ᓄᑖᖅ ᐊᓄᓪᓚᒃᓰᕕᒃᓴᖅ ᓴᓇᔭᐅᓪᓗᐊᖅᐳᖅ ᓄᓇᕗᒻᒥᐅᓄᑦ

246

ᐅᓂᒃᑳᓕᐊᖓ ᐊᔪᕈᑎᖃᐃᓐᓇᐅᔭᕐᓂᖓᓂ ᕿᑭᖅᑖᓗᖕᒥ ᐃᑲᔪᖅᑕᐅᕕᐊᓂ ᓴᖑᐊᓪᓚᖕᓂᖃᐃᓐᓇᖅᐳᖅ.
ᕕᕈᐊᕆ 2017−ᒥ, ᒐᕙᒪᑐᖃᒃᑯᑦ ᓯᓕᓂᕋᐃᓪᓗᑎᒃ ᑐᓂᓯᓂᐊᕐᓂᕋᓚᐅᖅᐳᑦ $56.6 ᒥᓕᐊᓐᓂ ᓴᓇᒃᑲᓐᓂᕐᓂᕐᒧᑦ ᐊᒻᒪ ᐊᑦᑎᖅᑕᐅᒃᑲᓐᓂᕐᓗᓂ ᐊᓄᓪᓚᒃᓰᕕᖓᓐᓂ, ᓄᓇᕗᒻᒥ ᒐᕙᒪᒃᑯᑦ ᐱᔭᕆᐊᖃᖅᑎᑕᐅᓪᓗᑎᒃ ᐊᒥᐊᒃᑯᖓᓂ $75.8 ᒥᓕᐊᓐᓂ ᐱᓕᕆᐊᒃᓴᐅᔪᒧᑦ. ᑖᔅᓱᒪᙵᑦ, ᓇᑉᐸᖅᑎᕆᓂᕐᒧᑦ ᑮᓇᐅᔭᑦ ᐊᑐᖅᑐᒃᓴᑦ ᐋᖅᑭᒃᑕᐅᓯᒪᓚᐅᖅᐳᖅ $68 ᒥᓕᐊᓐᓄᑦ.
ᑎᒍᒥᐊᕐᓂᖃᓚᐅᖅᐳᖅ ᓱᓕᓂᕋᐃᔪᒥ ᐊᖏᔪᒥ ᐊᑭᓖᓂᖃᕐᔪᐊᕐᓂᖓᓄᑦ ᓴᓇᔨᐅᔪᓐᓇᕋᔭᖅᑐᓄᑦ, ᐊᒻᒪ ᐊᑕᐅᓯᑐᐊᕐᒥ ᐱᔪᒪᓂᖃᓚᐅᖅᐳᖅ ᐊᕐᕌᒍᒥ ᐊᑭᑦᑐᕋᐅᑎᓂᐅᔪᒧᑦ ᑳᓐᑐᕌᖅᑖᕋᓱᐊᕐᓂᕐᒧᑦ ᐱᓕᕆᓂᖓᓐᓂ, ᐊᒻᒪ ᐊᑭᒃᓴᖓ ᑐᓂᔭᐅᔪᖅ ᐱᓕᑕᒃ ᐱᓕᕆᔨᐅᔪᓄᑦ ᓴᓂᕋᔭᖕᒥ ᐅᖓᑖᓄᐊᕈᔾᔨᓚᐅᖅᐳᖅ ᑮᓇᐅᔭᑦ ᐊᑐᖅᑕᐅᔪᒃᓴᓄᑦ.
ᒐᕙᒪᒃᑯᑦ ᓄᖅᑲᖅᑎᑦᑎᓚᐅᖅᐳᑦ ᑐᒃᓯᕋᕈᑖᓂ ᐊᖏᕈᑎᒃᓴᐅᔪᓄᑦ ᑕᐃᒪᐃᓐᓂᖓᓄᑦ
ᐃᓂᐅᔪᒥ ᐅᓂᒃᑳᕆᔭᐅᓯᒪᖃᑦᑕᖅᑐᒥ ᐊᕐᕌᒍᒐᓴᓂ “ᐱᐅᙱᑦᑐᒻᒪᕆᐊᓘᓂᖓᓂ,” ᓲᕐᓗ ᒐᕙᒪᒃᑯᑦ ᐊᑭᓖᔪᓐᓇᙱᓚᑦ ᐃᓄᖕᓂ ᑕᐃᑯᙵᐅᑎᑦᑎᓂᕐᒧᑦ.
ᑕᐃᒃᑯᓄᖓ ᐸᕐᓇᐃᔪᓄᑦ ᓴᓇᔭᐅᒃᑲᓐᓂᕐᓂᖓᓂ, ᐊᖅᑯᑎᖓ ᐋᖅᑭᒃᓱᖅᓯᒪᕗᖅ ᑲᑎᒪᔨᕐᔪᐊᖑᔪᓄᑦ ᖄᖅᑎᑕᐅᔪᒃᓴᓂᑦ, ᑭᖑᓪᓕᖅᐹᖓ ᖄᖅᖢᓂ ᒪᓕᒐᓕᐅᕐᕕᖕᒥ.
ᒐᕙᒪᒃᑯᑦ, ᐱᓕᕆᖃᑎᖃᕈᒪᔫᔮᖅᐳᑦ ᐱᓕᑕᖕᒥ – ᑭᓯᐊᓂ ᐃᓗᐊᓂ ᒐᕙᒪᒃᑯᑦ ᑮᓇᐅᔭᑦ ᐊᑐᖅᑐᒃᓴᖏᓐᓄᑦ. ᑕᐃᒪᐃᑦᑕᕆᐊᒃᓴᖅ, ᐋᔩᖃᑎᒌᖑᔪᑦ ᕿᓂᖅᐳᑦ ᐊᑭᑭᓐᓂᖅᓴᐅᔪᓂ ᐱᓇᓱᐊᕐᓂᖏᓐᓂ ᐊᔪᕐᓇᙱᓐᓂᖓᓂ. ᓯᕗᓪᓕᖅᐸᐅᔪᖅ ᐊᑐᖁᔭᐅᓇᔭᖅᑐᖅ, ᐊᑐᕐᓗᑎᒃ ᐊᑭᑭᓐᓂᖅᓴᓂ ᐃᒡᓗᓕᐅᕈᑎᓄᑦ ᓱᓇᒃᑯᑖᖏᓐᓂ, ᖃᓄᐃᙱᑦᑑᔮᖅᐳᖅ. ᒪᕐᕈᖓ ᐊᑐᖁᔭᐅᓇᔭᖅᑐᖅ, ᑭᓯᐊᓂ, ᖄᖏᐅᑎᓯᓯᒪᕗᖅ ᐱᓕᕆᐊᕆᔭᐅᔪᒪᓂᐅᔪᒥ ᓄᓇᕗᒻᒥ ᒪᓕᒐᓕᐅᖅᑎᓄᑦ.
ᐱᔾᔪᑎᖃᖅᐳᖅ ᓇᓂᑭᐊᖅ ᐋᔩᖃᑎᒌᖕᓂᐅᔪᒥ, ᑭᓇᑭᐊᖅ ᒥᒃᖠᒋᐊᖅᑎᑦᑎᖁᔨᓚᐅᕐᒪᑦ ᐊᖏᓂᖓᓂ ᐃᓄᖕᓂ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᓕᕆᐊᒃᓴᖅ ᐃᓚᖃᕋᔭᕐᓂᖓᓂ ᓱᓕᓂᕋᖅᑕᐅᓪᓗᓂ 20 ᐳᓴᓐᑎᒥ ᐊᖏᕈᑕᐅᓇᓱᐊᖅᑐᒥ 15 ᐳᓴᓐᑎᒧᑦ.
ᐅᓄᙱᓗᐊᖅᑐᓂ ᐊᔪᙱᓐᓂᓕᖕᓂ ᐃᓄᖕᓂ ᐃᒡᓗᓕᐅᖅᑎᓂᑦ ᐃᖃᓗᖕᓂ, ᒪᓕᒐᓕᕆᔨᒃᑯᑦ ᐅᖃᓚᐅᖅᐳᑦ, ᐊᒻᒪ ᐊᑭᑐᓗᐊᕋᔭᖅᐳᖅ ᐃᒡᓗᖃᖅᑎᑦᑎᓂᕐᒧᑦ ᐃᓄᖕᓂ ᓴᓇᔨᐅᔪᓂ ᐊᖓᔪᖅᑳᖃᕐᕕᐅᑉ ᓯᓚᑖᓂᙶᖅᑐᓂᑦ.
ᒪᓕᓕᓕᒐᓕᐅᖅᑎ ᔮᓐ ᒪᐃᓐ ᐅᒃᐱᕆᙱᓚᖓ ᑕᒪᓐᓇ, ᐅᖃᖅᖢᓂ ᖃᓪᓗᓈᑦ ᓄᓇᖓᓐᓂᙶᖅᑐᑦ ᓯᓚᑖᓂᙶᖅᑐᓂ ᐊᖓᔪᖅᑳᖃᕐᕕᖕᒥ ᑐᓂᔭᐅᓇᔭᕐᓂᖏᓐᓂ ᐃᒡᓗᖃᖅᑎᑕᐅᓂᕐᒥ, ᑕᐃᒫᒃ ᖃᓄᐃᒻᒪᑦ ᐃᓄᐃᑦ ᐊᖓᔪᖅᑳᖃᕐᕕᖓᑕ ᓯᓚᑖᓂ ᑕᐃᒪᐃᑕᐅᔪᓐᓇᙱᓚᑦ? ᒪᐃᓐ ᓇᓚᐅᑉᐳᖅ.
ᖃᕋᓴᐅᔭᑎᒍᑦ ᕿᓂᖅᓴᕈᕕᑦ ᐆᒧᖓ “ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᐅᔪᒥ ᓄᓇᕗᒻᒥ,” ᓇᓂᓇᔭᖅᑕᐃᑦ ᒐᕙᒪᒃᑯᑦ ᓇᖕᒥᓂᖓᑦ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓ, ᐅᖃᖅᓯᓚᒧᒥ ᐊᑐᓕᖅᑎᑕᐅᓂᖓᓂ ᐃᓄᖕᓂ ᐃᖅᑲᓇᐃᔮᖃᖅᑎᑦᑎᓂᐅᔪᒥ ᐸᕐᓇᐅᑎᖓ “ᐊᑕᐅᓯᐅᓪᓗᓂ ᖁᑦᑎᓛᖑᓂᖓᓂ ᓯᕗᓪᓕᐅᔾᔭᐅᖁᔭᐅᓂᖓᓂ ᓄᓇᕗᒻᒥ ᒐᕙᒪᒃᑯᓐᓄᑦ.”
ᐊᔪᕐᓇᖅᐳᖅ ᐱᓂᕐᒧᑦ ᒐᕙᒪᒃᑯᑦ ᓱᓕᓂᕆᓂᕆᔭᖓᓂ ᐱᓪᓚᕆᐅᓂᖓᓂ ᐃᓱᒪᓂᖃᖅᑎᓪᓗᒋᑦ ᐊᖏᒡᓕᒋᐊᖅᑎᑦᑎᓂᐅᔪᒥ ᐅᓄᕐᓂᖏᓐᓂ ᖃᓪᓗᓈᑦ ᓄᓇᖓᓐᓂᙶᖅᑐᓂ ᐃᓚᐅᖃᑕᐅᓂᖏᓐᓂ ᓇᑉᐸᖅᑎᕆᓂᐅᔪᒥ ᐃᒡᓗᕐᔪᐊᒥ ᑐᕌᖓᓂᖃᕐᓂᐊᖅᑐᒥ ᐊᓄᓪᓚᒃᓰᓂᐊᕐᓂᖏᓐᓂ ᐃᓄᐃᓐᓇᒐᓚᖕᓂ. ᐱᔪᓐᓇᕐᓂᖃᓪᓚᕆᙱᑦᑐᖅ ᑐᓂᓯᓯᒪᕗᖅ ᐊᒥᓲᔪᓄᑦ ᐃᓄᖕᓂ ᐊᓄᓪᓚᒃᓯᖅᑐᓄᑦ ᓯᕗᓪᓕᐅᔪᒥ, ᐊᒻᒪ ᒥᒃᖠᒋᐊᖅᑎᑦᑎᓂᕐᒥ ᐅᓄᕐᓂᐅᔪᓂ ᐃᓄᖕᓂ ᐃᓚᐅᖃᑕᐅᔪᓄᑦ ᐅᕙᓂ ᐱᓕᕆᐊᒃᓴᐅᔪᒥ ᕿᒪᐃᓂᐊᖅᐳᖅ ᐃᔅᓴᒃᓯᒪᓂᐅᔪᒥ ᑕᐃᑲᓃᔅᓲᔭᕐᓂᐊᖅᑐᒥ.
ᐃᓱᒪᓂᐅᔪᖅ ᐸᒡᕕᓇᖅᐳᖅ ᐅᑯᐊ ᐊᑐᐊᒐᒧᑦ ᐅᕝᕙᓘᓐᓃᑦ ᐊᐅᓚᑦᑎᓂᕐᒧᑦ ᐃᖅᑲᓇᐃᔮᖑᙱᒻᒪᑕ ᐱᖃᕆᐊᖃᖅᑐᓂ ᖁᑦᑎᖕᓂᖅᓴᒥ ᐃᓕᓴᕋᔭᐅᓂᐅᔪᓂᑦ. ᓄᓇᕗᒻᒥ ᐅᔭᕋᖕᓂᐊᕐᕖᑦ ᐱᓕᒻᒪᒃᓴᐃᔪᓐᓇᕈᑎᒃ ᐊᒻᒪ ᐃᖅᑲᓇᐃᔭᖅᑎᑦᑎᓗᑎᒃ ᐱᕈᖅᐸᓪᓕᐊᔪᓂ ᐅᓄᕐᓂᐅᔪᓂ ᐃᓄᖕᓂ ᐱᓕᕆᓂᕐᒧᑦ ᐊᔪᙱᓐᓂᓕᖕᓂ ᐃᖅᑲᓇᐃᔮᓂᑦ, ᒐᕙᒪᒃᑯᑦ ᐊᖏᖅᓯᒪᓂᖅᓴᐅᓪᓗᐊᖅᐳᑦ ᑕᐃᒪᐃᓕᐅᕐᓂᕐᒥᑦᑕᐅᖅ.
ᑐᑭᓯᓇᖅᓯᕙᓪᓕᐊᑐᐃᓐᓇᖅᐳᖅ ᓄᓇᕗᒻᒥ ᒐᕙᒪᒃᑯᑦ – ᐊᒻᒪ ᒐᕙᒪᑐᖃᒃᑯᑦ ᐃᓚᐅᖃᑕᐅᓂᖏᓐᓄᑦ – ᖃᐅᔨᒪᓂᖃᙱᓚᑦ ᓱᓕᓂᐅᔪᒥ ᓄᓇᐅᔪᒥ.
ᓄᓇᕗᒻᒥ ᑮᓇᐅᔭᓕᕆᔨᐅᔪᑦ ᓇᓗᓇᙱᑦᑐᒥ ᓇᓚᐅᑦᑖᕆᔭᒥᓂ ᑕᒻᒪᕐᔪᐊᓚᐅᖅᐳᑦ ᖃᔅᓯᑐᕋᔭᕐᓂᖓᓂ ᐱᓕᕆᓂᕐᒧᑦ ᐱᓕᕆᐊᒃᓴᐅᔪᒥ, ᐊᒻᒪ ᒐᕙᒪᑐᖃᒃᑯᑦ ᐅᒃᐱᕈᓱᓚᐅᖅᐳᑦ ᓇᐅᓴᐅᓯᕆᓂᖏᓐᓂ. ᑕᒪᕐᒥᒐᓚᑦ ᒐᕙᒪᒃᑯᑦ ᖃᐅᔨᒋᐊᕐᕕᒃᓴᖏᑦ ᑐᓂᓯᓲᖑᕗᑦ ᑲᔪᖏᖅᓴᐅᕐᓂᑦ ᐱᓕᕆᔨᐅᔪᓄᑦ ᓱᓕᓂᕋᐃᔪᓂ ᐃᓄᖕᓂ ᐊᑐᕐᓂᕐᒧᑦ, ᓄᓇᕗᒻᒧᑦ, ᐊᒻᒪ ᓄᓇᓕᖕᓂ ᐃᖅᑲᓇᐃᔭᖅᑎᐅᔪᓂᑦ. ᑕᑯᙱᓚᒍᑦ ᑕᑯᒃᓴᐅᓂᐅᔪᒥ ᑕᒪᓐᓇ ᐃᓚᔭᐅᓚᐅᕐᓂᖓᓂ ᐱᓕᕆᐊᖑᓂᐅᔪᒧᑦ.
ᒐᕙᒪᒃᑯᑦ ᐊᑦᑕᑕᕆᐊᖃᖅᐳᑦ ᐊᖏᖅᓯᒪᓂᕆᔭᖏᓐᓄᑦ ᐊᖏᒡᓕᒋᐊᖅᑎᑦᑎᓂᕐᒧᑦ ᐃᓄᖕᓂ ᓴᓇᔨᐅᔪᓂ ᒐᕙᒪᐅᔪᓄᑦ ᐱᓕᕆᐊᒃᓴᐅᔪᓄᑦ ᐱᕚᓪᓕᕈᑕᐅᓂᐊᖅᑐᓄᑦ ᓄᓇᕗᒻᒥᐅᓕᒫᓄᑦ. ᑕᒪᓐᓇ, ᐱᔾᔪᑎᑦᑎᐊᖃᕐᓂᐅᕗᖅ, ᖁᑦᑎᓛᖑᔪᒥ ᐃᓱᒫᓘᑎᖃᕐᓂᐅᔪᒥ ᓄᓇᕗᒻᒥᐅᓄᑦ, ᐊᒻᒪ ᒐᕙᒪᒃᑯᑦ ᓇᓂᓯᔭᕆᐊᖃᖅᐳᑦ ᑮᓇᐅᔭᓂ ᑖᔅᓱᒧᖓ ᒪᓕᖕᓂᖃᕐᓂᐊᖅᑐᒧᑦ.