ᐃᑲᔪᖅᓱᐃᓗᑎᑦ ᐅᔭᕋᖕᓂᐊᕐᕕᓂᑦ ᐃᑲᔪᖅᓱᐃᔪᓂ ᓄᓇᕗᒻᒥᐅᓄᑦ

118

ᐅᔾᔨᕆᒐᓗᐊᕈᕕᐅᒃ ᐋᒃᑲᓘᓐᓃᑦ ᖃᐅᑕᒫᒥ ᐃᓅᓯᕐᓂ, ᑕᒪᒃᑭᑦ ᐅᓂᒃᑳᓕᐊᑦ ᑕᑯᒃᓴᐅᑎᑦᑎᕗᑦ ᕿᓪᓕᖅᑐᒥ ᑮᓇᐅᔾᔭᒃᓴᓂᕐᒧᑦ ᓇᓚᐅᑦᑖᕆᓂᐅᔪᒥ ᓄᓇᕗᒻᒧᑦ.

ᐅᖃᓪᓚᒃᖢᓂ ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᑲᑎᒪᕕᒡᔪᐊᕐᓂᐅᔪᒥ, ᑲᓇᑕᒥ ᑮᓇᐅᔭᒃᑯᕕᖓᑕ ᒐᕙᓇᖓ ᔅᑏᕙᓐ ᐴᓗᔅ ᐅᖃᓚᐅᖅᐳᖅ ᓄᓇᕗᑦ ᐋᖅᑭᒃᓯᒪᕗᖅ ᓴᙱᓛᖑᔪᒥ ᐱᕈᕐᓂᐅᔪᒥ ᑕᒪᒃᑭᓂ ᐅᑭᐅᖅᑕᖅᑐᓂ ᐊᕕᒃᑐᖅᓯᒪᓂᐅᔪᓂ ᐊᒻᒪ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ 2019-ᒧᑦ, ᓱᒃᑲᓂᐅᔪᒥ 9 ᐳᓴᓐᑎᒥ.

ᑕᒪᓐᓇ ᑲᒪᓇᕐᔪᐊᖅᐳᖅ,” ᐴᓗᔅ ᐅᖃᓚᐅᖅᐳᖅ. “ᐱᙳᐊᖑᙱᓚᖅ, ᓱᓕᑦᑎᐊᖅᐳᖅ.”

ᓄᓇᕘᑉ ᑮᓇᐅᔭᓕᕆᔨᒻᒪᕆᒃ ᕗᕌᓐᓱᐊ ᐱᑯᑦ ᐃᓕᐅᖅᑲᐃᓚᐅᖅᐳᖅ ᑐᓴᒐᒃᓴᑦᑎᐊᕙᖕᓂ, ᐅᖃᖅᖢᓂ ᓄᓇᕗᑦ ᑕᑯᓂᐊᕐᓂᖓᓂ ᖁᑦᑎᒃᑐᒻᒪᕆᖕᒥ ᐱᕈᕐᓂᐅᔪᒥ ᑎᑭᑉᐸᓪᓕᐊᔪᓄᑦ ᐊᕐᕌᒍᓄᑦ ᑎᓴᒪᓄᑦ.

ᑕᒪᒃᑭᓗᒃᑖᖅ ᖁᔭᓐᓇᒦᒃ ᐅᔭᕋᖕᓂᐊᕐᓂᕐᒧᑦ, ᑮᓇᐅᔾᔭᒃᓴᓂᕐᒧᑦ ᓴᙱᓂᐅᔪᒥ ᓄᓇᕗᒻᒥ ᖄᖏᖅᓯᓂᐊᖅᑐᒥ ᒐᕙᒪᒃᑯᓐᓂᓪᓘᓐᓃᑦ ᐅᖁᒪᐃᓐᓂᖓᓂ ᓄᓇᕗᒻᒥ ᑮᓇᐅᔾᔭᒃᓴᓂᐅᔪᒥ.

ᐅᖃᓕᒫᑦᑎᐊᖅᐸᐃᑦ, ᐊᒻᒪ ᓂᕆᐅᒃᐳᒍᑦ ᑕᒪᓐᓇ ᑕᑕᒥᑦᑎᕗᖅ ᐃᓱᒪᓂᒃ ᓄᓇᓕᖕᓂ ᖃᐅᔨᒪᔨᕐᔪᐊᖑᔪᓄᑦ ᖄᖅᑯᑦᑎᔪᒪᓲᓂᑦ ᒐᕙᒪᒃᑯᓐᓄᑦ ᐊᑐᕐᓂᖃᐅᑎᖏᓐᓂ ᓄᓇᕗᒻᒥ ᖁᑦᑎᓛᖑᓪᓗᓂ ᐃᖅᑲᓇᐃᔭᖅᑎᖁᑎᖃᕐᓂᖏᓐᓂ.

ᐊᑕᐅᓯᖅ ᐃᓂᖅᑎᕈᑕᐅᔪᖅ, ᒫᓐᓇᐅᔪᒥ, ᐊᒥᓱᑦ ᐃᖅᑲᓇᐃᔭᖅᑏᑦ ᓱᓕ ᖃᓪᓗᓈᓂ ᓄᓇᖓᓐᓂ ᑎᑭᑎᑕᐅᓯᒪᐃᓐᓇᓲᖑᕗᑦ. ᐃᓄᐃᑦ ᐃᖅᑲᓇᐃᔮᖃᕐᓂᖏᑦ ᑎᑭᐅᑎᓯᒪᙱᓚᖅ ᑎᑭᐅᑎᓯᒪᓪᓗᐊᖅᑕᖓᓂ, ᑭᓯᐊᓂ ᐊᒃᓱᓪᓕ ᑕᐅᑐᒃᖢᒍ ᓄᖅᑲᖅᑎᑦᑎᓯᒪᔪᓂ ᐅᓄᕐᓂᐅᔪᓂᑦᐃᓄᐃᑦ ᐃᖅᑲᓇᐃᔮᖃᕐᓂᖏᑦ ᐱᕈᖅᐸᓪᓕᐊᕗᖅ. ᐱᔾᔪᑎᖃᖅᐳᖅ ᐃᖅᑲᓇᐃᔮᖃᕐᓂᖅ ᐅᔭᕋᖕᓂᐊᕐᕕᓂᑦ ᐊᑐᐃᓐᓇᐅᓂᖅᓴᐅᕐᔪᐊᖅᐳᑦ ᐃᓄᖕᓄᑦ ᒐᕙᒪᓄᑦ ᐃᖅᑲᓇᐃᔮᖑᔪᓄᑦ. ᐅᔭᕋᖕᓂᐊᕐᕖᑦ ᐃᓂᖃᖅᐳᑦ ᐃᓄᑭᓐᓂᖅᓴᐅᔪᓂ ᓄᓇᓕᐅᔪᓂ ᖃᓂᒋᔭᖏᓐᓂ – DeBeers’ Chidliak ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᓂ ᑐᖅᑯᖅᑕᐅᓯᒪᔪᓂᑦ ᐱᓇᒍ ᐃᓄᐃᑦ ᐅᓄᓛᖑᓪᓗᑎᒃ ᐃᓄᒋᐊᖕᓂᐅᔪᓂᑦ, ᐊᒻᒪ ᑕᐃᒪᓐᓇᐅᙱᑦᑐᑎᑐᑦ ᑕᒪᒃᑭᑲᓴᖕᓂ ᐊᑭᓕᖅᓱᖅᑕᐅᑦᑎᐊᖅᑐᓂ ᒐᕙᒪᐅᔪᓂ ᐃᖅᑲᓇᐃᔮᖑᔪᓂ, ᐱᓕᕆᓂᖓ ᐃᓕᓴᕆᔭᐅᓂᖃᕆᐊᖃᙱᓚᖅ. ᐊᒻᒪᓗ ᐃᖅᑲᓇᐃᔮᒥ ᐱᓕᒻᒪᒃᓴᕐᓂᐅᔪᒥ ᐊᑐᐃᓐᓇᐅᕗᖅ. ᒐᕙᒪᒃᑯᑦ ᐃᖏᕐᕋᓂᖃᕐᔪᐊᕆᐊᖃᖅᐳᖅ ᑕᐃᒪᐃᓕᖓᓕᕈᓐᓇᕐᓂᕐᒧᑦ ᐅᕙᓂ ᐃᓂᐅᔪᒥ.

ᐱᑯᑦ ᐅᖃᓚᐅᖅᐳᖅ ᐊᒃᑐᐃᓂᐅᔪᖅ ᖁᑦᑎᒃᓯᕙᓪᓕᐊᔪᓂ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐃᓱᓕᑦᑎᓂᐅᔪᓂ ᐅᓄᕐᓂᖏᓐᓂ ᓄᓇᓕᖕᓂ ᐅᔭᕋᖕᓂᐊᕐᕕᐅᑉ ᖃᓂᒋᖏᓐᓂᑦ. ᐃᓱᓕᑦᑎᓗᑎᑦ, ᐃᖅᑲᓇᐃᔮᖅᑖᕆᑦ. ᖃᔅᓯᐊᕐᔪᖕᓂ ᐱᐅᓂᖅᓴᓂ ᐊᔭᐅᕈᑎᒃᓴᖅᑕᖃᖅᐳᖅ ᐱᓕᕆᑦᑎᐊᕈᓐᓇᕐᓂᕐᒧᑦ ᐱᐅᔪᓂ ᐱᑕᖃᑐᐃᓐᓇᕆᐊᖃᕐᓂᖓᓂ ᐱᐅᔪᓄᑦ ᐃᖅᑲᓇᐃᔮᓄᑦ ᐊᒻᒪ ᐊᕙᓗᓯᒪᓗᓂ ᐊᓯᖏᓐᓂ ᐃᖅᑲᓇᐃᔮᖃᕐᒥᔪᓄᑦᑕᐅᖅ.

ᓯᓚᐃᑦᑑᓂᐅᕗᖅ ᐃᓱᒪᓂᕐᒧᑦ ᐊᓯᖏᓐᓂ ᐱᓕᕆᓂᕐᔪᐊᖑᔪᓂ ᑕᐃᒪᐃᑦᑐᒥ ᐊᔪᙱᓐᓂᖃᕈᓐᓇᕐᓂᖓᓂ ᐊᓯᔾᔩᓂᕐᒧᑦ ᓄᓇᕗᒻᒥ. ᐊᓯᖏᓐᓂ ᒐᕙᒪᓂ ᐊᒻᒪ ᐅᔭᕋᖕᓂᐊᕐᓂᕐᓂ, ᑭᓱᖃᖅᐱᑕ? ᐱᔨᑦᑎᕋᕐᓂᖅ, ᐳ<ᕋᖅᑐᓕᕆᓂᖅ, ᐃᓕᖅᑯᓯᖅ? ᑕᒪᕐᒥᒃ ᐱᒻᒪᕆᐅᔪᑦ ᑭᓯᐊᓂ ᒥᑭᑦᑑᕗᑦ ᑕᐅᑐᒃᖢᒍ ᑮᓇᐅᔾᔭᒃᓴᓂᕐᒧᑦ ᐱᕚᓪᓕᕈᑕᐅᔪᓐᓇᖅᑐᓂ ᓴᖅᑭᑎᑦᑎᔪᓐᓇᖅᑐᓂ.

ᑕᐃᒪᐃᓐᓂᖓᓄᑦ, ᐃᓕᓯᔭᕆᐊᖃᖅᐳᒍᑦ ᐊᒃᓱᕈᕐᓂᓕᒫᖑᔪᒥ ᐱᔪᓐᓇᖅᑕᑦᑎᓐᓂ ᐃᑲᔪᖅᓱᐃᓂᕐᒧᑦ ᑲᒪᒋᔭᖃᑦᑎᐊᖅᑐᒥ ᐅᔭᕋᖕᓂᐊᕐᓂᕐᒥ ᐊᐅᓚᑕᐅᓂᐅᔪᓂᑦ. ᑕᒪᓐᓇ ᑐᑭᖃᖅᐳᖅ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᖓᓂ ᐱᔭᕇᖅᑎᑕᐅᓗᓂ. ᐱᑯᑦ ᐅᖃᖅᑎᓪᓗᒍ, ᑲᑎᒪᓂᕐᒧᑦ ᑲᑎᒪᔨᐅᔪᑦ ᑲᓇᑕᒥ ᐃᓱᒫᓘᑎᖓ ᐃᖏᕐᕋᓂᐅᔪᖅ ᓄᖅᑲᖓᑎᑕᐅᔪᓐᓇᖅᐳᖅ ᓇᓗᓇᕐᓂᐅᔪᒥ ᓄᓇᒥᒃ ᐊᑐᕐᓂᕐᒧᑦ.

ᐊᒻᒪ ᐃᑲᔪᖅᓱᐃᒐᓗᐊᖅᑎᓪᓗᑕ ᐃᖏᕐᕋᓂᐅᔪᒥ ᑐᓂᓯᓂᐊᖅᑐᒥ ᐅᓄᕐᓂᖅᓴᓂ ᓄᓇᕗᒻᒥᐅᓂ ᐊᑦᑎᖕᓂᖅᓴᒥ ᑮᓇᐅᔾᔭᒃᓴᓂᐅᔪᒥ, ᐃᓱᒪᒋᔭᕆᐊᖃᖅᐸᕗᑦ ᓴᓂᐊᓂ ᐊᒃᑐᐃᓂᐅᔪᓐᓇᖅᑐᓂ ᖁᕝᕙᑳᓪᓚᖕᓂᐅᔪᒥ.

ᐱᕈᕐᓂᖅ ᖁᑦᑎᖕᓂᖓᓂ, ᑮᓇᐅᔭᐅᑉ ᐊᑭᑭᒡᓕᒋᐊᕐᓂᖓ ᑕᐃᒪᐃᒃᑭᕗᖅ. 3 ᐳᓴᓐᑎᒥ, ᒪᕐᕈᐃᓪᓗᐊᖅᐳᖅ ᑲᓇᑕᒥ ᐅᓄᕐᓂᖓᓂ, ᐊᒻᒪ ᓴᓇᔨᐅᔪᑦ ᐱᔪᓐᓇᕋᓗᐊᖅᑎᓪᓗᒋᑦ ᐊᖏᒡᓕᒋᐊᖅᑐᒥ ᐊᑭᖓᓂ ᐆᒪᓇᓱᐊᕐᓂᕐᒧᑦ, ᑕᐃᒃᑯᐊ ᐆᒪᕙᒃᑐᑦ ᐱᓇᓱᐊᕈᓯᕐᒥ ᐱᓇᓱᐊᕈᓯᕐᒧᑦ ᐊᔭᒃᑕᐅᔪᓐᓇᖅᐳᑦ ᓯᓂᖓᓄᑦ ᐊᔪᖅᓴᓕᕐᓂᕐᒧᑦ.

ᐊᒻᒪ ᓇᓂᔭᐅᓵᖅᑐᒥ ᐊᔪᖅᓴᙱᓐᓂᐅᔪᒥ, ᑎᑭᐅᑎᕙᒃᑭᕗᖅ ᐅᓗᕆᐊᓇᕐᓂᐅᔪᒥ ᐃᓅᖃᑎᒌᖕᓂᐅᔪᒥ ᐊᑲᐅᙱᓕᐅᕈᑕᐅᔪᓂᑦ. ᐊᐅᓚᑕᐅᑦᑎᐊᖅᑎᓪᓗᒍ ᐊᒻᒪ ᐅᔾᔨᖅᓱᑦᑎᐊᕐᓗᑎᒃ ᓈᒻᒪᒃᑐᓂ ᐃᑲᔪᖅᓱᐃᓂᖃᕐᓗᓂ ᐃᓕᓯᒪᔪᓂᑦ, ᐅᓗᕆᐊᓇᕐᓂᐅᔪᑦ ᖄᖏᖅᑕᐅᔪᓐᓇᖅᐳᑦ ᐱᕚᓪᓕᕈᑕᐅᔪᓂ ᑎᑭᓲᓂᑦ ᐱᑦᑎᐊᖅᑐᓂ, ᐱᑕᖃᐃᓐᓇᖅᑐᓂ ᐃᖅᑲᓇᐃᔮᓂᑦ.

ᑐᓴᐅᒪᔪᒃᓴᐅᕗᑎᑦ ᐋᓐᑎᐊᕆᐅ ᐊᓯᔾᔩᔪᒪᓂᖏᓐᓂ ᐅᖃᐅᓯᖓᓐᓂ ᓄᓇᓯᐅᒻᒧᑦ ᓚᐃᓴᓐᓯᖓᒍᑦᐃᓂᐅᔪᖅ ᐱᕈᕐᕕᒃᓴᐅᔪᒧᑦ,” ᑭᓯᐊᓂ ᑕᒪᒃᑭᑦ ᓇᓗᓇᐃᒃᑯᑕᐅᔪᑦ ᑕᑯᒃᓴᐅᑎᑦᑎᕗᑦ ᐱᕕᒃᓴᖃᕐᔪᐊᕐᓂᐊᕐᓂᖓᓂ. ᐱᕈᖅᓴᐃᓚᐅᖅᑕ ᐃᖏᕐᕋᓂᐅᔪᒥ ᐊᒻᒪ ᑕᐅᑐᒃᑕᑐᐊᖃᐃᓐᓇᕐᓗᑕ ᓄᓇᕗᒻᒥᐅᑦ ᐱᕚᓪᓕᕐᓂᖏᓐᓂ.