Editorial: ᐱᓪᓚᕆᒋᐊᖃᓕᖅᐳᒍᑦ ᓄᕙᒡᔪᐊᕐᓇᖅ-19–ᒧᑦ

215

ᐅᑭᐅᖅᑕᖅᑐᒥ ᑐᓴᒐᒃᓴᓕᕆᔨᒃᑯᑦ
ᓄᓇᕐᔪᐊᒥ ᐃᓄᐃᑦ ᐃᖅᑯᒻᒪᓚᐅᖅᐳᑦ ᐱᓇᓱᐊᕈᓯᐅᓚᐅᖅᑐᒥ ᐊᔾᔨᒋᙱᑦᑕᒻᒪᕆᒋᔭᖓᓂ ᑭᖑᓪᓕᖓᓐᓂ. ᒥᕐᙳᐃᖅᓯᕐᕖᑦ, ᐳᐃᔾᔪᕋᕐᕖᑦ, ᐃᓕᓐᓂᐊᕐᕖᑦ, ᓂᕆᕖᑦ ᐊᒻᒪ ᑭᓱᓕᒫᑦ ᕿᑎᐊᓂ ᒪᑐᓯᒪᓂᐅᖅᐳᑦ ᐃᓄᖃᙱᑲᓴᒡᓗᑎᒡᓘᓐᓃᑦ ᓄᓇᕐᔪᐊᖅ ᐊᑦᑐᖏᖅᓯᓂᖏᓐᓂ ᐹᖏᓐᓂ ᐊᒻᒪ ᓴᙱᓇᓱᐊᖅᖢᑎᒃ ᐊᐃᑦᑐᐃᓂᐅᓂᐊᖅᑐᒥ ᓄᕙᒡᔪᐊᕐᓇᖅ-19–ᒥ.

ᐊᓕᐊᓇᐃᖑᒐᓗᐊᖅ, ᐊᒃᓱᓪᓘᓐᓃᑦ ᑐᓴᒐᒃᓴᓕᐅᕐᓂᕐᒧᑦ, ᓄᓇᕗᑦ ᓱᓕ ᐊᐃᑦᑐᖅᑕᐅᓯᒪᔪᖃᙱᓚᖅ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥᑦ, ᑭᓯᐊᓂ ᐊᓯᔾᔨᕈᓐᓇᖅᐳᖅ ᐅᖃᓕᒫᓕᖅᑎᓪᓗᑎᒃ ᐆᒥᖓ ᑎᑎᕋᖅᑕᐅᓯᒪᓂᐅᔪᒥ, ᐊᒻᒪ ᐃᓚᖏᑦ ᐃᓱᒪᕗᑦ ᖃᖓᑐᐃᓐᓇᑦᑎᐊᖅ ᖃᓄᐃᓐᓂᐅᔪᓂ ᐅᓂᒃᑳᕆᔭᐅᓂᐊᕐᓂᖏᓐᓂ ᓄᓇᕗᒻᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᑦ ᐊᐃᑦᑐᖅᑕᐅᓂᖃᓕᕈᓂ ᐃᑭᑦᑐᐊᓗᒃᑎᑐᑦ.

ᒫᓐᓇ ᐅᔾᔨᖅᓱᑦᑎᐊᕐᔪᐊᕐᓂᐅᔪᒥ ᐊᑐᕆᐊᖃᖅᐳᑦ ᐊᒻᒪᓗ ᐅᖃᐅᔾᔨᓂᐅᔪᑦ ᐃᓄᓕᒫᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᒪᓕᒃᑕᐅᔭᕆᐊᖃᖅᐳᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᒥᓂᔅᑕᖓ ᔪᐊᔾ ᕼᐃᒃᔅ ᐅᖃᖅᓯᒪᕗᖅ ᖃᓄᐃᓐᓂᐅᔪᒥ ᑐᐊᕕᕐᓇᖅᑐᓕᕆᓂᕐᒥ ᓄᓇᕗᒻᒥ ᐊᒻᒪ ᑕᒪᓐᓇ ᑕᑯᒃᓴᐅᑎᑦᑎᑐᐃᓐᓇᖅᐳᖅ ᐱᓪᓚᕆᐅᓂᖓᓂ ᖃᓄᐃᓐᓂᐅᔪᒥ.

ᑕᒪᑐᒪᓂᐅᔪᒥ ᐊᒃᓱᕈᕐᓇᖅᐳᑦ ᐊᒻᒪ ᐊᒃᓱᕈᖅᑎᑦᑎᓂᐊᖅᐳᖅ ᓄᓇᕗᒻᒥᐅᓂ ᑕᐃᒪᓐᓇᑎᑐᑦ ᐊᒃᓱᕈᕈᑕᐅᓚᐅᖅᓯᒪᙱᑦᑐᒥ ᓯᕗᓂᐊᓂ, ᐱᓗᐊᖅᑐᒥ ᐃᓱᒪᒋᔭᖃᕐᓂᕐᒥ ᐃᓱᒪᒋᓂᐅᔪᒥ ᐊᓯᒥᒃ ᐃᑲᔪᖃᑦᑕᕐᓂᖅ ᐱᒻᒪᕆᐅᓂᖓᓂ.

ᐃᓂᐅᔪᒥ ᕿᓕᕉᓂᐅᔪᑦ ᐳᕙᒡᓗᖕᓂᕐᒥ ᐊᒻᒪ ᐊᓂᖅᑎᕆᔾᔪᑎᓂᑦ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥᑦ ᓱᓕ ᒫᓐᓇᓕᓴᐅᕗᑦ ᐊᒻᒪ ᓱᓕ ᐊᒃᑐᐃᓂᖃᓲᖑᕗᖅ ᐊᒥᓱᓂ, ᐱᕕᖃᕐᓂᐅᔪᓂ ᐱᓕᕆᐊᖑᔭᕆᐊᖃᙱᓚᑦ.

ᐊᒥᓱᒻᒪᕆᐊᓗᖕᓂ ᐱᔾᔪᑎᖃᖅᐳᖅ ᑐᓂᓯᓂᖃᕐᓂᐊᖅᑐᒥ ᐅᓗᕆᐊᓇᕐᓂᖓᓂ ᑖᓐᓇ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᑦ ᑐᓂᓯᓂᖓᓂ ᓄᓇᕗᒻᒥᐅᓄᑦ, ᐱᔾᔪᑕᐅᓂᐅᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᑲᐅᙱᓕᐅᕈᑕᐅᔪᓂ, ᐊᔪᖅᓴᕐᓂᕐᒧᑦ ᐸᖕᒥᐅᓗᐊᖅᑐᓄᑦ ᐊᖏᕐᕋᕆᔭᐅᔪᓂ.

ᐱᒻᒪᕆᕐᔪᐊᖑᕗᖅ ᐅᔾᔨᖅᓱᕐᓂᐅᔪᓂ ᐱᓕᕆᐊᖑᓂᖏᓐᓂ ᐊᒻᒪ ᑭᒃᑯᓕᒫᑦ ᐅᔾᔨᖅᓱᕐᔪᐊᕐᓗᑎᒃ ᓴᓗᒪᑎᑦᑎᓂᕐᒥ ᐊᒻᒪ ᐃᓅᖃᑎᒌᖕᓂ ᐅᐸᒃᑕᐃᓕᓂᕐᓄᑦ ᐊᑐᕐᓂᐅᔪᓂ.

ᑕᒪᓐᓇ ᑐᑭᖃᖅᐳᖅ ᓂᕆᕕᒡᔪᐊᖅᑎᑦᑎᓂᖃᙱᓪᓗᓂ ᐅᕝᕙᓘᓐᓃᑦ ᑲᑎᙵᓂᖃᕐᔪᐊᕐᓂᖓᓂ, ᐃᒻᒥᒃᑯᑦ ᐅᖓᓯᒃᑎᑦᑎᓯᒪᓂᕐᒥ ᐃᓄᑐᖃᕐᓂ ᐅᕝᕙᓘᓐᓃᑦ ᑕᐃᒃᑯᓄᖓ ᐱᔾᔪᑕᐅᓂᐅᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᑲᐅᙱᓕᐅᕈᑕᐅᔪᓂ ᐊᔪᕐᓇᙱᑐᐊᕌᖓᑦ, ᐃᒻᒥᓂᒃ–ᐃᓄᑑᑎᑦᑎᓂᕐᒥ ᐊᐅᓪᓛᓵᓚᐅᕈᕕᑦ ᒫᓐᓇᓕᓴᒥ ᐅᕝᕙᓘᓐᓃᑦ ᐋᓐᓂᐊᕈᑕᐅᖃᑦᑕᖅᑐᓂ ᑕᑯᒃᓴᐅᓂᖃᕈᕕᑦ, ᐊᒡᒐᑎᑦ ᐅᐊᓴᖅᐸᒡᓗᒋᑦ ᐊᒻᒪ ᖁᐃᖅᓱᖅᐸᒡᓗᑎᑦ ᑕᒋᐅᒃᓴᖅᐸᒡᓗᑎᓪᓗ ᐃᑯᓯᖕᓄᑦ.

ᒫᓐᓇᓕᓴᐅᔪᒥ ᐃᓄᐃᑦ ᑕᐱᕇᑦ ᑲᓇᑕᒥ (ITK) ᓴᖅᑭᑎᑦᑎᓚᐅᖅᐳᑦ ᑐᓴᒐᒃᓴᓕᐊᖑᔪᒥ ᖃᐃᖁᔨᓂᖃᖅᑐᒥ ᒐᕙᒪᑐᖃᒃᑯᓐᓂ ᐃᓱᒪᒋᔭᖃᕐᓂᖏᓐᓂ ᐃᓄᖕᓂ “ᐊᓯᐊᒎᖅᑐᒥ, ᖁᑦᑎᒃᑐᒥ–ᐅᓗᕆᐊᓇᕐᓂᐅᔪᒥ ᑲᑎᙵᓂᐅᔪᓂ ᒐᕙᒪᑐᖃᒃᑯᑦ ᐃᑲᔪᕈᑎᒃᓴᐅᔪᓄᑦ ᐸᕐᓇᐃᓂᐅᔪᓂ.”

ᒐᕙᒪᑐᖃᒃᑯᑦ ᑐᓂᓯᔭᕆᐊᖃᓪᓚᕆᒃᐳᑦ ᐊᓯᐊᒎᖅᑐᒥ ᐃᓱᒪᒃᓴᖅᓯᐅᕆᓂᕐᒥ ᐊᒃᑐᖅᑕᐅᓴᕋᐃᑦᑐᓄᑦ ᐃᓄᖕᓄᑦ ᐅᓄᕐᓂᐅᔪᓄᑦ.
ᐃᓄᐃᑦ ᑕᐱᕇᑦ ᑲᓇᑕᒥ ᓇᓚᐅᑉᐳᑦ ᑎᒃᑯᐊᕆᓂᕐᒥ ᐊᒥᓱᐃᑦ ᐃᓄᖕᓂ ᐃᓚᒌᖑᔪᓂ ᐊᒃᓱᕈᕐᓂᖃᕐᓂᐊᕐᓂᖏᓐᓂ ᑲᑎᖅᓱᐃᓂᕐᒥ ᐊᑐᖅᑕᐅᒐᔪᒃᑐᓂ ᐱᔾᔪᑎᖃᖅᑐᒥ ᖁᑦᑎᒃᑐᐊᓗᖕᒥ ᑭᒡᓕᐅᔪᓄᑦ ᓂᕿᒃᓴᖃᑦᑎᐊᖃᑦᑕᙱᓐᓂᐅᔪᒥ. ᐱᔾᔪᑎᖃᖅᑐᒥ ᑭᒡᓕᖃᖅᑐᓂ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ ᐊᒻᒪ ᐊᑐᕐᓂᖃᖅᐸᖕᓂᖏᓐᓂ ᖃᓪᓗᓈᑦ ᓄᓇᖓᓐᓂ ᐋᓐᓂᐊᕕᐅᔪᓂ, ᐃᖅᑲᓇᐃᔭᖅᑏᑦ ᐊᒻᒪ ᖃᐅᔨᓴᕐᕕᓂᑦ, ᐃᓱᒪᓇᓱᐊᕐᓂᕐᒥ ᐊᔪᕐᓇᓗᐊᕌᓗᙱᓚᖅ ᐃᓱᒪᓂᕐᒧᑦ ᐊᒃᓱᕈᕐᓇᕐᔪᐊᕐᓂᐊᕐᓂᖓᓂ ᐃᓄᑑᓇᓱᐊᕐᓂᕐᒧᑦ ᐊᒻᒪᓗ ᐃᓅᓕᓴᕐᓂᕐᒧᑦ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᓂᑦ ᐃᓯᕐᓂᕈᓂ ᓄᓇᓕᖕᓄᑦ.

ᐊᓯᐊᒎᖅᑐᒥ ᑲᒪᒋᔭᖃᕐᓂᖓᓂ, $500 ᒥᓕᐊᓐᑐᐃᓐᓇᐅᙱᑦᑐᒥ ᑐᐊᕕᕐᓇᖅᑐᓄᑦ ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓂᖓᓂ ᐊᕕᒃᑐᖅᑕᐅᔪᒥ ᐱᖓᓱᓄᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓄᑦ, ᐱᔭᕆᐊᖃᕐᓂᐊᖅᐳᑦ ᐃᓄᖕᓂ ᐊᑦᑕᓇᔾᔭᐃᖅᑕᐅᓯᒪᓂᕐᒧᑦ.
ᐱᑕᖃᑐᐃᓐᓇᕆᐊᖃᕐᓂᖓᓂ ᐊᑐᒃᑲᓐᓂᕐᓂᕐᒥ ᑕᒻᒪᕐᓂᐅᓚᐅᖅᑐᓂ ᑕᐃᔅᓱᒪᓂᐅᓚᐅᖅᑐᒥ, ᓲᕐᓗ ᑲᒪᒋᔭᖃᕐᓂᕐᒥ ᓴᐅᓂᕐᕆᓂᕐᒥ ᐅᕝᕙᓘᓐᓃᑦ ᐊᐅᐸᓪᓛᓂᕐᒥ, ᖁᑦᑎᒃᐳᑦ ᐊᒻᒪ ᐊᑐᖅᑕᐅᓂᐅᓚᐅᖅᑐᓂ ᐸᓯᒃᖠᕐᔪᐊᕐᓂᖃᕐᓂᐊᖅᐳᖅ ᑲᓇᑕᒥ ᓄᓇᕗᑦ ᐊᑐᕐᓂᖃᖅᑎᑕᐅᒃᐸᑦ ᐊᖏᓗᐊᖅᑐᒥ ᐊᒃᑐᐃᓂᐅᔪᒥ ᓄᕙᒡᔪᐊᕐᓇᖅ-19–ᒥ.

ᐅᕙᓃᑦᑐᐃᓐᓇᐅᕗᒍᑦ ᑲᑎᙵᓪᓗᑕ. ᐱᓕᕆᓂᖃᕐᓂᐊᖅᐳᖅ ᐊᒃᓱᕈᕐᔪᐊᕐᓂᐅᔪᒥ ᓲᕐᓗ ᐅᓇᑕᕐᔪᐊᕐᓂᐅᔪᒥ ᐊᕐᓱᕈᕐᓂᐅᔪᒥ ᐊᒻᒪ ᓇᖕᒥᓂᖅ ᐱᓐᓇᕆᔭᒥ ᓴᒃᑯᐃᑦᑎᓂᐅᔪᒥ ᓇᓗᓇᐃᖅᓯᓂᕐᒧᑦ ᐊᑦᑕᓇᔾᔭᐃᖅᓯᒪᓂᐅᔪᒥ ᐅᕙᑦᑎᓐᓂ ᐊᒻᒪᓗ ᓇᒡᓕᔭᑦᑎᓐᓂ.

ᓄᓇᕗᒻᒥ ᑐᓴᒐᒃᓴᓕᕆᔨᒃᑯᑦ ᐅᓂᒃᑳᕇᓐᓇᕐᓂᐊᖅᐳᑦ ᐊᒃᓱᕈᕐᓗᑎᒃ ᑕᒪᒃᑭᓄᑦ ᑐᓴᒐᒃᓴᓕᐊᖑᔪᓄᑦ ᓄᓇᕗᒻᒥᐅᑦ ᖃᐅᔨᒪᔭᕆᐊᖃᖅᑕᖏᓐᓂ ᓄᕙᒡᔪᐊᕐᓇᖅ-19 ᒥᒃᓵᓄᑦ ᐊᒻᒪᓗ ᑕᒪᒃᑭᓂ ᐱᕙᓪᓕᐊᓂᐅᔪᓂ. ᓄᖅᑲᖅᑎᑦᑎᓯᒪᓚᐅᑲᖕᓂᐊᖅᐳᒍᑦ ᑎᑎᕋᐃᓂᕐᒥ ᑐᓴᒐᒃᓴᓕᐊᖑᔪᒥ ᐅᖃᓕᒫᒐᖓᓐᓂ ᐆᒪ ᑭᖑᓂᐊᒍᑦ ᑭᓯᐊᓂ ᑎᑎᕋᐃᖏᓐᓇᕐᓂᐊᖅᐳᒍᑦ ᑐᓴᒐᒃᓴᓕᐊᒥ ᐅᖃᓕᒫᒐᖓᓐᓂ PDF–ᑰᖓᔪᒥ ᐅᕘᓇ ᐃᑭᐊᖅᑭᕕᑦᑎᓐᓂ nunavutnews.com–ᒥ ᐃᓚᖃᖅᑐᒥ ᓄᑖᖑᓛᖑᔪᓂ ᑐᓴᒐᒃᓴᓂᑦ.
ᐊᑦᑕᓇᔾᔭᐃᖅᓯᒪᒋᑦᑎ ᐊᒻᒪ ᐸᖅᑭᖃᑦᑕᐅᑎᓗᓯ.