Skip to content

ᐊᐱᕆᖔᓚᐅᒃᑭᑦ NTI-ᑯᑦ ᖃᓄᖅ ᒥᐊᓕᕗᐊᓇᒥᒃ ᐃᓱᒪᒋᔭᖃᕐᒪᖔᑕ, ᓯᓂᑐ ᑭᐅᓚᐅᖅᑐᖅ

ᓄᓇᕗᒥᐅᑦ ᓯᓂᑐᖓ ᑎᓂᔅ ᐹᑐᓯᓐ ᐊᔪᐃᓐᓇᐅᑎᖃᓕᕐᒪᑦ ᑲᓇᑕᐅᑉ ᒐᕙᒪᖓᓄᑦ ᓄᓇᕗᒥᐅᓄᑦ ᐅᖃᓪᓚᑲᑕᒍᑕᐅᖁᓪᓗᒍ ᑕᒪᓐᓇ ᓯᕗᓂᖓᓂ ᐊᑐᓕᖅᑎᑕᐅᓚᐅᖏᓐᓂᖓᓂ ᒪᓕᒐᑎᒍᑦ ᐱᔪᓐᓇᐅᑎᒃᓴᖅ ᒥᐊᓕᕗᐊᓇᒥᒃ ᑲᓇᑕᒥᐅᓕᒫᓄᑦ ᔪᓚᐃ 1-ᒥ.

Dennis Patterson: 'I think there's a lot of big questions that still need to be answered.' NNSL file photo

ᓄᕕᐱᕆ 23-ᖑᑎᓪᓗᒍ, ᑎᓂᔅ ᐹᑐᓯᓐ ᐊᔪᐃᓐᓇᐅᑎᖃᓚᐅᕐᒪᑦ ᓯᓂᑐ ᑲᑎᒪᕕᐊᓂ ᐲᑕ ᕼᐊᑎᖕᒧᑦ, ᒐᕙᒪᑎᒃᑯᑦ ᑭᒡᒐᖅᑐᖅᑎᖓᓄᑦ ᓯᓂᑐᒃᑯᑦ ᑲᑎᒪᕕᐊᓂ, ᐋᑐᕚᒥᐅᑦ ᐅᖃᓪᓚᑲᑕᒃᑎᑦᑎᔪᒃᓴᐅᖕᒪᑕ ᓄᓇᕗᒥᐅᓄᑦ NTI-ᑯᓐᓄᑦ ᐱᓗᐊᖑᐊᖅᑐᒥᒃ ᑖᒃᑯᓄᖓ ᐃᓱᒫᓗᒋᔭᐅᔪᑦ ᐅᖃᐅᓯᐅᓚᐅᕐᒪᑕ ᐊᕐᕌᒍᑕᒫᖅᓯᐅᑎᖓᓂ ᑲᑎᒪᔪᑕᐅᑎᓪᓗᒍ ᐅᒃᑑᐸᒥ. ᑐᑭᑖᕈᑎᖃᓚᐅᕐᒪᑕ ᒐᕙᒪᑎᑐᖃᒃᑯᓐᓄᑦ ᑭᖑᕙᕆᐊᖅᑎᑦᑎᖁᔨᓪᓗᑎᒃ ᐊᑐᓕᖅᑎᑕᐅᓚᐅᖏᓐᓂᖓᓂ ᒥᐊᓕᕗᐊᓇ ᓄᓇᕗᒥ ᐃᓄᖕᓄᑦ ᐊᖏᖅᑕᐅᓚᐅᖏᒻᒪᑦ ᓱᓕ ᒪᓕᒐᑎᒍᑦ ᐱᔪᓐᓇᐅᑎᑖᕆᔭᐅᓂᐊᖅᑐᑦ ᑲᓇᑕᒥᐅᓕᒫᓄᑦ ᓄᓇᕗᒥ ᐅᑕᖅᑭᖁᔨᓚᐅᕐᒪᑕ ᐋᖓᔮᕐᓇᖅᑐᓂᒃ ᐊᔪᓕᖅᓯᒪᔪᓄᑦ ᑲᒪᔪᑎᒃᓴᓂᒃ ᐱᑕᖃᓚᐅᖏᓐᓂᖓᓂ ᓱᓕ ᑕᒪᒃᑯᓂᖓ ᐊᑐᐃᓐᓇᐅᓕᖅᑎᑦᑎᖁᔨᖏᒻᒪᑕ ᓄᓇᓕᖕᓂ ᓄᓇᕗᒥ.

“ᐅᔾᔨᕐᓇᕐᒪᑦ ᐊᒃᓱᐊᓗ ᓲᖑᓪᓗᓂᓗ ᐃᓱᒫᓘᑕᐅᔪᖅ,” ᐹᑐᓯᓐ ᐅᖃᕆᓪᓗᓂ ᑕᒪᓐᓇ ᑐᑭᑖᕈᑕᐅᓚᐅᖅᑐᖅ ᕿᒥᕐᕈᓪᓗᓂᐅᒃ. “ᐱᒻᒪᕆᐅᖕᒪᑦ ᑲᓇᑕᒥ ᑯᐃ ᑭᒡᒐᖓᓄᑦ ᓈᓚᒃᑕᐅᒋᐊᖃᕐᒪᑦ ᓄᓇᕗᑖᕈᑎᐅᑉ ᒪᓕᒐᖓᓂᒃ ᐅᖃᓪᓚᑲᑕᒍᑕᐅᓚᐅᖏᓐᓂᖓᓂ ᓄᓇᕗᒥ ᐱᕙᓪᓕᐊᑎᑕᐅᒍᓐᓇᖏᒻᒪᑦ ᐃᓄᐃᑦ ᐃᓱᒪᓕᐅᕈᑕᐅᔪᓂ ᐃᓚᐅᑎᑕᐅᒋᐊᖃᕐᒪᑕ ᐃᓄᓕᕆᔪᑎᓄᑦ ᐊᒃᑐᐊᔪᓂᒃ ᐱᕙᓪᓕᐊᑎᑕᐅᔪᖃᕐᓂᐊᓕᕌᖓᑦ ᐱᖅᑯᓯᖏᓐᓄᑦ ᐊᒃᑐᐊᓂᖃᕐᓂᐊᖅᑐᓂᒃ ᐊᑐᐊᒐᑎᒍᑦ.”

ᐹᑐᓯᓐ ᐅᖃᕆᓪᓗᓂ ᓯᓂᑦᑯᑦ ᑲᑎᒪᑎᕕᐊᓂ ᐱᕝᕕᒃᓴᖃᕐᒪᑕ ᑭᖑᕙᕆᐊᖅᑎᑦᑎᔪᓐᓇᖅᖢᑎᒃ ᐊᑐᓕᖅᑎᑕᐅᖁᔭᐅᔪᓂᒃ ᒥᐊᓕᕗᐊᓇᒧᑦ ᒪᓕᒐᒥ ᐊᒻᒪᓗ ᓇᖕᒥᓂᖅ ᑕᒪᓐᓇ ᐊᔪᐃᓐᓇᐅᑎᒋᔪᓐᓇᕐᓂᕋᖅᖢᓂᐅᒃ ᑲᑎᒪᔨᐅᖃᑎᒥᓄᑦ, ᐱᒋᐊᖃᕈᓂ.

“ᓱᓕᔪᒥ ᑕᐃᒪᓐᓇ ᑐᓴᕐᕕᒋᒐᑦᑎᒍ ᓄᓇᓕᖕᒥᐅᑦ ᑲᑎᒪᔨᖏᑦ (ᐊᒻᒪᓗ) ᐃᓄᐃᑦ ᓄᓇᑖᕈᑎᖏᓐᓄᑦ ᑲᑎᒪᔨᖏᑦ ᓈᓚᒃᑕᐅᒋᐊᓕᑦ ᑎᒥᖁᑎᖏᑦ ᑭᖑᕙᕆᐊᖅᓯᖁᔨᖕᒪᑕ ᓄᓇᕗᒥ ᐊᑐᓕᖅᑎᑕᐅᓚᐅᖏᓐᓂᖓᓂ ᐅᖃᓪᓚᑲᑕᒍᑕᐅᖁᔭᓪᓗᑎᒃ - ᑐᐊᕕᓗᐊᖅᑐᒥᒃ ᐊᑐᓕᖅᑎᑦᑎᓇᓱᐊᕐᒪᑕ - ᐊᓱᐃᓚᒃ ᑕᐃᒪ ᑭᖑᕙᕆᐊᖅᑎᑕᐅᖁᔭᐅᒃᐸᑦ ᐃᑲᔪᖅᓴᕐᓂᐊᖅᑕᒃᑲ NTI-ᑯᑦ ᓱᖃᐃᒻᒪ “ᐱᒻᒪᕆᐅᑎᒪᔪᒃ ᑕᒪᓐᓇ.”

ᕼᐊᑐᑦᑕᐅᖅ ᐅᖃᓚᐅᕐᒥᔪᖅ ᑲᓇᑕᐅᑉ ᑲᑎᒪᕕᒃᔪᐊᖓᓂ ᐊᐱᖅᓲᑎᒋᔪᓐᓇᕐᓂᕋᖅᖢᓂᐅᒃ ᐋᑐᕚᒥᐅᑦ ᓄᓇᕗᒥᐅᓂᒃ ᐊᐱᖅᓱᕆᐊᖃᕐᒪᑕ NTI-ᑯᓐᓄᑦ ᑐᑭᓕᐊᕐᓗᑎᒃ ᐊᒻᒪᓗ ᑐᓴᖅᑎᑦᑎᒋᐊᖃᖅᖢᑎᒃ “ᒐᕙᒪᑎᒃᑯᑦ ᑲᒪᔨᐅᓂᐊᕐᒪᑕ ᑕᒪᐃᓐᓂᓕᒫᖅ ᒪᓕᒐᕐᒧᑦ ᓱᕚᓪᓕᐅᑕᐅᔪᓂᒃ ᑲᒪᒋᔭᐅᒋᐊᓕᖕᓂᒃ, ᑕᒪᑐᒥᖓ ᐱᔾᔪᑎᖃᖅᑐᓂᒃ ᑕᐃᒪᓐᓇ ᐱᒋᐊᖃᕐᒪᑕ ᓯᕗᓂᖓᓂ, ᓄᓇᕗᑖᕈᑎᐅᑉ ᐊᖏᕈᑎᐊ ᒪᓕᒃᓗᒍ.”

ᐹᑐᓯᓐ, ᐅᖃᓚᐅᖅᑐᖅ ᖁᕕᐊᓱᖕᓂᕋᖅᖢᓂ ᕼᐊᑐᒧᑦ ᐃᑲᔪᖅᑕᐅᔪᓐᓇᕋᒥ ᑭᐅᓯᔪᑎᒥᒃ ᐋᕿᒃᓱᐃᓕᖅᐸᑕ, ᐊᒻᒪᓗ ᐅᖃᕆᓪᓗᓂ ᐃᓱᒫᓗᒋᔭᐅᔪᑦ ᑕᒪᑐᒧᖓ ᑕᒪᐃᑕ ᓴᖅᑭᑎᑕᐅᒋᐊᖃᕐᒪᑕ ᒥᐊᓕᕗᐊᓇ ᒪᓕᒐᖓ ᑕᒫᓂ ᐊᑐᓕᖅᑎᑕᐅᓇᐅᖏᓐᓂᖓᓂ ᓄᓇᓕᖕᒥᐅᑦ ᐃᓱᒪᒋᔭᖏᑦ ᐃᓚᓕᐅᑎᔭᐅᓗᑎᒃ. ᐃᓱᒫᓗᒋᔭᐅᔪᑦ ᓄᐃᑕᐅᓗᑎᒃ ᑭᐅᔭᐅᒋᐊᖃᕐᒪᑕ ᓄᓇᕗᒥ ᓄᓇᓖᑦ ᑲᑐᔾᔨᖃᑎᒌᖓᑦ ᑲᑎᒪᓕᖅᐸᑕ ᐃᖃᓗᖕᓂ ᑎᓯᐱᕆ 1−ᒥᑦ 3-ᒧᑦ. ᐅᓪᓗᓕᒪᑉ ᓇᑉᐸᖓᓂ ᐅᖃᐅᓯᐅᓂᐊᕐᒪᑦ ᐃᕕᖕᓄᑦ-ᐊᒃᑐᐊᓂᖃᖅᑐᓂᒃ ᐅᖃᐅᓯᖃᕐᓂᐊᕐᒪᑕ, ᒪᑯᐊ ᓄᓇᓕᖕᓂ ᓂᐅᕕᐊᒃᓴᐅᓕᖅᐸᑦ ᐊᑐᐊᒐᒃᓴᐃᑦ ᓂᐅᕕᕐᕕᓄᑦ, ᖃᓄᕐᓗ ᐊᑐᐊᒐᖃᖅᑎᑕᐅᓂᐊᕐᒪᖔᑕ ᐃᖅᑲᓇᐃᔭᕐᕕᓂ ᓱᐴᖅᑐᒐᓂᒃ ᐊᑐᖃᑦᑕᖅᑐᓄᑦ, ᐊᑦᑕᕐᓇᔭᐃᒃᑯᑏᑦ ᓴᓇᕕᓂ ᒪᓕᒐᓂᒃ ᐱᑕᖃᕆᐊᖃᕐᒪᑕ, ᓄᓇᓕᖕᓂᓗ ᑲᔪᓯᑎᑦᑎᔩᑦ ᐸᓖᓯᕋᓚᑦ ᐳᑭᖅᑕᓖᓪᓗ ᐃᓕᓴᖅᑕᐅᒋᐊᖃᕐᓂᐊᖅᖢᑎᒃ ᑲᒪᔪᑎᒃᓴᓂᒃ, ᐊᑭᖏᓪᓗ ᑲᒪᒋᔭᐅᔪᑏᑦ ᐃᓕᓯᒪᒋᐊᖃᕐᓂᐊᕆᓪᓗᑎᒃ.

ᓄᓇᕗᑦ ᒐᕙᒪᖓ ᑐᓂᐅᖅᑲᐃᓯᒪᓕᖅᑑᒐᓗᐊᑦ ᖃᐅᔨᓴᕈᑕᐅᓚᐅᖅᑐᑦ ᐅᓂᒃᑳᖓᓂᒃ ᑕᒪᑐᒪᓂ ᐅᑭᐅᖑᓚᐅᖅᒥ ᐱᒋᐊᓕᖅᑎᓪᓗᒍ ᓄᓇᓕᖕᒥᐅᑦ ᐃᓱᒪᒋᔭᖏᓐᓂᒃ ᑲᑎᖅᓱᐃᓐᓂᕐᒪᑕ. ᑭᓯᐊᓂᓕ ᑕᓪᓕᒪᒋᓕᖅᑕᖓᓂ ᒪᓕᒐᓕᐅᖅᑎᖃᓕᖅᑎᓪᓗᒋᑦ ᖃᓄᖅ ᐃᓱᒪᒋᔭᐅᖕᒪᖔᑕ ᕿᒥᕈᔭᐅᒃᑲᓐᓂᕆᐊᖃᕐᓂᐊᖅᑐᑦ ᓇᓗᓇᖏᒻᒪᑦ, ᓂᕈᐊᖅᑕᐅᕋᑖᓚᐅᕐᒪᑕ ᐅᒃᑑᐸ 30-ᒥ, ᒪᓕᒐᖅ ᑖᓐᓇ ᐊᑐᓕᖅᑎᑕᐅᓚᐅᖏᓐᓂᖓᓂ ᓱᓕ ᒪᕐᕈᐊᖅᑎᕐᓗᑎᒃ ᑲᑎᒪᓂᖃᕈᓐᓇᕐᓂᐊᕐᒪᑕ ᒫᔨ 6-ᒥ 20-ᒧᑦ, ᐊᒻᒪᓗ ᐅᐱᕐᖔᖅ ᒪᐃ 24-ᒥᑦ ᔫᓐ 14-ᒧᑦ.

ᐊᓯᖏᑦᑕᐅᖅ ᐃᓱᒫᓗᒋᔭᐅᔪᑦ ᒥᐊᓕᕗᐊᓇ ᐱᔾᔪᑎᒋᓪᓗᒍ ᐃᒃᐱᖕᓇᕐᓂᖃᕐᓂᐊᕐᓂᖓ ᒪᒃᑯᒃᑐᓄᑦ ᐃᓅᓱᒃᑐᓄᓪᓗ ᓄᓇᕗᒥ ᐊᒃᓱᑲᓪᓚᒃ ᓇᓗᓇᖏᑦᑐᖅ ᐃᓕᓴᕐᕕᓂ ᖃᐃᖃᑦᑕᕐᓂᖏᓐᓄᑦ ᐊᑲᐅᖏᓕᐅᕈᑕᐅᓂᐊᕐᓂᖓᓂᒃ ᓇᓗᓇᖏᒻᒪᑦ ᐊᒻᒪᓗ ᓄᓇᓕᖕᓂ ᐊᖁᑎᓄᑦ ᓱᐴᖅᑐᖅᓯᒪᔪᑦ ᒥᐅᓕᕗᐊᓇᒥᒃ ᐊᖁᑲᑕᓕᖅᐸᑕ, ᐹᑐᓯᓐ ᐅᖃᕆᓪᓗᓂ.

ᓄᓇᕗᒥ ᓂᕈᐊᖅᑕᐅᓯᒪᔪᓂᒃ ᑲᑎᒪᔨᖃᐅᕐᒪᑕ ᓄᓇᓕᖕᓂ ᓯᕗᓕᖅᑎᖃᐅᖅᖢᑎᒃ ᑕᐃᒃᑯᐊᑦᑕᐅᖅ ᐃᓱᒪᒋᔭᖏᑦ ᑲᑎᖅᓱᖅᑕᐅᔪᒃᓴᐅᖕᒥᔪᑦ ᓄᓇᓕᖕᒥᐅᓄᑦ ᑐᓂᐅᖅᑲᖅᑕᐅᓚᐅᖏᓐᓂᖏᓐᓂ ᓂᐅᕕᐊᒃᓴᐅᓂᐊᖅᑐᑦ ᐊᒻᒪᓗ ᖃᓄᑎᒋ ᐊᕐᕌᒍᖃᕐᓗᑎᒃ ᐊᑐᕈᓐᓇᖅᑎᑕᐅᓂᐊᖅᐸᑦ. ᐅᓄᕐᓂᖅᓴᐃᑦ ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂ ᒐᕙᒪᑏᑦ ᐃᓱᒪᓕᐅᕈᑎᖃᖅᓯᒪᖕᒪᑕ 18-ᒥᑦ 19-ᒧᑦ ᐊᕐᕌᒍᓕᑦ  ᒪᓕᒐᑎᒍᑦ ᐱᔪᓐᓇᖅᑎᑕᐅᖁᓪᓗᒋᑦ.

“ᐃᓱᒪᒋᔭᒃᑯᓪᓕ ᐊᒥᓱᐊᓘᖕᒪᑕ ᓱᓕ ᐱᐊᓂᒃᓯᒪᖏᑦᑐᑦ ᐊᐱᖅᑯᑎᒃᓴᖃᖅᑐᑦ ᐱᔭᕆᑐᔪᓂᒃ ᑭᐅᔭᐅᓯᒪᖏᑦᑐᓂᒃ.” ᐅᖃᕆᓪᓗᓂ ᑎᓂᔅ ᐸᑐᓯᓐ.