ᖃᐅᔨᓴᕐᓂᕐᒧᑦ ᑎᑎᕋᐅᔭᖅᑏᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓄᑦ (SET) ᐊᒃᓱᕈᕈᑕᐅᔪᖅ ᐋᖅᑭᒃᓱᖅᑕᐅᓯᒪᔪᓂ ᑭᕙᓪᓕᕐᒥ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓄᑦ ᓄᓇᓕᐅᔪᑦ (KSEC) ᐅᑎᕐᓂᐊᖅᐳᑦ ᑭᕙᓪᓕᕐᒧᑦ ᐃᓕᓐᓂᐊᕐᕕᓄᑦ ᑕᒪᑐᒪᓂ ᐊᕐᕌᒎᔪᒥᑦ.
ᑭᕙᓪᓕᕐᒥ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓄᑦ ᓄᓇᓕᐅᔪᑦ ᐱᕙᓪᓕᐊᑎᑦᑎᓯᒪᕗᑦ ᐊᒻᒪ ᑐᓂᓯᓪᓗᑎᒃ ᖃᐅᔨᓴᕐᓂᕐᒧᑦ ᑎᑎᕋᐅᔭᖅᑏᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓄᑦ ᐊᒃᓱᕈᕈᑕᐅᔪᖅ ᑭᕙᓪᓕᕐᒧᑦ ᐃᓕᓐᓂᐊᕐᕕᓄᑦ ᑕᐃᒪᙵᓂ 1995-ᒥ.
ᓯᕗᓪᓕᖅᐹᒥ ᐋᖅᑭᒃᓱᖅᑕᐅᓯᒪᓪᓗᓂ ᐃᓚᐅᖃᑕᐅᔪᓄᑦ ᑭᕙᓪᓕᕐᒥ ᐊᕕᒃᑐᖅᓯᒪᓂᐅᔪᒥ ᖃᐅᔨᓴᕐᓂᕐᒧᑦ ᑕᑯᒃᓴᐅᑎᑕᐅᓂᐅᔪᒥ, ᐱᐅᒋᔭᐅᓂᖓ ᕿᓚᒻᒥᐅᔪᒥ ᑐᕌᖅᑎᑦᑎᓚᐅᖅᐳᖅ ᐱᕙᓪᓕᐊᑎᑕᐅᓂᖓᓂ ᐅᖓᓯᒃᑐᒧᑦ ᑐᓂᔭᐅᓂᖓᓂ ᐆᒃᑐᕋᐅᑎᐅᔪᒧᑦ ᖃᐅᔨᓴᕐᓂᕐᒧᑦ ᐃᓕᓐᓂᐊᕐᓂᕐᒥᑦ ᐊᕕᒃᑐᖅᓯᒪᓂᐅᔪᒥ ᑭᒡᓕᐅᔪᓄᑦ.
ᖃᐅᔨᓴᕐᓂᕐᒧᑦ ᑎᑎᕋᐅᔭᖅᑏᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓄᑦ ᐊᒃᓱᕈᕈᑕᐅᔪᖅ ᑲᑎᖅᓱᐃᓂᐅᕗᖅ ᐊᓕᐊᓇᐃᑦᑐᓂᑦ, ᖃᐅᔨᓴᕈᓘᔭᕐᓇᖅᑐᒥᒃ ᐃᑲᔪᖅᑎᒌᒡᓗᑎᒃ, ᐅᖃᖃᑎᖃᕐᓂᒃᑯᑦ ᐊᒻᒪ ᐃᓚᖏᓐᓂ ᖃᐅᔨᓴᕐᓂᕐᒧᑦ, ᑎᑎᕋᐅᔭᖅᑎᓄᑦ ᐊᒻᒪ ᓄᑖᙳᖅᐸᓪᓕᐅᓂᐅᔪᓂ.
ᓴᙱᒃᑎᒋᐊᓲᖑᒋᕗᖅ ᐊᒥᓱᓂ ᐃᓗᒃᑯᐊᓂ ᐅᒃᐱᕆᔭᐅᓂᐅᔪᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ (ᐃᓄᐃᑦ ᐱᖅᑯᓯᑐᖃᖏᑎᒍᑦ ᖃᐅᔨᒪᔭᐅᓂᐅᔪᓂᑦ).
ᐊᕐᕌᒍᓕᒫᖅ ᐃᓕᓐᓂᐊᖅᑎᓄᑦ ᐱᔭᐅᓇᓱᓚᐅᖅᓯᒪᔪᖅ ᖃᐅᔨᓴᕐᓂᕐᒧᑦ ᓄᑖᙳᖅᐸᓪᓕᐅᓂᐅᔪᓂ ᑎᑎᕋᐅᔭᖅᑏᑦ ᐊᒻᒪ ᓇᐃᓴᐅᓯᕆᓂᕐᒧᑦ (STEM) ᐊᒃᓱᕈᕈᑕᐅᔪᖅ, ᐊᒃᑐᐊᒃᑯᓐᓂ ᐱᓕᕆᑎᑕᐅᓪᓗᑎᒃ, ᑲᓇᑕᒥ ᑮᓇᐅᔭᒧᑦ ᐃᑲᔪᖅᑎᐅᔪᓂ ᒪᒃᑯᒃᑐᓅᖓᔪᖅ ᐱᓇᓱᐊᕐᓂᕐᒧᑦ ᐃᖅᑲᓇᐃᔮᖑᔪᓂᑦ ᖃᐅᔨᓴᕐᓂᕐᒧᑦ ᐊᒻᒪᓗ ᓄᑖᙳᖅᐸᓪᓕᐅᓂᐅᔪᓂ ᐊᑐᖅᑕᐅᓯᒪᓪᓗᓂᓗ ᐃᓕᓐᓂᐊᕐᕕᓕᒫᐸᓗᖕᓄᑦ ᓄᓇᕗᓕᒫᒥ.
ᐊᑯᓂᐅᔪᒥ ᑭᕙᓪᓕᕐᒥ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓄᑦ ᓄᓇᓕᐅᔪᑦ ᐃᓚᒋᔭᐅᔪᖅ ᒋᓕᓐ ᐳᕌᑯᓪᐹᖕᒃ ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᖓᓂᙶᖅᖢᓂ ᐃᒡᓗᓕᒑᕐᔪᖕᒥ ᓇᓗᓇᐃᖅᓯᓚᐅᖅᐳᖅ ᑭᕙᓪᓕᕐᒥ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓄᑦ ᓄᓇᓕᐅᔪᑦ ᐊᐅᓚᑦᑎᓇᔭᕐᓂᖓᓂ ᓇᖕᒥᓂᖓᓐᓂ ᖃᐅᔨᓴᕐᓂᕐᒧᑦ ᑎᑎᕋᐅᔭᖅᑏᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓄᑦ ᐊᒃᓱᕈᕈᑕᐅᔪᒥᑦ ᑕᒪᑐᒪᓂ ᐊᕐᕌᒎᔪᒥ ᓇᓗᓇᐃᒃᑯᓯᖅᓯᒪᔪᒥ ᐆᒃᓯᑖᖅᑐᒻᒥ.
ᐅᖃᓚᐅᖅᐳᖅ ᓄᓵᖑᔪᖅ ᖃᐅᔨᓴᕐᓂᕐᒧᑦ ᑎᑎᕋᐅᔭᖅᑏᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓄᑦ ᐊᒃᓱᕈᕈᑕᐅᔪᖅ ᐃᓕᓐᓂᐊᕐᕕᓄᑦ-ᐱᔭᕇᖅᓯᒪᓕᒑᑦᑎᐊᖅᐳᖅ. ᐱᔭᕇᕈᓂ, ᓇᒃᓯᐅᑎᔭᐅᓂᐊᖅᐳᖅ ᐃᓕᓐᓂᐊᕐᕕᓄᑦ ᒫᔾᔨᐅᑉ ᓄᙳᐊᓂ ᐊᒻᒪᓗ ᐸᕐᓇᒃᓯᒪᓂᐊᖅᐳᖅ ᑐᓂᔭᐅᓂᖓᓂ ᖃᖓᓪᓚᕆᑭᐊᖅ ᐊᐃᑉᕈᓗᒥ.
“ᐱᔭᕇᖅᐸᓪᓕᐊᓕᖅᑕᕗᑦ ᑕᒪᕐᒥᒃ ᖃᓄᐃᓕᐅᒐᒃᓴᐅᔪᓂᑦ, ᑭᓯᐊᓂ ᓇᒃᓯᐅᔾᔨᓂᐊᖅᐳᒍᑦ ᓇᖕᒥᓂᑦᑎᓐᓂ ᖃᐅᔨᓴᕐᓂᕐᒧᑦ ᑎᑎᕋᐅᔭᖅᑏᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓄᑦ ᐊᒃᓱᕈᕈᑕᐅᔪᓂᑦ ᑕᒪᒃᑭᓄᑦ ᑭᕙᓪᓕᕐᒥ ᐃᓕᓐᓂᐊᕐᕕᐅᔪᓄᑦ,” ᐅᖃᓚᐅᖅᐳᖅ.
ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᖓ ᐱᓕᕆᕙᓚᐅᖅᐳᖅ ᓇᖕᒥᓂᖓᓐᓂ ᖃᐅᔨᓴᕐᓂᕐᒧᑦ ᑎᑎᕋᐅᔭᖅᑏᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓄᑦ ᐊᒃᓱᕈᕈᑕᐅᔪᓂ ᓄᕕᐱᕆᒥ, ᐊᒻᒪ ᐊᓱᐃᓛᒃ ᐱᓕᕆᓪᓗᑎᒃ “ᓇᐃᓴᐅᓯᕆᓂᕐᒥ ᑕᖅᑭᐅᔪᒥ” ᐊᐃᑉᕆᓕᒥ, ᑭᓯᐊᓂ ᑕᒪᑐᒪᓂ ᐊᕐᕌᒎᔪᒥ, “ᑲᑎᑎᓐᓂᐊᖅᑕᕗᑦ ᑕᒪᒃᑭᓂ ᑕᒪᑐᒪᓂ ᐊᕐᕌᒎᔪᒥ ᑕᐃᒪᐃᑦᑐᒐᓚᖕᒥ ᖃᐅᔨᓴᕐᓂᕐᒧᑦ ᓄᑖᙳᖅᐸᓪᓕᐅᓂᐅᔪᓂ ᑎᑎᕋᐅᔭᖅᑏᑦ ᐊᒻᒪ ᓇᐃᓴᐅᓯᕆᓂᕐᒧᑦ ᑕᖅᑭᐅᓂᐅᔪᒥ ᑕᐃᒪᐃᑦᑐᒐᓚᖕᒥ,” ᐅᖃᓚᐅᖅᐳᖅ ᐳᕌᑯᓪᐹᖕᒃ.
“ᖃᓄᐃᓕᐅᕐᓂᖃᐅᕐᓂᐊᖅᐳᒍᑦ ᐃᓚᓕᐅᑎᓯᒪᔪᓂ ᓇᐃᓴᐅᓯᕆᓂᐅᔪᒧᑦ ᑕᖅᑭᒧᑦ, ᐊᒻᒪᓗ ᓇᖕᒥᓂᖅ ᐱᖃᖅᐳᒍᑦ ᖃᐅᔨᓴᕐᓂᕐᒧᑦ ᑎᑎᕋᐅᔭᖅᑏᑦ ᐊᒻᒪ ᓄᑖᙳᖅᐸᓪᓕᐊᓂᐅᔪᓄᑦ ᐊᒃᓱᕈᕈᑕᐅᔪᖅ, ᐆᒃᓯᑖᖅᑑᓂᕋᖅᑕᐅᔪᒥᒃ, ᖁᕕᐊᓇᓪᓚᕆᕈᓘᔭᓛᖅᖢᓂᒎᖅ ᐱᐅᒋᓂᖅᐹᕆᓯᒪᓪᓗᒍᓗ..”
ᐳᕌᑯᓪᐹᖕᒃ ᐅᖃᓚᐅᖅᐳᖅ ᐊᒃᑐᐊ ᖃᐅᔨᓴᕐᓂᕐᒧᑦ ᓄᑖᙳᖅᐸᓪᓕᐅᓂᐅᔪᓂ ᑎᑎᕋᐅᔭᖅᑏᑦ ᐊᒻᒪ ᓇᐃᓴᐅᓯᕆᓂᕐᒧᑦ ᐊᒃᓱᕈᕈᑕᐅᔪᖅ ᐱᓕᕆᑦᑎᐊᕐᔪᐊᓚᐅᖅᐳᖅ ᕿᑎᕐᒥᐅᓂ ᐊᒻᒪ ᕿᑭᖅᑖᓗᖕᒥ ᐊᕕᒃᓯᒪᓂᐅᔪᓂ, ᑭᓯᐊᓂ ᓄᓇᕗᓕᒫᒥ ᐃᓕᓐᓂᐊᕐᕕᖏᓐᓅᒃᑲᓐᓂᓛᕐᒪᖔᑦ ᖃᐅᔨᒪᖏᑦᑐᖅ.
““ᐅᖃᕈᓐᓇᖅᐳᖓ ᐋᖅᑭᒃᓱᖅᓯᒪᔭᑦᑎᓐᓂ ᐊᑐᖅᑎᑦᑎᒃᑲᓐᓂᓛᓕᕆᕗᒍᑦ, ᐃᓕᓐᓂᐊᕐᕕᖕᓅᕈᒪᓪᓗᑎᒍᓪᓗ ᒫᔾᔨ 31-ᒥ ᐃᓱᓕᓛᖅᖢᓂ,” ᐅᖃᓚᐅᖅᐳᖅ. “ᐅᕙᓐᓄᓪᓕ, ᓇᖕᒥᓂᖅ, ᐱᐅᕗᖅ ᐅᖃᐅᓯᖃᕐᓂᕐᒧᑦ ᓇᖕᒥᓂᖅ ᐱᓕᕆᓂᐊᕐᓂᑦᑎᓐᓂ ᐊᒃᓱᕈᕈᑕᐅᔪᒥᑦ ᑕᒪᑐᒪᓂ ᐊᕐᕌᒎᔪᒥ, ᑭᕙᓪᓕᕐᒥ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓄᑦ ᓄᓇᓕᐅᔪᑦ ᑕᐃᒪᐃᓯᒪᓂᖓᓂ ᖄᖏᖅᓯᒪᓕᖅᑐᓄᑦ ᐊᕐᕌᒍᓄᑦ 23-ᐸᓗᖕᓄᑦ.”