ᐅᔾᔨᖅᑐᕐᓂᖅ ᐊᔪᙱᓐᓂᕆᔭᒥᓂᒃ

122

ᐃᓚᐅᖃᑕᐅᓂᐊᕐᓂᖅ ᐊᕐᕌᒍᑕᒫᒃᑯᑦ ᐱᒡᔪᓴᐅᔾᔪᐊᖃᑦᑕᖅᑐᓂᒃ ᑲᓇᑕᒥ ᓄᓇᕗᒥ ᖁᕕᐊᒋᔭᐅᑦᑎᐊᖅᑐᖅ ᓱᓕ ᐃᓕᓐᓂᐊᖅᑐᓄᑦ ᔮᓐ ᐊᕐᓈᓗᒡᔪᐊᖅ ᐃᓕᓐᓂᐊᕐᕕᒡᔪᐊᕐᒥᙶᖅᑐᓄᑦ ᐊᕐᕕᐊᓂ. ᐅᑭᐅᖑᔪᖅ 7 ᓂᕕᐊᖅᓵᑯᓗᐃᑦ ᐃᓕᓐᓂᐊᖅᑐᑦ ᐃᖃᓗᖕᓄᙵᐅᓂᐊᖅᑐᑦ ᐱᒡᔪᓴᐅᔾᔪᐊᕆᐊᖅᑐᕐᓗᑎᒃ 6-ᖑᔪᓄᑦ ᐱᒡᒍᓴᐅᔾᔪᐊᕐᓂᐅᓂᐊᖅᑐᓄᑦ ᐊᐃᕆᓕ 27-ᒥ ᐊᒻᒪᓗ 28-ᒥ.

ᔮᓐ ᐊᕐᓈᓗᒡᔪᐊᖅ ᐃᓕᓐᓂᐊᕐᕕᒡᔪᐊᑉ ᐃᓕᓐᓂᐊᖅᑐᖁᑎᖓ ᐊᐱ - ᕈᔅ ᑲᑦᓱᐊᖅ ᐊᕐᕕᐊᕐᒥᐅᑕᖅ ᐊᐃᖏᑦᑐᓕᐅᖅᑐᖅ ᕿᓯᖕᒧᑦ ᓴᓇᔭᒥᓂᒃ ᐸᕐᓇᒃᐸᓪᓕᐊᑉᓗᓂ ᐃᓕᖅᑯᓯᑐᖃᑎᒍᑦ ᒥᖅᓱᕐᓂᒃᑯᑦ ᐊᔪᙱᓛᖑᓇᓱᖕᓂᐊᖅᑎᓪᓗᒍ ᑲᓇᑕᒥ  ᓄᓇᕗᒥᐱᒡᔪᓴᐅᔾᔪᐊᖅᑐᓂᒃ ᐃᖃᓗᖕᓂ ᐊᐃᕆᓕ 27-ᒥ ᐊᒻᒪᓗ 28-ᒥ.
ᔮᓐ ᐊᕐᓈᓗᒡᔪᐊᖅ ᐃᓕᓐᓂᐊᕐᕕᒡᔪᐊᑉ ᐃᓕᓐᓂᐊᖅᑐᖁᑎᖓ ᐊᐱ – ᕈᔅ ᑲᑦᓱᐊᖅ ᐊᕐᕕᐊᕐᒥᐅᑕᖅ ᐊᐃᖏᑦᑐᓕᐅᖅᑐᖅ ᕿᓯᖕᒧᑦ ᓴᓇᔭᒥᓂᒃ ᐸᕐᓇᒃᐸᓪᓕᐊᑉᓗᓂ ᐃᓕᖅᑯᓯᑐᖃᑎᒍᑦ ᒥᖅᓱᕐᓂᒃᑯᑦ ᐊᔪᙱᓛᖑᓇᓱᖕᓂᐊᖅᑎᓪᓗᒍ ᑲᓇᑕᒥ ᓄᓇᕗᒥᐱᒡᔪᓴᐅᔾᔪᐊᖅᑐᓂᒃ ᐃᖃᓗᖕᓂ ᐊᐃᕆᓕ 27-ᒥ ᐊᒻᒪᓗ 28-ᒥ.

ᔮᓐ ᐊᕐᓈᓗᒡᔪᐊᖅ ᐃᓕᓐᓂᐊᕐᕕᒡᔪᐊᕐᒥᙶᕐᓂᐊᖅᑐᑦ ᓴᓯᑎ ᓴᐃᓐᑦ ᔮᓐ ᐊᒻᒪᓗ ᑭᑎ ᓱᓗᒃ (ᑕᕐᕆᔭᐅᓯᐅᖅᑎᐅᓂᕐᒧᑦ), ᒪᐃᒐᓐ ᑕᓯᐅᖅ (ᐅᖃᓪᓚᒃᑎᐅᓂᕐᒧᑦ), ᒪᓗᕆ ᐅᖃᑦᓯᐊᖅ (ᓄᔭᓕᕆᔨᐅᓂᕐᒧᑦ), ᐋᓂ ᕿᑎᖅᖠᓗᒃ (ᓴᓇᓂᒃᑯᑦ ᐆᒃᑐᕋᖅᑎᐅᓂᒃᑯᑦ) ᐊᐱ – ᕈᔅ ᑲᑦᓱᐊᖅ (ᐃᓕᖅᓯᑐᖃᑎᒍᑦ ᒥᖅᓱᖅᑎᐅᓂᒃᑯᑦ) ᐊᒻᒪᓗ ᓇᑕᓕ ᐸᐃᑯ (ᐱᐅᓴᐃᔪᓐᓇᕐᓂᒃᑯᑦ).

ᒍᐊᑦ ᐱᓗᑦ ᒥᐊᓂᖅᓯᔨᐅᔪᖅ ᐊᕐᕕᐊᕐᒥᐅᑦ ᐃᓕᓐᓂᐊᖅᑐᖁᑎᖏᓐᓂᒃ ᐃᑲᔪᖅᑎᖃᖅᖢᓂ ᒪᕐᕉᖕᓂᒃ ᐃᓕᓐᓂᐊᖅᑎᑦᑎᔨᓂᒃ ᐊᕐᓇᐅᔪᓂᒃ ᐃᓄᒡᓚᒃ ᐃᓕᓐᓂᐊᕐᕕᖓᓂᙶᖅᑐᓂᒃ ᑎᑭᕋᕐᔪᐊᕐᒥ, ᐃᓕᓐᓂᐊᖅᑐᖁᑎᖏᑦᑕ ᐃᓚᖏᑦ ᐱᔪᒪᔪᓐᓃᓚᐅᖅᖢᑎᒃ ᐊᐅᓪᓚᕐᓂᐊᑦᑎᐊᓕᖅᑎᓪᓗᒋᑦ. ᐱᓗᑦ ᐅᖃᖅᖢᓂ ᐱᓕᕆᖃᑎᖄᕐᔪᓚᐅᖅᑐᕉᖅ ᑕᕐᕆᔭᐅᓯᐅᖅᑎᐅᔪᒪᔪᒥᒃ ᓴᐃᓐᑦ ᔮᓐᒥᒃ ᐊᒻᒪᓗ ᓱᓗᖕᒥᒃ ᐱᒡᒍᓴᐅᔾᔪᐊᕆᐊᖅᑳᖅᑎᓐᓇᒋᑦ.

“ᐊᔾᔨᐅᙱᑦᑑᔪᖅ ᐅᕙᒻᓄᑦ ᐅᑭᐅᖅ ᐃᓕᓐᓂᐊᖅᐸᓪᓕᐊᑉᓗᖓ ᒥᐊᓂᖅᓯᔨᐅᒐᒪ ᐊᒻᒪᓗ ᐃᓕᓐᓂᐊᖅᑎᑦᑎᔨᐅᖏᓐᓇᕈᓐᓃᕋᒪ ᐃᓕᓐᓂᐊᕐᕕᖕᒥ, ᑕᐃᒪᐃᒻᒪᑦ ᑕᕐᕆᔭᐅᓯᐅᖅᑎᐅᓂᕐᒥᒃ ᐃᓕᓐᓂᐊᖅᑎᑦᑎᑐᐃᓐᓇᖃᑦᑕᕈᓐᓃᖅᖢᖓ,” ᑕᐃᒪᓐᓇ ᐅᖃᖅᖢᓂ ᐱᓗᑦ.

ᐅᒃᐱᕈᓱᑦᑎᐊᖅᑐᖓ ᑕᐃᑉᑯᐊᒃ ᒪᕐᕉᒃ ᐃᓕᓐᓂᐊᕐᓂᓖᒃ 9-ᒥᒃ ᐊᔪᙱᑦᑎᐊᕐᒪᑎᒃ ᐃᓱᒪᖅᑯᖅᑐᔪᐊᓘᑉᓗᑎᒃ, ᓱᓇᑐᐃᓐᓇᕐᓂᒃ ᓴᓇᔪᓐᓇᖅᖢᑎᒃ, ᐃᓱᒪᓕᐅᕈᓐᓇᑦᑎᐊᖅᖢᑎᒃ, ᐊᒻᒪᓗ ᑲᑉᐱᐊᓱᙱᑦᑑᒃ ᓂᐱᖃᕆᐊᒃᓴᖅ ᐊᔾᔨᓕᐅᕆᔨᐅᓂᒃᑯᑦ ᐅᕝᕙᓘᓐᓃᑦ ᐊᐱᖅᓱᕆᐊᒃᓴᖅ.”

ᐱᓗᑦ ᐅᖃᖅᖢᓂ ᐊᓕᐊᓇᐃᒍᓱᒃᑐᕉᖅ ᐅᖃᖃᑎᖃᕈᓐᓇᐃᓐᓇᕋᒥ ᓴᐃᓐᑦ ᔮᓐᒥᒃ ᐊᒻᒪᓗ ᓱᓗᖕᒥᒃ ᐃᓕᓐᓂᐊᖅᑎᑦᑎᔨ ᐊᐅᓚᕆᐊᖃᓕᑳᓪᓚᓚᐅᖅᑎᓪᓗᒍ.

ᐅᖃᖅᖢᓂ ᑕᐃᒪᐃᒻᒪᒎᖅ ᐃᓕᓐᓂᐊᖅᑎᑦᑎᔭᕆᐊᖃᓕᑳᓪᓚᓚᐅᖅᑐᖅ ᖁᑦᑎᖕᓂᓕᖕᓂᒃ 9A-ᒥᒃ ᖃᑉᓗᓈᑎᑐᑦ ᐃᓕᓐᓂᐊᖅᑎᑦᑎᓂᒃᑯᑦ, ᑕᐃᑯᐊᒡᓗ ᒪᕐᕉᒃ ᑕᕐᕆᐅᓯᐅᖅᑎᐅᓂᕐᒧᑦ ᐃᓕᓐᓂᐊᖅᑑᒃ ᑕᐃᑲᓂ ᐃᓕᓐᓂᐊᖃᑕᐅᑉᓗᑎᒃ.

“ᓵᓯᑎ ᐊᒻᒪᓗ ᑭᑎ ᐊᖏᕐᒪᑎᒃ ᑕᕐᕆᔭᐅᓯᐅᖅᑎᐅᓂᕐᒧᑦ ᐱᒡᒍᓴᐃᔾᔪᐊᕈᒪᓂᒃᑯᑦ ᐃᓕᓐᓂᐊᓕᑲᐅᑎᒋᓚᐅᖅᑑᒃ, ᐊᒻᒪᓗ ᓯᕗᓪᓕᖅᐹᒃᑯᑦ ᐅᐊᔪᓕᐊᖓᓂᒃ ᓴᖅᑭᑎᑦᑎᓚᐅᖅᖢᑎᒃ ᑐᓂᓯᔪᓐᓇᓕᓚᐅᖅᖢᑎᒡᓗ ᐅᐊᔪᓕᐊᒥᓂᒃ ᖃᐅᔨᓴᖅᑎᓄᑦ ᐃᖃᓗᖕᓂ ᒪᕐᕉᒃ ᐱᓇᓱᐊᕈᓰᒃ ᓯᕗᓂᐊᓂ ᐱᒡᒍᓴᐅᔾᔪᐊᕆᐊᖅᑐᖅᑳᕋᑎᒃ.

“ᐅᐊᔪᓕᐅᓚᐅᖅᑑᒃ ᓴᓯᑎ ᐊᓈᓇᒥᓂᒃ ᐅᖃᖃᑎᖃᖅᖢᓂ ᑐᕌᖓᔪᖅ ᐊᖓᔪᖅᑳᕆᔭᐅᔪᑦ ᐊᔭᐅᖅᑐᐃᔭᕆᐊᖃᕐᓂᖏᓐᓄᑦ ᓄᑕᖅᑲᒥᓂᒃ ᓱᓇᙳᖅᓴᔪᓐᓇᖁᑉᓗᒋᑦ ᓯᕗᓂᒃᓴᒥ ᓴᓇᓂᒃᑯᑦ.

“ᖃᐅᔨᓴᓚᐅᖅᑐᒍᑦ ᑕᓪᓕᒪᓂᒃ ᐱᔾᔪᑕᐅᓇᔭᖅᑐᓂᒃ ᓱᖕᒪᑦ ᐊᖓᔪᖅᑳᕆᔭᐅᔪᑦ ᑕᐃᒪᐃᓕᐅᕆᐊᖃᕋᔭᕐᒪᖔᑕ, ᐊᒻᒪᓗ ᐅᖃᖃᑎᒌᖕᓂᐊᖅᑐᓄᑦ ᐃᓕᐅᖅᑲᖅᖢᒋᑦ ᓴᓯᑎᒧᑦ ᐊᒻᒪᓗ ᐊᓈᓇᖓᓄᑦ ᐅᐊᔪᓕᐊᕈᑎᒃᓴᒃᑯᑦ ᐋᖅᑭᐅᒪᑦᑎᐊᖅᑐᐊᓘᓚᐅᖅᑐᖅ.”

ᑕᕐᕆᔭᐅᓯᐅᕐᓂᒃᑯᑦ ᐃᓚᐅᑕᐅᔪᑦ ᖃᐅᔨᒪᙱᑦᑐᑦ ᖃᓄᐃᑦᑐᒥᒃ ᐅᐊᔪᓕᐅᖁᔭᐅᓂᐊᕐᒪᖔᕐᒥᒃ ᐃᖃᓗᖕᓂ.

ᑕᐃᒪᐃᒻᒪᑦ, ᖃᐅᔨᒪᔭᕆᐊᓖᑦ ᖃᓄᐃᓕᐅᕈᑕᐅᓇᔭᖅᑐᓂᒃ, ᓲᕐᓗ ᖁᕝᕙᖅᑎᕆᓂᕐᒧᑦ ᐃᓕᓐᓂᐊᕈᑎᒃᓴᓂᒃ ᐊᒻᒪᓗ ᓂᐅᕕᒃᓴᖃᕐᓂᒃᑯᑦ ᐅᐊᔪᓕᐊᖑᕙᒃᑐᓂᒃ, ᐊᒻᒪᓗ ᓇᐃᑦᑐᒃᑯᑦ ᑕᕐᕆᔭᐅᓯᐅᖃᑦᑕᕐᓂᕐᒧᑦ.