ᐅᑭᐅᖅᑕᖅᑐᒥ ᑐᓴᒐᒃᓴᓕᕆᔨᒃᑯᑦ
ᐅᔾᔨᕆᔭᐅᒐᔪᙱᑦᑐᖅ ᐊᒻᒪ ᐅᓂᒃᑲᐅᓯᐅᒐᔪᙱᑦᑐᖅ ᐃᓚᒋᔭᐅᔪᒥ ᐅᖃᕐᓂᐅᔪᒥ ᐋᓐᓂᐊᖃᕐᓇᖅᑐᓕᕆᓂᕐᒧᑦ ᑐᐊᕕᕐᓇᕐᓂᐅᔪᒥ ᓄᓇᕗᒻᒥ ᒐᕙᒪᐅᔪᓄᑦ ᐱᔪᓐᓇᕐᓂᖃᕐᓂᐅᔪᑦ ᒪᓕᒐᓕᕆᔨᐅᔪᓄᑦ ᐅᖃᐅᓯᖃᖅᑐᒥ ᐃᓯᕈᓐᓇᕐᓂᖏᓐᓂ ᐊᖏᕐᕋᕆᔭᐅᔪᓄᑦ ᕿᓂᕈᓐᓇᐅᑎᖃᕋᑎᒃ.

ᐅᓇ ᐱᓕᕆᓂᐅᔪᖅ ᐃᓕᓯᒪᕗᖅ ᐊᑐᖅᑎᑦᑎᓂᐅᔪᓄᑦ ᓄᖅᑲᖓᑎᑦᑎᓂᐅᔪᒥ ᐃᓄᓕᒫᓄᑦ ᑲᑎᓐᓂᐅᔪᓄᑦ ᑕᑯᒃᓴᐅᑎᑦᑎᓇᔭᖅᑐᒥ ᐅᓗᕆᐊᓇᖅᑐᒥ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐅᕙᓃᑉᐳᖅ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒐᖓᓐᓂ.

ᐊᑐᖅᑕᐅᓪᓗᐊᖅᐳᖅ ᐃᓱᒪᒋᔭᖃᑦᑎᐊᕐᓗᓂ, ᑭᓯᐊᓂ ᓱᓕ ᓂᕈᐊᒐᒃᓴᐅᕗᖅ ᒪᓕᒐᓂᑦ ᐊᑐᓕᖅᑎᑦᑎᓂᕐᓄᑦ ᐱᓕᕆᔾᔪᑎᖏᓐᓂ.

ᐱᓇᓱᐊᕈᓯᐅᓚᐅᖅᑐᒥ ᖁᕐᓗᖅᑑᒥ, ᕼᐋᒻᓚᒃᑯᓐᓂ ᒪᓕᒐᕋᓛᓕᕆᔨᐅᔪᓂ ᐃᓕᓯᓚᐅᖅᐳᑦ ᐅᑯᓂᖓ ᑐᐊᕕᕐᓇᖅᑐᓄᑦ ᐱᓕᕆᓂᐅᔪᓂ ᐊᑐᓕᖅᑎᑦᑎᓚᐅᖅᐳᑦ ᓄᖅᑲᖅᑎᑦᑎᓪᓗᑎᒃ ᖃᔅᓯᒐᓚᖕᓂ ᐱᕋᔭᖕᓂᒃᑯᑦ ᐸᑎᖕᓂᐅᔪᓂ.

ᐊᐃᑉᕆᓕ 18–ᒥ, ᐱᖓᓱᓂ ᒪᓕᒐᕋᓛᓕᕆᔨᐅᔪᓂ ᐃᓯᓚᐅᖅᐳᑦ ᐊᖏᕐᕋᐅᔪᒧᑦ ᐊᒥᓱᐊᓗᖕᓂ ᐃᓯᒐᐅᔭᖃᐅᖅᑐᓂ ᓯᓚᑖᓂ ᐊᒻᒪ ᐃᓯᓚᐅᖅᐳᑦ ᓇᓂᓯᓂᕐᒥ ᓇᓗᓇᐃᕈᑎᒃᓴᐅᔪᓂ ᐸᑎᖕᓂᐅᔪᒥ.
ᐃᓱᒪᒋᓇᒍ ᓱᓕᓂᐅᔪᒥ ᐸᓯᒃᖠᔾᔪᑕᐅᔪᒥ 30–ᓂ 40–ᓄᑦ ᐃᓄᖕᓂ ᐃᔨᖅᓯᒪᔪᐃᓐᓇᐅᓚᐅᖅᐳᑦ ᐃᒡᓗᕈᓯᕐᓂ ᐊᖏᕐᕋᕆᔭᐅᔪᒥ ᒪᓕᒐᕋᓛᓕᕆᔩᑦ ᓯᕗᓪᓕᕐᒥ ᐃᓯᖅᑎᓪᓗᒋᑦ, ᑭᖑᓂᐊᒍᑦ ᐸᑎᖕᓂᐅᔪᖅ ᐊᖓᔪᓚᐅᖅᐳᖅ ᐊᒻᒪ ᑭᒃᑯᓕᒫᑦ ᐃᓚᐅᖃᑕᐅᔪᓂ ᑐᓂᔭᐅᓚᐅᖅᐳᑦ ᐃᓂᖅᑎᕆᓂᐅᔪᒥ.

ᒪᓕᒐᕋᓛᓕᕆᔩᑦ ᐱᓱᖕᓂᖃᓚᐅᖅᐳᑦ ᐱᔭᕆᐊᖃᕋᓱᒋᔭᐅᔪᒥ ᓱᑲᖓᓂᐅᔪᒥ–ᐊᒃᖢᓈᕐᒥ ᓄᖅᑲᖅᑎᑦᑎᑎᓪᓗᒋᑦ ᐸᑎᖕᓂᐅᔪᒥ ᐊᒻᒪ ᐃᓱᒪᒋᔭᖃᑦᑎᐊᖅᖢᑎᒃ ᑐᓂᓯᑐᐃᓐᓇᕐᓂᕐᒧᑦ ᐃᓂᖅᑎᕆᓂᐅᔪᓂ ᑭᓯᐊᓂ ᑐᑭᓯᓇᖅᑐᓂ ᒪᓕᒋᐊᖃᕐᓂᖃᓗᐊᕐᓇᑎᒃ ᐃᓕᓯᒪᔪᓂ ᖃᓄᖅ ᑖᒃᑯᐊ ᐱᓕᕆᓂᐅᔪᑦ ᐊᑐᖅᑕᐅᔭᕆᐊᖃᕐᓂᖏᓐᓂ, ᐅᑯᐊ ᖃᓄᐃᓐᓂᐅᔪᑦ ᓴᖅᑭᑎᑦᑎᔪᓐᓇᖅᐳᑦ ᓱᕋᐃᓂᐅᔪᓂ ᐃᓅᖃᑎᒌᖑᔪᓄᑦ ᐱᔪᓐᓇᕐᓂᕆᔭᐅᔪᓄᑦ.

ᓄᓇᕗᒻᒥᐅᑦ ᖃᐅᔨᒪᓪᓗᐊᖅᐳᑦ ᑲᑎᙵᓂᐅᔪᓂ ᐊᒥᓲᓗᑎᒃ ᐸᑎᖕᓂᕐᒧᑦ ᐱᓕᕆᓂᑦᑎᐊᕙᐅᙱᓚᖅ ᓴᐳᔾᔨᓯᒪᓂᕐᒧᑦ ᐃᓄᑐᖃᖏᓐᓂ, ᓴᓂᓕᖏᓐᓂ ᓄᓇᓕᖕᓂᓪᓘᓐᓃᑦ ᐊᒥᓱᓄᑦ ᑲᓂᒻᒪᓐᓇᐅᔪᒥ – ᐱᓗᐊᖅᑐᒥ ᓄᑖᖑᔪᒥ ᓇᓗᓇᐃᖅᑕᐅᓯᒪᔪᒥ ᐱᑕᖃᕐᓂᖓᓂ ᒥᑦᑎᒪᑕᓕᖕᒥ.

ᐊᑕᐅᓯᑐᐊᑦᑎᐊᒥ ᖃᓂᒪᔪᒥ ᐃᓄᖕᒥ ᐅᐸᒃᓯᒪᑲᑕᒃᑐᒥ ᓄᓇᓕᖕᒥᐅᑕᒥᑦ ᐅᐸᒃᓯᒪᔪᒥ ᑲᑎᓐᓂᐅᔪᒥ ᐊᖏᕐᕋᐅᔪᒥ ᐱᑎᑦᑎᓂᕐᒧᑦ ᐊᖏᕐᔪᐊᖅᑐᒥ ᐊᐃᑦᑐᐃᓂᐅᔪᒥ.

ᐱᑕᖃᙱᓐᓂᐅᔪᒥ ᖃᓄᐃᓐᓂᐅᔪᓂ ᓄᓇᕗᒻᒥ ᑐᓂᓯᓪᓗᐊᙱᓚᖅ ᐃᒃᐱᒍᓱᖕᓂᐅᔪᒥ ᖃᓄᐃᔾᔮᙱᓐᓂᕐᒧᑦ ᓄᓇᕗᒻᒥᐅᓄᑦ. ᐅᓗᕆᐊᓇᕐᓂᖓ ᐊᐃᑦᑐᐃᓂᐅᔪᒥ ᓱᓕ ᐱᓪᓚᕆᐅᕗᖅ ᐊᒻᒪ ᐅᒡᒍᓇᖅᑐᒥ ᐊᒃᑐᐃᓂᐅᔪᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ ᐃᒃᐱᒋᔭᐅᕗᖅ ᑲᓇᑕᓕᒫᒥ.

ᖃᓄᑐᐃᓐᓇᒥ, ᓄᓇᖃᖅᑎᐅᔪᓂ ᒪᓕᒃᑎᑦᑎᓂᕐᒥ ᑎᓕᐅᕈᑕᐅᔪᓂ ᓇᖕᒥᓂᖅ ᐱᐅᓂᐅᔪᒧᑦ ᓇᓗᓇᖅᑑᕗᖅ ᓇᓕᒧᑎᑦᑎᓂᕐᒥ ᐱᓕᕆᓂᐅᔪᒥ. ᖁᑦᑎᓛᖑᔪᖅ ᓘᒃᑖᖅ ᒪᐃᑯᓪ ᐹᑐᓴᓐ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᔪᐊᔾ ᕼᐃᒃᔅ ᐊᓯᐅᑎᑦᑎᓇᓱᐊᓚᐅᕋᓗᐊᖅᐳᑦ ᑲᑉᐱᐊᓱᖕᓂᐅᔪᓂ ᐊᑐᕐᓂᕐᒥ ᑐᐊᕕᕐᓇᖅᑐᓂ ᐱᔪᓐᓇᕐᓂᐅᔪᓂ ᐅᖃᖅᖢᑎᒃ ᒫᓐᓇᐅᔪᒥ ᓄᖅᑲᖅᑎᑦᑎᓯᒪᓂᐅᔪᖅ ᑲᑎᓐᓂᐅᔪᓄᑦ ᓇᓗᓇᐃᖅᓯᓇᔭᙱᓐᓂᖓᓂ ᕿᓂᕈᓐᓇᐅᑎᖃᕐᓇᑎᒃ ᐃᓯᕐᓂᐅᔪᒥ ᐊᖏᕐᕋᕆᔭᐅᔪᒧᑦ. ᑭᓯᐊᓂ ᑕᐃᒪᓐᓇ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒐᖓ ᑎᑎᕋᖅᓯᒪᓂᖃᙱᓚᖅ.

ᒪᓕᒋᐊᖃᖅᑐᑦ ᐊᑐᖅᑕᐅᓂᖓᓂ ᐅᑯᓂᖓ ᐱᓕᕆᓂᐅᔪᓄᑦ, ᐊᒻᒪ ᖃᓄᖅ ᖃᖓᒃᑲᓐᓂᖅ ᓴᖑᑎᑕᐅᓂᐊᕐᓂᖏᓐᓂ, ᑐᑭᓯᓇᑦᑎᐊᖅᑐᒥ ᐋᔩᖃᑎᒌᒃᑎᑕᐅᔭᕆᐊᖃᖅᐳᑦ ᒪᓕᒐᓕᕆᔨᐅᔪᓄᑦ ᐊᒻᒪᓗᑦᑕᐅᖅ ᐃᓄᓕᒫᓄᑦ ᑲᒪᒋᔭᖃᑦᑎᐊᕐᓂᐅᔪᒧᑦ.

ᐲᖅᑎᑦᑎᓲᖑᒋᕗᖅ ᓇᓗᓇᕐᓂᐅᔪᓂ ᐊᐱᖅᑯᑕᐅᔪᓄᑦ ᑭᓇᑐᐃᓐᓇᖅ ᐱᓕᕆᐊᖑᓗᓂ ᑎᑎᕋᐅᓯᐅᔪᓐᓇᕐᓂᖓᓂ ᐳᓚᕋᕐᓂᕐᒧᑦ ᐃᓚᒋᔭᒥ ᐱᔭᕆᐊᖃᖅᑐᒧᑦ, ᐅᕝᕙᓘᓐᓃᑦ ᓄᓇᓯᐅᒻᒥ ᐃᖏᕐᕋᔭᖃᑎᖃᕐᓂᕐᒥ ᐃᒡᓗᒥᐅᖃᑎᒋᙱᑕᒥᑦ. ᐊᑐᓕᖅᑎᑦᑎᓂᖅ ᑐᑭᓯᓇᑦᑎᐊᕆᐊᖃᖅᐳᖅ ᐃᓱᒪᑦᑎᐊᕐᓂᖃᕐᓂᕐᒧᑦ. ᐱᓪᓚᑲᐅᔭᖅᑐᓂ ᐊᑑᑎᖃᕐᓂᕐᒥ ᒪᓕᒐᕐᒥ ᕿᓚᒻᒥᐅᔪᒥ ᐱᓕᕆᓂᙳᕈᓐᓇᖅᐳᖅ ᐅᒃᐱᕈᓱᒍᓐᓃᕐᓂᕐᒧᑦ ᐊᒻᒪ ᐊᑭᕋᖅᑐᓕᕐᓂᕐᒧᑦ ᐃᖅᑲᓇᐃᔮᖑᔪᓂ ᓴᐳᔾᔨᓯᒪᓂᕐᒧᑦ ᓄᓇᕗᒻᒥᐅᓂ ᓄᕙᒡᔪᐊᕐᓇᕐᒥ ᐊᔪᕐᓇᖅᓯᑎᑦᑎᕕᒡᔪᐊᕈᓐᓇᖅᐳᖅ, ᐊᔪᕐᓇᑦᑎᐊᒻᒪᕆᒡᓗᓂᓘᓐᓃᑦ.

Advertisement