ᓄᓇᓕᖕᓂ ᓱᐴᖅᑐᒐᕐᓄᑦ ᓱᓐᓂᕈᑕᐅᓲᓂᒃ ᓂᐅᕕᕐᕕᒃᑕᖃᕆᐊᓕᒃ

146

ᑕᐃᒪᓐᓇᑎᑐᑦ ᑕᒪᕐᒥᒐᓚᖕᓂ ᓄᓇᕗᒻᒥ, ᒪᓕᒐᕐᓂ ᓱᕋᐃᙱᓐᓂᐅᔪᓄᑦ ᓱᐴᖅᑐᒐᕐᓂ ᓱᓐᓂᕈᑕᐅᓲᓄᑦ, ᑐᐊᕕᕆᑦ ᐊᒻᒪ ᐅᑕᖅᑭᓕᕐᓗᑎᑦ.

ᓱᓐᓂᕈᑕᐅᓲᑦ ᓱᐴᖅᑐᒐᑦ ᒪᓕᒐᕐᓄᑦ ᓱᕋᐃᓂᐅᔪᓐᓃᖅᑎᓪᓗᒋᑦ ᐅᒃᑐᐱᕆ 17−ᒥ, ᓄᓇᕗᒻᒥ ᒐᕙᒪᒃᑯᑦ ᐊᑕᐅᓯᑐᐊᕐᒥ ᓂᕈᐊᒐᒃᓴᖃᖅᑎᑦᑎᓚᐅᖅᐳᑦ ᐊᑐᐃᓐᓇᐅᔪᓄᑦ ᓄᓇᕗᒻᒥᐅᓄᑦ: ᖃᕋᓴᐅᔭᑎᒍᑦ ᑎᑭᓴᐃᓂᐅᔪᓂ ᑲᒻᐸᓂᑎᒍᑦ ᑕᐃᔭᐅᔪᒥ Tweed−ᒥ.

ᓯᕗᓪᓕᐅᔪᒥ ᖃᕋᓴᐅᔭᑎᒍᑦ ᓱᓐᓂᕈᑕᐅᓲᑦ ᓱᐴᖅᑐᒐᓂᐅᕕᐊᒃᓴᐅᓂᐅᔪᑦ ᓄᓇᕗᒻᒥ, ᒪᒥᐊᓇᖅ ᐅᖃᐅᓯᐅᓂᒃᑯᑦ, ᐱᓕᕆᑦᑎᐊᓚᐅᙱᓚᖅ. ᑕᐃᑯᖓ ᑎᓯᐱᕆ 31−ᒧᑦ, ᓄᓇᕗᒻᒥᐅᑦ ᑎᑭᓴᐃᓚᐅᖅᐳᑦ 4.2 ᑭᓗᒍᕌᒻᓂ ᓱᓐᓂᕈᑕᐅᓲᑦ ᓱᐴᖅᑐᒐᕐᓂᖃᕋᓴᐅᔭᑎᒍᑦ. ᑎᑭᐅᑎᓪᓗᓂ $42,000−ᓄᑦ ᑲᑎᓪᓗᒍ ᓂᐅᕕᖅᑕᐅᓂᐅᔪᓄᑦ, $17,000−ᖑᔪᓂ ᓄᓇᕗᑦ ᐃᒥᐊᓗᖕᒧᑦ ᐊᒻᒪ ᓱᓐᓂᕈᑕᐅᓲᑦ ᓱᐴᖅᑐᒐᕐᓄᑲᑎᒪᔨᖏᓐᓄᐊᓚᐅᖅᐳᖅ. ᓄᓇᕗᒻᒥ ᒐᕙᒪᒃᑯᑦ ᑲᑎᖅᓱᐃᓲᖑᒋᕗᑦ ᒥᑭᑦᑐᒥ ᑖᒃᓯᓂᑦ ᐅᑯᓄᖓ ᓂᐅᕕᖅᑕᐅᓂᐅᔪᓄᑦ. ᐅᖃᓪᓚᒃᖢᓂ ᒪᓕᒐᓕᕆᕝᕕᖕᒥ ᓯᕗᓂᐊᓂ ᑕᖅᑭᒥᑦ, ᑮᓇᐅᔭᓕᕆᔨᒃᑯᓐᓂ ᒥᓂᔅᑕᖓ ᔪᐊᔾ ᕼᐃᒃᔅ ᐅᖃᓚᐅᖅᐳᖅ ᖃᕋᓴᐅᔭᑎᒍᑦ ᓱᓐᓂᕈᑕᐅᓲᑦ ᓱᐴᖅᑐᒐᑦ ᐱᔪᒪᔭᐅᓂᖓᒥᑭᐸᓗᓚᐅᖅᐳᖅ.”

ᕼᐃᒃᔅ ᓇᓗᓇᐃᖅᓯᒃᑲᓐᓂᓚᐅᖅᐳᖅ ᑐᓴᒐᒃᓴᓂᑦ, ᑭᓯᐊᓂ. ᒪᕐᕈᖓᓂ ᖃᕋᓴᐅᔭᑎᒍᑦ ᓂᐅᕕᖅᑎᐅᔪᑦ– Agmedica – ᒫᓐᓇᓕᓴᒥ ᐊᑐᐃᓐᓇᙳᓚᐅᖅᐳᑦ ᓄᓇᕗᒻᒥᐅᓄᑦ. ᐅᓄᕐᓂᖅᓴᓂ ᓴᓇᐅᒐᓂ, ᐅᓄᕐᓂᖅᓴᓂ ᓂᕈᐊᒐᒃᓴᓂᑦ. ᐊᒥᓱᓂᒃ ᐊᒡᕕᐊᕈᑎᑕᖃᐅᖅᐳᖅ ᓱᓕ. ᐊᑕᐅᓯᕐᒥ, ᐃᓄᐃᑦ ᖃᖓᑐᐃᓐᓇᒃᑯᑦ ᓱᐴᖅᑐᒐᕐᓂ ᓱᓐᓂᕈᑕᐅᓲᓂᒃ ᓱᐴᖅᑐᕈᒪᓲᖑᕗᑦ. ᐅᑕᖅᑭᓂᕐᒥ ᐱᓇᓱᐊᕈᓯᕐᒥ ᒪᕐᕉᖕᓂᓪᓘᓐᓃᑦ ᑎᑭᓴᖅᑕᐅᔪᓂ ᑎᑭᓐᓂᐊᕐᓂᖏᓐᓂ ᑎᑎᖅᑲᒃᑯᑎᒍᑦ ᐱᓕᕆᓂᕐᒧᑦ ᓱᕋᐃᓂᐅᕗᖅ ᐃᓚᖏᓐᓄᑦ ᒪᓕᒐᑎᒍᑦ ᓱᕋᐃᙱᓐᓂᐅᔪᒥ ᓂᐅᕕᖅᐸᒃᑐᓄᑦ. ᑕᖅᑲᐅᙵᑐᐃᓐᓇᓲᖑᕗᑦ ᐊᖅᑯᒻᒧᑦ ᐊᒻᒪ ᐱᓪᓗᑎᒃ ᐱᔪᒪᔭᒥᓂᑦ ᓄᓇᓕᖕᓂ ᓂᐅᕕᐊᒃᓴᖃᖅᑎᐅᔪᒧᑦ, ᑭᓯᐊᓂ ᐊᑭᓖᓂᖅᓴᐅᓲᖑᕗᑦ ᐊᑐᐃᓐᓇᖃᕐᓂᕐᒧᑦ. ᐊᓯᐊᓂ ᖃᕋᓴᐅᔭᑎᒍᑦ ᐊᒡᕕᐊᕈᑕᐅᔪᖅ ᐃᓚᖏᑦ ᐃᓄᐃᑦ ᐊᑭᓕᒃᓴᖅᑖᕈᑎᒥᒃ ᐊᐅᒃᑕᔫᖃᙱᓚᑦ ᐱᔭᕇᖅᓯᓂᕐᒧᑦ ᓂᐅᕕᕐᓂᖏᓐᓂ. ᒫᓐᓇᐅᔪᒥ, ᑮᓇᐅᔭᑦ ᐊᖓᔪᖅᑳᖑᕗᖅ ᓄᓇᓕᖕᓂ ᓂᐅᕕᐊᒃᓴᖃᖅᑎᐅᔪᓄᑦ.

ᕼᐃᒃᔅ ᑭᐅᓗᖕᓂᖃᓚᐅᖅᐳᖅ ᐊᐅᓚᑕᐅᔪᒥ ᑐᓂᓯᓂᐅᔪᒥ ᐊᑦᑕᓇᙱᓐᓂᖅᓴᐅᓂᖓᓂ, ᐊᒻᒪ ᓇᓚᐅᑉᐳᖅ. ᑕᐃᒪᓐᓇ ᐅᖃᕋᒥ, ᓄᓇᕗᒻᒥᐅᑦ ᐱᓯᒪᖃᑦᑕᖅᓯᒪᕗᑦ ᐱᔪᒪᔭᒥᓂᑦ ᐊᖅᑯᒻᒥ ᐊᒥᓱᓄᑦ ᐊᕐᕌᒍᓂ ᖃᓄᐃᓕᕐᓗᓚᐅᖅᓯᒪᓇᑎᒃ.

ᑮᓇᐅᔭᓕᕆᔨᒃᑯᓐᓄᑦ ᒥᓂᔅᑕᖓ ᓇᓚᐅᑦᑖᕆᓚᐅᖅᐳᖅ ᓄᓇᓕᖕᓂ ᓂᐅᕕᕐᕕᐅᔪᑦ ᐃᓚᙵᒃᓯᒐᓚᒐᔭᖕᓂᖏᓐᓂ ᐱᕋᔭᖕᓂᒃᑯᑦ ᓂᐅᕕᐊᒃᓴᖃᖅᐸᒃᑐᓄᑦ. ᓇᓚᐅᑦᑐᒃᓴᐅᖕᒥᒋᕗᖅ ᑖᔅᓱᒥᖓ, ᐊᒻᒪ ᐊᔪᕐᓇᖅᓯᑎᑦᑎᔪᓂᐊᔭᐅᕆᔨᐅᔪᓂᐱᓪᓚᕆᐅᓪᓗᓂ ᐱᔾᔪᑕᐅᕗᖅ ᐃᓚᖏᑦ ᓄᓇᕗᒻᒥᐅᑦ ᐃᑲᔪᖅᓱᐃᓚᐅᕐᓂᖏᓐᓂ ᒪᓕᒐᑎᒍᑦ ᓱᕋᐃᙱᓐᓂᐅᔪᒥ ᓱᓐᓂᕈᑕᐅᓲᑦ ᓱᐴᖅᑐᒐᕐᓂᑦ.

ᑕᐃᒫᒃ ᖃᖓ ᑕᑯᓛᖅᐱᑕ ᓂᐅᕕᕐᕕᐅᔪᓂᑦ ᓄᓇᓕᖕᓂ? ᕼᐃᒃᔅ ᒫᓐᓇᓕᓴᒥ ᐅᖃᓚᐅᖅᐳᖅ ᖃᐅᔨᒪᙱᓐᓂᖓᓂ. ᓄᓇᕗᒻᒥ ᒐᕙᒪᒃᑯᑦ ᑐᓂᓯᓂᐅᔪᓂ ᑐᒃᓯᕋᓚᐅᖅᐳᑦ ᓄᕕᐱᕆᒥ, ᑭᓯᐊᓂ ᓇᓗᓇᕐᒪᑦ ᓱᓕ ᐊᑯᓂᐅᓂᐊᕐᓂᖓᓂ ᒪᑐᐃᖅᓯᓂᕐᒧᑦ ᓂᐅᕕᕐᕕᒃᓴᐅᔪᓂ ᐃᓂᐅᔪᓂᑦ. ᓄᓇᑦᓯᐊᕐᒥ, ᑕᓪᓕᒪᓂ ᓂᐅᕕᕐᕕᐅᔪᓂᑦ ᐃᓕᓯᒪᓚᐅᖅᐳᑦ ᐅᒃᑐᐱᕆ 17−ᒥ. ᔫᑳᓐᒥ, ᐅᐊᐃᑦᕼᐅᐊᔅ ᓂᐅᕕᕐᕕᒃᓴᖃᖅᐳᖅ. ᐱᒻᒪᕆᐅᕗᖅ ᓄᓇᕗᒻᒥ ᒐᕙᒪᒃᑯᓐᓂ ᐱᓕᕆᑦᑎᐊᕐᓂᖏᓐᓂ, ᑭᓯᐊᓂ ᐱᒻᒪᕆᐅᒋᕗᖅ ᐊᑯᓂᐅᓗᐊᕌᓗᙱᓐᓂᖓᓐᓂ. ᑕᐃᒪᐃᒃᑭᕗᖅ ᓂᕆᔭᐅᓲᓂᒃ ᓱᓐᓂᕈᑕᐅᓲᑦ ᓱᐴᖅᑐᒐᓴᓇᓯᒪᔪᓄᑦ. ᕼᐃᒃᔅ ᐅᖃᓚᐅᖅᐳᖅ ᒐᕙᒪᒃᑯᑦ ᖃᐅᔨᓴᕐᓂᖏᓐᓂ ᓂᕈᐊᒐᒃᓴᐅᔪᓂᑦ. ᕿᓚᒻᒥᐅᓂᖅᓴᓂ ᓴᖅᑭᑎᑕᐅᓂᖏᓐᓂ, ᐱᐅᓂᖅᓴᐅᓂᐊᖅᐳᖅ. ᓂᕆᔭᐅᓲᑦ ᓴᐳᔾᔨᓯᒪᓂᐊᖅᐳᑦ ᐳᕙᖕᓂ ᑕᐃᒃᑯᓄᖓ ᓂᕈᐊᖅᑐᓂ ᓱᐴᖅᑐᖃᑦᑕᕐᓂᕐᒧᑦ ᐱᑕᖃᙱᑎᓪᓗᒍ ᑕᒧᐊᔭᐅᓲᓂᒃ ᓱᓐᓂᕈᑕᐅᓲᑦ ᓱᐴᖅᑐᒐᕐᓂᐊᓯᐊᒎᖅᑐᓄᑦ.

ᐱᒻᒪᕆᕐᔪᐊᖑᒋᕗᖅ ᐃᖅᑲᐃᑎᑦᑎᓂᕐᒧᑦ ᓂᐅᕕᖅᐸᒃᑐᓂ ᓂᕆᔭᐅᓲᑦ ᐅᓗᕆᐊᓇᕐᓂᖏᓐᓂ ᓱᕈᓯᕐᓄᑦ. ᑐᕌᓐᑐᒥ ᐃᓅᓕᓴᐃᓂᕐᒧᑦ ᐊᖓᔪᖅᑳᖓᓐᓂ ᑕᐃᓯᓯᒪᕗᖅ ᓄᖅᑲᖅᑎᑦᑎᓂᕐᒥ ᓄᖑᓴᒐᕐᓂ ᐊᔾᔨᒌᙱᑦᑑᑕᐅᔪᓂ ᓂᕆᔭᐅᓲᓄᑦᐅᖁᒻᒥᐊᒐᖅᑎᑐᑦ ᓴᓇᓯᒪᓂᐅᔪᑎᑐᑦ ᐊᒻᒪ ᓄᖑᓴᒐᕐᓂ (ᒐᒥ ᐱᐊᓂᑦ), ᓲᕐᓗ ᓱᕈᓯᕐᓂ ᐱᔭᐅᔪᒪᑐᐃᓐᓇᕆᐊᖃᕐᒪᑕ ᐊᒻᒪ ᓱᓐᓂᕐᓗᑎᒃ ᐊᒻᒪ ᖃᓂᒻᒪᒡᓗᑎᒃ.

ᓄᓇᕗᒻᒥ ᒐᕙᒪᒃᑯᑦ ᐋᖅᑭᒃᓱᐃᕌᓂᒃᑯᑎᒃ ᐱᓕᕆᐊᖑᔭᕆᐊᓕᖕᓂ ᐱᔾᔪᑎᖃᖅᑐᒥ ᓂᕆᔭᐅᓲᓂᑦ ᐊᒻᒪ ᓂᐅᕕᕐᕕᐅᓂᐊᖅᑐᓂ, ᐊᒻᒪ ᑮᓇᐅᔭᓕᐊᖑᔪᑦ ᐱᕈᖅᐸᓪᓕᐊᓕᕈᑎᒃ, ᐅᔾᔨᕐᓇᕐᔪᐊᖅᑐᒥ ᖁᕝᕙᕆᐊᖅᑎᑦᑎᓂᖃᕐᓂᐊᖅᐳᖅ ᒐᕙᒪᒃᑯᑦ ᑮᓇᐅᔭᖁᑎᖏᓐᓄᑦ. ᑮᓇᐅᔭᑦ ᑐᕌᖓᑎᑕᐅᓪᓗᐊᖅᐳᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ. ᓄᓇᕗᒻᒥ ᐊᒃᓱᕈᖅᐸᒃᑐᓂ ᑭᐅᓂᕐᒧᑦ ᐃᓅᓕᓴᐃᓂᕐᒧᑦ ᐱᔭᕆᐊᓕᖏᓐᓂ ᐅᖓᓯᒃᑐᕐᒥᐅᑕᓄᑦ ᓄᓇᓕᖕᓂ, ᐃᑲᔪᖅᓯᕐᔪᐊᖑᓂᐊᖅᑐᖅ ᓱᓐᓂᕈᑕᐅᓲᑦ ᓱᐴᖅᑐᒐᕐᓂᐊᑐᖅᑕᐅᓪᓗᐊᖅᐳᑦ ᐃᓅᓕᓴᕐᓂᕐᒧᑦ ᐋᓐᓂᐊᕈᑎᒋᔭᑦᑎᓐᓄᑦ.