ᓄᓇᕗᒻᒥ ᒐᕙᒪᒃᑯᑦ ᕿᓂᖅᐳᑦ ᖃᐅᔨᓇᓱᐊᕐᓂᕐᒥ ᐊᑭᖏᓐᓂ ᐊᒻᒪ ᐱᕚᓪᓕᕈᑕᐅᓇᔭᕐᓂᖏᓐᓂ ᐃᓄᓕᒫᓄᑦ ᑮᓇᐅᔾᔭᒃᓴᓂᐅᓇᔭᖅᑐᒥ ᓄᓇᕗᒻᒥ

ᐊᑲᐅᙱᓕᐅᕈᑎ: ᐃᓄᓕᒫᓄᑦ ᑮᓇᐅᔾᔭᒃᓴᓂᐅᓇᔭᖅᑐᒥ
ᐅᖃᖅᐳᒍᑦ: ᖃᐅᔨᓴᖅᑕᐅᓪᓗᐊᑦᑎᐊᖅᑐᖅ

ᓄᓇᕗᒻᒥ ᒐᕙᒪᒃᑯᑦ ᐅᖃᕌᖓᒥᒃ ᑭᓱᑐᐃᓐᓇᒥᒃ ᖃᐅᔨᓴᕐᓂᐊᕐᓂᖏᓐᓂ, ᐊᓂᖅᓴᐅᒥᔾᔫᖑᓲᖑᕗᒍᑦ ᐊᒻᒪ ᐊᐱᖅᓱᕐᖢᑕ ᖃᔅᓰᖅᓱᖅᖢᒍ ᐊᔾᔨᒌᙱᓐᓂᐅᔪᓂ ᐊᕐᕌᒍᒐᓴᓂ ᖃᐅᔨᓴᐃᔪᓐᓇᖅᐱᑕ ᑭᓱᑐᐃᓐᓇᒥᒃ ᐃᖏᕐᕋᓂᖃᓕᕈᓐᓇᕐᓂᑦᑎᓐᓂ ᐊᑲᐅᙱᓕᐅᕈᑕᐅᔪᒥ ᐃᒻᒥᖕᓂᒃ.

ᑭᓯᐊᓂ, ᒫᓐᓇᓕᓴᐅᔪᒥ ᐅᖃᓪᓚᖕᓂᐅᔪᑦ ᐃᓄᓕᕆᔨᒃᑯᑦ ᑐᒃᓯᕋᐅᑎᓂᑦ ᖃᐅᔨᒋᐊᕈᒪᓂᕐᒧᑦ ᐱᒋᐊᖅᑎᑕᐅᔪᓂᒃ ᐱᓕᕆᓂᕐᒧᑦ ᖃᓄᖅ ᐊᔪᕐᓇᕋᔭᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᓂᐅᔪᒥ ᑮᓇᐅᔾᔭᒃᓴᓂᖃᕈᓐᓇᕐᓂᐅᔪᒥ ᓄᓇᕗᒻᒥ ᐊᐃᑉᐸᖔᖓᓄᑦ ᐊᒃᑐᐃᓂᖃᖅᐳᖅ, ᕿᓯᐊᓂ ᐅᑕᖅᑭᓂᐅᔪᖅ ᐊᑯᓂᐅᓂᐊᖅᐳᖅ ᑐᒃᓯᕋᐅᑎᑦ ᖃᐅᔨᒋᐊᕈᒪᓂᕐᒧᑦ ᐱᒋᐊᖅᑎᑕᐅᔪᓂᒃ ᓱᓕ ᒪᑐᐃᖓᓪᓗᓂ ᑳᓐᑐᕌᒃᑖᕋᓱᐊᕐᓂᐅᔪᓄᑦ.

ᑕᐃᒪᐃᒃᑲᓗᐊᖅᑎᓪᓗᒍ, ᐃᓄᓕᒫᓄᑦ ᑮᓇᐅᔾᔭᒃᓴᓂᐅᔪᓐᓇᖅᑐᒥ ᐱᓕᕆᐊᒃᓴᐅᔪᒥ ᐱᕕᒃᓴᖃᑐᐃᓐᓇᕆᐊᖃᖅᐳᖅ ᐊᓯᔾᔩᓂᐅᔪᒥ ᑮᓇᖓᓂ ᑮᓇᐅᔾᔭᒃᓴᓂᕐᓄᑦ ᐊᔾᔨᒌᙱᑎᑕᐅᓂᐅᔪᓂ ᓄᓇᕗᒻᒥ.

ᓄᓇᕗᒻᒥ ᐊᒃᖢᓗᐊᖅᑎᑦᑎᑦᑕᐃᓕᒪᓂᕐᒧᑦ ᑎᑎᕋᕐᕕᖓᑕ ᓯᕗᓪᓕᖅᐹᖓᓂ ᐊᑐᖁᓇᔭᖅᑕᖓᓂ ᓱᓕᓪᓚᕆᖕᓂᕋᕈᒻᒥ ᑮᓇᐅᔾᔭᒃᓴᓂᕐᓄᑦ ᐊᓯᐊᒎᕐᓂᖓᓂ ᒫᓐᓇᐅᔪᒥ ᓂᖃᐃᓱᕐᓂᕐᒧᑦ ᐃᑲᔪᖅᓱᐃᓂᐅᔪᒥ ᐆᒃᑐᕋᐅᑎᐅᔪᒥ 2013–ᒥ. ᓵᙵᓪᓗᒍ ᐊᑭᓪᓗᐊᖓᓂ, ᐱᐅᙱᓐᓂᖃᓚᐅᙱᓚᖅ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂᑦ ᐅᕙᓂ ᖃᐅᔨᓴᕐᓂᐅᔪᒥ.

ᐃᓄᓕᒫᓄᑦ ᐅᕝᕙᓘᓐᓃᑦ ᓱᓕᓪᓚᕆᖕᓂᕋᕈᒻᒥ ᑮᓇᐅᔾᔭᒃᓴᓂᕐᓄᑦ ᐃᓅᖃᑎᒌᖑᔪᓄᑦ ᐃᑲᔪᖅᓱᐃᓂᐅᓪᓗᓂ ᐆᒃᑑᑎᐅᕗᖅ ᑐᙵᕕᖃᖅᑐᒥ ᐃᓇᖏᖅᓯᓂᖓᓂ ᓂᖃᐃᓱᕐᓂᐅᔪᒥ ᐊᒻᒪ ᐊᓯᖏᓐᓂ ᐱᓕᕆᐊᖑᔪᓂ (ᑕᐃᒪᐃᒐᔪᒃᑐᒥ) ᑕᖅᑭᑕᒫᒥ ᐊᖏᓂᐅᔪᒥ ᑮᓇᐅᔭᓂᒃ ᓇᓗᓇᐃᖅᓯᓂᕐᒧᑦ ᐃᓄᐃᑦ ᓈᒻᒪᒃᑐᓂ ᐃᓅᔪᓐᓇᕐᓂᖏᓐᓄᑦ, ᐃᓱᒪᒋᓇᒍ ᐃᖅᑲᓇᐃᔭᕐᓂᖏᓐᓄᑦ ᖃᓄᐃᓕᖓᓂᖓᓂ. ᓇᓗᓇᖅᓯᒃᑲᓐᓂᓲᖑᕗᖅ, ᑭᓯᐊᓂ ᐊᓪᓚᕝᕕᓕᕆᓂᕐᒧᑦ ᑭᒡᓕᐅᔪᒧᑦ – ᑕᐃᒃᑯᐊ ᑮᓇᐅᔭᖅᑖᕆᐊᖃᓪᓚᕆᒃᑐᑦ ᐱᓪᓚᕆᒃᑲᔭᖅᐳᑦ, ᐊᒻᒪᓗ ᑕᐃᒃᑯᐊ ᓈᒻᒪᒃᑐᒥ ᑮᓇᐅᔾᔭᒃᓴᓂᖃᖅᑐᑦ ᐆᒪᑦᑎᐊᕐᓂᕐᒧᑦ ᓈᒻᒪᒃᑐᒥ ᐃᒪᐃᑦᑐᓐᓇᖅᐳᑦ, ᓲᕐᓗ, ᐲᖅᑕᐅᓗᑎᒃ ᐱᓕᕆᐊᖑᔪᒥ ᐅᕝᕙᓘᓐᓃᑦ ᑮᓇᐅᔾᔭᒃᓴᒃᑲᓐᓂᕐᓂᖓ ᐲᖅᑕᐅᓗᓂ ᓯᒃᑭᑖᖓᓂ ᑖᒃᓯᐅᓗᓂ – ᐃᓐᑲᒻ ᑖᒃᓯᔅᓂ ᐊᑭᓕᒃᓴᙳᖅᑎᑦᑎᓲᖑᔪᒥ. ᐊᒥᓱᓂ ᐱᓕᕆᓂᖅᑕᓕᒃ ᓇᓕᒧᑎᑦᑎᓂᕐᒥ ᐱᓕᕆᔾᔪᓯᐅᔪᒥ, ᐊᒻᒪ ᐊᒥᓱᑦ ᖃᐅᔨᓴᖅᑕᐅᓯᒪᕗᑦ ᐊᒻᒪ ᐅᖃᐅᓯᐅᑯᑖᒃᓯᒪᓪᓗᑎᒃ ᑕᐃᒪᙵᓂ 1970–ᖏᓐᓂ, ᓯᕗᓪᓕᖅᐹᖅ ᑮᓇᐅᔾᔭᒃᓴᓂᐅᓇᔭᖅᑐᒥ ᐱᓕᕆᐊᒃᓴᖅ ᑲᓇᑕᒥ ᓯᕗᓪᓕᖅᐹᒥ ᐱᓕᕆᐊᕆᔭᐅᑎᓪᓗᒍ ᑲᓇᑕᒥ ᒐᕙᒪᒃᑯᓐᓄᑦ ᐅᐃᓂᐱᐊᒡᒥ, ᑖᕕᓐ ᐊᒻᒪ ᓄᓇᓕᖕᓂ ᒫᓂᑑᐸᒥ.

ᓯᕗᓪᓕᖅᐸᐅᔪᖅ ᖃᐅᔨᓴᕈᑕᐅᔪᖅ ᐋᖅᑭᒃᓱᖅᑕᐅᓚᐅᖅᐳᖅ ᐃᓱᒪᓕᐅᕆᓂᕐᒥ ᐃᓄᐃᑦ ᓱᓕ ᕿᓂᕋᔭᕐᒪᖔᑕ ᐃᖅᑲᓇᐃᔮᒃᓴᓂ ᐱᔭᕆᐊᖃᖅᑕᖏᑦ ᑭᐅᒪᔭᐅᒍᑎᒃ ᒐᕙᒪᒃᑯᓐᓄᑦ. ᖃᓄᐃᓕᖓᓂᐅᔪᑦ ᐊᔾᔨᒌᙱᑦᑑᑕᐅᓚᐅᖅᐳᑦ, ᖃᐅᔨᓴᕐᓂᐅᔪᖅ ᐋᖅᑭᒃᓯᒪᔪᒥ ᐃᓱᓕᕝᕕᒃᓴᖃᓚᐅᕐᒪᑦ ᐅᓪᓗᕐᒥ ᑕᐃᒫᒃ ᐊᒥᓱᑦ ᐃᓚᐅᖃᑕᐅᔪᑦ ᕿᒪᒃᓯᓚᐅᙱᓚᑦ ᐃᖅᑲᓇᐃᔭᖅᑎᐅᖃᑕᐅᔪᓂ, ᑭᓯᐊᓂ ᑲᑎᙵᓂᐅᔪᑦ ᐱᕚᓪᓕᕐᓂᐹᖑᓚᐅᖅᑐᓂ ᐅᐃᖃᙱᑦᑐᑦ ᐊᓈᓇᐅᔪᑦ ᐊᒻᒪ ᒪᒃᑯᒃᑐᓂ ᐃᓚᒌᖑᔪᓂ ᐃᓱᒪᒃᓴᖅᓯᐅᕆᔭᕆᐊᖃᖅᑐᓂ ᐊᑭᖓᓂ/ᐱᕚᓪᓕᕈᑕᐅᔪᓂ ᐊᑭᓖᓂᕐᒧᑦ ᐸᐃᕆᕝᕕᐅᔪᓂ ᐃᖅᑲᓇᐃᔮᒃᓴᖅᓯᐅᖅᑎᓪᓗᒋᑦ ᐊᖏᕐᕋᖏᑕ ᓯᓚᑖᓂ.

ᐊᑕᐅᓯᖅ ᐊᖏᓛᖑᔪᒥ ᐊᑭᕋᖅᑐᖅᑕᐅᓂᖅᐹᖑᔪᒥ ᑕᐃᒪᐃᑦᑐᒥ ᐱᓕᕆᔾᔪᓯᐅᔪᒥᑦ ᐊᔭᐅᕆᕙᖕᓂᖓᓂ ᐃᓄᖕᓂ ‘ᐃᕿᐊᑦᑕᐅᓂᕐᒧᑦ’ ᐊᒻᒪᓗ ᐆᒪᓂᕐᒥ ᑐᓂᐅᖅᑲᖅᑕᐅᓂᐅᕙᒃᑐᓂ, ᑭᓯᐊᓂ, ᑕᐃᒪᐃᑦᑐᓂ ᐅᓄᖅᑐᓂ ᐊᒃᑐᖅᑕᐅᓂᐅᔪᓂ ᐊᑐᖅᑕᐅᓪᓗᐊᙱᓚᑦ, ᐱᓗᐊᖅᑐᒥ ᐊᕕᒃᑐᖅᓯᒪᓂᐅᔪᒥ ᐊᔾᔨᒌᙱᑦᑑᑕᐅᓂᖃᕐᔪᐊᖅᑐᓂ ᐃᓄᖕᓂ ᐱᔪᓐᓇᕐᓂᖏᓐᓂ ᐊᒻᒪ ᐃᖅᑲᓇᐃᔭᕈᒪᓂᕐᒧᑦ ᐊᒻᒪᓗ ᐃᖅᑲᓇᐃᔮᒃᓴᖃᙱᓗᐊᕐᓂᖓᓂ ᐱᔪᓐᓇᖅᑕᖏᓐᓂ.

ᐊᒥᓱᐃᑦ ᖁᑦᑎᒃᑐᒥ–ᐊᑭᓕᖅᓱᖅᑕᐅᓲᓂ ᐃᖅᑲᓇᐃᔮᖑᔪᑦ ᐱᔪᓐᓇᖅᑎᑦᑎᓇᔭᖅᑐᒥ ᓄᓇᕗᒻᒥᐅᑉ ᐱᔪᓐᓇᕐᓂᖓᓂ ᑮᓇᐅᔾᔭᒃᓴᓂᖓᓐᓂ ᓈᒻᒪᒃᑐᒥ ᐆᒪᔪᓐᓇᕐᓂᐅᔪᒥ ᖃᓪᓗᓈᓅᓲᖑᕗᑦ ᐅᕝᕙᓘᓐᓃᑦ ᐱᔭᐅᑲᐅᖅᑐᖅᖢᓂ ᐃᓄᖕᓄᑦ ᕿᓂᖅᑐᓄᑦ ᐃᓂᖃᕐᓂᐊᕐᓂᖏᓐᓂ ᐃᒃᓯᕙᐅᑕᐅᔪᒥ ᐊᕐᕌᒍᓄᑦ 30–ᓄᑦ ᑎᑭᑉᐸᓪᓕᐊᔪᓄᑦ, ᐊᐱᖅᑯᑕᐅᙱᓐᓂᖅᓴᐅᓕᓲᖑᕗᖅ ᐃᕿᐊᑦᑕᐅᓂᕐᒥ ᐊᒻᒪᓗ ᐊᐱᖅᑯᑎᙳᖔᖅᖢᓂ ᓂᕈᐊᖅᓯᓂᐅᔪᒥ, ᐊᒻᒪᓗ ᐱᑕᖃᕋᓗᐊᕐᒪᖔᑦ.
ᐊᕐᕕᐊᑦ ᐅᐊᖕᓇᖓᓄᑦ-ᑎᑭᕋᕐᔪᐊᒧᑦ ᒪᓕᒐᓕᐅᖅᑎ ᔮᓐ ᒪᐃᓐ ᑎᒃᑯᐊᖅᓯᓂᖃᓚᐅᖅᐳᖅ ᑖᓐᓇ ᐊᑭᕋᖅᑐᕐᓂᐅᔪᖅ ᖃᓄᖅ $2,000 ᑕᖅᑭᑕᒫᒥ ᑲᓇᑕᒥ ᑐᐊᕕᕐᓇᖅᑐᒥ ᑭᐅᓂᕐᒧᑦ ᐱᕚᓪᓕᕈᑎᒥ ᐊᑭᓕᐅᑕᐅᔪᑦ ᐊᑐᖅᑕᐅᓯᒪᓂᖏᓐᓂ ᓄᓇᕗᒻᒥᐅᓄᑦ ᑕᑯᒃᓴᐅᑎᑦᑎᓂᖃᖅᐳᖅ ᑕᒻᒪᖅᓯᒪᔪᒥ ᐃᓱᒪᓂᐅᔪᓂᑦ ᓱᓕᓪᓚᕆᖕᓂᐅᔪᒥ ᓂᖃᐃᓱᕐᓂᕐᒧᑦ ᐊᒻᒪᓗ ᑕᐃᒃᑯᓄᖓ ᐱᕙᒃᑐᓄᑦ.

“ᐱᖃᖅᐳᒍᑦ $2,000–ᒥ ᐱᕚᓪᓕᕈᑕᐅᔪᒥ ᐊᑐᖅᑕᐅᓂᖓᓂ ᐅᓂᒃᑳᕆᓂᖓᓂ ᐊᖏᒡᓕᒋᐊᖅᑐᒥ ᐋᖓᔮᕐᓇᖅᑐᓗᐊᕐᓂᐅᔪᒥ ᐊᒻᒪ ᐱᕋᔭᖕᓂᕐᒧᑦ. ᐅᒃᐱᕈᓱᓗᐊᕌᓗᙱᓚᖓ ᐊᑕᐅᓯᑐᐊᖑᔪᒥ ᖃᐅᔨᓴᐃᓂᐅᔪᒥ ᐊᑲᐅᙱᓕᐅᕈᑕᐅᔪᒥ ᑕᐃᒪᐃᑦᑐᒥ. ᐊᑭᕋᖅᑐᖅᑎᐅᔪᑦ ᑲᓇᑕᒥ ᑐᐊᕕᕐᓇᖅᑐᒥ ᑭᐅᓂᕐᒧᑦ ᐱᕚᓪᓕᕈᑎᒥᑦ – ᖃᐅᔨᒪᕙᑦ ᓂᕿᒃᓴᖃᙱᓗᐊᕐᓂᐅᔪᒥ ᒥᒃᖠᕚᓪᓕᖅᓯᒪᓂᖓᓂ? ᖃᐅᔨᒪᕙᑦ ᓱᕈᓰᑦ ᓂᕆᑎᑕᐅᑦᑎᐊᕐᓂᖅᓴᐅᖕᒪᖔᑕ ᐅᓪᓛᒃᑯᑦ?” ᒪᐃᓐ ᐊᐱᕆᓚᐅᖅᐳᖅ. “ᐆᒃᑑᑎᑦᑎᐊᕙᐅᕗᖅ ᖃᓄᖅ ᒥᒃᖠᒋᐊᖅᑎᑦᑎᔪᓐᓇᙱᓐᓂᕐᓂ ᐃᓄᖕᓂ ᐃᔪᕐᓇᖅᑐᒥ ᐅᓂᕐᑳᓕᐊᖑᔪᒥ. ᑕᒪᒃᑭᓕᒫᑦ ᐱᕋᔭᐅᙱᓚᑦ ᐅᕝᕙᓘᓐᓃᑦ ᐅᐃᕆᓯᒪᓂᖃᖅᑐᐃᓐᓇᐅᙱᓚᑦ.”

ᐃᓄᐃᑦ ᑐᑭᓕᐊᖑᕙᙱᓚᑦ ᐱᔪᓐᓇᕐᓂᖏᓐᓂ ᐃᖅᑲᓇᐃᔭᕐᓂᕐᒧᑦ, ᐊᖏᓂᖅᓴᒻᒪᕆᐅᕗᑦ ᐅᓄᕐᓂᐅᔪᓂ ᐃᑲᕐᕋᓂ ᐃᓕᓯᕙᖕᓂᖏᓐᓂ ᐃᖅᑲᓇᐃᔮᒧᑦ ᐱᓇᓱᐊᕈᓯᑕᒫᒥ. ᐊᒃᓱᕈᕆᐊᖃᙱᓐᓂᐅᔪᒥ ᐅᕝᕙᓘᓐᓃᑦ ᓂᕈᐊᖅᓯᓂᕐᒥ ᓇᓕᐊᒃ ᐊᑭᓕᒐᒃᓴᖅ ᑭᖑᕙᕆᐊᖅᑕᐅᔪᓐᓇᕐᓂᖓᓂ ᑕᖅᑭᐅᓂᐊᖅᑐᒧᑦ ᐊᖏᔪᒥ ᐊᒃᑐᐃᓂᖃᕋᔭᖅᐳᖅ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᑦᑎᒃᑐᒥ–ᑮᓇᐅᔾᔭᒃᓴᓂᖃᖅᑐᓄᑦ ᐃᓚᒌᖑᔪᓄᑦ.

ᓄᓇᕘᔪᒥ ᐃᖅᑲᓇᐃᔮᑦ ᐊᒻᒪ ᐃᒡᓗᒃᓴᖃᕐᓂᑦ ᐊᖏᓛᖑᑎᓪᓗᒍ, ᑐᑭᖃᑐᐃᓐᓇᖅᐳᖅ ᑐᓂᓯᓂᕐᒥ ᐃᓄᖕᓂ ᐊᒻᒪ ᐃᓚᒌᓂᑦ ᓈᒻᒪᒃᑐᒥ ᐊᒻᒪ ᐃᓚᐃᓐᓇᖅᓱᙱᑦᑐᒥ ᐱᒋᐊᕐᕕᒃᓴᒥᑦ.

Advertisement