ᐅᕿᒡᓕᒋᐊᕐᓗᒍ ᐃᓕᓐᓂᐊᖅᑎᐅᑉ ᐊᒡᔭᖅᑕᒥᓂᑦ ᑕᒪᑐᒪᓂ ᐊᕐᕌᒎᔪᒥ

153

ᐊᖏᒡᓕᒋᐊᖅᑎᑦᑎᔪᒪᒍᕕᑦ ᓴᖅᑭᑉᐸᖕᓂᖏᓐᓄᑦ ᓄᓇᓕᐅᔪᒥ ᖃᓄᐃᓐᓂᐅᔪᒥ ᓄᓇᕗᒻᒥ, ᖃᔅᓯᐊᕐᔪᖕᓂ ᐃᓕᓴᕆᔭᐅᓂᕐᒧᑦ ᑐᓐᓂᖅᑯᓯᐊᖑᔪᒥ ᐱᓕᕆᔪᓐᓇᕋᔭᖅᑐᒥ ᓲᕐᓗ ᐊᑭᖃᙱᑦᑐᒥ ᖃᖓᑦᑕᐅᑎᒥᒃ ᐱᑎᑕᐅᓂᐅᔪᒥ.

ᐃᒻᒪᖄ ᓇᓗᓇᓚᐅᙱᓚᖅ, ᑕᐃᔅᓱᒪᓂ, ᐃᓕᓐᓂᐊᕐᕖᑦ ᐅᖅᓱᖅᑑᒥ ᐆᒧᖓ ᓴᖑᓇᔭᕐᓂᖏᓐᓂ ᐃᓕᓴᕆᔭᐅᓂᕐᒧᑦ ᑐᓐᓂᖅᑯᓯᐊᖑᔪᒥ ᐱᐅᓯᒋᐊᖅᑎᑦᑎᓂᕐᒧᑦ ᐃᓕᓐᓂᐊᖅᑎᐅᑉ ᐅᐸᑦᑎᐊᖃᑦᑕᕐᓂᖏᓐᓄᑦ.

ᐃᓕᓴᕆᔭᐅᓂᕐᒧᑦ ᑐᓐᓂᖅᑯᓯᐊᖑᔪᒥ ᐅ1ᕝᕙᓘᓐᓃᑦ ᐃᓕᓴᖅᓯᓂᑐᐃᓐᓇᕐᒥᐃᓕᓐᓂᐊᖅᑎᓄᑦ ᐅᐸᑦᑎᐊᖃᑦᑕᕐᓂᖏᓐᓄᑦ ᐊᑯᓂᐅᔪᒥ ᐊᑐᖅᑕᐅᓯᒪᖃᑦᑕᖅᐳᖅ ᓄᓇᕗᒻᒥ ᐃᓕᓐᓂᐊᕐᕕᓂᑦ ᐊᔭᐅᕈᑕᐅᓪᓗᓂ ᐃᓕᓐᓂᐊᖅᑎᓂᑦ ᓴᖅᑭᖃᑦᑕᕐᓂᖏᓐᓄᑦ. ᐃᓛᓐᓂᒃᑯᑦ ᓵᓚᖃᐅᓯᐊᖅ ᐸᐃᓯᑰᖑᕗᖅ ᐅᕝᕙᓘᓐᓃᑦ iPodᕝᖑᕗᖅ. ᑭᓯᐊᓂ ᖃᖓᑕᐅᑎᒧᑦ ᐃᓕᓴᕆᔭᐅᓂᕐᒧᑦ ᑐᓐᓂᖅᑯᓯᐊᖑᔪᒥ ᐊᑕᐅᓯᖅ ᐃᓕᓐᓂᐊᖅᑎᐅᔪᖅ ᐊᑐᓂ ᐃᓕᓐᓂᐊᕐᕕᐅᔪᒥ ᓵᓚᒃᓴᕈᓐᓇᕐᓂᐊᕈᓂ ᒪᕐᕉᔪᓂᒃ ᖃᖓᑦᑕᐅᑎᒃᓴᓂ ᐊᖓᔪᖅᑳᒥᓂ ᐃᓚᐅᔪᖃᕈᓐᓇᕋᔭᕐᒪᑦᐱᐅᓛᖑᔪᓐᓇᖅᐳᑦ ᓵᓚᖃᐅᓯᐊᓂᑦ.

ᓇᐃᓴᖅᑕᐅᓯᒪᓂᐅᔪᑦ ᑕᑯᒃᓴᐅᑎᑦᑎᓲᖑᕗᖅ ᐊᖏᓂᖓᓂ ᐅᐸᑦᑎᐊᖃᑦᑕᙱᓐᓂᕐᒧᑦ ᐊᑲᐅᙱᓕᐅᕈᑎᒋᔭᖓᓂ. ᓄᓇᕘᑉ ᐃᓕᓐᓂᐊᖅᑎᖏᑦ ᑭᖑᓪᓕᐅᖏᓐᓇᐅᔭᖅᐳᑦ ᑲᓇᑕᓕᒫᒥ ᑕᐃᒪᐃᒐᔪᖕᓂᐅᔪᒥ ᑭᒡᓕᐅᔪᒥ ᑎᑭᐅᑎᓯᒪᔪᓐᓇᕐᓂᐅᔪᒥ.

2016−ᓯᒥ, ᐱᓕᕆᕝᕕᖓ ᖃᐅᔨᓴᕐᓂᕐᒧᑦ ᐆᒪᓂᕐᒧᑦ ᐊᑐᒐᒃᓴᐃᑦ ᐋᖅᑭᒃᑕᐅᓯᒪᓂᖏᓐᓂ ᓇᐃᓴᐅᓯᕆᓯᒪᓂᖃᓚᐅᖅᐳᑦ ᐆᒪᓂᕐᒧᑦ ᐊᑐᒐᒃᓴᓂ ᐋᖅᑭᒃᑕᐅᓯᒪᓂᐅᔪᓂ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓄᑦ ᐊᒻᒪ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᐊᓯᖏᓐᓂ ᓄᓇᐅᔪᓄᑦ. ᐃᓕᓐᓂᐊᕐᓂᓕᕆᓂᕐᒧᑦ ᑎᑭᐅᑎᔭᐅᓂᐅᔪᓄᑦ, ᓄᓇᕗᑦ ᓇᐃᓴᐅᓯᖅᓯᒪᓚᐅᖅᐳᖅ ᐊᑖᓂ ᐊᓯᓕᒫᖏᓐᓂ ᑲᓇᑕᒥ ᐱᔪᓐᓇᕐᓂᖃᕐᓂᐅᔪᓂᑦ ᐊᕐᕌᒍᑲᓴᖕᓂ ᒪᕐᕉᖕᓂᑦ, ᐃᓕᓐᓂᐊᖅᑏᑦ ᐱᔭᕇᖅᓯᓪᓗᑎᒃ 10.9 ᐊᕐᕌᒍᓄᑦ ᐃᓕᓐᓂᐊᕐᓂᐅᔪᒥ ᑕᐃᒪᐃᒐᔪᖕᓂᐅᔪᒥ, ᑕᐅᑐᒃᖢᒍ ᑲᓇᑕᓕᒫᒥ ᑕᐃᒪᐃᒐᔪᖕᓂᐅᔪᒥ 13.0, 13.4 ᔫᑳᓐᒧᑦ ᐊᒻᒪ 12.9 ᓄᓇᑦᓯᐊᕐᒧᑦ. ᑕᐃᒪᐃᒐᒧᖕᓂᐅᔪᒥ ᑐᕌᒐᒃᓴᐅᔪᒥ ᑎᑭᐅᑎᓂᐅᔪᒧᑦ, ᓄᓇᕗᑦ 41−ᒋᔭᐅᓇᔭᖅᐳᖅ ᓄᓇᐅᒐᓂ.

ᐊᓯᐊᒎᖅᑐᒥ ᐆᒃᑐᕋᐃᓂᐅᔪᒥ ᓂᕆᐅᒋᔭᐅᔪᓄᑦ ᐊᕐᕌᒍᓂ ᐃᓕᓐᓂᐊᕐᓂᐅᔪᓂ, ᓄᓇᕗᑦ ᓄᓇᐅᓐᓂᕈᓂ, 107t−ᒋᔭᐅᓇᔭᖅᐳᖅ 188−ᓂ ᓄᓇᐅᔪᓂᑦᐆᒃᑐᕋᖅᑕᐅᔪᓄᑦ, ᑐᓄᐊᓂ ᐹᓕᔅᑕᐃᓐᒥ ᐊᒻᒪ ᒪᓚᐃᓯᐊᒥ, ᐊᒻᒪ ᓯᕗᓪᓕᐅᒐᓛᑐᐃᓐᓇᕐᓗᓂ ᓯᐅᕆᐊᒥ. ᐊᔾᔨᒌᙱᓐᓂᐅᔪᓂ ᓇᓗᓇᐃᖅᓯᕗᖅ ᐃᓕᓐᓂᐊᕐᓂᐅᑉ ᐱᐅᓂᖓᓂ ᐱᐅᓂᖅᓴᐅᕗᖅ ᐅᕙᓂ ᑕᐃᒃᑯᓂᖓ ᓄᓇᐅᔪᓂ ᑭᓯᐊᓂ ᐱᔪᓐᓇᕐᓂᐅᔪᒥ ᐃᓕᓐᓂᐊᖅᑎᓂᑦ ᐅᐸᑦᑎᐊᖃᑦᑕᕐᓂᕐᒧᑦ ᐱᐅᙱᓚᖅ.

ᐊᒥ)ᓂ ᐱᔾᔪᑎᑕᖃᖅᐳᖅ ᐃᓕᓐᓂᐊᖅᑏᑦ ᐅᐸᖃᑦᑕᙱᓐᓂᖓᓐᓄᑦ, ᐊᒻᒪ ᑕᒪᕐᒥᒐᓚᒃ ᐊᑑᑎᖃᑦᑎᐊᖅᐳᑦ. ᓂᕿᒃᓴᖃᙱᓗᐊᕐᓂᐅᔪᒥ, ᐃᑲᔪᖅᓯᖅᑕᐅᓂᖃᙱᓗᐊᕐᓂᕐᒧᑦ ᐊᖏᕐᕋᒥ, ᐱᐅᒃᓴᙱᓐᓂᐅᔪᒥ ᐃᓕᓐᓂᐊᕐᕕᖕᒧᑦ ᐱᓕᕆᔾᔪᓯᐅᔪᒥ, ᐃᓕᑦᑎᓂᕐᒧᑦ ᐊᔪᕈᑎᐅᔪᓂ, ᓯᕗᕚᖏᓐᓂ ᐊᑐᖅᑕᐅᓂᑯᓂ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᕐᓂᕐᒧᑦ, ᐊᒻᒪ ᐃᓱᒪᒧᑦ ᐋᓐᓂᐊᕐᓇᐅᔪᓄᑦ ᐱᑕᖃᒐᔪᒃᑐᓂ ᓄᓇᕗᒻᒥ ᖁᑦᑎᒃᑐᒥ ᐅᐸᑦᑎᐊᖃᑦᑕᕐᓂᐅᔪᒥ ᐅᖃᕐᓂᐅᕗᖅ ᑭᓇᑐᐃᓐᓇᒧᑦ ᓱᕈᓯᕐᒧᑦ ᓱᕋᑦᑎᕆᔪᓐᓇᖅᑐᒥ ᐅᑯᓂᖓ ᐊᒡᕕᐊᕈᑕᐅᔪᓄᑦ.

ᓱᕈᓯᐅᔪᑦ ᓱᕋᑦᑎᕆᔪᓐᓇᖅᑐᓂ ᑕᐃᒪᐃᖏᓐᓇᐊᖃᓲᖑᕗᑦ ᐅᓪᓗᒥᑦ ᐅᓪᓗᒧᑦ, ᐊᕐᕌᒍᒥ ᐊᕐᕌᒍᒧᑦ, ᐃᓱᒪᒋᓇᒍ ᐊᕙᓗᔭᐅᓯᒪᓂᖓᓂ ᐅᑯᓄᖓ ᐊᒃᓱᕈᕈᑕᐅᔪᓄᑦ. ᑕᐃᒪᐃᑦᑕᕆᐊᖃᖅᐳᑦ ᓄᓇᐅᔪᒥ ᐊᕕᒃᓯᒪᓂᐅᔪᒥ ᐃᓕᓐᓂᐊᕐᕖᑦ ᒪᑐᐃᓲᖑᓪᓗᑎᒃ ᐃᓕᓴᐃᔨᑭᒃᓴᓗᐊᖅᑐᓄᑦ, ᐊᒻᒪ ᐱᔭᕇᖅᓯᒐᔪᒃᐳᑦ ᐊᕐᕌᒎᔪᒥ ᐃᓐᓄᒃᓯᓚᐅᕐᓇᑎᒃ ᐃᓄᖃᙱᓐᓂᐅᔪᓂᑦ.

ᐊᒻᒪᓗ, ᖃᖓᑐᐃᓐᓇᑦᑎᐊᖅ, ᐃᓕᓐᓂᐊᖅᑏᑦ ᕿᒪᐃᔪᓐᓇᖅᐳᑦ ᐃᓕᓐᓂᐊᕐᕕᖓᓐᓂ ᐅᓐᓄᒃᑯᑦ ᓇᓂᓗᓂᔾᔪᒃ ᐃᓕᓐᓂᐊᕐᕕᖓ ᐃᑭᑦᑐᕕᓂᐅᓂᖓᓂ ᐅᓪᓛᖓᓂ

ᐅᕙᑦᑎᓐᓅᖓᕗᖅ ᐃᓐᓇᐅᔪᑎᒍᑦ ᑐᓂᓯᓂᕐᒥ ᑐᙵᕕᖃᖅᑎᑦᑎᓂᐅᔪᒥ ᐅᑯᐊ ᐃᓕᓐᓂᐅᖅᑎᐅᔪᑦ ᐱᔭᕆᐊᓕᖏᓐᓂ ᐱᔪᓐᓇᑦᑎᐊᖁᓪᓗᒋᑦ. ᐃᑲᔪᕈᓐᓇᖅᐳᒍᑦ ᓇᓗᓇᐃᖅᓯᓂᕐᒥ ᓱᕈᓰᑦ ᓂᕆᑦᑎᐊᕐᓂᖏᓐᓂ ᐊᑐᓂ ᐅᓪᓛᖑᔪᒥ ᐊᒻᒪ ᓂᕿᒋᓂᐊᖅᑕᖏᓐᓂ ᐅᓪᓗᓕᒫᖑᔪᒧᑦ. ᓇᓗᓇᐃᖅᓯᓂᕐᒥ ᐊᓐᓄᕌᒃᓴᖃᑦᑎᐊᕐᓂᖏᓐᓂ ᐱᔭᕆᐊᖃᖅᑕᒥᓂᑦ ᐅᖅᑰᔪᓐᓇᕐᓂᕐᒧᑦ ᐊᒻᒪ ᐊᑦᑕᓇᙱᑦᑐᒥ ᐃᓂᒃᓴᖃᖅᑎᓪᓗᒋᑦ ᓯᓂᒋᐊᖅᑐᕐᕕᒃᓴᖓᓂ ᐅᓐᓄᐊᒃᑯᑦ. ᐅᖃᓕᒫᖃᑎᒋᕙᒡᓗᒋᑦ ᐊᒻᒪ ᐃᖃᔪᕐᓗᒋᑦ ᐃᑲᔪᖅᑕᐅᔪᒪᓕᕌᖓᑕ. ᐊᒻᒪ ᐊᒃᓱᕈᕐᓇᖅᓯᔭᕌᖓᑦ, ᐃᑲᔪᕐᓗᒋᑦ ᐊᑐᐃᓐᓇᖃᖅᑎᑦᑎᓂᕐᒧᑦ ᐃᑲᔪᖅᑕᐅᓂᐅᔪᓂ ᐱᔭᕆᐊᓕᖏᓐᓂ.

ᓄᓇᕗᒻᒥ, ᑐᓂᓯᓂᖅ ᐅᑯᓂᖓ ᐊᔪᕐᓇᕐᓂᖅᓴᐅᕗᖅ ᑐᓴᑐᐃᓐᓇᕐᓗᒍ.

ᑐᕌᖅᐸᓪᓕᐊᑎᓪᓗᑕ ᓄᑖᒥ ᐊᕐᕌᒎᔪᒧᑦ, ᐃᓱᒪᒋᓗᒍ ᖃᓄᖅ ᐊᑐᐃᓐᓇᖃᖅᑎᑦᑎᔪᓐᓇᕐᓂᑦ ᐃᑲᔪᖅᓱᐃᓂᕐᓂ ᒪᒃᑯᒃᑐᓄᑦ ᖃᐅᔨᒪᔭᕐᓂᑦ ᐃᓱᓕᑦᑎᔪᓐᓇᓛᖁᓪᓗᒋᑦ ᐊᒻᒪ ᐅᖓᑖᓄᑦ. ᐱᓕᕆᑦᑎᐊᕐᓂᕆᔭᖓᑦ ᓇᒧᙵᐅᕈᓘᔭᕐᓂᐊᖅᐳᖅ ᓄᓇᓕᑦᑎᓐᓂ ᐊᒻᒪ ᑲᓇᑕᓕᒫᒧᑦ.

ᓱᕈᓰᑦ ᐱᕈᖅᓴᑦᑎᐊᖅᑐᑦ ᐃᑲᔪᖅᓱᐃᔨᙳᖅᖢᑎᒃ ᓄᓇᖃᖃᑕᐅᓲᖑᕗᑦ ᐅᑎᖅᑎᕆᓲᖑᓪᓗᑎᒃ. ᐱᒋᐊᕈᑎᒃᓴᖅᑖᕆᐊᖃᖅᑐᒃᓴᐅᕗᑦ ᑕᐃᑯᙵᕐᓂᕐᒧᑦ ᑭᓯᐊᓂ ᑕᑯᓪᓗᒋᑦ ᐱᓕᕆᑦᑎᐊᕈᓐᓇᕐᓂᖏᓐᓂ ᐃᓕᓴᕆᔭᐅᓂᕐᒧᑦ ᑐᓐᓂᖅᑯᓯᐊᖑᔪᒥ ᐅᕙᑦᑎᓐᓄᑦ ᓈᒻᒪᒃᐳᖅ.