ᐋᓐᓂᐊᓕᕇᒃᑯᑎᒧᑦ ᐱᔪᒪᓗᐊᙱᓐᓂᐅᔪᒥ ᑕᐃᒪᐃᒐᔪᒃᑐᒥ ᖃᓄᐃᓐᓂᐅᕗᖅ ᓱᖏᐅᑎᓯᒪᑎᓪᓗᑕ ᓄᓇᒥ ᐊᓯᔾᔨᖅᐸᓪᓕᐊᔪᒥ ᑭᐅᓂᐅᔪᒥ ᐅᓗᕆᐊᓇᕈᑕᐅᔪᓂ

ᐊᑲᐅᙱᓕᐅᕈᑎ: ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᕐᓂᖓ
ᐅᖃᖅᐳᒍᑦ: ᐱᑕᖃᕐᓂᐅᕗᖅ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐅᖓᑖᓂ

ᐋᓐᓂᐊᓕᕇᒃᑯᑎᖅᑕᐅᓂᖅ ᓄᕙᒡᔪᐊᕐᓇᖅ-19–ᒧᑦ ᐱᒋᐊᓚᐅᖅᐳᖅ ᓄᓇᕗᒻᒥ ᔭᓄᐊᕆ 6–ᒥ, 70-ᓂ-ᐅᑭᐅᓕᖕᒥ ᔫᓯᐱ ᐋᑕᒻᔅᒧᑦ, ᐃᒡᓗᖃᖃᑕᐅᔪᒥ ᐃᖃᓗᖕᓂ ᐃᓄᑐᖃᒃᑯᕕᖕᒥ, ᓯᕗᓪᓕᖅᐸᐅᔪᒪᓪᓗᓂ ᐃᓅᓪᓗᓂ ᓄᓇᕗᒻᒥ ᐱᓂᕐᒧᑦ ᒪᑑᕐᓇ ᐋᓐᓂᐊᓕᕇᒃᑯᑎᒥᒃ.

ᐊᒥᓱᐃᑦ ᐃᓄᐃᑦ ᓄᓇᕗᓕᒫᒥ ᐊᒻᒪ ᑲᓇᑕᒥ ᐱᔪᒪᓗᐊᙱᓐᓂᖃᖅᐳᑦ ᓈᒻᒪᒃᓴᕐᓂᐅᔪᒥ ᐋᓐᓂᐊᓕᕇᒃᑯᑎᓂᑦ ᐊᑦᑕᓇᙱᓐᓂᖓᓂ, ᐅᖃᐅᓯᐅᓪᓗᓂ ᐃᓱᒫᓘᑕᐅᔪᓂ ᖃᓄᖅ ᓱᒃᑲᓂᖓᓂ ᐃᓅᓕᓴᖅᑕᐅᓂᖅ ᐱᕙᓪᓕᐊᑎᑕᐅᓚᐅᕐᓂᖓᓂ ᐊᒻᒪᓗ ᓴᖅᑭᑎᑕᐅᓂᖓᓄᑦ, ᐅᕝᕙᓘᓐᓃᑦ ᖃᐅᔨᒪᓂᖃᙱᓗᐊᕐᓂᖓᓂ ᐊᑯᓂᐅᔪᒃᑯᑦ ᐊᒃᑐᐃᓂᐅᔪᓐᓇᖅᑐᓄᑦ.

ᐅᑯᐊ ᓈᒻᒪᒃᑐᒥ ᐃᓱᒫᓘᑕᐅᕗᑦ, ᑭᓯᐊᓂ ᑐᓴᒐᒃᓴᓕᕆᔨᐅᔪᓄᑦ RNA (mRNA) ᐋᓐᓂᐊᓕᕇᒃᑯᑎᓄᑦ ᓲᕐᓗ ᒪᑑᕐᓇ ᐊᒻᒪ ᕙᐃᓱᕐ ᐋᓐᓂᐊᓕᕇᒃᑯᑏᑦ ᐱᕙᓪᓕᐊᑎᑕᐅᓯᒪᕗᑦ ᐊᕐᕌᒍᑦ 20 ᐅᖓᑖᓄᑦ. ᐊᑐᙱᖔᕐᓗᑎᒃ ᓴᙲᒃᑎᒋᐊᖅᓯᒪᔪᓂ ᐅᕝᕙᓘᓐᓃᑦ ᐱᒋᐊᖅᑎᑕᐅᓯᒪᙱᑦᑐᓂ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐃᓕᓐᓂᐊᖅᑎᑦᑎᓲᖑᕗᖅ ᐃᔭᕈᕙᐅᔭᑦᑎᓐᓂ ᓄᑭᓕᐅᕈᑕᐅᔪᓂᒃ – ᐅᕝᕙᓘᓐᓃᑦ ᐃᓚᐃᓐᓇᖏᓂᓪᓘᓐᓃᑦ ᓄᑭᓕᐅᖅᑐᒥ – ᐱᒋᐊᖅᑎᑦᑎᔪᒥ ᓴᐳᒻᒥᔾᔪᑎᓕᕆᓂᕐᒧᑦ ᑭᐅᓂᐅᔪᒥ ᑎᒥᑦᑕ ᐃᓗᐊᓂ. ᑕᐃᓐᓇ ᓴᐳᒻᒥᔾᔪᑎᓕᕆᓂᕐᒧᑦ ᑭᐅᓂᖓ ᐅᕙᑦᑎᓐᓂ ᓴᐳᔾᔨᓯᓯᒪᓲᖑᕗᖅ ᑖᔅᓱᒥᖓ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ.

ᓱᒃᑲᔪᒥ ᖃᐅᔨᓴᖅᑕᐅᓂᕐᒧᑦ ᐱᕙᓪᓕᐊᑎᑕᐅᓂᖓᓂ ᐱᔪᓐᓇᓚᐅᖅᐳᖅ ᐱᔾᔪᑎᖃᖅᑐᒥ ᓄᓇᕐᔪᐊᓕᒫᒥ ᐱᓕᕆᖃᑎᖃᕐᓂᐅᔪᒥ ᐊᒻᒪᓗ ᓄᓇᕐᔪᐊᒥ ᐱᔪᒪᓂᐅᔪᒥ ᐃᓄᖕᓄᑦ ᓴᐳᔾᔭᐅᓯᒪᓂᖏᓐᓄᑦ ᐆᒪᙵᑦ ᐋᓐᓂᐊᕐᓇᐅᔪᒥ.

ᑭᓱᓕᒫᑦ ᐱᔭᕇᖅᑕᐅᔪᓂ ᐱᔭᕇᖅᑕᐅᓴᕋᐃᑦᑑᔪᒥ ᐅᓗᕆᐊᓇᙱᓚᖅ ᐅᕝᕙᓘᓐᓃᑦ ᐱᔭᕇᖅᓯᒪᓂᐅᙱᓚᖅ. ᓲᕐᓗ ᐊᕐᕕᓕᖅᕈᐊᖅ ᐃᓕᓐᓂᐊᕐᕕᒃ. ᑰᒑᕐᔫᑉ ᓄᑖᖑᔪᒥ ᐃᓕᓐᓂᐊᕐᕕᖓ, ᓵᓚᖃᓚᐅᖅᑐᒥ ᓴᓇᔭᐅᓯᒪᓂᐊᖅᑐᓂᒃ ᐋᖅᑭᒃᓯᒪᓂᐅᔪᒥ ᑎᑎᕋᐅᔭᖅᑕᐅᓂᖓᓄᑦ ᐱᓕᕆᔨᐅᔪᓂ ᓴᓇᔭᐅᓂᖓᓄᑦ ᒪᕐᕉᖕᓂ ᓵᓚᖃᐅᓯᐊᓂᑦ ᐱᓕᕆᓂᕐᒧᑦ “ᓱᒃᑲᔪᒥ ᐊᒻᒪᓗ ᐃᓱᒪᑐᓂᕐᒥ ᑭᐅᓂᕐᒧᑦ ᐊᒃᓱᕈᕈᑕᐅᔪᓂ ᓴᓇᓂᐅᔪᒥ ᐊᒻᒪᓗ ᓇᑉᐸᖅᑎᕆᓂᕐᒥ ᐃᓕᓐᓂᐊᕐᕕᖕᒥ ᐅᖓᓯᒃᑐᒥ ᐃᓂᐅᔪᒥ ᐅᕘᓇ ᐱᔭᕇᖅᑕᐅᓴᕋᐃᒋᐊᖃᖅᑐᒥ,” ᐅᖃᐅᓯᐅᓪᓗᓂ ᓄᓇᕗᒻᒥ ᒐᕙᒪᒃᑯᓐᓂ ᑐᓴᒐᒃᓴᓕᐊᖑᔪᒥ. ᐃᓕᓐᓂᐊᕐᕕᒃ ᐱᔭᕇᖅᑕᐅᓚᐅᖅᐳᖅ ᐊᕐᕌᒍᓂ ᒪᕐᕉᖕᓂ, ᐱᓕᕆᐊᖑᒐᔪᒃᑎᓪᓗᒍ ᐊᒃᕌᒍᓄᑦ ᐱᖓᓱᓄᑦ ᑎᓴᒪᓂᓪᓘᓐᓃᑦ.

ᐃᒃᐱᒍᓱᖕᓂᐅᔪᒥ ᑐᐊᕕᕐᓇᕐᓂᖓᓂ ᑲᔪᖏᖅᓴᐃᓂᐅᔪᓐᓇᖅᐳᖅ ᖃᓄᐃᓐᓂᐅᔪᒥ ᑭᐅᔭᐅᔭᕆᐊᖃᖅᑎᓪᓗᒍ. ᑕᐅᑐᙳᐊᕐᓗᒍ ᐃᖏᕐᕋᑎᑦᑎᔪᓐᓇᕈᑦᑕ ᐃᑲᔪᕈᑎᒃᓴᓂ ᑮᓇᐅᔭᖃᖅᑎᑕᐅᓂᐅᔪᒥ ᐊᒻᒪᓗ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪᑦ ᐊᔾᔨᐸᓗᐊᓂ ᐊᖏᒡᓕᒋᐊᖅᑐᒥ ᐊᑯᓂᐅᓂᐅᔪᒥ, ᐱᓗᐊᖅᑐᒥ ᐃᒡᓗᒃᓴᖃᖅᑎᑦᑎᒃᑲᓐᓂᕐᓂᐅᔪᒥ.

ᐅᒃᑐᐱᕆᒥ, ᓘᒃᑖᖅ ᑐᕇᓴ ᑖᒻ, ᑲᓇᑕᐅᑉ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ, ᑎᑎᕋᐃᓚᐅᖅᐳᖅ ᐅᓗᕆᐊᓇᕐᓂᕐᒥ ᓴᙱᓂᐅᔪᒧᑦ: ᑕᐃᒪᐃᓪᓗᐊᖅᑎᑕᐅᓂᕐᒥ ᑐᕌᒐᕆᔭᐅᔪᖅ ᓄᕙᒡᔪᐊᕐᓇᖅ-19–ᒧᑦ, ᑎᑎᕋᕐᕕᐅᑉ ᐅᓂᒃᑳᓕᐊᖓ ᖃᓄᐃᓐᓂᐅᔪᒥ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᑲᓇᑕᒥ 2020–ᒥ.

ᐃᓗᐊᓂ, ᓘᒃᑖᖅ ᑖᒻ ᐅᖃᖅᐳᖅ: “ᐅᓇ ᐊᒥᓱᓄᑦ ᖃᓂᒻᒪᓐᓇᐅᔪᒥ ᑕᑯᒃᓴᐅᑎᑦᑎᓯᒪᕗᖅ ᓈᒻᒪᙱᓐᓂᐅᔪᓂ ᐃᓅᖃᑎᒌᖑᔪᓂ ᐃᓕᓯᓯᒪᕗᖅ ᐃᓚᖏᓐᓂ ᐃᓄᒋᐊᖕᓂᐅᔪᓂ ᐊᒻᒪᓗ, ᐃᓱᐊᓂ, ᑕᒪᒃᑭᓂ ᑲᓇᑕᒥᐅᑕᓂ ᐅᓗᕆᐊᓇᕐᓂᐅᔪᒥ. ᑭᓇᑐᐃᓐᓇᖅ ᓴᐳᔾᔭᐅᓯᒪᓂᖃᙱᓚᑦ ᐅᓗᕆᐊᓇᕐᓂᖓᓂ ᓄᕙᒡᔪᐊᕐᓇᖅ-19–ᒥ ᑭᓯᐊᓂ ᑭᒃᑯᓕᒫᑦ ᓴᐳᔾᔭᐅᓯᒪᓕᖅᐸᑕ.”

ᐅᖃᐅᓯᖃᙱᓚᖅ ᐋᓐᓂᐊᓕᕇᒃᑯᑎᖅᑕᐅᓂᕐᒧᑦ ᒪᓕᒋᐊᖃᕐᓂᐅᔪᓂ, ᑭᓯᐊᓂ ᐱᑎᑦᑎᑦᑕᐃᓕᒪᓂᐅᔪᒥ ᐃᓅᓕᓴᐃᓂᖅ ᐱᐅᓂᖅᐹᖑᒐᔪᒃᐳᖅ, ᐅᖃᖔᖅᐳᖅ ᐊᒥᓱᓂ ᓄᓇᕗᒻᒥᐅᑦ ᓱᖏᐅᑎᓯᒪᓂᖏᓐᓂ, ᐃᓅᖃᑎᒌᖑᔪᓄᑦ ᓇᓕᒧᑎᑕᐅᙱᓐᓂᖏᓐᓂ.

ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᕐᓂᖓᓂ ᓄᓇᕗᒻᒥ ᐅᖓᕙᕆᐊᖅᑎᑕᐅᓯᒪᕗᖅ 21–ᖏᖅᓱᖅᖢᓂ ᑕᐃᒪᙵᓂ ᐱᒋᐊᕐᓂᖓᓂ ᐊᒥᓱᓄᑦ ᖃᓂᒻᒪᓐᓇᐅᔪᒥ ᒫᔾᔨᒥ, ᐊᒻᒪᓗ ᐃᓱᓕᕝᕕᖃᓪᓚᕆᙱᓚᖅ ᑕᑯᒃᓴᐅᓂᐅᔪᒥ. ᖁᐱᕐᕈᐃᑦ ᐊᐃᑦᑐᐃᓂᐅᔪᒥ ᖃᓪᓗᓈᓂ ᓄᓇᖓᓐᓂ ᐊᕕᒃᑐᖅᓯᒪᓂᐅᔪᓂ ᐊᐅᓚᑕᐅᑦᑎᐊᓕᑕᐃᓐᓇᕋᓗᐊᕈᓂ ᐊᒻᒪᓗ ᐅᓗᕆᐊᓇᕐᓂᖓᓂ ᐊᐃᑦᑐᐃᓂᐅᔪᒥ ᐋᓐᓂᐊᕐᓇᒥ ᐊᑦᑎᒃᓯᒋᐊᕈᓂ, ᐊᒥᓱᓗᐊᓂ ᓄᓇᕗᒻᒥᐅᑦ ᓱᓕ ᐃᓅᓯᖃᖅᐳᑦ ᐱᐅᙱᕐᔪᐊᖅᑐᓂ ᖃᓄᐃᓐᓂᐅᔪᓂ ᓱᒃᑲᒋᐊᖅᑎᑦᑎᕙᒃᑐᒥ ᐊᐃᑦᑐᐃᓂᐅᔪᒥ ᐆᒪᙵᑦ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐊᒻᒪ ᐊᓯᖏᓐᓂ.

ᐃᒡᓗᒃᓴᖃᖅᑎᑕᐅᓂᕐᒥ ᑐᐊᕕᕐᓇᕐᓂᖓ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᕐᓂᐅᕗᖅ.

ᓂᕿᒃᓴᖃᑦᑎᐊᙱᓐᓂᕐᒥ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᕐᓂᐅᕗᖅ.

ᐱᑕᖃᙱᓗᐊᕐᓂᖓᓂ ᐃᑲᔪᕈᑎᒃᓴᓂ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐅᐃᕆᓯᒪᓂᐅᔪᓂ ᒪᒥᓴᕐᓂᐅᔪᒥ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᕐᓂᐅᕗᖅ.

ᐊᓯᖏᓐᓂ ᐊᖏᕐᔪᐊᖅᑐᓂ ᐅᓗᕆᐊᓇᕈᑕᐅᔪᓂ ᓄᓇᕗᒻᒥ ᐃᓄᓕᒫᓄᖅ ᐊᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᐅᔭᐅᒐᒥ ᐃᒃᐱᒍᓱᓗᐊᕌᓗᙱᑦᑐᒥ ᐃᓕᖅᑯᓯᖃᕐᕕᐅᓂᐅᔪᒥ ᒐᕙᒪᑐᖃᒃᑯᓐᓂ, ᑐᑭᓯᓇᖅᐳᖅ ᐃᓄᐃᑦ ᐱᔪᒪᙱᑐᐃᓐᓇᕆᐊᖃᖅᐳᑦ ᐃᑲᔪᖅᓯᖅᑕᐅᓂᐅᔪᓂ ᕿᓚᒻᒥᓗᐊᕐᒥ ᓈᒻᒪᒋᔭᐅᓕᕐᓂᐊᕐᓂᖓᓂ.

ᑭᓯᐊᓂ ᓄᓇᕘᑉ ᓇᖕᒥᓂᖓᓂ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ ᐅᖃᖅᑎᓪᓗᒍ, “ᐅᓇ ᐊᖏᔪᒻᒪᕆᐅᓪᓗᓂ ᑎᑭᐅᑎᔭᐅᔪᓐᓇᖅᓯᒪᕗᖅ ᓄᓇᕘᑉ ᐊᖅᑯᑎᖓᓂ, ᐊᒻᒪᓗ ᖁᕕᐊᕐᔪᐊᕈᑎᒋᕙᕗᑦ. ᓴᐳᒻᒥᔾᔪᑎᓕᐅᖅᑕᐅᓂᐅᔪᒥ ᐃᓱᒪᖅᓱᕈᑕᐅᕗᖅ ᑭᓯᐊᓂ ᑲᔪᖏᖅᓴᐃᕗᖓ ᐊᒥᓱᓄᑦ ᐱᔪᓐᓇᖅᑐᓂ ᓄᓇᕗᒻᒥᐅᓂ ᐱᔪᓐᓇᕐᓂᓕᒫᖏᓐᓂ ᐱᓂᖏᓐᓂ ᐋᓐᓂᐊᓕᕇᒃᑯᑎᒥᒃ. ᒫᓐᓇᐅᔪᒥ ᐱᐅᓂᖅᐹᖑᓪᓗᓂ ᓴᐳᔾᔨᔾᔪᑕᐅᕗᑦ ᓄᓇᕗᒻᒥᐅᑦ ᐱᔪᓐᓇᖅᑕᖏᓐᓂ ᓄᕙᒡᔪᐊᕐᓇᖅ-19–ᒧᑦ.”

ᐊᑏ ᑲᐱᔭᐅᔭᖅᑐᕐᓂᐊᖅᐳᓯ.

Advertisement

Leave a comment

Your email address will not be published. Required fields are marked *