Winner:
Annie Aleekee
Taloyoak
My daughter Leanna Lena Aleekee. We took her for a ride with our Honda out on the land and she was so happy that she could finally reach and touch the rock that is on top. Photo taken September 30, 2020.
ᐋᓂ ᐊᓖᑭ
ᑕᓗᕐᔪᐊᖅ
ᐸᓂᒐ ᓕᐋᓇ ᓖᓇ ᐊᓖᑭ. ᐃᖏᕐᕋᔭᖃᑎᒋᓚᐅᖅᑕᕗᑦ ᑎᓴᒪᓕᒃᑯᑦ ᓄᓇᒧᑦ ᐊᒻᒪ ᖁᕕᐊᓱᓚᐅᖅᐳᖅ ᑎᑭᑦᑐᓐᓇᖅᓯᓂᖓᓂ ᐊᒻᒪ ᐊᒃᑐᖅᓯᓂᕐᒥ ᐅᔭᕋᖕᓂ ᖄᖓᓃᑦᑐᒥ. ᐊᔾᔨᓕᐅᖅᑕᐅᔪᖅ ᓯᑎᐱᕆ 30, 2020−ᒥ.
Mosie Becky Ogruk
Taloyoak
Here's a picture of a one-and-a-half year old Kovalaq skinning a stuffed seal … hey teach them young!
ᒨᓯ ᐸᑭ ᐅᒡᕈᒃ
ᑕᓗᕐᔪᐊᖅ
ᐅᓇ ᐊᔾᔨᓕᐊᖑᔪᖅ ᐊᑕᐅᓯᕐᒥ ᓇᑉᐸᖓᓂᓪᓗ ᐅᑭᐅᓕᖕᒥ ᑯᕙᓚᖅ ᐋᒃᑐᐃᔪᖅ ᐃᓗᓪᓕᖅᓯᒪᔪᒥ ᓇᑦᑎᙳᐊᒥᒃ… ᓱᕈᓯᐅᑎᓪᓗᒋᑦ ᐃᓕᓐᓂᐊᖅᑎᑉᐸᒡᓗᒋᑦ!
Kenneth Kripanik
Iglulik
June 11, 2020, my wife Akittiq Angutiqjuaq caught a very delicious fat nattiaviniq at 7:27 a.m.
We were at breathing holes for a good 45 minutes before I found a hidden breathing hole.
A couple minutes later, we were lucky my wife caught it because the rest were starting to give up from their seal holes and heading back to their qamuti.
ᑲᓇᑦ ᕿᐸᓐᓂᖅ
ᐃᒡᓗᓕᒃ
ᔫᓂ 11, 2020, ᓄᓕᐊᕋ ᐊᑭᑦᑎᖅ ᐊᖑᑎᕐᔪᐊᖅ ᐱᓚᐅᖅᐳᖅ ᒪᒪᖅᑐᒻᒪᕆᐊᓗᖕᒥ ᖁᐃᓂᔪᒥ ᓇᑦᑎᐊᕕᓂᕐᒥ 7:27 ᐅᓪᓛᒃᑯᑦ.
ᐊᒡᓗᓃᓚᐅᖅᐳᒍᑦ 45 ᒥᓂᑦᐸᓗᖕᓂ ᓇᓂᓯᓚᐅᖅᐳᖓ ᐃᔨᖅᓯᒪᔪᒥ ᐊᒡᓗᒥᑦ.
ᖃᔅᓯᐊᕐᔪᖕᓂ ᒥᓂᑦᓂ ᖄᖏᕐᒪᑕ, ᐊᓕᐊᓇᐃᖑᓚᐅᖅᐳᖅ ᓄᓕᐊᕋ ᓇᑦᑎᕐᒪᑦ ᐊᒥᐊᒃᑰᔪᑎᒍᑦ ᓴᐱᓕᓚᐅᕋᑦᑕ ᐊᒡᓗᑦᑎᓐᓂ ᐊᒻᒪ ᖃᒧᑎᓕᐊᖅᐸᓪᓕᐊᓕᖅᖢᑕ.
Barb Katokra
Naujaat
"You know the kids are missing hockey season when they see the first snowfall and everyone runs home to go get their sticks and play some road hockey." photo taken Oct. 4, 2019, Naujaat, NU.
ᐹᑉ ᑲᑐᖅᑲ
ᓇᐅᔮᑦ
"ᖃᐅᔨᒪᓇᖅᐳᖅ ᓱᕈᓯᑦ ᕼᐋᑭᕈᓐᓇᕐᓂᐊᕐᓂᖓᓂ ᐊᑯᓂᒍᓱᖕᓂᖏᓐᓂ ᑕᑯᒐᒥᒃ ᓯᕗᓪᓕᖅᐹᒥ ᖃᓐᓂᕐᓂᐅᔪᒥ ᐊᒻᒪ ᑕᒪᕐᒥᒃ ᐊᖏᕐᕋᒧᑦ ᐅᓪᓚᑦᓯᓪᓗᑎᒃ ᐊᓇᐅᑕᖏᓐᓂ ᐊᐃᒃᓯᖅᖢᑎᒃ ᐊᒻᒪ ᐊᖅᑯᒻᒥ ᕼᐋᑭᓕᖅᖢᑎᒃ." ᐊᔾᔨᓕᐅᖅᑕᐅᔪᖅ ᐅᒃᑐᐱᕆ 4, 2019, ᓇᐅᔮᑦ, ᓄᓇᕗᒻᒥ.
Candice Kabloona
Baker Lake
Waiting for the tuktuit to go to us, in the picture is Candice Kabloona … east of Baker Lake, when hunting you wait for the right tuktu to go to you to catch one.
ᑳᓐᑎᔅ ᖃᑉᓗᓈ
ᖃᒪᓂᑦᑐᐊᖅ
ᐅᑕᖅᑭᔪᑦ ᑐᒃᑐᓂ ᐅᕙᑦᑎᓐᓄᙵᐅᓂᐊᕐᓂᖏᓐᓂ, ᐅᕙᓂ ᐊᔾᔨᓕᐊᖑᔪᒥ ᑳᓐᑎᔅ ᖃᑉᓗᓈ … ᑲᓇᖕᓇᕐᒥ ᖃᒪᓂᑦᑐᐊᕐᒥ, ᐊᖑᓇᓱᒃᖢᓂ ᐅᑕᖅᑭᓲᖑᕗᑎᑦ ᓈᒻᒪᑦᑎᐊᖅᑐᒥ ᑐᒃᑐᒥ ᐃᓕᖕᓄᐊᕐᓂᐊᕐᓂᖓᓄᑦ ᐱᓂᐊᕐᓗᒍ.