ᐃᑲᔪᕈᑎᒃᓴᓄᑦ ᐲᖅᑕᐅᓂᖓᓂ ᑮᓇᐅᔭᓕᐅᕈᑕᐅᕗᖅ ᓄᓇᕗᒻᒥ, ᐊᑭᖓ ᐊᓐᓂᕐᓇᓛᖑᓗᓂ ᐃᖅᑲᔪᕈᑎᒃᓴᕆᕙᕗᑦ?

ᐊᑲᐅᙱᓕᐅᕈᑎ: ᓴᐳᔾᔨᓂᖅ ᐊᒥᕐᕋᓂᑦ
ᐅᖃᖅᐳᒍᑦ: ᐊᒥᓱᓂ-ᓂᐅᖁᓕᖕᓂ ᐊᑲᐅᙱᓕᐅᕈᑎ

ᑐᒃᑐᓂ ᐊᒥᕐᕋᑦ ᑲᑕᒃᐸᓪᓕᐊᓯᒪᕗᑦ ᐊᒥᓱᓄᑦ ᐊᕐᕌᒍᓅᓕᖅᑐᖅ, ᑭᖑᓪᓕᖅᐹᖑᔪᖅ ᐅᓄᖅᑐᓂ ᑕᒪᕐᒥᒐᓚᒃ ᐊᒥᕐᕋᓂᑦ ᐅᓂᒃᑳᕆᔭᐅᓯᒪᔪᓂ 1994–ᒥ.
ᓇᓄᐃᑦ ᐊᒥᓱᓄᑦ ᐃᓱᒪᒋᔭᐅᕐᔪᐊᖅᓯᒪᑎᓪᓗᒋᑦ, ᐅᑯᐊ ᐆᒪᔪᐃᑦ ᑭᐅᓗᒍᑕᐅᔪᓐᓇᖅᐳᑦ ᐊᑑᑎᖃᓛᖑᓂᖏᓐᓂ ᓇᓕᐊᑐᐃᓐᓇᓂ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓄᑦ.

ᐅᑯᓇᓂ ᓇᓗᓇᕐᓂᐅᔪᓂ ᒫᓐᓇᐅᔪᒥ, ᓂᕿᒃᓴᖃᑦᑎᐊᙱᓐᓂᐅᔪᒥ ᑲᑎᙵᓂᖃᖅᖢᓂ ᓄᓇᕐᔪᐊᒥ ᐊᒥᓱᓄᑦ ᖃᓂᒻᒪᓐᓇᐅᔪᒧᑦ ᐊᒻᒪ ᐱᕈᖅᐸᓪᓕᐊᔪᓂ ᐱᖁᔭᓂᑦ – ᑐᕌᖓᓂᖃᖅᑐᑦ ᐃᑲᔪᕐᓂᕐᒧᑦ, ᓲᖃᐃᒻᒪ, ᑭᓯᐊᓂ ᕿᒪᐃᒐᔪᒃᖢᓂ ᐊᖑᓇᓱᒃᑎᓂᑦ ᐊᒻᒪ ᓄᓇᓕᐅᔪᓂ ᓄᖅᑲᖅᑎᑦᑎᓯᒪᓂᖏᓐᓂ ᐊᒃᓱᕈᕐᓂᖏᓐᓂ ᓂᕆᑎᑦᑎᓂᕐᒧᑦ ᑳᒃᑐᓂ.

ᐊᒻᒪᓗ ᐊᖑᓇᓱᒃᑏᑦ ᖃᑭᓂᖃᕈᓐᓇᖅᑎᓪᓗᒋᑦ $300–ᒥ $1,000–ᒧᑦ ᐊᑐᓂ ᑐᒃᑐᒧᑦ ᑭᒡᓕᒃᑲᓐᓂᙳᖅᐳᖅ ᐊᒃᓱᕈᕐᓂᐅᔪᒥ ᑕᐃᑲᓂ, ᐊᕐᕕᐊᑦ ᐅᐊᖕᓇᒥ-ᑎᑭᕋᕐᔪᐊᒧᑦ ᒪᓕᒐᓕᐅᖅᑎᐅᖃᑕᐅᔪᖅ ᔮᓐ ᒪᐃᓐ ᐅᖃᖅᐳᖅ, ᐃᓚᖏᑦ ᐊᖑᓇᓱᒃᑏᑦ “ᑐᒃᑐᓂ ᑕᑯᓲᖑᕗᑦ ᑮᓇᐅᔭᐅᓂᖓᓐᓂ,” ᐊᓯᐊᒎᖅᑐᒥ ᐋᖅᑭᒃᓯᓂᕐᒧᑦ ᓇᖕᒥᓂᖅ ᑮᓇᐅᔾᔭᒃᓴᓂᖃᙱᓗᐊᕐᓂᖏᓐᓄᑦ.

ᐱᔾᔪᑎᑕᖃᓪᓚᕆᙱᓚᖅ ᓇᓗᓇᐃᖅᓯᓂᐅᔪᒥ ᖃᓄᐃᒻᒪᑦ ᐊᒥᕐᕋᓂᑦ ᒥᒃᖠᕙᓪᓕᐊᖏᓐᓇᕐᓂᖏᓐᓂ, ᐊᐅᓚᑦᑎᓂᐅᔪᒥ ᐱᐅᓂᖅᐹᓂ ᐊᑐᕋᓗᐊᖅᑎᓪᓗᒋᑦ ᑕᒪᒃᑭᓂ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᒥ ᐊᒻᒪ ᒐᕙᒪᒃᑯᓐᓂ ᐱᓕᕆᔨᕐᔪᐊᖑᔪᓂ ᖃᓄᐃᑦᑐᑐᐃᓐᓇᑦᑎᐊᓂ. ᐊᒥᓱᓂ–ᓂᐊᖁᓕᖕᓂ ᐊᑲᐅᙱᓕᐅᕈᑕᐅᕗᖅ, ᐃᓗᓕᖃᖅᖢᓂ ᐅᒃᐱᕈᓱᙱᓐᓂᐅᔪᒥ ᐊᒻᒪᓗ ᐱᔪᒪᓂᐅᔪᒥ ᐱᓕᕆᓂᕐᒥ ᐱᐅᓛᖑᓂᐅᔪᒥ ᑕᒪᒃᑭᓄᑦ ᒫᓐᓇᐅᔪᒧᑦ ᐊᒻᒪ ᓯᕗᓂᒃᓴᓄᑦ ᐱᐅᓯᖃᑎᒌᖑᔪᓄᑦ.

ᐃᓚᖏᑦ ᐸᓯᒃᖠᓴᕋᐃᑎᓪᓗᒋᑦ ᐊᖑᓇᓱᒃᑎᐅᔪᓄᑦ ᐊᒻᒪᓗ ᓄᓇᕗᒻᒥ ᒐᕙᒪᒃᑯᑦ ᓴᓇᔪᒪᕐᔪᐊᖅᖢᑎᒃ ᑎᓯᔪᒥᒃ–ᐊᒻᒪ–ᓱᒃᑲᔪᒥᒃ ᑲᑎᓪᓗᒍ ᐊᖑᓇᓱᒍᓐᓇᖅᑎᑕᐅᓂᐅᔪᒥ ᑐᑭᓕᐊᕐᓂᐅᔪᒥ ᓇᖕᒥᓂᖅ ᐅᓄᕐᓂᐅᔪᓄᑦ, ᐊᒥᓱᑦ ᐅᒃᐱᕈᓱᒃᐳᑦ ᐃᑲᔪᕈᑎᒃᓴᒥ ᐲᖅᓯᓂᐅᔪᒥ ᐱᓕᕆᓂᖃᕐᔪᐊᕐᓂᖓᓂ ᐊᖏᓂᖅᓴᐅᔪᒥ ᐃᓚᖓᓐᓂ ᑕᒪᐃᑎᒍᑦ ᒥᒃᖠᕙᓪᓕᐊᓂᐅᔪᒥ ᐅᓄᕐᓂᖏᓐᓂ.

“ᖃᐅᔨᒪᖅᑰᖅᐳᑎᑦ, ᓇᓗᓇᐃᖅᓯᓗᐊᕐᓂᐅᔪᒥ ᐊᖑᓇᓱᖕᓂᕐᒧᑦ ᐊᐅᓚᑕᐅᓂᖓᓐᓂ ᐊᒻᒪ ᐊᐅᓚᑦᑎᓂᕐᒥ ᓄᓇᖃᖅᑳᖅᓯᒪᔪᓄᑦ ᐊᖑᓇᓱᖕᓂᐅᔪᒥ ᐅᓚᕕᓴᐃᓂᐅᕗᖅ ᕿᑎᖅᐸᓯᐊᓂ ᐊᑲᐅᙱᓕᐅᕈᑎᓪᓚᕆᐅᔪᒥ, ᐸᒡᕕᓵᕆᓂᐅᔪᒥ ᑐᒃᑐᓂ ᐅᖓᓯᖕᓂᖏᓐᓂ ᐱᔾᔪᑎᓕᖕᒥ ᕿᙵᐅᑉ ᑐᒃᑐᖏᓐᓂ ᐊᒻᒪ ᐊᓯᖏᓐᓂ,” ᐅᖃᓚᐅᖅᐳᖅ ᐳᕋᓐᑕ ᐹᕐᓖ, ᑲᓇᑕᒥ ᖃᐅᔨᓴᕐᓂᕐᒧᑦ ᐃᒃᓯᕙᐅᑕᖓ ᐃᑲᔪᕈᑎᒃᓴᓄᑦ ᑮᓇᐅᔾᔭᒃᓴᓂᐅᔪᓄᑦ ᐊᒻᒪᓗ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᐅᔪᒥ ᐃᓅᖃᑎᒌᖑᔪᓄᑦ ᐊᑲᐅᙱᓕᐅᕈᑕᐅᔪᓄᑦ ᓯᓚᑦᑐᖅᓴᕐᕕᒡᔪᐊᕐᒥ ᐋᓪᐴᑕᒥ. ᐹᕐᓖ ᓯᕗᓪᓕᐅᓪᓗᓂ ᖃᐅᔨᓴᖅᑎᐅᕗᖅ 2018–ᒥ ᖃᐅᔨᓴᕐᓂᐅᔪᒥ ᑕᐃᒎᓯᓕᖕᒥ ᒥᒃᖠᒋᐊᖅᑎᑦᑎᓂᕐᒥ ᐊᑑᑎᖃᑦᑎᐊᕐᓂᖓᓂ ᒪᑭᒪᑎᑦᑎᓂᐅᔪᒥ: ᓇᐹᖅᑐᖃᙱᑦᑑᑉ ᑐᕐᑐᖏᑦ “ᐱᓂᕐᓗᖕᓂᐅᔪᒥ ᒪᑐᐃᖓᔪᒥ ᐊᑐᐃᓐᓇᖃᕐᓂᕐᒧᑦ.”

“ᐊᒥᓱᒻᒪᕆᐊᓗᖕᓂ ᐱᓕᕆᑦᑎᐊᕐᓂᖅᑕᖃᖅᐳᖅ ᐱᑎᑕᐅᔪᓄᑦ ᐊᐅᓚᑦᑎᖃᑎᖃᕐᓂᐅᔪᒥ ᐱᓕᕆᓂᐅᔪᒥ ᑲᓇᑕᐅᑉ ᐅᑭᐅᖅᑕᖅᑐᖓᓐᓂ, ᓴᙱᔪᓂ ᐊᑭᕋᖅᑐᖅᑎᐅᔪᓂ ᐆᒪᔪᓄᑦ ᐊᐅᓚᑦᑎᖃᑎᖃᕐᓂᐅᔪᒥ ᐱᓕᕆᔾᔪᓯᐅᓂᖓᓂ ᐊᐅᓚᑦᑎᓂᕐᒧᑦ ᑕᐅᑐᒃᑕᑐᐊᖃᑲᐃᓐᓇᕐᓂᖅᓴᐅᔪᒥ ᐊᐅᓚᑦᑎᓂᐅᔪᒥ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐅᑯᓂᖓᐅᙱᑦᑐᖅ ᓄᓇᒥᙶᖅᑐᓂ ᐃᑲᔪᕈᑎᒃᓴᐅᔪᓂ,” ᐅᖃᓚᐅᖅᐳᖅ.

ᑲᑎᓪᓗᒍ ᐊᖑᓇᓱᒍᓐᓇᖅᑎᑕᐅᔪᓂ ᕿᙵᐅᑉ ᑐᒃᑐᖏᓐᓂ 2019-2020 ᐊᕐᕌᒍᒧᑦ 250–ᖑᕗᑦ ᑐᒃᑐᓂ, ᑕᐃᓐᓇ ᐃᓱᖓ ᑎᑭᑕᐅᓚᐅᖅᑐᒥ ᕕᕈᐊᕆ 25–ᒥ. ᐱᒋᐊᕐᓂᐸᓗᐊᓂ ᑕᖅᑭᐅᔪᒥ, ᐊᕙᑎᓕᕆᔨᒃᑯᑦ ᐅᖃᐅᓯᖃᓚᐅᖅᐳᑦ 42–ᑐᐃᓐᓇᓂ ᑭᓪᓕᓂᒃᒥᐅᑦ ᑐᒃᑐᖏᓐᓂ ᐊᖑᓇᓱᒃᑕᐅᔪᓐᓇᕐᓂᖏᓐᓂ ᕿᓚᒻᒥᐅᔪᒥ ᐱᓕᕆᓂᐅᓪᓗᓂ ᑭᖑᓪᓕᖅᐹᖑᔪᒥ ᓄᓇᕗᒻᒥ ᒐᕙᒪᒃᑯᓐᓂ ᖃᐅᔨᓴᐃᓂᐅᔪᒥ ᑕᑯᒃᓴᐅᑎᑦᑎᓚᐅᖅᑎᓪᓗᒍ ᐊᒥᕐᕋᐃᑦ ᑲᑕᒃᐸᓪᓕᐊᓂᖃᕐᔪᐊᕐᓂᖏᓐᓂ.

ᐃᓚᖏᑦ, ᓲᕐᓗ ᐃᖃᓗᒃᑑᑦᑎᐊᕐᒥ ᐊᖑᓇᓱᒃᑐᓕᕆᔨᒃᑯᓐᓂ ᒥᑭᒋᐊᕐᓂᐊᖅᑎᓄᓪᓗ ᑲᑐᔾᔨᖃᑎᒌᖑᔪᓄᑦ ᐃᒃᓯᕙᐅᑕᖓ ᐹᐱ ᒍᕇᓐᓕ, ᐅᒃᐱᕈᓱᓗᐊᙱᑉᐳᖅ ᓄᓇᕗᒻᒥ ᒐᕙᒪᒃᑯᑦ ᓇᐃᓴᖅᑕᐅᓂᐅᔪᓄᑦ ᐱᔾᔪᑎᖃᖅᑐᒥ ᐱᓕᕆᕙᖕᓂᖏᓐᓂ ᐅᓄᕐᓂᐅᔪᓄᑦ ᓇᓚᐅᑦᑖᕆᓂᐅᔪᓄᑦ.
ᐹᕐᓖ ᐅᖃᓚᐅᖅᐳᖅ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᒃᑯᑦ ᑕᐃᒪᐃᑉᐸᓚᐅᕐᓂᖏᓐᓂ ᓇᓗᓇᐃᖅᓯᕗᖅ ᑐᒃᑐᐃᑦ ᐅᓄᕐᓂᖏᓐᓂ ᐱᓕᖅᑭᒃᑕᕐᓂᐅᔪᓂ ᑕᐃᒪᐃᒐᔪᒃᐳᑦ ᐊᕐᕌᒍᓄᑦ 40–ᓂ 70–ᓄᑦ. ᐊᑦᑎᖕᓂᐅᔪᓂ, ᓄᓇᓕᐅᔪᑦ ᐱᓕᕆᕙᓚᐅᖅᐳᑦ ᐊᖑᓇᓱᒃᐸᒃᖢᑎᒃ ᐊᓯᖏᓐᓂ ᐆᒪᔪᐃᑦ ᐊᔾᔨᒌᖕᓂᖏᓐᓂ ᐊᒻᒪ ᐃᑲᔪᕈᑎᒃᓴᓂ ᑐᓂᓯᖃᑦᑕᖅᖢᑎᒃ, ᐅᖃᓚᐅᖅᐳᖅ.

ᑕᐃᓐᓇᑦᑕᐃᓐᓇᖅ ᐅᑎᕐᔭᕈᓐᓇᕐᓂᐅᔪᖅ ᐊᒻᒪ ᓯᕗᒻᒧᑦ ᐃᓱᒪᓂᐅᔪᒥ ᓱᓕ ᐊᑐᖅᑕᐅᕙᒃᐳᖅ ᓄᓇᓕᐅᔪᓂ, ᑭᓯᐊᓂ ᓂᕆᐅᑐᐃᓐᓇᕈᓐᓇᙱᑉᐳᒍᑦ ᑎᑭᐅᑎᓯᒪᓂᑦᑎᓐᓂ ᐊᑦᑎᖕᓂᐅᔪᒥ ᐱᓕᖅᑭᒃᑕᕐᓂᐅᔪᒥ, ᐊᒻᒪᓗ ᐊᒥᕐᕋᐃᑦ ᐅᑎᕐᓂᐊᕐᓂᖏᓐᓂ ᓯᕗᓂᐊᓂ ᓴᙱᓂᕆᓚᐅᖅᑕᖏᓐᓄᑦ.
ᐱᐅᓯᒋᐊᖅᑎᑦᑏᓐᓇᕆᐊᖃᖅᐳᒍᑦ ᓇᐅᑦᑎᖅᓱᕐᓂᐅᔪᓂ ᐱᓕᕆᔭᐅᓂᖓᓂ ᐊᑑᑎᖃᑦᑎᐊᖅᑐᒥ ᐊᒻᒪᓗ ᐱᐅᓂᖅᐹᖑᔪᒧᑦ ᐊᒻᒪ ᓇᓕᒧᑎᑦᑎᓗᓂ ᐅᑯᓇᙵᑦ ᐲᖅᓯᓂᐅᔪᒥ ᓄᓇᒥᙶᙱᑦᑐᓂ ᐃᑲᔪᕈᑎᒃᓴᓂ ᐊᒻᒪᓗ ᓇᓗᓇᐃᖅᓯᓂᕐᒥ ᐸᒡᕕᓵᕆᓂᐅᔪᒥ ᐅᑯᓂᖓ ᐅᑎᖅᑕᖅᐸᒃᑐᓄᑦ ᐊᒥᕐᕋᓂᑦ ᐱᑎᑦᑎᙱᓐᓂᖓᓂ ᖃᖓᑐᐃᓐᓇᖅ ᓄᖑᓛᕐᓂᖏᓐᓂ.

ᖃᓄᐃᓕᖓᓂᕆᔪᓐᓇᖅᑕᖓ ᖁᑦᑎᓗᐊᖅᐳᖅ.

 

Advertisement