ᐃᓄᓕᒫᓄᑦ ᐅᒃᐱᕈᓱᖕᓂᐅᔪᒥ ᑲᓇᑕᒥ ᐸᓖᓯᒃᑯᓐᓄᑦ – ᓄᓇᕘᑉ ᐸᓖᓯᒃᑯᓐᓂ ᐱᔨᑦᑎᕋᕐᓂᐅᔪᖅ – ᒪᓕᖕᓂᖃᖅᐳᖅ ᑕᒪᒃᑭᐅᒪᔪᒥ ᑭᐅᓂᖃᑦᑎᐊᕆᐊᖃᖅᐳᑦ ᐊᒻᒪ ᐃᒻᒥᒃᑰᓪᓚᕆᖕᓂᖏᓐᓂ ᖃᐅᔨᓴᐃᓂᖃᕆᐊᖃᖅᐳᑦ
ᐊᑲᐅᙱᓕᐅᕈᑎ:
ᑲᓇᑕᒥ ᐸᓖᓯᒃᑯᑦ ᓴᖅᑭᔮᑦᑎᐊᕆᐊᖃᖅᐳᑦ
ᐅᖃᖅᐳᒍᑦ:
ᐱᐅᓯᒋᐊᕆᐊᖃᖅᐳᖅ
ᐋᑐᕚᒥ ᐸᓖᓯᒃᑯᓐᓄᑦ ᐱᔨᑦᑎᕋᖅᑎᐅᔪᑦ ᐱᔭᕇᖅᓯᓯᒪᓕᖅᐳᑦ ᖃᐅᔨᓴᕐᓂᐅᔪᒥ ᑲᓇᑕᒥ ᐸᓖᓯᒃᑯᓐᓄᑦ ᖁᑭᖅᓯᓂᐅᔪᒥ ᐃᓄᐊᖅᓯᓂᐅᔪᒥ ᑭᙵᕐᒥᐅᑕᒥᑦ.
ᐃᓄᐊᖅᓯᓂᖃᓚᐅᖅᑐᖅ ᕕᕈᐊᕆ 26–ᒥ. ᒪᓕᒃᑐᒥ ᖃᐅᔨᓴᖅᑕᐅᓂᐅᔪᖅ ᐱᓇᓱᐊᕈᓯᑲᓴᖕᓂ 24–ᓂ ᐱᔭᕇᖅᑕᐅᓇᓱᐊᓚᐅᖅᐳᖅ.
ᑕᐃᑲᓂ ᐱᓕᕆᓂᐅᔪᒥ, ᐋᑐᕚᒥ ᐸᓖᓯᒃᑯᓐᓄᑦ ᐱᔨᑦᑎᕋᖅᑎᐅᔪᑦ ᐊᒻᒪᓗ ᑲᓇᑕᒥ ᐸᓖᓯᒃᑯᑦ ᐊᐱᕆᔭᐅᓚᐅᖅᐳᑦ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓂ ᓇᓂᔭᐅᓂᐅᔪᑦ ᖃᐅᔨᓴᖅᑕᐅᓂᐅᔪᒥ ᐅᓐᓂᒃᑳᓕᐊᖓ ᓴᖅᑭᑕᐅᓂᐊᕐᒪᖔᑦ ᐃᓄᓕᒫᓄᑦ. ᓇᓕᐊᑐᐃᓐᓇᐃᑦ ᐸᓖᓯᐅᔪᑦ ᑭᐅᔪᒪᓚᐅᙱᓚᑦ.
ᐱᓇᓱᐊᕈᓯᕐᒥ ᐊᓂᒍᕐᒪᑦ ᐅᓂᒃᑳᓕᐊᖑᔪᖅ ᑐᓂᔭᐅᓚᐅᖅᑎᓪᓗᒍ ᐸᓖᓯᒃᑯᓐᓄᑦ, ᐱᔾᔪᑕᐅᔪᑦ ᖃᓄᐃᒻᒪᑦ ᐃᓅᓯᐅᔪᒥ ᐱᔭᐅᓚᐅᕐᓂᖓᓂ ᑭᙵᕐᓂ ᓱᓕ ᑐᑭᓯᓇᓚᐅᙱᓚᖅ ᐊᒻᒪ ᖃᐅᔨᒪᔭᐅᓚᐅᙱᓚᖅ ᓴᖅᑭᑎᑕᐅᓛᕐᓂᖓᓂ.
ᑐᖁᖓᔪᓕᕆᔨᐅᑉ ᖃᐅᔨᓇᓱᐊᕐᓂᖓᓂ ᓱᓇᒧᑦ ᑐᖁᔾᔪᑕᐅᓐᓂᕐᒪᖔᑦ ᓇᓗᓇᐃᖅᑕᐅᓯᒪᙱᓚᖅ ᑕᐃᒪᐃᓐᓂᐊᕐᒪᖔᑦ.
ᐃᓚᒋᔭᐅᔪᑦ ᐃᓅᔪᓐᓃᖅᓯᒪᔪᒧᑦ ᕿᓂᖅᑐᒃᓴᐅᕗᑦ ᑭᐅᔾᔪᑎᓂᑦ ᐊᒻᒪᓗ ᓄᓇᓕᐅᑉ ᒪᐃᔭᖓ ᐅᖃᖅᐳᖅ ᓄᓇᓕᖕᒥᐅᑕᐃᑦ ᐅᓂᒃᑳᕐᕕᐅᓪᓗᐊᖅᐳᑦ. ᓇᓚᐅᑉᐳᖅ.
ᑕᐃᒪᓐᓇᑦᑕᐅᖅ ᓱᓕᓂᐊᕆᕗᖅ ᑲᖏᖅᖢᒑᐱᖕᒥ, ᐸᓖᓯᐅᔪᒥ ᖁᑭᐅᑎᒥᓂᒃ ᐊᒧᓯᓚᐅᖅᑐᒥ ᐊᒻᒪ ᖁᑭᖅᓯᓪᓗᓂ ᓄᓇᖃᖅᑎᐅᔪᒥ ᒪᐃ 5–ᒥ.
ᑕᑯᒃᓴᐅᙱᓐᓂᐅᔪᖅ ᖃᓄᐃᓕᖓᓂᖓᓂ ᐸᓖᓯᓂᑦ ᐃᓄᑑᓪᓗᑎᒃ ᖃᐅᔨᓴᖅᑎᐅᓪᓗᑎᒃ ᒪᓕᒐᓕᕆᔨᐅᖃᑎᒥᓂᒃ ᐸᓖᓯᐅᔪᓂᑦ, ᐊᓯᐊᓂ ᐱᔪᓐᓇᕐᓂᖃᕐᓂᕐᒥᙶᕋᓗᐊᖅᑎᓪᓗᒋᑦ, ᐊᑯᓂᐊᓗᒃ ᓈᒻᒪᒋᔭᐅᙱᓯᒪᕗᖅ, ᑕᐃᒪᐃᓪᓗᐊᖅᖢᑎᒃ. ᐱᔪᓐᓇᕐᓂᕆᔭᓂ ᐃᓚᓐᓈᕐᓂᐅᓂᖃᖅᐳᖅ ᐸᓖᓯᓂᒃ ᐃᓱᒪᓕᐅᕐᓂᖏᓐᓂ ᖃᓄᐃᓕᐅᕐᓂᐅᔪᓂ ᐸᓖᓯᐅᖃᑎᒥᓂᑦ.
ᐃᒻᒥᒃᑰᖅᑐᒥ ᑎᒥᐅᔪᓂ ᐊᑕᐅᓯᑐᐊᕐᒥ ᐸᓖᓯᖃᖅᑐᒥ ᐊᒻᒪ ᖃᔅᓯᒐᓚᖕᓂ ᐃᓄᑐᐃᓐᓇᐅᔪᓂ ᐱᔨᑦᑎᕋᑦᑎᐊᕐᓂᖅᓴᐅᓇᔭᖅᐳᑦ ᓄᓇᕗᒻᒥ. ᖃᓪᓗᓈᑦ ᓄᓇᖓᓐᓂ, ᑲᓇᑕᒥ ᐅᖃᓕᒫᒐᓕᐅᖅᑎᓂᑦ ᖃᐅᔨᓴᕐᓂᐅᔪᒥ ᓇᓂᓯᓚᐅᖅᐳᑦ ᑕᐃᔪᐅᓂᐅᔪᒥ ᐃᓄᑐᐃᓐᓇᕐᓂ ᑲᑎᒪᔨᐅᔪᓂ ᐸᓖᓯᒃᑯᓐᓂ ᑭᐅᓂᖃᑦᑎᐊᕐᓂᖏᓐᓂ ᐃᓗᓕᖃᓲᖑᕗᑦ ᐸᓖᓯᕕᓂᐅᔪᓂᑦ – 111–ᖑᔪᑦ 167–ᖑᔪᓂ ᐅᑯᓇᓂ ᐃᓂᐅᔪᓂ ᐃᓄᖃᖅᐳᑦ ᐸᓖᓯᕕᓂᐅᔪᓂᑦ.
ᐱᐅᓂᖅᓴᒐᓛᖑᕗᖅ ᐊᑕᐅᓯᕐᒥ ᐸᓖᓯᐅᔪᓂᑦ ᖃᐅᔨᓴᕐᓂᖏᓐᓂ ᐸᓖᓯᐅᖃᑎᒥᓂᑦ.
ᑲᓇᑕᒥ ᒪᓕᒐᓕᐊᕆᔭᐅᔪᒥ ᖃᐅᔨᓴᖅᑎ ᕘᓇᓐ ᐅᐊᐃᑦ ᐅᖃᐅᔾᔨᓚᐅᖅᐳᖅ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓂ ᐃᑲᔪᖅᓱᐃᓇᔭᕐᓂᖓᓂ ᐃᓱᒪᓂᐅᔪᒥ ᐃᓄᑐᐃᓐᓇᓂ ᑲᒪᔨᐅᔪᓂ ᑎᒥᐅᔪᓂ ᐃᑲᔪᖅᓱᐃᓂᖏᓐᓂ ᖃᐅᔨᓴᕐᓂᐅᔪᓄᑦ ᑲᓇᑕᒥ ᐸᓖᓯᒃᑯᓐᓄᑦ ᖃᓄᐃᓕᐅᕐᓂᖏᓐᓂ ᓄᓇᕗᒻᒥ, ᒪᓕᒐᓕᕆᔨᒃᑯᑦ ᒥᓂᔅᑕ ᔩᓂ ᐃᕼᐊᓗᐊᒃ ᐅᖃᓚᐅᖅᐳᖅ ᐃᓱᒪᒃᓴᖅᓯᐅᕆᔭᐅᓂᐊᕐᓂᖓᓂ ᐅᑭᐅᒃᑯᑦ ᐃᒃᓯᕚᕐᓂᐅᔪᒥ ᒪᓕᒐᓕᐅᖅᑎᒃᑯᓐᓂ. ᐅᐊᐃᑦ ᐱᐅᒋᓂᖅᓴᐅᔭᖓᓂ ᐃᓱᒪᒋᓂᐅᔪᒥ ᐃᓄᑐᐃᓐᓇᕐᓂ ᑲᒪᒋᔭᖃᕐᓂᐅᔪᒥ ᑎᒥᐅᔪᒥ ᓇᒃᓴᕐᓂᖃᓪᓗᐊᖅᐳᖅ ᐊᒃᑐᐃᓂᖃᖅᑐᒥ ᒪᓕᒐᓕᕆᓂᐅᔪᒧᑦ ᓴᓂᓕᖓᓂ ᑎᑎᕋᖅᑕᐅᓯᒪᓂᐅᔪᓄᑦ, ᓄᓇᕗᒻᒥ ᐸᓖᓯᓄᑦ ᐊᖓᔪᖅᑳᖑᓚᐅᖅᓯᒪᓂᖓᓂ 2001–ᒥ 2003–ᒧᑦ ᐊᒻᒪ ᑭᖑᓂᐊᒍᑦ ᐱᔨᑦᑎᕋᓚᐅᖅᖢᓂ ᐸᓖᓯᓄᑦ ᐊᖓᔪᖅᑳᖑᓂᖓᓂ ᐋᑐᕚᒥ.
ᑕᐃᒪᐃᑦᑐᒥ ᐃᓱᒪᓂᐅᔪᒥ ᐱᓪᓚᕆᙳᓪᓗᐊᓚᐅᖅᐳᖅ ᖃᖓᐅᔭᑐᖄᓗᒃ, ᑭᓯᐊᓂ ᑎᒍᒥᐊᕐᓂᖃᕐᓂᐊᖅᐳᖅ ᓱᓕᔪᕆᔭᐅᔪᓐᓇᕐᓂᕐᒥ ᓄᓇᕗᒻᒥᐅᓂ ᑕᒪᕐᒥᒐᓚᐃᑦ ᑎᓕᔭᐅᓯᒪᔪᓄᑦ ᐃᓚᒋᔭᐅᔪᓂ ᓄᓇᕗᒻᒥᐅᑕᐅᒍᑎᒃ ᓇᒃᓴᕈᓐᓇᖅᑐᓂ ᓄᓇᓕᖕᓂ ᐊᒻᒪ ᐃᓕᖅᑯᓯᒧᑦ ᐃᓱᒪᒋᔭᐅᓂᐅᔪᓂ ᐃᓚᖃᖅᑐᒥ ᖃᐅᔨᒪᓪᓚᕆᖕᓂᐅᔪᒥ ᐊᑐᖅᑕᐅᕙᓚᐅᖅᑐᓄᑦ ᐊᒻᒪ ᓄᓇᓕᖕᓂ ᐊᑲᐅᙱᓕᐅᕈᑕᐅᔪᓄᑦ. ᐸᓖᓯᑕᖃᕐᓂᖓᓂ ᑎᓕᐅᕆᔭᐅᓯᒪᔪᓄᑦ – ᐃᒻᒪᖄ ᑭᒡᓕᖃᖅᑎᑕᐅᓗᓂ ᐊᑕᐅᓯᑐᐊᒥᒃ ᐃᒃᓯᕙᐅᑕᖃᕐᓂᖓᓂ – ᐱᓐᓇᕆᔭᐅᓇᔭᖅᐳᖅ ᐸᓖᓯᐅᔪᑦ ᐱᓕᒻᒪᒃᓴᖅᓯᒪᖕᒪᑕ ᖃᐅᔨᓴᕐᓂᐅᔪᓄᑦ ᐱᓕᕆᔾᔪᓯᐅᔪᓂᑦ ᐱᔭᐅᔭᕆᐊᖃᖅᑐᓂ.
ᖃᐃᖁᔨᓂᖅᑕᖃᖅᑎᓪᓗᒍ ᑲᓇᑕᒥ ᐸᓖᓯᒃᑯᓐᓂ ᐊᑐᕐᓂᕐᒧᑦ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑕᐅᔪᓂ ᐱᕈᖅᐸᓪᓕᐊᓂᖓᓂ ᐊᒻᒪ ᐃᖃᓗᐃᑦ ᐃᓂᒋᔭᐅᓚᐅᕐᓂᖓᓂ ᕿᕐᓂᖅᑕᓄᑦ ᐃᓄᐃᑦ ᐱᒻᒪᕆᐅᓂᕐᒧᑦ ᓈᒻᒪᒃᓴᙱᓐᓂᐅᔪᒥ ᓴᖅᑭᔮᖅᑎᑦᑎᓂᐅᔪᒥ ᔫᓂᒥ, ᐸᓖᓯᓂᒃ ᐋᓐᓂᖅᓯᕆᓂᐅᕙᒃᑐᓂ ᐃᓄᖕᓄᑦ ᑕᑯᒃᓴᐅᑎᑕᐅᓚᐅᕆᓪᓗᓂ, V ᐊᕕᒃᑐᖅᓯᒪᓂᐅᔪᒥ ᐊᖓᔪᖅᑳᖓ ᐸᓖᓯᓄᑦ ᐊᒫᓐᑕ ᔫᓐᔅ ᐅᖃᖅᓯᒪᕗᖅ ᐸᓖᓯᖏᑦ ᐊᒃᓱᕈᕐᓂᖃᖅᐳᑦ ᓯᕗᓂᖓᓂ ᐱᔾᔪᑎᖃᖅᑐᒥ ᐱᕈᖅᓴᐃᓂᕐᒥ ᐅᒃᐱᕈᓱᖕᓂᐅᔪᒥ.
ᓴᖅᑭᑎᑦᑎᓂᐅᔪᒥ ᑭᙵᕐᓂ ᐊᒻᒪ ᑲᖏᖅᖢᒑᐱᖕᒥ ᖃᐅᔨᓴᖅᑕᐅᓂᐅᔪᓄᑦ ᐅᓂᒃᑳᓕᐊᖏᓐᓂ ᐊᒻᒪ ᐃᑲᔪᖅᓱᐃᓪᓚᕆᖏᓂᖓᓂ ᓴᖅᑭᑎᑕᐅᓂᖓᓂ ᐃᓄᑐᐃᓐᓇᕐᓂ ᑲᒪᔨᐅᔪᓄᑦ ᑎᒥᐅᔪᓂ ᐱᓪᓚᕆᐅᓗᑎᒃ ᐱᓕᕆᓂᐅᓇᔭᖅᐳᑦ ᐱᓂᕐᒥ ᐅᒃᐱᕈᓱᑦᑎᐊᕐᓂᐅᔪᒥ ᐃᓄᓕᒫᓄᑦ.
ᖃᓪᓗᓈᑎᑐᑦ ᑐᙵᕕᒋᔭᐅᔪᒥ 2000–ᖏᓐᓂ ᐅᖃᖅᓯᒪᕗᖅ: "ᒪᓕᒐᓕᕆᓂᖅ ᐱᓕᕆᐊᖑᑐᐃᓐᓇᕆᐊᖃᙱᓚᖅ, ᑭᓯᐊᓂ ᑕᑯᒃᓴᐅᔭᕆᐊᖃᖅᐳᖅ ᐱᓕᕆᐊᖑᓂᕐᒧᑦ."
ᑖᓐᓇ ᑐᙵᕕᒋᔭᐅᔪᖅ ᐊᑑᑎᖃᓪᓚᕆᒃᐳᖅ ᑕᐃᒃᑯᓄᖓ ᐱᓕᕆᐊᖑᔪᓄᑦ ᓄᓇᕗᒻᒥ.