ᖁᓄᔪᓐᓂᐊᖅᑕᐅᔪᕕᓃᑦ ᐊᑭᓕᐅᓯᐊᔭᖏᑦᑐᑦ

by Derek Neary- May 1, 2018

ᐊᑯᓂ ᓇᖕᒥᓂᖅ ᐱᓇᓱᐊᒐᖃᓕᖅᑐᖅ ᓯᕗᓕᖅᑎᐅᓪᓗᓂ ᓄᓇᓕᖕᒥᓂ ᐊᐃᒃ ᕼᐊᐅᓕ ᖁᓄᔪᓐᓂᐊᖅᓯᕙᖕᓂᕐᒪᑦ ᐅᑭᐅᑭᒃᑐᓂᒃ ᓄᑕᖅᑲᓂᒃ ᐃᖅᑲᖅᑐᐃᕕᒃᑎᒍᑦ ᐊᑭᓖᑎᑕᐅᓇᓱᐊᕋᓗᐊᕐᒪᑦ, $1.22-ᒥᓕᐊᓐᑖᓚᓂᒃ ᑲᑎᓪᓗᒋᑦ ᑕᒪᐃᓐᓄᑦ ᐊᑐᕐᓂᕐᓗᒃᑕᕕᓂᕐᒥᓄᑦ, ᒫᓐᓇᕋᑖᖅ ᐃᖅᑲᖅᑐᖅᑕᐅᓪᓗᓂ ᖃᐅᔨᔭᐅᓂᑯᓄᑦ ᖁᓄᔪᓐᓂᐊᖅᑕᕕᓂᖏᓐᓄᑦ ᓄᑕᕋᐅᑎᓪᓗᒋᑦ ᑕᐃᒫᑎᒋ ᐊᑭᓖᔪᓐᓇᔮᖏᑕᖏᑦ ᓇᓗᓇᖏᑦᑐᑦ ᑐᑭᑖᕈᑕᐅᓚᐅᕐᒪᑕ ᐃᖅᑲᖅᑐᖅᑕᐅᓪᓗᓂ.

ᕼᐊᐅᓕ, ᓇᖕᒥᓂᖃᖅᑐᖅ ᐊᐅᓚᑦᑎᔨᐅᓪᓗᓂᓗ ᓴᓇᕕᖕᒥᓂᒃ ᐃᒡᓗᓕᖕᒥ Savik Enterprises Ltd.ᑯᓐᓂᒃ ᐊᒻᒪᓗ ᐊᖓᔪᖅᑳᖑᓚᐅᖅᓯᒪᒋᓪᓗᓂ ᓂᕈᐊᖅᑕᐅᓯᒪᓪᓗᓂ ᕿᑭᖅᑖᓗᖕᒥ ᓇᖕᒥᓂᖃᖅᑐᑦ ᑲᑐᔾᔨᖃᑎᒌᖓᓐᓄᑦ, ᐊᓯᐅᔨᓚᐅᖅᓯᒪᖕᒪᑦ ᓇᖕᒥᓂᖅ ᐱᓇᓱᐊᒐᕐᒥᓂᒃ $400,000 ᑎᒥᖁᑎᐊᑕ ᐱᖁᑎᖏᓐᓂᒃ ᐊᒻᒪᓗ ᓇᖕᒥᓂᖅ ᑮᓇᐅᔭᒥᓂᒃ $75,000-ᓂᒃ ᒐᕙᒪᑎᑐᖃᒃᑯᑦ ᑖᒃᓰᔭᐃᔭᖅᑎᖏᓐᓄᑦ ᐊᑭᓕᒃᓴᖃᓕᕐᓂᕋᒥ 2017-ᒥ.
“ᐊᖅᓵᖅᑕᐅᓪᓗᓂ ᕿᒪᒃᑕᐅᓚᐅᕐᒪᑦ ᒐᕙᒪᑎᑐᖃᒃᑯᓐᓄᑦ (ᕼᐅᓕ) ᑮᓇᐅᔭᑎᒍᑦ ᓱᕋᒃᑕᐅᓯᒪᓕᖅᑐᖅ,” ᐃᖅᑲᖅᑐᐃᔨᓄᑦ ᑎᒍᔭᐅᓪᓗᑎᒃ ᐅᖃᓚᐅᖅᑐᖅ ᐃᖅᑲᖅᑐᐃᔨ ᐆᓪ ᔮᓐᓴᓐ. “ᐊᑭᓕᒃᓴᖃᓚᐅᕐᒪᑦ $100,000-ᓂᒃ ᐊᒻᒪᓗ ᐊᑐᖅᑐᐊᕈᓐᓇᐃᓪᓕᓪᓗᓂ ᖃᑕᖑᑎᒥᓂᑦ ᐃᓚᓐᓈᒥᓂᓪᓘᓐᓃᑦ.”

ᒪᓕᒐᓐᓂᐊᖅᑎ ᐋᓕᓐ ᐄᒍᓪ, ᒪᓕᒐᓐᓂᐊᖅᑎᐅᓚᐅᕐᒪᑦ ᐃᖅᑲᖅᑐᐃᕕᒃᓂ ᓯᑕᒪᓄᑦ ᐱᕋᔭᒃᑕᕕᓂᖏᓐᓄᑦ ᓄᑕᕋᐅᑎᓪᓗᒋᑦ ᖁᓄᔪᓐᓂᐊᖃᑦᑕᖅᖢᓂᒋᑦ ᐊᑭᒋᐊᖅᓯᑎᓪᓗᒋᑦ, ᐅᖃᓚᐅᖅᑐᖅ ᕼᐊᐅᓕ ᐱᖁᑎᒥᓂᒃ ᓂᐅᕕᖅᑕᐅᑎᑦᑎᓯᒪᔪᖅ ᐱᕋᔭᒃᑕᕕᓂᖏᓐᓄᑦ ᐊᑭᓖᔪᓐᓇᕐᓂᐊᖅᑐᒃᓴᐅᕗᖅ ᑖᒃᑯᐊ ᐃᓚᖏᓐᓂᑦ. ᕼᐊᐅᓕᐅᑉ ᐱᓂᕐᓗᒃᑕᕕᓂᖏᑦ ᐊᕐᕌᒍᖃᓚᐅᕐᒪᑕ ᓯᑕᒪᓂᑦ 15-ᓄᑦ ᓵᓚᒋᓪᓗᓂᒋᑦ ᖁᓄᔪᓐᓂᐊᖃᑦᑕᖅᑕᕕᓂᖏᑦ 1968-ᒥᑦ 1986-ᒧᑦ. ᐃᓚᖓ ᐋᓐᓂᖅᓯᓗᐊᒻᒪᕆᖕᒪᒍ ᐋᓐᓂᐊᓯᐅᑎᒃᑯᓐᓄᑦ ᑲᒪᒋᔭᐅᒋᐊᖃᖅᑐᕕᓂᖅ ᓂᖓᕆᓕᕐᓂᕐᒪᒍ ᒪᑦᑐᓯᖅᓱᖅᑕᐅᒋᐊᖃᖅᑐᕕᓂᖅ.
ᐱᑦᑎᐊᖏᓱᓂᒋᑦ ᑲᒪᒋᖃᑦᑕᖅᑕᕕᓂᖏᑦ, ᑖᒃᑯᐊ ᐊᑭᓕᖅᑕᐅᔪᓇᔮᖏᑦᑐᑦ ᑮᓇᐅᔭᑎᒍᑦ ᓴᐃᒻᒪᖅᓴᐅᑎᒃᓴᖏᓐᓂᒃ ᐱᔪᓐᓇᔮᖏᑦᑐᑦ.
“ᓱᕙᓕᑭᐊᖅᑐᑦ ᑕᐃᒪᓐᓇ ᑭᓯᐊᓂᐅᖕᒪᑦ. (ᐊᔪᕐᓇᕐᒪᑦ) ᐅᖃᐅᓯᑐᖃᖅᑎᑐᑦ, ‘ᐊᐅᓈᖅᑎᑦᑐᓐᓇᖏᓐᓇᑦᑎᒍ ᐅᔭᕋᐃᑦ,” ᐅᖃᕆᓪᓗᓂ ᒪᓕᒐᓐᓂᐊᖅᑎ ᕇᒍᓪ.

ᐃᒪᓐᓇᓕ ᐱᓲᖑᒐᓗᐊᕐᒪᑕ ᐃᖅᑲᖅᑐᐃᕕᒃᑎᒍᑦ ᑮᓇᐅᔭᖏᓐᓂᒃ ᐊᖅᓵᖅᑕᐅᔪᑦ ᓄᑖᒥᑦ ᐱᒋᐊᖓᒃᑲᓐᓂᕈᓐᓇᖅᓯᓲᖑᒐᓗᐊᕐᒪᑕ, ᕇᒍᓪ ᐅᖃᕆᓪᓗᓂ, ᑭᓯᐊᓂᓕ ᑕᒪᓐᓇ ᐊᑐᕐᓂᖃᖏᒻᒪᑦ ᐋᓐᓂᖅᑎᕆᓪᓗᑎᒃ ᖁᓄᔪᓐᓂᐊᖅᓯᔪᕕᓂᕐᓄᑦ ᑲᓇᑕᒥ ᒪᓕᒐᑎᒍᑦ ᖁᔭᓈᖅᑕᐅᔪᓐᓇᖏᒻᒪᑦ.
“ᑕᒪᓐᓇ ᐊᒥᓱᓄᑦ ᖃᐅᔨᒪᔭᐅᓗᐊᖏᒻᒪᑦ ᒪᓕᒐᑎᒍᑦ ᑕᐃᒪᐃᓐᓂᖓᓄᑦ ᐃᓄᖕᓄᑦ,” ᕇᒍᓪ ᐅᖃᕆᓪᓗᓂ, ᑖᓱᒪ ᐃᖅᑲᖅᑐᐃᕕᒃᑎᒍᑦ ᐊᑭᓕᒃᓴᖏᑦ ᑭᖑᓂᖓᓂ ᑮᓇᐅᔭᒃᓴᖅᑕᖏᓐᓂᒃ ᐊᖅᓵᖅᓯᔪᑕᐅᔪᓐᓇᕐᒪᑦ.

ᐊᑭᓕᒃᓴᖏᑦ ᐊᒥᐊᒃᑯᓐᓂᖅᐸᑕ ᐱᖁᑎᖏᑦ ᓂᐅᕕᖅᑕᐅᓚᐅᖅᑎᓪᓗᒋᑦ ᓱᓕ ᐊᑭᓕᒃᓴᖃᖅᐸᑦ, ᑮᓇᐅᔭᖏᑦ ᐊᖅᓵᖅᑕᐅᓪᓗᑎᒃ ᐊᒡᒍᑎᑕᐅᓚᐅᖅᑎᓪᓗᒋᑦ ᐊᑭᓕᒃᓴᖃᕐᕕᒋᔭᖏᓐᓄᑦ ᐱᓂᕐᓗᒃᑕᕕᓂᖏᑦ ᐊᒥᐊᒃᑯᖏᓐᓂᒃ ᑎᒍᓯᔪᓐᓇᕋᔭᕋᓗᐊᕐᒪᑕ ᐃᖅᑲᖅᑐᐃᕕᒃᑎᒍᑦ ᑐᑭᑖᕈᑕᐅᓗᑎᒃ, ᕇᒍᓪ ᐅᓂᒃᑳᓚᐅᖅᑐᖅ ᑕᐃᒪᓐᓇ, ᐊᑭᓕᒃᓴᖃᕐᕕᕕᓂᖏᑦ ᐊᑭᓕᖅᑕᐅᖄᕆᐊᖃᕐᒪᑕ ᐱᓂᕐᓗᒃᑕᕕᓂᖏᑦ ᐊᒥᐊᒃᑯᖏᓐᓂᒃ ᐸᕐᓚᔪᓐᓇᕐᓂᐊᕐᓗᑎᒃ, ᒪᑯᐊ ᐊᑭᓕᒃᓴᖃᕐᕕᖏᑦ ᑮᓇᐅᔭᒃᑯᕕᖕᓄᑦ ᐊᑭᓕᖅᑕᐅᖄᓲᑦ ᐃᒻᒪᖄ ᐃᒡᓗᖓᑕ ᐊᑭᖓᓄᑦ.

ᕼᐊᐅᓕ, ᓇᖕᒥᓂᖅ ᒪᓕᒐᓐᓂᐊᖅᑎᖃᖏᓱᓂ ᐃᖅᑲᖅᑐᐃᕕᖕᓂ ᐅᖃᓪᓚᒃᑎᐅᓚᐅᕐᒪᑦ, ᐊᑭᓕᒃᓴᖏᓐᓄᑦ ᐃᖅᑲᖅᑐᐃᔪᑕᐅᔪᖅ ᐱᒋᐊᖅᑎᓪᓗᒍ ᓯᑎᐱᕆ 2008-ᒥ ᐱᕋᔭᓚᐅᖅᑕᖏᓐᓄᑦ ᐃᖅᑲᖅᑐᐃᔪᑕᐅᓕᖅᑎᓪᓗᒍ ᖁᓄᔪᓐᓂᐊᖅᑕᕕᓂᖏᓐᓄᑦ. ᑕᐃᓱᒪᓂᐅᑎᓪᓗᒍᓕ, ᐸᓴᔭᒃᓴᐅᓂᕋᖅᖢᓂ ᑭᐅᓚᐅᖅᓯᒪᔪᖅ ᐅᑭᐅᑭᓗᐊᖅᑐᒥᒃ ᑯᔭᒐᖃᕐᓂᕐᒪᑦ 14-ᓂᒃ ᐊᕐᕌᒍᓕᖕᒥᒃ ᐊᒻᒪᓗ ᐱᓂᕐᓗᖃᑦᑕᕐᓂᖅᖢᓂ ᓄᑕᕋᒥᒃᑕᐅᖅ ᐊᓯᐊᓂᒃ.
ᐃᖅᑲᖅᑐᐃᕕᒃᑯᑦ ᑖᒃᑯᐊ ᐃᖅᑲᖅᑐᖅᑕᐅᓪᓗᑎᒃ ᓄᖅᑲᖅᑎᑕᐅᓚᐅᕐᒪᑕ ᐃᓱᒪᖅᓱᕈᓃᖅᑎᑕᐅᓗᓂ ᐊᓄᓪᓚᒃᓯᖔᕐᓂᐊᕐᒪᑦ 12-ᓂᒃ ᑕᖅᑭᓂᒃ ᐅᔾᔨᖅᓱᖅᑕᐅᒋᐊᖃᖅᖢᓂ.

ᐊᑐᓂᓕ ᐅᓐᓂᕐᓗᒃᓴᖅᑐᕕᓃᑦ ᐊᑭᓖᑎᑦᑎᓇᓱᐊᖅᖢᑎᒃ ᐃᖅᑲᖅᑐᐃᕕᒃᑎᒍᑦ ᐱᕝᕕᖃᖅᑎᑕᐅᓪᓗᑎᒃ, ᐊᑭᓖᑎᑦᑎᓇᓱᐊᓯᒋᐊᔪᖕᒪᑕ ᕼᐊᐅᓕᒥᒃ 2007-ᒥ, ᓇᖕᒥᓂᖅ ᐊᑭᓖᓚᐅᕐᒪᑦ ᐃᖅᑲᖅᑐᖅᑕᐅᔪᑎᖓᓂᒃ ᒪᓕᒐᓐᓂᐊᖅᑎᖃᖅᖢᓂ, ᕇᒍᓪ ᐅᖃᕆᓪᓗᓂ.

ᔮᓐᓴᓐ ᐃᖅᑲᖅᑐᐃᓪᓗᓂ $370,00-ᓂᒃ ᐊᑭᓕᖅᑕᐅᑎᑦᑎᓚᐅᖅᑐᖅ ᐊᑕᐅᓯᕐᒧᑦ ᐱᓂᕐᓗᒃᑕᕕᓂᖓᓄᑦ, $350,0000 ᐊᐃᑉᐸᖓᓄᑦ, $275,000 ᓱᓕᒃᑲᓐᓂᑦ ᐊᒻᒪᓗ $225,000-ᓂᒃ ᐊᓯᐊᓄᑦ. ᑕᒪᐃᑕ ᑭᓇᐅᖕᒪᖔᑕ ᐊᑎᖏᑦ ᐅᑭᐅᑭᓗᐊᕐᓂᖏᓐᓄᑦ ᑕᐅᔭᐅᔮᖏᓱᑎᒃ ᐃᖅᑲᖅᑐᐃᕕᒃᑎᒍᑦ.
“ᓇᓗᓇᖏᒻᒪᑦ ᐊᑭᓕᖅᑕᐅᔪᓐᓇᖏᑉᐸᑕ ᐃᖅᑲᖅᑐᐃᕕᒃᑎᒍᑦ ᑐᑭᑖᕈᑕᐅᓯᒪᔪᓂᒃ ᑕᐃᒪᓐᓇ ᓱᓕ ᓱᕙᓕᑭᐊᑐᐃᓐᓇᕐᓂᐊᕐᒪᑕ,” ᐅᖃᕆᓪᓗᓂ ᕇᒍᓪ. “ᐅᓄᕐᓂᖅᓴᓂᓕ ᖁᓄᔪᓐᓂᐊᖅᑕᐅᔪᕕᓃᑦ ᐃᖅᑲᖅᑐᐃᕕᒃᑎᒍᑦ, ᑮᓇᐅᔭᑐᐃᓐᓇᓂᒃ ᐱᓇᓱᐊᖃᑦᑕᖏᒻᒪᑕ. ᐅᓄᕐᓂᖅᓴᐃᓪᓕ ᖁᓄᔪᓐᓂᐊᖅᑕᐅᔪᕕᓃᑦ ᐃᖅᑲᖅᑐᐃᕕᒃᑎᒍᑦ ᐊᑭᓯᓪᓗᑎᒃ ᐋᓐᓂᖅᑎᕆᔪᕕᓂᕐᓂᒃ ᓈᒻᒪᒃᓴᓲᖑᖕᒪᑕ. ᓱᕐᓗ ᐃᖅᑲᖅᑐᖅᑕᐅᑎᑕᖏᑦ ᐊᑭᓯᔪᑎᒋᓪᓗᓂᒋᑦ… ᐱᓂᕐᓗᒍᑕᐅᔪᕕᓂᕐᓂᒃ ᐃᓅᓯᖓᓄᑦ ᐃᓕᑕᕆᔭᐅᓴᑐᐊᖅᐸᑕ ᐊᖏᖅᑕᐅᓗᑎᒃᓗ ᓴᒡᓗᖏᓐᓂᖏᑦ, ᓱᓕᔪᕆᔭᐅᓗᑎᒃ ᐅᓐᓂᕐᓗᒃᓴᐅᑎᖏᑦ ᐊᒃᓱᐊᓗᒃ ᐊᑐᕐᓂᖃᓲᖑᖕᒪᑦ ᑖᒃᑯᐊ ᐃᓅᓯᖏᓐᓄᑦ.”

ᐅᖃᖅᑎᒋᔭᐅᔪᖅ ᒐᕙᒪᑎᒃᑯᓐᓄᑦ ᓄᓇᕗᑦ ᒐᕙᒪᖓᓂ ᐃᖅᑲᖅᑐᐃᕕᓕᕆᔨᒃᑯᓐᓂ ᑕᒪᑐᒧᖓ ᑭᐅᓯᔪᓐᓇᖏᓐᓂᕋᖅᖢᓂ ᐅᖃᓚᐅᕐᒪᑦ ᐊᐱᖅᑯᑕᐅᔪᓂᒃ ᑕᒪᑐᒪᓂ ᐱᓇᓱᐊᕈᓯᐅᓚᐅᖅᑐᒥ.

Leave a Comment:

Your email address will not be published. Required fields are marked *