ᓄᓇᕗᒻᒥ ᑐᙵᕕᒃᑯᑦ ᐱᕚᓪᓕᕈᑎᖃᖅᐳᖅ ᐃᓄᓕᒫᓂᒃ, ᐃᓄᓕᒫᑦ ᑐᖅᑯᐃᓯᒪᓪᓗᐊᖅᐳᑦ ᑭᓇ ᐊᐅᓚᑦᑎᓂᐊᕐᓂᖓᓂ ᑲᑐᔾᔨᖃᑎᒌᖑᔪᒥ

ᐊᑲᐅᙱᓕᐅᕈᑎ: ᓄᓇᕗᒻᒥ ᑐᙵᕕᒃᑯᑦ ᓂᕈᐊᕐᓂᖓ
ᐅᖃᖅᐳᒍᑦ: ᓂᐲᑦ ᑐᓴᖅᑕᐅᓕ

ᐱᒋᐊᖅᖢᓂ ᐅᓪᓗᒥ (ᑎᓯᐱᕆ 7), ᓄᓇᕗᒻᒥᐅᑦ ᐅᑭᐅᓖᑦ 16–ᓂ ᐅᖓᑖᓂᓪᓗ ᑎᓯᐱᕆ 14–ᒥ ᐃᓚᐅᖃᑕᐅᓯᒪᔪᓂ ᐅᕘᓇ ᓄᓇᕗᒻᒥ ᐊᖏᕈᑕᐅᔪᒥ ᓂᕈᐊᕈᓐᓇᖅᐳᑦ – ᓯᕗᕐᙵᒍᑦ ᓇᓪᓕᐊᙳᖓᓂᐊᕐᒪᖔᑦ ᓂᕈᐊᕐᓂᐅᔪᒥ – ᓯᕗᓕᖅᑎᐅᓂᕐᒧᑦ ᓵᓚᖃᕋᓱᐊᕐᓂᐅᔪᒥ ᓄᓇᕗᒻᒥ ᑐᙵᕕᒃᑯᓐᓄᑦ (NTI).
ᑎᓯᐱᕆ 14 ᐅᓪᓗᓪᓚᕆᐅᕗᖅ ᐋᖅᑭᒃᑕᐅᓯᒪᔪᒥ ᓂᕈᐊᕐᓂᐅᔪᒧᑦ, ᑭᓯᐊᓂ ᑎᓴᒪᓂ ᓂᕈᐊᕈᓐᓇᕐᓂᖃᖅᐳᖅ: ᐅᐸᒃᓯᒪᓗᓂ, ᖃᕋᓴᐅᔭᑎᒍᑦ ᐅᖃᓘᑎᕋᓛᖅᑎᒍᑦ ᓂᕈᐊᕐᓂᐅᔪᒥ, ᐃᓇᖏᖅᑕᐅᓗᓂ ᓂᕈᐊᕐᓂᐅᔪᒥ ᐅᕝᕙᓘᓐᓃᑦ ᑎᑎᖅᑲᕐᓂᐊᕐᕕᒃᑯᑦ ᓂᕈᐊᕐᓂᐅᔪᒥ.

ᐃᑲᔪᖅᓱᐃᒐᓗᐊᕈᕕᑦ ᓂᕈᐊᒐᒃᓴᐅᔪᒥ ᐊᓗᑭ ᑰᑦᑎᕐᒥ ᐅᕝᕙᓘᓐᓃᑦ ᐱᓇᓱᐊᖃᑕᐅᔪᒥ ᐋᓐᑐᕉ ᓇᑲᓱᖕᒥ, ᓇᓗᓇᙱᓚᖅ ᑕᒪᒃᑭᑦ ᐃᓄᐃᑦ ᐱᔪᓐᓇᕐᓂᖅᑖᖅᑎᑕᐅᓯᒪᔪᑦ ᑐᖅᑯᐃᓯᒪᓪᓗᐊᖅᐳᑦ ᐅᖃᕐᓂᖏᓐᓂ ᑭᓇ ᑐᕌᖅᑎᑦᑎᓂᐊᕐᓂᖓᓂ ᐅᖃᓪᓚᖕᓂᐅᔪᓂ ᐊᒻᒪᓗ ᐊᖏᔪᓂ ᐃᓱᒪᓕᐅᕆᕙᖕᓂᖏᓐᓂ ᓇᒧᑦ $2-ᐱᓕᐊᓐ–ᑲᓴᖕᓂ ᓄᓇᕗᒻᒥ ᑮᓇᐅᔭᓂᒃ ᑎᒍᒥᐊᖅᑎᐅᔪᑦ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂᑦ.

ᑎᒥᐅᓪᓗᑎᒃ “ᐋᖅᑭᒃᓱᐃᕙᒃᑐᓂ ᐊᒻᒪᓗ ᐊᐅᓚᑦᑎᓪᓗᑎᒃ ᐃᓄᖕᓄᑦ ᑲᒪᒋᔭᕆᐊᖃᕐᓂᐅᔪᓄᑦ ᐋᖅᑭᒃᑕᐅᓯᒪᓂᖓᓂ ᓄᓇᕗᒻᒥ ᐊᖏᕈᑕᐅᔪᒥ ᐊᒻᒪᓗ ᓇᓗᓇᐃᖅᓯᓪᓗᓂ ᒐᕙᒪᑐᖃᒃᑯᑦ ᐊᒻᒪᓗ ᓄᓇᕗᒻᒥ ᒐᕙᒪᐅᔪᑦ ᑎᑭᐅᑎᓂᖏᓐᓂ ᐱᓕᕆᐊᒃᓴᖏᓐᓂ,” ᒪᓕᒃᖢᒍ ᐱᓕᕆᐊᒃᓴᖏᓐᓂ, ᓄᓇᕗᒻᒥ ᑐᙵᕕᒃᑯᑦ ᐱᓕᕆᓲᖑᕗᑦ ᐱᒻᒪᕆᐅᔪᒥ ᐊᑐᕐᓂᖃᐅᑎᒥᒃ ᓄᓇᕗᒻᒥ.

ᑲᑐᔾᔨᖃᑎᒌᖑᔪᑦ ᑐᕌᖅᑎᑦᑎᓲᖑᕗᑦ ᐱᒋᐊᕐᓂᐅᔪᒥ ᖃᔅᓯᒐᓚᖕᓂ ᐊᑲᐅᙱᓕᐅᕈᑕᐅᔪᓄᑦ: ᐃᓕᖅᑯᓯᒧᑦ ᐊᒻᒪ ᐅᖃᐅᓯᕐᒧᑦ ᐱᔪᓐᓇᕐᓂᕆᔭᐅᔪᓂ, ᐋᖅᑭᒃᓯᓂᕐᒥ ᐊᑐᐊᒐᕐᓄᑦ ᐊᒻᒪ ᐃᑲᔪᖅᓱᐃᓂᕐᒥ ᐃᓄᖕᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐱᕙᓪᓕᐊᔪᓕᕆᓂᕐᒧᑦ ᐊᒻᒪ ᐊᐅᓚᑦᑎᓂᕐᒥ ᐊᒃᑐᐃᓂᐅᔪᓄᑦ ᑕᐃᒃᑯᓄᖓ ᐱᕙᓪᓕᐊᑎᑕᐅᓂᐅᔪᓄᑦ ᐊᕙᑎᒧᑦ, ᐅᖃᐅᓯᕆᖕᒥᓗᒍ ᐊᓕᕙᐅᔪᒥ ᐃᒡᓗᕈᓯᕐᒦᑦᑐᒥ – ᐃᒡᓗᖃᖅᑎᑦᑎᓂᕐᒥ.

ᓇᓗᓇᐃᖅᓯᓂᖅ ᐃᓄᓕᒫᑦ ᐊᑐᐃᓐᓇᖃᕐᓂᖏᓐᓂ ᐱᔨᑦᑎᕋᕐᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᐅᔪᒥ ᐃᓄᒃᑐᑦ ᐊᑕᐅᓯᐅᓪᓗᓂ ᐃᓚᒋᔭᐅᕗᖅ ᓇᓗᓇᕐᓂᐅᔪᒥ, ᐊᒻᒪᓗ ᐱᒻᒪᕆᐅᓪᓗᓂ ᐱᓕᕆᓂᐅᕗᖅ ᒪᒥᓴᖃᑎᒌᖕᓂᐅᔪᒥ. ᓄᓇᕗᒻᒥ ᒐᕙᒪᒃᑯᑦ ᒫᓐᓇᓕᓴᐅᔪᒥ ᖄᖏᖅᓯᓂᐅᔪᒥ ᐱᖁᔭᒃᓴᖅ 25–ᒥ, ᓄᓇᕗᒻᒥ ᑐᙵᕕᒃᑯᓐᓄᑦ ᐱᓕᕆᓂᐅᓂᐊᖅᐳᖅ ᐱᓕᕆᖃᑎᖃᐃᓐᓇᕐᓂᕐᒥ ᒐᕙᒪᐅᔪᓂ ᐊᒻᒪᓗ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᓂ ᓴᓇᓂᕐᒧᑦ ᐱᔪᓐᓇᕐᓂᐅᔪᒥ ᐃᓄᒃᑑᕈᓐᓇᑦᑎᐊᖅᑐᓂ ᐃᓕᓴᐃᔨᖃᕐᓂᕐᒥ, ᐱᓗᐊᖅᑐᒥ ᐊᑕᐅᓯᖅ ᐃᓱᒪᒋᔭᖃᕈᓂ “ᐊᕐᕌᒍᑕᒫᒥ ᓄᓇᕗᑦ ᐊᓯᐅᔨᕙᒃᐳᑦ 35 ᐳᓴᓐᑎᑲᓴᖕᒥ ᐃᓕᓴᐃᔨᖏᓐᓂ ᐊᒻᒪᓗ 50 ᐳᓴᓐᑎᑲᓴᖕᒥ ᐊᓪᓚᕝᕕᓕᕆᔨᖏᓐᓂ,” ᐅᖃᐅᓯᐅᓪᓗᓂ ᔮᓐ ᕚᓐᔪᐊᐃ, ᐊᖓᔪᖅᑳᖅ ᓄᓇᕗᒻᒥ ᐃᓕᓴᐃᔨᓄᑦ ᑲᑐᔾᔨᖃᑎᒌᖑᔪᓄᑦ.

ᓄᓇᕗᒻᒥ ᑐᙵᕕᒃᑯᑦ ᓄᓇᕗᒻᒥ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪᒥ ᐅᓂᒃᑳᓕᐊᖓ ᓴᖅᑭᑕᐅᓚᐅᖅᑐᒥ ᐅᒃᑐᐱᕆᒥ ᑎᒃᑯᐊᕆᓚᐅᖅᐳᖅ ᑲᑎᙵᓂᖃᖅᓯᒪᓂᖓᓂ ᐃᓅᖃᑎᒌᖑᔪᓄᑦ ᐊᑲᐅᙱᓕᐅᕈᑕᐅᔪᓂ ᓵᙵᔪᓂ ᓄᓇᕗᒻᒥ. ᐊᔪᕐᓇᖅᑐᐊᓘᕗᖅ ᓇᓕᒧᑎᑦᑎᓇᓱᐊᕐᓂᖓᓂ ᐱᔭᕆᐊᖃᕐᓂᐅᔪᓄᑦ ᐊᒥᓱᒻᒪᕆᐊᓗᖕᓂ ᐱᔭᕆᐊᖃᕐᓂᐅᔪᑦ ᐱᕈᖅᐸᓪᓕᐊᑐᐃᓐᓇᖅᑎᓪᓗᒋᑦ ᐊᑐᓂ ᑮᓇᐅᔭᒥ ᓱᓕᓂᕋᐃᔪᒥ ᑭᐅᓂᕐᒧᑦ ᐊᑲᐅᙱᓕᐅᕈᑕᐅᔪᒥ.

ᐃᓕᒃᑯᐊᓂ ᐊᑲᐅᙱᓕᐅᕈᑕᐅᔪᑦ ᐃᒡᓗᖃᖅᑎᑦᑎᓂᕐᒧᑦ ᐊᒻᒪᓗ ᓂᕿᒃᓴᖃᑦᑎᐊᕐᓂᐅᔪᒥ ᐱᔭᕆᐊᖃᖅᐳᖅ ᐃᓱᒪᑐᔪᒥ ᐃᓱᒪᓂᐅᔪᒥ ᐊᒻᒪᓗ ᐃᓱᖃᙱᑦᑐᒥ ᐊᔭᐅᕆᓂᕐᒥ ᐃᓱᒪᓕᐅᕆᓂᐅᔪᓄᑦ. ᐃᓄᒃ ᓂᕈᐊᖅᑕᐅᔪᖅ ᐆᒧᖓ ᑎᑎᕋᕐᕕᐅᔪᒧᑦ ᓴᙱᓂᖃᕆᐊᖃᖅᐳᖅ ᐊᔭᐅᕆᓂᕐᒥ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂ ᑭᐅᔭᐅᓂᖏᓐᓄᑦ, ᐃᑲᔪᕐᓂᕐᒧᑦ ᓄᓇᕗᑦ ᓅᓐᓂᖓᓂ ᐆᒪᓇᓱᐊᑐᐃᓐᓇᕐᓂᕐᒥ ᐆᒻᒪᕆᖕᓂᕐᒧᑦ.
ᐊᒥᓱᑦ ᐱᔪᓐᓇᖅᑎᑖᖅᑎᑕᐅᓯᒪᔪᑦ ᐊᐱᕆᕗᑦ ᓄᓇᕗᒻᒥ ᑐᙵᕕᒃᑯᓐᓂ ᐱᓕᕆᓂᕐᒥ ᐃᓚᐅᖃᑕᐅᓂᖅᓴᐅᔪᒥ ᐊᑐᕐᓂᖃᐅᑎᐅᔪᒥ ᐃᒡᓗᒃᓴᖃᖅᑎᑕᐅᓂᐅᔪᒥ ᑐᐊᕕᕐᓇᕐᓂᐅᔪᒥ. ᐃᒡᓗᓕᕆᔨᕐᔪᐊᒃᑯᓐᓂ ᒥᓂᔅᑕᐅᓚᐅᖅᑐᖅ ᐸᑎᖅ ᓇᑦᓱᕐ ᐃᑲᔪᖅᓱᐃᓚᐅᖅᐳᖅ ᔫᓂ 2019–ᒥ, ᐅᖃᖅᖢᓂ “ᓂᕈᐊᖃᑕᐅᓚᐅᕆᕗᖓ ᓄᓇᕗᒻᒧᑦ, ᐊᒻᒪᓗ ᑕᐃᒃᑯᐊᖑᔪᑎᒍᑦ ᐱᔪᓐᓇᖅᑎᑖᖅᑎᑕᐅᓯᒪᔪᑎᒍᑦ ᓄᓇᕗᒻᒥ ᐃᓚᒋᔭᐅᖃᑕᐅᕗᒍᑦ ᐃᓄᖕᓂ ᐊᑐᕐᓂᖃᖅᑐᓂ ᐃᒡᓗᒃᓴᓄᑦ ᐊᒥᒐᓗᐊᕐᓂᐅᔪᓄᑦ.”

ᐊᓯᖏᑦ, ᓲᕐᓗ ᒪᓕᒐᓕᐅᖅᑎ ᑳᑎ ᑕᐅᑐᙱ –ᓄᓇᕗᒻᒥ ᑐᙵᕕᒃᑯᑦ ᐊᖓᔪᖅᑳᖑᓚᐅᖅᓯᒪᖕᒥᔪᖅ – ᐃᓂᖅᑎᕆᓚᐅᖅᐳᖅ ᐊᑐᖅᑕᐃᓕᓂᕐᒥ ᑎᒍᒥᐊᖅᑕᐅᓂᐅᔪᓄᑦ, ᓯᕘᕋᓪᓗᓂ ᐋᖅᑭᒃᓯᓇᔭᕐᓂᖓᓂ ᑕᐃᒪᐃᒐᔪᖕᓂᐅᔪᒥ ᓄᓇᕗᒻᒥ ᑐᙵᕕᒃᑯᑦ ᐊᙳᑎᓯᒪᔪᓐᓇᐃᓪᓕᑐᐃᓐᓇᕆᐊᖃᕐᓂᖏᓐᓂ ᓄᓇᕗᒻᒥ ᖁᑦᑎᒃᑐᒥ ᕿᑐᕐᙱᐅᕐᓂᖏᓐᓂ ᐅᓄᕐᓂᖏᓐᓂ ᐃᓱᒪᒋᔭᐅᓯᒪᑎᓪᓗᒋᑦ, ᐃᓚᒋᐊᖅᓯᓪᓗᓂ “ᐅᖃᕋᔭᖅᐳᖓ ᑲᓇᑕᒥ ᒐᕙᒪᒃᑯᑦ ᐱᓕᕆᓪᓗᐊᖅᐳᑦ.”
ᐃᒻᒪᖄ ᓄᓇᕗᒻᒥ ᑐᙵᕕᒃᑯᑦ ᓇᓂᓯᔪᓐᓇᖅᐳᑦ ᕿᑎᐊᒎᖅᑐᒥ ᑐᙵᕕᐅᔪᒥ ᑐᓂᓯᓗᑎᒃ ᐊᖏᓂᖅᓴᐅᔪᒥ ᑮᓇᐅᔭᖃᖅᑎᑕᐅᓂᐅᔪᓂ ᑐᕌᖓᓇᔭᖅᑐᓄᑦ ᐱᓕᒻᒪᒃᓴᐃᓂᕐᓄᑦ ᐱᕕᒃᓴᖃᕐᓂᐅᔪᓂ ᓇᑉᐸᖅᑎᕆᓂᕐᒥ ᐊᒻᒪ ᐱᔾᔪᑕᐅᔪᓂ ᐃᖅᑲᓇᐃᔮᕆᔭᐅᕙᒃᑐᓄᑦ. ᐱᕈᖅᓴᐃᓂᖅ ᐱᔪᓐᓇᕐᓂᖓᓂ ᐊᒻᒪᓗ ᐱᓕᒻᒪᒃᓴᐃᓂᖅ ᐃᓄᖕᓂ ᐃᓐᓄᒃᓯᓂᖏᓐᓂ ᐅᑯᓂᖓ ᐊᑐᕐᓂᖃᐅᑎᐅᔪᓄᑦ ᐊᖏᕐᕋᖓᓂ ᓄᓇᖓᓐᓂ ᓴᓇᑐᐃᓐᓇᕐᓂᐊᖅᐳᖅ ᓴᙱᓂᖅᓴᐅᔪᒥ ᐊᒻᒪᓗ ᐃᒻᒥᒃᑰᕈᓐᓇᕐᓂᖅᓴᐅᔪᒥ ᓄᓇᕗᒻᒥ.

ᐃᓱᒪᒋᓇᒍ ᑭᓇᒧᑦ ᓂᕈᐊᕐᓂᐊᕐᓂᕐᓂ, ᓂᕈᐊᕆᐊᖅᑐᕐᓂᐊᖅᐳᓯ. ᐱᐅᓂᖅᓴᒻᒪᕆᒃ, ᐃᓚᐅᑎᓪᓗᒋᑦ ᓯᕗᓕᖅᑎᓯ ᐊᒻᒪᓗ ᓇᓗᓇᐃᖅᓯᓗᑎᑦ ᐱᓕᕆᐊᒃᓴᒥᓂᑦ ᐱᓕᕆᑦᑎᐊᕋᓗᐊᕐᒪᖔᑕ ᓂᕈᐊᖅᓯᒪᔭᕐᓂᑦ ᑕᐃᒪᐃᓐᓂᐊᔪᒧᑦ.

Advertisement