ᒐᕙᒪᒃᑯᑦ ᐃᓚᐅᖃᑕᐅᓂᖓᓄᑦ ᐊᒃᓱᕈᕐᓂᖓ ᑐᖓᐅᑦᑎᕗᖅ ᑐᕌᒐᒃᓴᖓᓂ

142

ᐃᓱᒪᒋᔭᖃᕐᓂᖅ ᐊᑯᓂᐅᔪᒃᑯᑦ ᐅᑎᕐᓂᐅᔪᓂ ᐊᔪᕐᓇᙱᑦᑐᓂ ᐃᓕᓐᓂᐊᕐᓂᖃᑦᑎᐊᖅᑐᒥᒃ ᐃᖅᑲᓇᐃᔮᖃᑦᑎᐊᕐᓂᕐᒥ, ᑮᓇᐅᔾᔭᒃᓴᑦᑎᐊᖏᓐᓇᕐᓂᐅᔪᒥ, ᐃᒃᐱᒍᓱᖕᓂᕐᒥ ᐱᔾᔪᑎᒃᓴᒥᒃ, ᐊᒻᒪ ᐊᓯᖏᓐᓂ ᐃᖅᑲᐃᓐᓇᓲᖑᕗᑦᐃᓱᒪᔪᒪᓲᖑᕗᒍᑦ ᐃᓕᓐᓂᐊᕐᓂᖅ ᐱᒻᒪᕆᐅᓪᓗᓂ ᐊᑲᐅᙱᓕᐅᕈᑕᐅᓪᓗᓂ ᐃᓱᒫᓘᑎᒃᓴᐅᓪᓗᓂ ᑕᒪᒃᑭᓄᑦ ᓄᓇᕗᒻᒥᐅᓄᑦ.

ᑭᖑᓪᓕᖅᐹᖅ ᒐᕙᒪᒃᑯᑦ ᐊᒃᓱᕈᕈᑎᒋᔭᖓ ᓄᖒᑦᑎᓂᕐᒧᑦ ᐃᓱᓕᕝᕕᒃᓴᖓᓂ ᒪᕐᕉᖕᓄᑦ ᐅᖃᐅᓯᓕᖕᒧᑦ ᐃᓕᓐᓂᐊᕐᓂᖅ ᐃᓚᖃᖅᑐᒥ ᐃᓄᒃᑎᑐᒻᒥ ᑕᒪᒃᑭᓄᑦ ᖁᑦᑎᒃᑐᒥ ᐃᓕᓐᓂᐊᕐᕕᖕᓄᑦ ᐃᓕᓐᓂᐊᖅᑎᓄᑦ ᐃᓱᒫᓘᑎᓪᓗᐊᖑᕗᖅ, ᑕᐅᑐᒃᑕᑎᒍᑦ. ᓄᑖᖑᔪᒥ ᐊᖏᖅᑕᐅᓇᓱᐊᖅᑐᒥ ᐃᓱᓕᕝᕕᒃᓴᖓ ᐊᕐᕌᒍᒐᓴᓂ ᐅᖓᓯᖕᓂᖃᖅᐳᖅ – 2039 ᐃᓄᒃᑐᑦ ᐊᒻᒪ 2037 ᐃᓄᐃᓐᓇᖅᑐᓐ.

ᒐᕙᒪᒃᑯᑦ ᐅᖃᓚᐅᖅᐳᑦ ᑐᓂᓯᓚᐅᕐᓂᖏᓐᓂ ᐃᓕᓐᓂᐊᕐᓂᕐᒧᑦ ᐋᖅᑭᒋᐊᖅᓯᓂᕐᒧᑦ ᐅᖃᖃᑎᒌᖕᓂᐅᔪᓂ ᑕᒪᒃᑭᓄᑦ 25-ᓄᑦ ᓄᓇᕗᒻᒥ ᓄᓇᓕᖕᓄᑦ, ᐊᒻᒪ ᐱᓕᕆᖃᑎᖃᖅᖢᑎᒃ 829-ᓂ ᓄᓇᖃᖅᑎᐅᔪᓄᑦ. ᐅᓇ ᐱᐅᓂᖅᓴᐅᕗᖅ ᐃᓚᖏᓐᓂ ᒐᕙᒪᒃᑯᓐᓂ ᐅᖃᖃᑎᖃᕐᓂᓚᐅᖅᑕᑦᑎᓐᓂ ᐅᐸᒃᓯᒪᔭᑦᑎᓐᓂᐃᓚᖏᓐᓂ ᓄᓇᓕᖅᐸᐅᔭᕐᒥ ᐊᖓᔪᖅᑳᖃᕐᕕᖓᓂ ᐅᐸᒃᑕᐅᓯᒪᙱᑦᑎᐊᖅᐳᑦ ᓯᐊᒻᒪᖅᑎᑦᑎᔨᐅᔪᓂᑐᐊᖅ ᐅᐸᒃᑐᓄᑦᑭᓯᐊᓂ ᑐᓂᓯᓲᖑᕗᖅ ᑲᑎᓪᓗᒍ ᐃᓚᐅᖃᑕᐅᔪᓂ 2% ᐅᖓᑎᑦᑎᐊᑐᐃᓐᓇᖓᓄᑦ.

ᓇᓂᓯᓯᒪᕗᒍᑦ ᐊᒥᓱᓂ ᐅᖃᓕᒫᖅᑎᕗᑦ ᐃᓚᐅᖃᑕᐅᙱᓐᓂᖓᓐᓂ ᑐᓴᒐᒃᓴᓕᐊᖑᔪᒥ ᐊᑐᐊᒐᕐᒧᑦ ᐊᓯᔾᔨᕐᓂᐅᔪᓄᑦ. ᖃᓄᐃᓕᖓᓂᖓ ᐃᓕᓐᓂᐊᕐᓂᕐᒧᑦ ᑕᐃᒪᐃᓐᓂᖓᓂ, ᐊᒻᒪ ᐊᖏᓂᖓᓂ ᐊᖏᖃᑎᒌᙱᓐᓂᐅᔪᒥ ᓴᖅᑭᑎᑕᐅᔪᓂ ᓄᓇᕗᒻᒥ ᒐᕙᒪᒃᑯᓐᓄᑦ ᐱᓕᕆᑦᑎᐊᙱᑦᑐᒥ ᐱᖠᕆᓇᓱᐊᖅᑕᖏᓐᓂ ᐊᓯᔾᔨᕐᓂᖃᖅᑎᑦᑎᓇᓱᐊᕐᓂᕐᒧᑦ ᓴᙲᒡᓕᒋᐊᖅᑎᑦᑎᓇᔭᖅᑐᒥ ᐃᓄᒃᑎᑐᑦ ᐅᖃᐅᓯᖓᓐᓂ ᐱᔭᕆᐊᖃᕐᓂᐅᔪᓄᑦ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐃᓱᓕᑦᑎᔪᓄᑦ, ᑲᒪᓇᖅᐳᖅ ᑕᑯᓂᕐᒥ ᐃᓚᐅᖃᑕᐅᔪᒪᙱᓐᓂᓗᐊᖑᔪᒥ ᑕᑯᒃᓴᐅᓂᖓᓂ ᖃᓄᐃᓕᖓᓂᐅᔪᓄᑦ ᒐᕙᒪᒃᑯᓐᓂ ᐅᑭᐅᖅᑕᖅᑐᒥ ᐳᓚᕋᕐᓂᐅᔪᒥ ᐊᒻᒪᓗ ᓇᖕᒥᓂᑦᑎᓐᓂ ᕙᐃᔅᐳᒃᑯᑦ ᐊᒻᒪ ᖃᕋᓴᐅᔭᑎᒍᑦ ᖃᐅᔨᓴᕈᑎᓂᙶᖅᑐᓂᒃ.

ᐅᑯᓇᓂ ᒐᕙᒪᒃᑯᓐᓂ ᐅᖃᖃᑎᖃᕐᓂᐅᔪᓂ, ᐊᔪᕐᓇᙱᓚᖅ ᑕᑯᓂᕐᒧᑦ ᖃᐅᔨᓴᕈᑎᓂᙶᖅᑐᓂᒃ ᐊᒻᒪ ᐅᒃᐱᕈᓱᒡᓗᑕ ᐱᔪᒪᓂᖃᙱᓐᓂᖓᓂ ᐅᑯᓇᓂ ᐱᒻᒪᕆᐅᔪᓂ ᐱᕙᓪᓕᐊᑎᑕᐅᓂᐅᔪᓄᑦ.

ᑕᑯᔪᓐᓇᖅᐳᒍᑦ ᓇᖕᒥᓂᖅ ᓴᓇᔭᐅᓯᒪᔪᓄᑦ ᐆᒃᑑᑎᐅᓗᓂ ᓇᒥ ᒐᕙᒪᒃᑯᑦ, ᐊᒻᒪ ᐃᒻᒪᖄ ᐅᕙᒍᑦ, ᑐᕌᕆᔭᖃᖅᐳᒍᑦ ᖃᓄᐃᓐᓂᐅᔪᒥ ᑕᒻᒪᖅᓯᒪᓂᐅᔪᒥ. New York Times ᐱᓕᕆᓚᐅᖅᐳᑦ ᕿᒥᕐᕈᓂᖓᓂ ᓇᖕᒥᓂᖅ ᑐᓴᒐᒃᓴᓕᐊᖏᓐᓂ ᓴᖅᑭᑎᑕᐅᔪᓄᑦ, ᐊᒻᒪ ᓇᓂᓯᓚᐅᖅᐳᑦ ᐅᓂᒃᑳᓕᐊᑦ ᑎᑎᕋᖅᑎᒋᕙᒃᑕᖏᑦᑕ ᐃᓱᒪᒋᔭᖏᓐᓂ ᐱᒻᒪᕆᐅᓂᖏᓐᓂ ᐅᔾᔨᕆᔭᐅᕙᙱᓐᓂᖏᓐᓂ ᐊᒻᒪ ᓱᓕ ᐱᔭᕆᐊᖃᒐᓗᓚᐅᖅᐳᑦ ᐊᖏᓂᖅᓴᒥ ᐱᓕᕆᓂᐅᔪᒥ ᐊᒻᒪ ᑮᓇᐅᔭᓂᒃ. ᑭᐅᓂᕐᒧᑦ, ᒪᓕᖕᓂᓕᖕᒥ ᐅᓂᒃᑳᓕᐊᖑᔪᒥ, ᓄᖅᑲᓚᐅᖅᐳᑦ ᕿᓂᕐᓂᕐᒧᑦ ᑕᐃᒪᐃᑦᑐᓂ ᖃᓄᐃᑦᑑᓂᖏᓐᓂ ᐅᓂᒃᑳᓕᐊᖑᔪᓂ, ᐅᕝᕙᓘᓐᓃᑦ ᓴᖑᑎᑦᑎᓚᐅᖅᐳᑦ ᑎᑎᕋᖅᓯᒪᓂᖏᓐᓂ ᑕᑯᒃᓴᐅᑎᑦᑎᐊᖅᓯᒪᒃᑲᓐᓂᕐᓂᕐᒧᑦ ᐃᓚᐅᑎᑦᑎᓂᖃᕐᓂᖅᓴᐅᔪᒥᒃ, ᐊᒻᒪ ᑐᕌᖅᑎᑦᑎᓪᓗᑎᒃ ᑭᐅᑦᑎᐊᕐᓂᖅᓴᐅᑎᑦᑎᓂᕐᒧᑦ ᐱᔭᐅᔪᒪᓂᐅᔪᓄᑦ ᐅᖃᓕᒫᖅᑎᖏᓐᓂ.

ᐸᕐᓇᒃᓯᒪᓕᖅᐳᒍᑦ ᐋᖅᑭᒋᐊᖅᓯᓂᕐᒧᑦ ᑐᕌᒐᕆᔭᑦᑎᓐᓂ. New York Times ᐱᓇᓱᐊᖏᓐᓇᓚᐅᖅᐳᑦ ᐱᒻᒪᕆᐅᔪᓂ ᐅᓂᒃᑳᖑᔪᓂ, ᑭᓯᐊᓂ ᐱᓕᕆᓕᓚᐅᖅᐳᑦ ᐃᓚᐅᑎᑦᑎᓂᖅᓴᐅᔪᒥᒃ, ᐊᒻᒪ ᐱᓪᓗᑎᒃ ᑐᕌᒐᕆᔭᖏᓐᓂ ᐅᖃᓕᒫᖅᑎᖏᓐᓂ ᐊᑑᑎᖃᕐᓂᖅᓴᐅᔪᒥ ᐱᓕᕆᓂᐅᔪᒥᑦ.

ᓄᓇᕗᒻᒥ ᒐᕙᒪᒃᑯᑦ ᐃᓕᑦᑎᔪᓐᓇᕆᕗᑦ ᑭᓱᑐᐃᓐᓇᒥᒃ ᒪᕐᕉᖕᓂᓪᓘᓐᓃᑦ. ᐃᒻᒪᖄ ᓄᓇᓕᖕᓂ ᑲᑎᒪᔨᐅᔪᑦᑕᐅᖅ –– ᑕᐃᒪᐃᒐᔪᖕᓂᐅᔪᒥ ᐅᐸᒃᑎᑦᑎᓂᖅᓴᐅᕗᑦ ᖃᓪᓗᓈᓂᑦ ᐊᒻᒪ ᐃᓄᒃᑕᖃᙱᓗᐊᖅᖢᓂ – ᑎᑭᐅᒪᑦᑎᐊᖅᑎᑦᑎᓐᓇᙱᓚᖅ ᐃᓄᖕᓂ ᐅᖃᓕᒫᖅᑎᓂᑦ ᓇᒦᓐᓂᖏᓐᓂ.

ᐃᓚᐅᑎᑦᑎᓂᐅᔪᒥ ᓄᓇᕗᒻᒥ ᓯᐊᒻᒪᖅᑎᑦᑎᔨᐅᔪᓄᑦ ᐱᒋᐊᕈᑕᐅᔪᓐᓇᖅᐳᖅ. ᓄᓇᕗᒻᒥ ᑐᓴᒐᒃᓴᓕᕆᔨᒃᑯᑦ ᑎᑭᐅᑎᓲᖑᕗᑦ ᑕᐅᓴᓐ-ᖏᓐᓂ ᓄᓇᕗᒻᒥᐅᓂ ᐅᑭᐅᖅᑕᖅᑐᓕᒫᒥ ᐱᓇᓱᐊᕈᓯᑕᒫᑦ ᑎᑎᕋᖅᓯᒪᓂᐅᔪᓄᑦ ᐊᒻᒪᓗ ᖃᕋᓴᐅᔭᑎᒍᑦ, ᐊᒻᒪᓗ ᑕᐃᒪᓐᓇᐸᓗᒃ ᐅᓄᕐᓂᐅᔪᓂ ᕙᐃᔅᐳᒃᑯᑦ ᒪᓕᒃᑎᖃᖅᐳᒍᑦ ᓄᓇᕗᒻᒥ ᒐᕙᒪᒃᑯᑎᑐᑦ. ᐅᔾᔨᕈᓱᖕᓂᐅᔪᓂ ᐱᓕᕆᐊᖑᔪᓂ ᐃᓚᐅᑎᑦᑎᔭᕆᐊᖃᖅᐳᖅ ᖁᕝᕙᖅᓴᐃᓂᐅᔪᒥ, ᑭᓯᐊᓂᑦᑕᐅᖅ ᐃᓚᐅᑎᑦᑎᓂᐅᔪᒥᑦ. ᕙᐃᔅᐳᒃᑯᑦ ᒪᒃᐱᖅᑐᒐᕗᑦ, ᓲᕐᓗ, 40-ᖏᖅᓱᖅᑐᒥ ᐅᓄᕐᓂᖅᓴᓂ ᐅᖃᓕᒫᖅᑎᖃᓲᖑᕗᑦ ᒐᕙᒪᒃᑯᑦ ᒪᒃᐱᖅᑐᒐᖓᓐᓂ ᐱᕙᒃᑐᒥ.

ᒫᓐᓇᐅᓕᖅᑐᒥ ᐃᓅᓂᕐᒥ, ᓈᒻᒪᒃᓯᕗᖅ ᒐᕙᒪᒃᑯᓐᓂ ᐃᓱᒪᒃᑲᓐᓂᕐᓂᖏᓐᓂ ᐃᓚᐅᑎᑦᑎᕙᖕᓂᖓᓂ ᐃᓄᖕᓄᑦ ᐱᔨᑦᑎᕋᕐᓂᕆᓲᕆᔭᖏᓐᓂ. ᐅᖃᐅᓯᒃᓴᓕᐊᑦ ᕙᐃᔅᐳᒃᑯᑦ ᒪᒃᐱᖅᑐᒐᑦᑎᓐᓂ ᑕᑯᒃᓴᐅᓂᐅᕗᖅ ᓄᓇᕗᒻᒥᐅᑦ ᐃᓚᐅᖃᑕᐅᔪᒪᓂᖏᓐᓂ ᒐᕙᒪᒃᑯᑦ ᐃᓱᒪᓕᐊᖏᓐᓄᑦ.

ᓈᒻᒪᒃᓯᕗᖅ ᒐᕙᒪᒃᑯᓐᓂ ᒪᓕᖕᓂᖏᓐᓂ ᓄᑕᐅᔪᓐᓃᖅᑐᓂ ᐱᓕᕆᔾᔪᓯᐅᔪᓂ, ᐊᒻᒪᓗ ᐃᓄᖕᓂ ᑕᑯᓗᑎᒃ ᓇᒦᓐᓂᖏᓐᓄᑦ.