ᐱᓕᕆᐊᖅ ᐱᒋᐊᖅᑕᐅᓂᖓ ᑲᖏᖅᖠᓂᕐᒥ

by Darrell Greer- January 11, 2018

ᓲᓴᓐ ᐊᒡᓘᒃᑲᒃ, ᑲᑐᔾᔨᖃᑎᒌᖓᓗ The Arctic Rose Foundation, ᐱᒋᐊᖅᑎᑦᓯᓂᐊᖅᐳᑦ ᓯᕗᓪᓕᖅᐹᒥ ᐱᓕᕆᐊᕆᓂᐊᖅᑕᒥᖕᓂᒃ Creative Cultural Reflections, ᑲᖏᖅᖠᓂᕐᒥ ᐅᑉᓗᒥ, ᔭᓐᓄᐊᕆ 10, ᐱᓕᕆᖃᑎᖃᕐᓗᑎᒃ ᒫᓂ ᐅᓗᔪᒃ ᐃᓕᓐᓂᐊᕐᕕᖓᓂ.

ᓯᓚᕐᔪᐊᒥ ᓂᐱᓕᐅᖅᓯᒪᔪᖅ ᐃᓐᖏᖅᑎ ᓲᓴᓐ ᐊᒡᓗᒃᑲᒃ, ᐊᕐᕕᐊᒥᐅᑕᕕᓂᖅ, ᓯᕗᓪᓕᖅᐹᒥ Arctic Rose Foundationᑯᑦ ᐱᓕᕆᐊᒥᖕᓂᒃ ᐱᒋᐊᕈᑎᖃᕐᓂᐊᖅᐳᑦ, Creative Cultural Reflections, ᑲᖏᖅᖠᓂᕐᒥ ᐅᑉᓗᒥ, ᔭᓐᓄᐊᕆ 10, ᐱᓕᕆᖃᑎᖃᕐᓗᑎᒃ ᒫᓂ ᐅᓗᔪᒃ ᐃᓕᓐᓂᐊᕐᕕᖓᓂ.

ᑕᒪᓐᓇ ᐱᒋᐊᖅᑕᐅᓚᐅᖅᓯᒪᑉᓗᓂ ᐃᓐᖏᖅᑎᒧᑦ ᐃᓐᖏᐅᓯᓕᐅᖅᑎᑉᓗᓂᓗ ᓲᓴᓐ ᐊᒡᓘᒃᑲᒃ, ᐱᔾᔪᑎᖃᖅᖢᓂᓗ ᑕᓐᓇ Arctic Rose Foundation ᐅᑭᐅᖅᑕᖅᑐᒥ ᓄᑕᖃᑦ ᒪᒃᑯᒃᑐᓪᓗ ᖃᓄᑐᐃᓐᓇᖅ ᐱᓕᕆᐊᖃᓕᖅᐸᓪᓕᐊᖁᑉᓗᒋᑦ ᐃᓅᓯᕐᒥᖕᓂ.

ᑖᒃᑯᐊ Arctic Rose Foundation ᑕᐃᒪᓐᓇᐃᓕᐅᕐᓂᐊᖅᐳᑦ ᐃᓕᖁᓯᑐᖃᓂᒃ, ᐃᓱᒪᒧᑦ ᐅᒃᐱᕐᓂᕐᒧᑦ ᐊᒻᒪ ᐊᕙᑎᒥᐅᑕᖃᑦᓯᐊᖁᑉᓗᒋᑦ ᐅᑭᐅᖅᑕᖅᑐᒥ ᒪᒃᑯᒃᑐᑦ ᓄᑕᖃᓪᓗ.

 

ᓄᑖ ᐱᓕᕆᕕᐅᓕᖅᑐᖅ

ᑲᖏᖅᖠᓂᖅ

ᑲᖏᖅᖠᓂᖅ ᐃᓂᒋᔭᐅᓂᐊᓕᖅᐳᖅ ᐃᒪᕐᒥ ᐃᓅᓕᓴᐃᕕᖃᕐᓗᓂ ᐃᑲᔪᖅᑎᒃᓴᓂᒃ ᖃᔭᕆᐊᖅᑐᖅᑐᓂᒃ ᐅᒥᐊᖅᑐᖅᑐᓂᒡᓗ.

ᑕᒪᓐᓇ ᑐᓴᖅᑎᑦᓯᒍᑕᐅᓚᐅᖅᖢᓂ ᒥᓂᔅᑕᒧᑦ ᐃᖃᓗᓕᕆᓂᕐᒧᑦ, ᑕᕆᐅᕐᒥᐅᑕᓕᕆᓂᕐᒧᑦ ᐅᒥᐊᕐᔪᐊᒃᑯᑦ ᐃᑲᔪᖅᑎᓂᒡᓗ ᑐᒥᓂᒃ ᓚᐸᓛᑦ ᔭᓐᓄᐊᕆ 4-ᖑᓚᐅᖅᑐᒥ.

ᑮᓇᐅᔭᖃᖅᑎᑕᐅᓂᐊᖅᐳᑦ $1.5-ᐱᓕᔭᓐᑖᓚᓂᒃ ᑖᒃᑯᓇᖓᑦ ᑕᕆᐅᖅ ᓴᐳᒻᒥᔭᐅᒋᐊᖃᕐᓂᖏᓐᓄᑦ ᐸᕐᓇᒃᑎᖏᓐᓂᑦ, ᖃᐅᔨᓴᕐᓂᐊᖅᖢᑎᒡᓗ ᐅᒥᐊᖅᑐᖅᑐᖅ ᖃᔭᕆᐊᖅᑐᖅᑐᖅ ᐅᓗᕆᐊᓇᖏᑦᑐᒦᓐᓂᖅᓴᐅᔪᓐᓇᕐᓂᖏᓐᓄᑦ ᓴᐳᔾᒥᔭᐅᓂᖏᓪᓗ ᑲᓇᑕᐅᑉ ᑕᕆᐅᖓ ᓯᒡᔭᒥᐅᑕᐃᓪᓗ ᓄᓇᓕᖕᓂᒥᐅᑕᐃᑦ.

ᐊᐅᔭᒃᑯᑦ ᕿᓂᖅᑎᐅᖃᑕᐅᖃᑦᑕᕐᓂᐊᖅᖢᑎᒃ ᑭᕙᓕᕐᒥ, ᐱᓕᕆᖃᑎᒋᔭᐅᓂᖅᓴᐅᓕᕐᓗᑎᒡᓗ ᐅᑭᐅᖅᑕᖅᑐᒥ ᓄᓇᓕᓂᖕᒥᐅᑕᐃᑦ.

ᐱᒻᒪᕆᐅᑎᑕᐅᑉᓗᓂᓗ ᐅᒥᐊᕐᔪᐊᓂᒃ ᐅᒥᐊᕐᓂᒡᓗ ᖃᐅᔨᓴᖅᑎᑦ ᓴᐳᔾᔨᔨᑦ ᐊᑐᖅᑕᐅᓕᒃᑲᓐᓂᑐᐃᓐᓇᕆᐊᖃᖅᖢᓂ ᐅᑭᐅᖅᑕᖅᑐᒥ.

ᓄᓇᖃᖅᑳᖅᓯᒪᔪᒧᑦ ᐃᓄᖕᒧᑦ ᐃᓕᓐᓂᐊᖅᑎᒧᑦ ᐅᑭᐅᖅᑕᖅᑐᒥ ᓄᓇᓕᖕᓂᒥᐅᑕᒧᑦ ᐱᓕᕆᔨᖃᕐᓂᐊᖅᐳᑦ, ᓯᕗᓕᖅᑎᒋᔭᐅᓗᑎᒃ ᐅᒥᐊᕐᔪᐊᓕᕆᔨᒃᑯᑦ ᐱᓕᕆᔨᖓᑦ, ᑲᒪᔨᖃᖏᓪᓗᑎᒃ ᓇᖕᒥᓂᖅ ᐊᐅᓚᔪᓐᓇᖅᓯᕙᓪᓕᐊᓂᖏᓐᓂ.

ᐱᓕᕆᔨᐅᓂᐊᖅᑐᑦ ᐃᓕᓐᓂᐊᖃᑎᖃᕐᓂᐊᖅᐳᑦ ᓯᕗᓪᓕᕐᒥ ᖃᑉᓗᓈᓂᒥᐅᑦ ᐃᓕᓐᓂᐊᖃᑎᒋᓗᒋᑦ ᑕᐃᑲᓂ ᐋᓐᑎᐅᕆᔪᒥᐅᑕᐃᑦ.

ᐃᓕᓐᓂᐊᖅᑳᕐᓂᐊᖅᐳᑦ ᑲᓇᑕᒥ ᕿᓂᕐᒥᒃ ᖃᓄᕐᓗ ᓂᕆᕈᓯᖃᕐᓂᖅ, ᖃᔭᕆᐊᓕᕆᓂᖅ ᐅᒥᐊᓕᕆᓂᖅ, ᐃᒫᓂ ᐋᓐᓂᖅᑐᓕᕆᓂᖅ, ᓈᓚᐅᑎᓕᕆᓂᕐᓗ.

ᐃᒪᕐᒥ ᕿᓂᖅᑎᑦ ᓄᓇᕗᒦᓚᐅᖅᐳᑦ ᓄᓇᑦᓯᐊᒥᓗ ᐊᒻᒪ ᓄᓇᕕᖕᒥ ᑯᐸᖕᒥ ᐊᒃᑐᐱᕆᐅᓚᐅᖅᑐᒥ ᓄᓇᓕᖕᓂᒥᐅᓂᒃ ᑲᑎᒪᖃᑎᖃᖅᖓᓗᑎᒃ ᑭᒃᑯᑦ ᓂᕈᐊᖅᑕᐅᒐᔭᕐᓂᖏᓐᓄᑦ ᐱᓕᕆᔨᑖᕆᔭᐅᓂᕐᒧᑦ ᑲᔪᖏᖅᓴᐃᓪᓗᑎᒡᓗ ᐃᓚᐅᒍᒪᔪᖃᖅᐸᑦ.

Leave a Comment: