Skip to content

ᑕᑯᒃᓴᐅᑎᑕᐅᓂᐅᔪᖅ ᖃᐅᔨᓴᕐᓂᕐᒧᑦ

ᐊᖓᔪᒌᒃ ᔮᓇᑕᓐ ᐊᒻᒪ ᐅᐃᓕᐊᑦ ᑳᒻᐳᓪ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᐊᕐᕕᐊᓂᑦ ᐱᓚᐅᖅᐳᑦ ᖁᑦᑎᓛᖑᔪᓂ ᐃᓂᐅᔪᓂᑦ ᑭᕙᓪᓕᕐᒥ ᐊᕕᒃᑐᖅᓯᒪᓂᐅᔪᒥ ᖃᐅᔨᓴᕐᓂᕐᒧᑦ ᑕᑯᒃᓴᐅᑎᑕᐅᓂᐅᔪᒥ ᐱᓕᕆᐊᖑᔪᒥ ᑲᖏᖅᖠᓂᕐᒥ ᒫᔾᔨ 2-ᒥ 4-ᒧᑦ.

ᔮᓇᑕᓐ ᓯᕗᓪᓕᐅᓪᓗᓂ ᐱᔭᕇᓚᐅᖅᐳᖅ ᑕᒪᐃᑎᒍᑦ ᐱᓕᕆᓂᖓᓄᑦ ᓴᓇᓂᕐᒧᑦ ᐃᔾᔪᕐᒥ ᓄᓇᒥᙶᖅᑐᓂ ᓇᓂᔭᐅᓲᓂᑦ ᐅᑭᐅᖅᑕᖅᑐᒥ ᐱᕈᐃᓂᕐᒧᑦ ᓱᑮᓂ, ᑭᐊᕋᑦ ᐊᒻᒪ ᕌᑎᓯᔅᓂ, ᐅᐃᓕᐊᒻ ᒪᕐᕈᖓᓂ ᐱᓪᓗᓂ ᖃᐅᔨᓴᕈᑎᖓᓄᑦ ᐊᑐᖅᖢᓂ ᐃᒡᓘᑉ ᓂᒡᓕᓇᖅᑐᒥ-ᐊᓂᕐᓂᒃᓴᒥᐊᔪᖅᓯᑎᑦᑎᓂᐅᔪᒥ ᓴᓇᔭᐅᓯᒪᔪᒥ ᒫᓐᓇᓕᓴᓄᑦ ᐃᒡᓗᕐᔪᐊᓄᑦ ᐅᖅᓱᐊᓗᖕᒥ ᐊᑐᓗᐊᖅᑕᐃᓕᒪᑎᑦᑎᓂᕐᒧᑦ ᐊᒻᒪ ᐅᖅᑰᓴᐅᑎᓄᑦ ᐊᑭᖏᓐᓂᑦ.

Arviat's William Campbell gives the thumbs-up for taking second place overall at the Kivalliq Regional Science Fair with his work on experimenting with the idea of using the iglu's cold-air-trap design in the modern architecture of buildings to save on fuel usage and heating costs in Rankin Inlet on March 4, 2018.
ᐊᕐᕕᐊᕐᒥᐅᑕᖅ ᐅᐃᓕᐊᒻ ᑳᒻᐳᓪ ᐱᓚᐅᖅᐳᖅ ᒪᕐᕈᖓᓂ ᓵᓚᖃᕐᓂᕐᒥᑦ ᑭᕙᓪᓕᕐᒥ ᐊᕕᒃᑐᖅᓯᒪᓂᐅᔪᒥ ᖃᐅᔨᓴᕐᓂᕐᒧᑦ ᑕᑯᒃᓴᐅᑎᑕᐅᓂᐅᔪᒥ ᐱᓕᕆᓂᖓᓄᑦ ᖃᐅᔨᓴᖅᓯᓂᐅᔪᒥ ᐃᓱᒪᒋᔭᒥᓂᑦ ᐊᑐᕐᓂᕐᒧᑦ ᐃᒡᓘᑉ ᓂᒡᓚᓇᖅᑐᒥ-ᐊᓂᕐᓂᒃᓴᒥ-ᐊᔪᖅᓯᑎᑦᑎᓂᕐᒧᑦ ᓴᓇᐅᒐᐅᔪᒥ ᒫᓐᓇᓕᓴᓄᑦ ᐃᒡᓗᕐᔪᐊᖑᔪᓄᑦ ᐊᑐᓗᐊᖅᑕᐃᓕᒪᓂᕐᒧᑦ ᐅᖅᓱᐊᓗᖕᒥ ᐊᒻᒪ ᐅᖅᑰᓴᐅᑎᓄᑦ ᐊᑭᖏᓐᓂᑦ ᑲᖏᖅᖠᓂᕐᒥ ᒫᔾᔨ 4-ᖑᑎᓪᓗᒍ.

ᕕᒃᑐᕐ ᓴᒻᒧᖅᑐᕐᒥ ᐃᓕᓐᓂᐊᕐᕕᖓᑕ (VSS) ᐹᐳᕋ ᑲᔾᔪᒃ ᐃᒡᓗᓕᒑᕐᔪᖕᒥᐅᑕᖅ ᐱᓚᐅᖅᐳᖅ ᐱᖓᔪᖓᓐᓂ ᐃᓂᐅᔪᒥᑦ ᐱᓕᕆᐊᖓᓄᑦ ᖃᐅᔨᓴᐃᓂᕐᒥ ᐊᓯᔾᔨᖅᐸᓪᓕᐊᓂᐅᔪᓄᑦ ᐆᒻᒪᑎᐅᑉ ᐱᒡᒍᓂᖓᓂ ᐊᒻᒪ ᑎᒥᐅᑉ ᐅᖅᑰᓂᖓᓂ ᓴᖅᑭᑎᑕᐅᔪᒥ ᓂᕆᖃᑦᑕᕐᓂᕐᒧᑦ ᓂᕿᑦᑎᐊᕙᖕᓂᑦ.

ᖁᑦᑎᓛᖑᔪᑦ ᐱᖓᓱᑦ ᓵᓚᖃᖅᑐᑦ ᓯᕗᒻᒧᐊᕐᓂᐊᓕᖅᐳᑦ ᑲᓇᑕᔨᒫᒧᑦ ᖃᐅᔨᓴᕐᓂᕐᒧᑦ ᑕᑯᒃᓴᐅᑎᑕᐅᓂᐅᔪᒥ ᐋᑐᕚ, ᐋᓐᑎᐊᕆᐅᒥ, ᐱᓕᕆᐊᖑᓂᐊᖅᑐᒥ ᒪᐃ 12-ᒥ 19-ᒧᑦ.

ᑲᑎᓪᓗᒋᑦ 17-ᖑᔪᓂ ᐱᓕᕆᐊᖑᔪᓂᑦ ᐃᓚᐅᖃᑕᐅᓚᐅᖅᐳᑦ ᑕᒪᑐᒪ ᐊᕐᕌᒎᔪᒥ ᐊᕕᒃᑐᖅᓯᒪᔪᓂ ᑕᑯᒃᓴᐅᑎᑕᐅᓂᐅᔪᒥ, ᓇᓗᓇᐃᖅᓯᓚᐅᖅᑐᒥ 16-ᒋᔭᖓᓂ ᐊᕕᒃᑐᖅᓯᒪᔪᓂ ᑕᑯᒃᓴᐅᑎᑕᐅᓂᐅᔪᒥ ᕕᒃᑐᕐ ᓴᒻᒧᖅᑐᖅ ᐃᓕᓐᓂᐊᕐᕕᖓᓄᑦ ᐃᓕᓴᐃᔨᐅᔪᒧᑦ ᒐᓚᓐ ᐳᕌᑯᓪᐹᖕᒃᒧᑦ. ᓯᕗᓪᓕᖅᐹᖑᔪᒥᓗ ᐳᕌᑯᓪᐹᖕᒃ ᐊᑦᑎᖅᑕᐅᓚᐅᖅᐳᖅ ᖃᐅᔨᓴᖅᑎᒻᒪᕆᐅᑎᑕᐅᓂᖓᓂ ᖃᓄᐃᓕᐅᕐᓂᐅᔪᒧᑦ.

ᖃᐅᔨᓴᖅᑎᒻᒪᕆᐅᓚᐅᖅᓯᒪᙱᓚᖓ ᓯᕗᓂᐊᓂ ᐊᒻᒪᓗ ᒫᓐᓇ ᐃᒃᐱᒍᓱᑦᑎᐊᕐᓂᖃᕐᔪᐊᖅᐳᖓ ᐱᓕᕆᐊᖑᔪᒧᑦ ᔨᒻ ᑯᕉᒐ ᐱᓕᕆᕙᓚᐅᕐᓂᖓᓂ ᐅᓪᓗᓕᒫᖅ ᐱᓕᕆᖃᑦᑕᕋᔭᕋᒪ ᐅᓐᓄᓴᐃᓐᓇᕐᒥ ᐱᓕᕆᑎᓪᓗᒍ,” ᐅᖃᓚᐅᖅᐳᖅ.

ᐳᕌᑯᓪᐹᖕᒃ ᐅᖃᓚᐅᖅᐳᖅ ᖁᓱᕈᔪᓚᐅᕐᓂᖓᓂ ᑕᑯᒃᓴᐅᑎᑕᐅᓂᐅᔪᒧᐊᖅᐸᓪᓕᐊᓪᓗᓂ ᑕᒪᕐᒥᒃ 7-ᖑᔪᑦ ᑭᕙᓪᓕᕐᒥ ᓄᓇᓕᐅᔪᑦ ᑭᒡᒐᖅᑐᖅᑕᐅᓚᐅᙱᒻᒪᑕ ᑕᒪᑐᒪᓂ ᐊᕐᕌᒎᔪᒥ, ᐊᒻᒪᓗ ᐃᓱᒫᓘᓚᐅᖅᐳᖅ ᑕᒪᓐᓇ ᐊᑦᑎᒃᓯᒋᐊᕐᓂᐊᕐᓂᖓᓂ ᑕᒪᐃᑎᒍᑦ ᐱᐅᓂᖓᓂ ᐱᓕᕆᐊᖑᔪᓄᑦ ᐃᓚᐅᖃᑕᐅᔪᓄᑦ.

ᐃᓱᒫᓘᓪᓗᐊᓚᐅᙱᑦᑐᖅ, ᐅᖃᓚᐅᖅᐳᖅ.

ᖁᑦᑎᓛᖑᔪᑦ ᐱᓕᕆᐊᖑᔪᑦ ᑕᑯᒃᓴᐅᕐᔪᐊᓚᐅᖅᐳᑦ ᑕᒪᑐᒪᓂ ᐊᕐᕌᒎᔪᒥ ᐊᒻᒪᓗ ᐱᓕᕆᑦᑎᐊᖅᓯᒪᕐᔪᐊᓚᐅᖅᐳᑦ, ᑕᐃᒪᐃᒐᔪᒃᖢᑎᒃ ᑕᒪᕐᒥᒐᓚᖕᓂ ᐊᕐᕌᒍᓂᑦ,” ᐅᖃᓚᐅᖅᐳᖅ. “ᐃᓱᒪᑐᕐᔪᐊᖅᖢᑎᒃ ᐃᓱᒪᓂᐅᓚᐅᖅᐳᑦ.”

ᓇᓗᓇᐃᖅᓯᒪᓂᐅᓚᐅᖅᑐᖅ 7-ᖑᔪᓂ ᔫᓂᐊᖑᔪᑦ-ᑭᒡᓕᓕᖕᓂ ᐱᓕᕆᐊᖑᔪᑦ ᐃᓚᐅᖃᑕᐅᓚᐅᖅᑐᓂ, ᐅᖃᓚᐅᖅᐳᖅ, ᐃᓕᓐᓂᐊᖅᑏᑦ ᐊᐱᖅᓱᐃᓪᓗᑎᒃ ᑎᑭᐅᒪᔪᓄᑦ 100-ᓂ ᐃᓄᖕᓂᑦ ᐱᓕᕆᐊᕆᔭᒥᓄᑦ.

ᐳᕌᑯᓪᐹᖕᒃ ᐅᖃᓚᐅᖅᐳᖅ ᑐᙵᓇᖅᖢᑎᒃ ᓵᓚᖃᕋᓱᐊᕐᓂᐅᔪᒥ ᓴᖅᑭᓚᐅᖅᐳᖅ ᐊᕐᕕᐊᓂᑦ ᐊᒻᒪ ᐃᒡᓗᓕᒑᕐᔪᖕᒥ ᐊᕐᕌᒎᓚᐅᖅᑐᒥ ᐊᕐᕕᐊᑦ ᐊᒻᒪ ᐃᒡᓗᓕᒑᕐᔪᒃ ᑕᒪᕐᒥᒃ ᓯᕗᓪᓕᐅᓚᐅᕐᒪᑕ, ᑕᒪᑐᒪᓂ ᐊᕐᕌᒍᒥ ᐊᕐᕕᐊᑦ ᓯᕗᓪᓕᖅᐸᐅᓚᐅᖅᐳᑦ ᐊᒻᒪ ᒪᕐᕈᖓᓂ ᐊᒻᒪ ᐃᒡᓗᓕᒑᕐᔪᒃ ᐱᔭᕇᖅᖢᑎᒃ ᐱᖓᔪᖓᓐᓂ ᐅᖃᓚᐅᖅᐳᖅ.

ᐅᖃᐅᓯᒃᓴᖃᑦᑎᐊᓚᐅᕆᕗᖅ ᐊᓯᖏᓐᓄᑦ ᖃᐅᔨᓴᖅᑎᐅᖃᑕᐅᔪᓄᑦ.

ᑕᒪᒃᑭᓗᒃᑖᖅ ᑕᑯᒃᓴᐅᑎᑕᐅᓂᐅᔪᖅ, ᐊᒻᒪᓗ ᑕᒪᕐᒥᒃ ᐃᓕᓐᓂᐊᕐᓂᐅᔪᑦ ᐱᓕᕆᔭᐅᑦᑎᐊᖅᑐᒻᒪᕆᐅᓚᐅᖅᐳᑦ,” ᐅᖃᓚᐅᖅᐳᖅ. “ᑭᓯᐊᓂ ᐅᐱᒍᓱᑦᑎᐊᓚᐅᖅᐳᖓ ᐃᓄᖕᓂᑦ ᓂᕈᐊᖅᑕᐅᔪᓂ ᖃᐅᔨᓴᖅᓯᓂᕐᒧᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖓᓐᓂ, ᐊᓯᖏᑦ ᒪᕐᕉᖑᔪᑦ ᐃᓕᓐᓂᐊᕐᕕᓂᑦ ᐊᒻᒪ ᓄᓇᓕᐅᔪᒥ ᐅᖃᐅᓯᒃᓴᑦᑎᐊᕙᖃᐅᓚᐅᖅᑐᓂ ᓄᑕᖅᑲᐃᑦ ᐱᓕᕆᐊᖏᓐᓄᑦ ᐊᒻᒪᓗ ᐱᓕᕆᑦᑎᐊᕐᔪᐊᓚᐅᖅᐳᑦ ᑕᒪᐃᑎᒍᑦ.”