Skip to content

ᐊᑕᐅᑦᑎᒃᑰᕐᓂᖅ ᐅᖓᓯᒃᑐᒧᑦ ᑎᑭᐅᒪᔭᐅᓂᐅᔪᒧᑦ

ᐱᖓᔪᒋᔭᖓᓐᓂ ᑕᑯᒃᓴᐅᑎᑦᑎᓪᓚᕆᓚᐅᖅᐳᖅ ᐱᔪᓐᓇᑦᑎᐊᕐᓂᖓᓂ 3055 ᑲᓇᑕᒥ ᐅᓇᑕᖅᑐᒃᓴᓄᑦ ᐅᓇᑕᖅᑐᒃᓴᙳᐊᓂᑦ ᑲᑎᙵᓂᐅᔪᓂᑦ (RCACC) ᐱᓕᕆᑎᓪᓗᒋᑦ 20-ᖓᓐᓂ ᓇᓪᓕᐅᕐᓂᖅᓯᐅᕐᓂᖓᓐᓂ ᓇᐅᔭᓂᑦ ᒫᔾᔨ 7-ᖑᑎᓪᓗᒍ.

ᖃᓄᐃᓕᐅᕐᓂᐅᔪᖅ ᓯᕗᓂᐊᓂ ᐋᖅᑭᒃᑕᐅᒃᑲᓐᓂᕐᓂᖃᓚᐅᖅᐳᖅ ᒪᕐᕈᐃᖅᑕᐅᓪᓗᓂ ᐊᔪᕐᓇᖅᑎᑕᐅᑦᑎᐊᖅᖢᓂ ᓯᓚ ᐱᑎᑦᑎᔪᓐᓇᙱᑦᑎᐊᓚᐅᕐᒪᑦ.

Naujaat Mayor Solomon Malliki, from left, presents Capt. Lloyd Francis, Chief Warrant Officer Terance Mapsalak and corps elder Uluta Ivalutanar with a 20-year certificate from the Army Cadet League of Canada in Naujaat on March 7, 2018. ᓇᐅᔮᓂ ᒪᐃᔭᖓ ᓵᓚᒪᓐ ᒪᓕᑭ, ᓴᐅᒥᖓᓂ, ᑐᓂᓯᕗᖅ ᑳᑉᑕᓐ ᓗᐊᐃᑦ ᕗᕌᓐᓯᔅᒥ, ᐊᓐᓄᕌᓕᕆᔨᒻᒪᕆᖕᒥ ᑎᐊᕆᓐᔅ ᒪᑉᓴᓚᒃ ᐊᒻᒪ ᑲᑎᙵᓂᐅᔪᓄᑦ ᐃᓄᑐᖃᖓ ᐅᓘᑕ ᐃᕙᓗᑕᓐᓇᖅ ᐊᕐᕌᒍᓄᑦ-20-ᓄᑦ ᐸᐃᑉᐹᖅᑖᕐᓂᐅᔪᒥ ᐅᓇᑕᖅᑐᒃᓴᓄᑦ ᐅᓇᑕᖅᑐᒃᓴᙳᐊᓂᑦ ᑲᑎᙵᓂᐅᔪᓂᑦ ᑲᓇᑕᒥ ᒫᔾᔨ 7-ᖑᑎᓪᓗᒍ.

ᑲᑎᙵᓂᐅᔫᑉ ᐊᖓᔪᖅᑳᖓ, ᑳᑉᑕᓐ ᓗᐊᐃᑦ ᕗᕌᓐᓯᔅ, ᐅᖃᓚᐅᖅᐳᖅ ᖃᓄᐃᓕᐅᕐᓂᐅᓂᖅ ᐱᓕᕆᑦᑎᐊᓚᐅᖅᐳᖅ, 32-ᓂ ᒫᓐᓇᐅᔪᒥ ᐅᓇᑕᖅᑐᒃᓴᙳᐊᓂᑦ ᐃᓚᒋᔭᐅᓪᓗᑎᒃ ᐅᓄᕐᓂᖅᓴᓂᒃ 50-ᓂᑦ ᐃᓄᖕᓂ ᓄᓇᓕᐅᔪᓂᑦ ᓇᓗᓇᐃᖅᓯᓂᕐᒧᑦ ᖃᓄᐃᓕᐅᕐᓂᐅᔪᒥᑦ.

ᑭᒃᑯᓕᒫᑦ ᐅᖃᓪᓚᓚᐅᖅᐳᑦ ᖃᓄᑎᒋ ᐊᒃᑐᐃᓂᖃᕐᓂᖏᓐᓂ ᐅᓇᑕᖅᑐᒃᓴᙳᐊᑦ ᓇᐅᔮᓂᑦ,” ᐅᖃᓚᐅᖅᐳᖅ ᕗᕌᓐᓯᔅ. “ᐊᕐᕌᒍᑦ 20-ᓂ ᐊᓂᒍᖅᓯᒪᓕᖅᑐᓂᑦ ᐊᒻᒪᓗ ᐱᓕᕆᐊᖑᔪᖅ ᓱᓕ ᓴᙱᔫᕗᖅ.”

ᕗᕌᓐᓯᔅ ᐅᖃᓚᐅᖅᐳᖅ ᑲᑎᙵᓂᐅᔪᑦ ᐱᒋᐊᕆᐊᖃᓚᐅᖅᐳᑦ ᖃᓄᐃᓕᐅᕐᓂᐅᔪᒥ ᐃᓚᖏᓐᓂ ᐊᓪᓚᕕᓕᕆᓂᐅᔪᓄᑦ ᐱᓕᕆᓂᐅᔪᓄᑦ, ᐊᒻᒪᓗ ᐱᐅᓚᐅᖅᐳᖅ ᒪᒃᑯᒃᑐᓂ ᐅᓇᑕᖅᑐᒃᓴᙳᐊᓂᑦ ᑲᑎᙵᓂᖃᑦᑎᐊᕐᓂᐅᔪᒥ ᐃᓄᖕᓂᑦ ᑕᑯᔭᐅᓂᖏᓐᓂ ᐃᓕᓴᕆᔭᐅᓂᖏᓐᓂ ᐊᒃᓱᕈᕈᑎᒋᔭᖏᓐᓄᑦ.

ᐃᓚᖏᑦ ᓄᑖᑦᑎᐊᖑᔪᑦ ᐅᓇᑕᖅᑐᒃᓴᙳᐊᑦ, ᐃᓚᐅᖃᑕᐅᓕᓚᐅᖅᑐᓂ ᖄᖏᖅᓯᒪᓕᖅᑐᓂ ᐋᒍᔅᑎᒥ ᓯᑎᐱᕆᒥᓗ, ᐱᓚᐅᖅᐳᑦ ᓯᕗᓪᓕᖅᐹᖑᔪᒥ ᖁᕙᕆᐊᕐᓂᕆᔭᒥᓂᑦ ᐃᓕᓴᕆᔭᐅᓂᖓᓂ ᓛᓐᔅ ᑯᐊᐳᕈᒧᑦ,” ᐅᖃᓚᐅᖅᐳᖅ.

ᐊᓱᐃᓛᒃ ᑐᓂᐅᖅᑲᐃᓚᐅᖅᐳᒍᑦ ᓱᒃᑲᓴᐅᑎᓂᐅᔪᓂ ᑲᑭᖅᑯᐊᓂᑦ, ᑕᐃᒃᑯᓄᖓ ᐅᓇᑕᖅᑐᒃᓴᙳᐊᓄᑦ ᓵᓚᖃᕋᓱᐊᓚᐅᖅᑐᓄᑦ ᓱᒃᑲᓴᐅᑎᓂᐅᔪᒥ ᓄᓇᕗᒻᒥ ᐱᓪᓗᑎᒃ ᖃᑯᓪᓕᕐᒥ ᑲᑭᖅᑯᐊᖓᓂ ᐊᒻᒪᓗ ᑕᐃᒃᑯᐊ ᐱᔭᕇᖅᓯᓚᐅᖅᑐᓂᑦ ᓱᒃᑲᓴᐅᑎᓂᐅᔪᒥ ᐱᓪᓗᑎᒃ ᑲᓐᓄᔭᐅᔭᕐᒥ ᑲᑭᖅᑯᐊᒥᑦ. ᐅᖃᓪᓚᕆᓚᐅᕆᓪᓗᑕ (ᐊᓐᓄᕌᓕᕆᔨᒻᒪᕆᒃ ᔮᒃ ᑯᐸᒃ) ᑕᑯᒃᓴᐅᑎᑦᑎᓂᖃᕐᓂᐊᕐᓂᖓᓂ ᕌᑭ ᒪᐅᓐᑎᓐ, ᐋᓪᐴᑕᒥ, ᑕᒪᑐᒪᓂ ᐱᓇᓱᐊᕈᓯᐅᔪᒥᑦ.”

ᕗᕌᓐᓯᔅ ᐅᖃᖃᑎᖃᓚᐅᖅᐳᖅ ᖃᔅᓯᒐᓚᖕᓂ ᐃᓄᖕᓂ ᐃᓚᐅᖃᑕᐅᕙᒃᑐᓂᑦ ᐅᓇᑕᖅᑐᒃᓴᙳᐊᓂᑦ ᓇᐅᔮᓂᕐᒥᐅᑕᐅᑎᓪᓗᒍ, ᐊᒻᒪ ᐊᐱᕆᓪᓗᓂ ᓇᒃᓯᐅᔾᔨᔪᓐᓇᕐᒪᖔᑕ ᐊᔾᔨᙳᐊᓂᑦ ᑕᕐᕆᔭᓕᐊᖑᔪᓂᓪᓘᓐᓃᑦ ᓇᓗᓇᐃᖅᓯᓂᐅᔪᒥ ᖃᓄᐃᓐᓂᐅᔪᒥᑦ.

ᐅᖃᓚᐅᖅᐳᖅ ᒪᓕᒃᑐᖅ ᓇᓗᓇᐃᖅᓯᓂᐅᔪᒥ ᐅᓐᓄᖓᓂ ᐊᔾᔨᓂᑦ ᑕᑯᒃᓴᐅᑎᑦᑎᓂᐅᔪᒥᑦ ᐋᖅᑭᒃᓱᓚᐅᖅᑕᒥᓂᑦ ᓇᖕᒥᓂᖅ ᐊᔾᔨᙳᐊᖏᓐᓂᑦ ᐊᒻᒪᓗ ᑕᐃᒃᑯᓇᙵᑦ ᓇᒃᓯᐅᔾᔭᐅᓚᐅᖅᑐᓂᑦ, ᐋᖅᑭᓚᐅᖅᑕᒥᓂᑦ ᑕᓴᕐᓈᕐᓂᐅᔪᒥ ᑕᑯᒃᓴᐅᑎᑦᑎᓂᐅᔪᒧᑦ.

ᔭᓇᕗ ᐱᐊᕆ, ᐱᓕᕆᔨᐅᖃᑕᐅᓚᐅᖅᓯᒪᔪᖅ, ᐅᕙᓐᓄᑦ ᓇᒃᓯᐅᔾᔨᓚᐅᖅᐳᖅ 30-ᓂ 35-ᓄᑦ ᐊᔾᔨᙳᐊᓂᑦ, ᐊᒻᒪᓗ ᐱᓚᐅᖅᐳᖓ 20-ᓂ 25-ᓄᑦ ᕼᐊᓐᓇᓚᖏᓐᓂ ᐱᓯᒪᔭᓐᓂᑦ, ᑕᐃᒫᒃ ᖁᙱᐊᓚᐅᖅᐳᒍᑦ ᖄᖏᖅᓯᒪᓕᖅᑐᓂ ᐊᕐᕌᒍᓄᑦ ᑕᓪᓕᒪᓄᑦ ᑕᒫᓂᕐᒥᐅᑕᓕᖅᑎᓪᓗᖓ.”

ᐅᓇᑕᖅᑐᒃᓴᙳᐊᑦ ᐊᑕᐅᑦᑎᒃᑰᖅᑕᓚᐅᖅᐳᑦ ᐊᒻᒪ ᕿᒥᕐᕈᔭᐅᓪᓗᑎᒃ ᒪᐃᔭᒧᑦ ᓵᓚᒪᓐ ᒪᓕᑭᒧᑦ, ᑲᑎᙵᓂᐅᔫᑉ ᐃᓄᑐᖃᖓᓐᓄᑦ ᐅᓘᑕ ᐃᕙᓗᑕᓐᓇᕐᒧᑦ ᐊᒻᒪ ᕉᒥᐅ ᑯᐸᖕᒧᑦ.

ᔭᓂ ᓯᓴᕆᓚ, ᐃᓕᓴᐃᔨᐅᔪᖅ ᑕᒫᓃᓚᐅᖅᑐᒥ ᐊᕐᕌᒍᓄᑦ 7-ᓄᑦ, ᓇᒃᓯᐅᔾᔨᓚᐅᖅᐳᖅ ᑕᕐᕆᔭᓕᐊᖑᔪᒥ ᑯᕕᐊᓱᒍᑎᖃᖅᖢᓂ ᐅᓇᑕᖅᑐᒃᓴᙳᐊᓂᑦ ᐊᕐᕌᒍᓄᑦ 20-ᓄᑦ, (ᐱᐊᕆ) ᓇᒃᓯᐅᔾᔨᓚᐅᖅᐳᖅ ᑕᕐᕆᔭᓕᐊᖑᔪᒥ, ᐊᒻᒪ ᑲᖏᖅᖠᓂᕐᒥ ᐅᓇᑕᖅᑐᒃᓴᙳᐊᑦ ᓇᒃᓯᐅᔾᔨᓚᐅᖅᐳᑦ ᑕᕐᕆᔭᓕᐊᖑᔪᒥ ᐃᙱᖅᖢᑎᒃ ᓇᓪᓕᐅᓐᓂᖅᓯᐅᑦᑎᐊᕆᑦ ᐅᕙᑦᑎᓐᓄᑦ,” ᐅᖃᓚᐅᖅᐳᖅ ᕗᕌᓐᓯᔅ. “ᑕᑯᒥᓇᑦᑎᐊᓚᐅᖅᐳᖅ, ᓄᑕᖅᑲᕗᑦ ᐊᓕᐊᓇᐃᒍᓱᑦᑎᐊᓚᐅᖅᐳᑦ.”

ᕗᕌᓐᓯᔅ ᐅᖃᓚᐅᖅᐳᖅ ᖃᔅᓯᒐᓚᐅᔪᑦ ᐃᓄᖕᓂ ᐅᖄᕐᔪᓚᐅᖅᐳᑦ ᑲᑎᙵᓂᐅᔪᒥ ᑲᑎᙵᓂᐅᔪᑦ ᐃᒻᒥᖕᓄᑦ ᑐᑭᖃᕐᓂᖓᓄᑦ.

ᐅᖃᓚᐅᖅᐳᖅ ᐅᖃᕈᓐᓇᖅᓯᖕᒪᑦ, ᐅᖃᓪᓚᐅᓯᖃᓚᐅᖅᐳᖅ ᐱᖃᓐᓇᕇᖕᓂᐅᔪᒥ 3055 RCACC-ᑯᑦ ᐊᓯᖏᓐᓄᑦ ᐅᓇᑕᖅᑐᒃᓴᙳᐊᖑᔪᓄᑦ ᑲᑎᙵᓂᐅᔪᓄᑦ ᓄᓇᕗᒻᒥ.

ᓵᓚᖃᕋᓱᐊᓲᖑᕗᒍᑦ, ᑭᓯᐊᓂ ᐃᓚᒌᒃᑑᔮᖅᐳᒍᑦ, ᐱᓗᐊᖅᑐᒥ ᒫᓐᓇᐅᔪᒥ ᑕᓪᓕᒪᐃᓐᓇᕐᓂ ᐅᓇᑕᖅᑐᒃᓴᙳᐊᓂ ᑲᑎᙵᓂᑕᖃᕐᓕᕐᓂᖓᓂ ᓄᓇᕗᒻᒥ.

ᐊᓯᖏᓐᓂ ᓇᐅᔮᓂᑦ, ᑲᖏᖅᖠᓂᕐᒥ, ᐃᒃᐱᐊᕐᔪᒃ, ᐃᖃᓗᒃᑐᑦᑎᐊᖅ ᐊᒻᒪᓗ ᐃᖃᓗᖕᓂ ᐅᓇᑕᖅᑐᒃᓴᙳᐊᖃᖅᐳᑦ ᑲᑎᙵᓂᐅᔪᓂᑦ.