌᒐᕆᔭᑉᑎᓐᓄᑦ.