ᓴᓇᔭᐅᓯᒪᔪᖅ ᐅᑭᐅᖅᑕᖅᑐᒥ ᐊᑐᖅᑕᐅᔪᒃᓴᐅᑉᓗᓂᓗ ᐅᑭᐅᖅᑕᖅᑐᒥ

by Darrell Greer- December 15, 2017

ᐃᓇᖏᖅᓯᒍᒪᔪᖃᓚᐅᕐᒪᑦ ᑕᒪᓐᓇ ᓱᓇᑐᐃᓐᓇᓕᕆᖅ, ᓴᓇᒪᔪᓕᕆᓂᖅ, ᖃᕆᑕᐅᔭᓕᕆᓂᖅ ᓈᓴᐅᑎᓕᕆᓂᕐᒥᒡᓗ (STEM) ᓵᓚᒃᓴᐅᑎᑦ ᐊᑐᖅᑕᐅᖔᓕᖁᔭᐅᑉᓗᑎᒃ Actua−ᑯᓐᓄᑦ ᐊᐅᓚᑕᐅᔪᒧᑦ, ᑭᓯᐊᓂ ᐊᐅᓚᑕᐅᔪᖅ ᑭᕙᓪᓕᕐᒥ ᓱᓇᑐᐃᓐᓇᓕᕆᓂᕐᒧᑦ, ᐃᓕᓐᓂᐊᖅᑐᓕᕆᔨᑦ ᓄᓇᓕᖕᒥ ᑎᒥᖓᓄᑦ ᑕᐃᒪᓐᓇ ᐃᓇᖏᖅᑕᐅᖁᔭᐅᖏᑉᐳᑦ ᐊᑐᖅᑕᐅᖏᓐᓇᕈᒪᓪᓗᑎᒃ ᑕᒪᓐᓇ ᓱᓇᑐᐃᓐᓇᓕᕆᖅ, ᓴᓇᒪᔪᓕᕆᓂᖅ, ᖃᕆᑕᐅᔭᓕᕆᓂᖅ ᓈᓴᐅᑎᓕᕆᓂᕐᒥᒡᓗ (STEM) ᐅᖃᓚᐅᖅᐳᖅ ᐊᖓᔪᖄᕆᔭᐅᖃᑕᐅᔪᖅ ᒋᓕᓐ ᐳᕈᑯᐸᐃᒃ ᐃᒡᓗᓕᒑᕐᔪᖕᒥᐅᑕᖅ.

ᒍᕇᑦ 7-ᒥ ᐃᓕᓐᓂᐊᖅᑎᑦ ᕗᓗᐃᑦ ᖃᑐᕋ ᐊᒻᒪ ᐃᒪᓂᐅ ᓄᑲᖅᖠᖅ ᐊᕐᓇᑦᓯᐊᖅ, ᑕᓕᖅᐱᐊᓂ, ᓴᓇᔪᑦ ᒪᓐᓂᖕᒧᑦ ᐴᒃᓴᒥᒃ ᑖᒃᑯᓇᓂ ᓱᓇᑐᐃᓐᓇᓕᕆᖅ, ᓴᓇᒪᔪᓕᕆᓂᖅ, ᖃᕆᑕᐅᔭᓕᕆᓂᖅ ᓈᓴᐅᑎᓕᕆᓂᕐᒥᒡᓗ (STEM) ᓵᓚᒃᓴᐅᑎᖃᑦᑕᐅᑎᑎᓪᓗᒋᑦ, ᑕᐃᒪᓐᓇᐃᓕᐅᖅᑎᑦᓯᓚᐅᖅᖢᑎᒃ ᑭᕙᓪᓕᕐᒥ ᓱᓇᑐᐃᓐᓇᓕᕆᓂᕐᒧᑦ, ᐃᓕᓐᓂᐊᖅᑐᓕᕆᔨᑦ ᓄᓇᓕᖕᒥ, ᐱᓕᕆᐊᕆᔭᐅᔪᑦ ᑑᒑᓕᒃ ᐃᓕᓐᓂᐊᕐᕕᒡᔪᐊᖓᓂ ᓇᐅᔮᓂ ᓄᕕᐱᕆᒥ.

ᐳᕈᑯᐸᐃᒃ ᐅᖃᓚᐅᖅᐳᖅ ᑖᒃᑯᐊ ᑭᕙᓪᓕᕐᒥ KSEC ᑎᒥᐅᔪᑦ ᐱᓕᕆᖃᑎᖃᓚᐅᕐᒪᑕ ᑲᒪᒋᔭᖃᖅᑐᓂᒃ ᓱᓇᑐᐃᓐᓇᓕᕆᓂᕐᒧᑦ ᐃᓕᓐᓂᐊᖅᑎᑎᔨᓂᒃ ᐊᓯᖏᓐᓂ ᒪᕐᕉᖕᓂ ᓄᓇᕗᒥ ᓄᓇᓕᕐᔪᐊᖑᖃᑕᐅᔪᓂ ᓴᖅᑭᔮᖅᑎᑦᓯᒍᒪᓪᓗᑎᒃ ᓱᓇᑐᐃᓐᓇᓕᕆᓂᕐᒧᑦ ᐱᓕᕆᐊᕆᔭᐅᕙᓪᓕᐊᔪᓂᒃ ᑭᕙᓪᓕᕐᒥ ᐅᑭᐅᑦ ᐊᕙᑎᑦ ᐅᖓᑖᓄᑦ.

ᐅᖃᓚᐅᖅᖢᓂᓗ ᕿᑎᕐᒥᐅᑦ ᑕᐃᒪᓐᓇ ᓇᖕᒥᓂᖅ ᑕᐃᒪᓐᓇ ᑎᒥᖃᕐᒥᖕᒪᑕ ᐊᑎᖃᖅᖢᓂ SKY ᑲᔪᓯᑦᓯᐊᕈᑎᖃᕐᓚᒃᓯᒪᑉᓗᑎᒡᓗ ᐱᓕᕆᐊᒥᖕᓂᒃ, ᐃᓕᓐᓂᐊᖅᑎᑦ ᐊᐅᓪᓚᖅᑎᑕᐅᖃᑦᑕᖅᖢᑎᒃ ᑲᓇᑕᒥ ᓱᓇᑐᐃᓐᓇᓕᕆᓂᕐᒧᑦ ᓴᓇᐅᒐᓂᒃ ᓵᓚᒃᓴᐅᑎᖃᑦᑕᐅᑎᑎᑕᐅᓪᓗᑎᒃ ᐊᑯᓂ ᐅᑭᐅᖑᓕᖅᑐᓂ.

“ᕿᑎᕐᒥᐅᓂ ᓱᓇᑐᐃᓐᓇᓕᕆᒍᑎᖏᑦ ᕿᓚᒥᐅᓂᖅᓴᖅ ᐊᑐᖅᑕᐅᖃᑦᑕᖅᓯᒪᓕᖅᐳᖅ ᐅᕙᑉᑎᓐᓂᑦ KSEC−ᑯᓐᓂᑦ, ᐅᑭᐅᑦ ᐊᕙᑎᑦ ᐅᖓᑖᓄᑦ ᐃᓕᓐᓂᐊᖅᑎᑦᓯᔨᖃᑦᓯᐊᖅᓯᒪᖕᒪᑕ ᔨᒻ ᑯᕈᒍᒥᒃ ᖃᒪᓂ’ᑐᐊᒥᐅᑕᖅ ᐃᑲᔪᓚᐅᖅᖢᓂ ᑕᐃᒪᓐᓇ ᐃᓕᓐᓂᐊᖅᑎᑦᓯᑉᓗᓂ ᐅᕙᑉᑎᓐᓂᒃ,” ᐅᖃᓚᐅᖅᐳᖅ ᐳᕈᑯᐸᐃᒃ.

“ᕿᑎᕐᒥᐅᓄᑦ ᐊᑐᖅᑕᐅᔪᑦ ᓱᓇᑐᐃᓐᓇᓕᕆᓂᕐᒧᑦ ᐱᓕᕆᐊᕆᖃᑦᑕᖅᑕᖏᑦ ᐊᑐᖃᑦᑕᖅᖢᑎᒃ Actua−ᑯᓐᓂᒃ ᐅᖃᓚᐅᖅᖢᓂᓗ ᕿᑎᕐᒥᐅᑕᐃᑦ ᓄᓇᕗᒥᐅᑕᓂᒃ ᑕᐃᒪᓐᓇ ᐱᓕᕆᐊᖃᕐᓂᐊᕐᓂᕋᖅᖢᑎᑦ.

“Actua−ᑯᑦ ᐅᖃᓚᐅᖅᐳᑦ ᑖᒃᑯᐊ ᑭᕙᓪᓕᕐᒥ ᐃᓚᒋᔭᐅᔪᑦ KSEC−ᑯᓐᓄᑦ, ᐃᓚᐅᖃᑕᐅᒍᒪᔪᑦ ᐊᓯᔾᔩᒍᒪᔪᑦ ᐆᒃᑑᕈᒪᔪᑦ ᖃᓄᐃᓕᖓᓂᐊᕐᒪᖔᑦ, ᑕᐃᒪ ᑕᒡᕙᓂ ᐊᕐᕌᒍᒥ, Actua ᑕᐃᒪ ᓇᒃᓯᐅᔨᓕᓚᐅᖅᐳᑦ ᑕᒪᐃᓐᓄᑦ ᐃᓕᓐᓂᐊᕐᕕᖕᓄᑦ ᓄᓇᕗᒥ ᑕᐃᒪᓐᓇ ᐊᑐᕈᒪᓪᓗᑎᒃ ᑖᒃᑯᓂᖓ STEM Challenge−ᒥᒃ, ᑕᐃᒪ ᐅᑯᐊ (STEM ᐊᒻᒪ SET) ᑕᐃᒪᓐᓇᑦᓴᐃᓐᓇᐅᖕᒪᑎᒃ.

“ᑕᐃᒪᓐᓇ ᑭᕙᓪᓕᕐᒥᐅᑦ ᐃᑲᔪᖅᑕᐅᓂᖅᓴᐅᖁᓚᐅᖏᒃᑲᓗᐊᖅᐸᕗᑦ ᑕᐃᒪᓐᓇ ᐊᑐᖅᑕᐅᖁᔭᐅᓪᓗᓂᓗ ᕿᑎᕐᒥᐅᓄᑦ ᕿᑭᖅᑖᓗᖕᒥᐅᓄᓪᓗ.”

ᐳᕈᑯᐸᐃᒃ ᐅᖃᓚᐅᖅᐳᖅ ᐃᖢᐃᓪᓕᐅᕈᑎᖃᕐᓂᕋᖅᖢᓂ ᑖᒃᑯᐊ ᑭᕙᓪᓕᐅᑉ ᐃᓗᐊᓂ ᖃᓄᐃᓕᐅᕈᑕᐅᖃᑦᑕᖅᑐᑦ ᑭᕙᓪᓕᕐᒥ ᐃᓕᓐᓂᐊᖅᑎᓄᑦ ᑐᕌᕐᓂᖅᓴᐅᖕᒪᑦ ᑕᐃᒪᓐᓇ ᐃᓕᓐᓂᐊᖅᑎᓄᑦ ᖃᐅᔨᒪᔭᐅᑉᓗᑎᒡᓗ ᓄᓇᓕᖕᓂᒥᐅᑦ ᐃᓚᐅᑎᑕᐅᕙᒃᖢᑎᒡᓗ, ᐃᓄᐃᑦ ᖃᐅᔨᒪᔭᑐᖃᖏᓐᓂ ᒪᓕᒐᒃᓴᐃᑦ, ᐊᒻᒪ ᐃᓕᓐᓂᐊᖅᑎᑦ ᐃᓕᓐᓂᐊᖅᑎᑎᔨᓪᓗ ᑕᐅᑐᒃᖢᑎᒃ ᑕᐃᒪᓐᓇ, ᐃᒃᐱᒍᓱᒃᖢᑎᒡᓗ ᐊᒻᒪ ᐊᑐᖅᑕᐅᖃᑦᑕᖅᖢᑎᒡᓗ ᐃᓕᓐᓂᐊᕐᕕᖏᓐᓂ.

ᐅᖃᓚᐅᖅᖢᓂᓗ ᑖᓐᓇ ᑭᕙᓪᓕᕐᒥ ᐊᑐᖅᑕᐅᔪᖅ KSEC ᑭᕙᓪᓕᕐᒥ ᓴᓇᔭᐅᓯᒪᑉᓗᓂ ᐃᓕᓐᓂᐊᕐᕕᖕᓄᑦ ᐊᑐᖅᑕᐅᒐᒃᓴᐅᑉᓗᓂ ᑭᕙᓪᓕᕐᒥ.

“ᑕᒪᓐᓇ ᐱᓕᕆᐊᕆᓯᒪᓕᖅᑕᕗᑦ ᐅᑭᐅᑦ ᐊᕙᑎᑦ ᐅᖓᑖᓄᑦ ᐱᐅᓂᖅᓴᐅᖕᒪᑕ ᐊᒃᑐᐊᓂᖅᓴᐅᑉᓗᑎᒡᓗ, ᑕᒪᒃᑯᐊ ᐊᑐᖅᑕᐅᒐᔪᒃᑐᑦ ᐃᓱᒪᒋᓗᐊᖏᑦᖢᒋᑦ, ᐅᒃᑯᐃᖔᖅᑎᑕᐅᓂᖅᓴᐅᑉᓗᑎᒡᓗ ᖃᓄᑐᐃᓐᓇᖅ ᓴᓇᒍᒪᒍᑎᒃ, ᑕᐃᒪᓐᓇ ᓲᕐᓗ ᒪᓕᖕᓂᖅᓴᐅᑉᓗᑎᒡᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ,” ᐅᖃᓚᐅᖅᐳᖅ.

“ᑕᐃᒪᐃᓕᐅᕈᒪᕗᒍᑦ ᐃᓕᓐᓂᐊᖅᑎᑦ ᑕᒪᒃᑯᐊ ᐃᖕᒥᓂᒃ ᐱᕙᓪᓕᐊᒋᐊᖃᕐᒪᑕ ᐋᖅᑭᒃᓱᐃᑎᑕᐅᓗᑎᒃ, ᐃᒪᓐᓇᐃᒋᐊᖃᓗᐊᖏᒻᒪᑦ ᐃᒪᓐᓇ ᓴᓇᓯᒪᖕᒪᑦ ᐃᒪᓐᓇᐃᓕᐅᖅᑕᐅᒋᐊᖃᖅᐴᖏᓪᓗᑎᒃ ᐊᐅᓪᓛᑦᓯᐊᕐᓂᐊᖅᐸᑦ.

“ᐃᓱᒪᒋᔭᒃᑲ ᐊᔾᔨᒋᖏᑦᑐᐃᓐᓇᕆᐊᖃᖅᐸᖏᑦ ᑖᒃᑯᐊ ᐃᓚᒪ ᑕᒡᕙᓂ ᑭᕙᓪᓕᕐᒥ, ᑭᓯᐊᓂ ᑕᑯᓯᒪᒐᑉᑯ ᐊᑐᖃᑦᑕᖅᑕᕗᑦ − ᖃᐅᔨᒪᑉᓗᒍᓗ ᖃᓄᐃᓕᐅᕆᐊᖃᕐᓄᖅ ᐃᒃᐱᖕᓇᕐᓂᖓᓗ ᐃᓕᓐᓂᐊᕐᕕᑉᑎᓐᓄᑦ − ᐊᒻᒪ ᑕᐃᒪᓐᓇ ᐱᐅᒋᒐᑉᑯ.”

ᐳᕈᑯᐸᐃᒃ ᐅᖃᓚᐅᖅᐳᖅ, ᐊᑐᖅᓯᒪᔭᖏᑦ ᒪᓕᒡᓗᒋᑦ, ᐋᖅᑭᒃᑕᐅᒃᑲᓐᓂᕆᐊᖃᖅᐳᖅ ᑕᒪᓐᓇ STEM Challenge. ᐅᖃᓚᐅᖅᖢᓂᓗ ᑕᒪᓇ ᐋᖅᑭᒃᓱᖅᑕᐅᒋᐊᖃᖅᖢᓂᓗ ᑭᕙᓪᓕᕐᒥ ᐊᑐᖅᑕᐅᔪᑦ KSEC ᐆᒃᑑᑎᒋᓗᒋᑦ, Actua−ᑯᑦ ᐊᑐᖏᖔᕐᓗᒋᑦ.

“ᑐᓴᖅᑕᐅᒋᐊᖃᖅᐳᒍᑦ ᐃᓕᓐᓂᐊᕐᕕᑉᑎᓐᓂᑦ, ᐊᒻᒪ ᑕᐃᒪ ᐅᑎᖅᑎᑕᐅᒃᐸᑦ ᑕᐃᒪᓐᓇ (STEM) ᐋᖅᑭᒃᓱᖅᑕᐅᒋᐊᖃᖅᐸᑕ ᐃᓕᓐᓂᐊᖅᑎᑕᐅᔪᓐᓇᖏᓐᓂᖅᓴᐅᖕᒪᑕ, ᑕᐃᒪᓐᓇ ᐅᑎᖅᑎᑕᐅᒃᐸᑦ Actua−ᑯᓐᓄᑦ ᐱᓕᕆᐊᖅᐳᑦ ᓴᖅᑭᔮᖅᑎᑕᐅᓂᖅᓴᐅᒋᐊᖃᖅᐳᑦ.” ᐅᖃᓚᐅᖅᐳᖅ.

“ᑭᕙᓪᓕᕐᒥ KSECᑯᑦ, ᑲᑐᔾᔨᖃᑎᒌᖑᖕᒪᑕ, ᑮᓇᐅᔭᖅᑖᕋᓱᐊᖃᑕᐅᕙᒃᖢᑎᒡᓗ ᐊᒻᒪ ᑖᒃᑯᐊ ᑮᓇᐅᔭᖅᑖᕋᓱᐊᖃᑕᐅᖃᑦᑕᕆᑉᓗᑎᒃ Actuaᑯᑦ ᑕᐃᒪᓐᓇᓗ ᐊᑯᓂ ᑕᒫᓂᒥᐅᑕᐅᓕᖅᖢᖓ ᐃᓛᓐᓂᒃᑯᑦ ᑮᓇᐅᔭᑭᒃᓴᖅᐸᓚᐅᖅᖢᑕ ᖃᓄᐃᓕᐅᕈᓐᓇᖃᑦᑕᓚᐅᖏᑉᐳᒍᑦ ᑮᓇᐅᔭᓂᒡᓗ ᐊᑐᓗᐊᖅᑕᐃᓕᑎᑕᐅᕙᒃᖢᑕ.
“ᖃᑉᓗᓈᑦ ᓄᓇᖓᓐᓂᒥᐅᑕᓂᒃ ᓱᓇᑐᐃᓐᓇᓕᕆᓂᕐᒧᑦ ᐃᓕᓐᓂᐊᕈᑎᒃᓴᓂᒃ ᐱᓕᕆᐊᖃᕈᒪᒑᖓᑕ ᐅᑉᓗᓄᑦ ᒪᕐᕉᖕᓄᑦ ᑕᐃᒪᓐᓇ ᐃᓕᓐᓂᐊᖅᑎᑦᓯᑉᓗᑎᒃ ᑐᐊᕕᖅᖢᑎᒃ ᐊᐅᓪᓚᑲᐅᑎᒋᓕᖅᖢᑎᒡᓗ.”

ᐳᕈᑯᐸᐃᒃ ᐅᖃᓚᐅᖅᐳᖅ ᓄᓇᓕᖕᓂ ᐃᓕᓐᓂᐊᖅᑎᑎᔨᑦ ᓄᓇᓕᖕᓂ ᖃᓄᐃᓕᐅᕈᑎᖃᖅᑎᑦᓯᖃᑦᑕᕐᒪᑕ ᐃᓕᓐᓂᐊᕐᕕᖕᓂᓗ. “ᑲᑐᔾᔨᖃᑎᒌᑦ ᑮᓇᐅᔭᓕᐅᖏᑦᓯᐊᖅᖢᑎᒃ ᑮᓇᐅᔭᖅᑖᖅᑎᑕᐅᖃᑦᑕᖏᑦᖢᑎᒡᓗ,” ᐅᖃᓚᐅᖅᐳᖅ. “ᐊᒻᒪ, ᐃᓕᓐᓂᐊᖅᑎᑎᔨᑦ ᖃᐅᔨᒪᑎᒋᒐᑉᑎᒍᑦ ᓄᓇᓕᖕᓂ ᐃᓕᓐᓂᐊᖅᑎᑎᓯᑉᓗᑎᒡᓗ ᐃᓕᓐᓂᐊᕈᑕᐅᒋᐊᖃᖅᑐᓂᒃ ᐅᒃᐱᕈᓱᒃᖢᑎᒡᓗ ᐱᓕᕆᐊᕆᔭᒥᖕᓂᒃ ᑕᐃᒪᓐᓇ ᐃᓕᓐᓂᐊᖅᑎᑕᐅᔪᑦ ᑕᐃᒪᓐᓇ ᒪᓕᒃᖢᑎᒃ.”

ᐳᕈᑯᐸᐃᒃ ᐅᖃᓚᐅᖅᐳᖅ ᐊᑐᓕᖁᔨᒍᑎᖃᕐᓂᐊᖅᐳᑦ ᑭᕙᓪᓕᕐᒥᐅᑦ ᑎᒥᑦ KSEC ᓇᖕᒥᓂᖅ ᓴᓇᓂᕐᒧᑦ ᓵᓚᒃᓴᐅᑕᐅᕙᒃᑐᓄᑦ ᐅᑎᕐᓗᑎᒃ ᓇᖕᒥᓂᖅ ᓴᓇᓯᒪᔭᒥᖕᓂᒃ. ᐅᖃᓚᐅᖅᖢᓂᓗ ᐊᐅᓪᓛᑦᓯᐊᖅᑎᑦᓯᔪᓐᓇᕐᓂᖅᓴᐅᒐᒥ ᐅᑭᐅᖅᑕᖅᑐᒥ ᓴᓇᔭᐅᓯᒪᔪᓂᒃ ᐊᐅᓪᓛᑦᓯᐊᖃᑦᑕᕐᒪᑕ ᒪᓕᒍᑎᑦᓯᐊᖅᖢᑎᒡᓗ.
“ᑕᐃᒪᓐᓇ ᐃᓕᓐᓂᐊᖅᑎᑦ ᓴᓇᓗᑎᒃ ᖁᕕᐊᓇᖅᑐᓂᒃ ᐱᓕᕆᐊᖃᕆᐊᖃᕐᒪᑕ ᑕᐃᒪᓐᓇ ᐊᓯᐅᔨᔭᐅᖁᖏᓐᓇᑉᑯ.
“ᑕᐃᒪᓐᓇ ᐊᑐᖃᑦᑕᖅᑕᑉᑎᓐᓂᒃ ᐊᓯᐅᔨᒍᒪᖏᓐᓇᒪ ᐃᓕᓐᓂᐊᕐᕕᑉᑎᓐᓂ.”

Leave a Comment: