ᓯᑯᓕᐅᕐᓂᖅ ᐅᑭᐅᖅᑕᖅᑑᑉ ᑭᒡᓕᙳᐊᕆᔭᖓᓂ

by Darrell Greer- April 26, 2018

ᓇᐅᔮᑦ ᒪᒃᑯᒃᑐᖏᑦ ᖁᕕᐊᓲᑎᖃᑦᑎᐊᖅᐳᑦ ᐱᔭᕇᖅᓯᓂᕐᒥ ᕼᐋᑭᕐᓂᕐᒥ ᐊᒻᒪ ᓯᐊᕐᕆᔮᕐᓂᕐᒥᑦ ᐅᑭᐅᖓᓐᓂ ᐱᓕᕆᑦᑎᐊᖅᖢᑎᒃ, ᓯᓚᒥ ᓯᐊᕐᕆᔮᕐᕕᖓᓂ ᓴᓇᔭᐅᓚᐅᖅᑐᒥ ᓴᓂᓕᖓᓂ ᑐᓴᕐᕕᒃ ᐃᓕᓐᓂᐊᕐᓕᓵᖅᑐᓄᑦ ᐃᓕᓐᓂᐊᕐᕕᖓᓐᓂ ᐱᓇᓱᐊᕈᓯᐅᓚᐅᖅᑐᒥ.

ᓄᓇᓕᖕᓄᑦ ᐊᐅᓚᑦᑎᔨᐅᓚᐅᑲᒃᑐᖅ ᑭᐊᕙᓐ ᑎᒍᒥᐊᕐ ᐅᖃᓚᐅᖅᐳᖅ ᐃᓱᒪᓂᐅᔪᖅ ᓯᓚᒥ ᓯᐊᕐᕆᔮᕐᕕᓕᐅᕐᓂᕐᒥ ᐅᕙᙶᓚᐅᖅᐳᖅ ᓇᐅᔮ ᒪᐃᔭᖓᓐᓂ ᓵᓚᒪᓐ ᒪᓕᑭᒥᑦ.

ᐊᑭᓕᖅᓱᖅᑕᐅᓇᓂ ᐃᑲᔪᓲᖅ ᖃᑦᑎᕆᔨ ᓴᕐᓕ ᐅᑕᒃ, ᓴᐅᒥᖓᓐᓂ, ᐊᒻᒪᓗ ᓇᐅᔮᑦ ᖃᑦᑎᕆᔨᓄᑦ ᐊᖓᔪᖅᑳᖓ ᑏᓅ ᒪᑉᓕᒃ ᖁᕕᐊᓱᓚᐅᖅᐳᑦ ᓴᓇᓂᕐᒧᑦ ᓯᓚᒥ ᓯᐊᕐᕆᔮᕐᕕᐅᔪᒥ ᓴᓂᓕᖓᓂ ᑐᓴᕐᕕᒃ ᐃᓕᓐᓂᐊᓕᓵᖅᑐᓄᑦ ᐃᓕᓐᓂᐊᕐᕕᖓᓐᓂ ᓇᐅᔮᓂᑦ ᐊᐃᑉᕆᓕ 19−ᖑᑎᓪᓗᒍ.

ᐅᖃᓚᐅᖅᐳᖅ ᓄᓇᓕᖕᓂ ᐊᐅᓚᑦᑎᔨ ᕌᑉ ᕼᐊᑦᓕ ᐃᓱᒪᒋᔭᐅᓂᐅᔪᖅ ᖁᕝᕙᕆᐊᒃᑲᓐᓂᓚᐅᖅᐸᖓ ᑐᒃᓯᕋᖅᖢᓂ ᓂᐅᕕᖅᑎᒃᑯᓐᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑭᓖᓂᐊᖅᑐᒥ ᐱᓕᕆᐊᒃᓴᐅᔪᒥ.

ᕌᑉ (ᕼᐊᑦᓕ) ᐅᕙᖓᓗ ᑲᑎᖃᑎᖃᓚᐅᖅᐳᒍᑦ ᐃᓚᒋᔭᐅᔪᒥ ᐊᐅᓚᑦᑎᔨᐅᔪᓄᑦ ᑲᑎᙵᔪᓄᑦ ᓂᐅᕕᖅᑎᒃᑯᓐᓂ ᐊᒻᒪ ᐅᖃᐅᔾᔭᐅᓪᓗᑕ ᐱᓕᕆᐊᒃᓴᐅᔪᖅ ᑮᓇᐅᔭᖃᖅᑎᑕᐅᔪᓐᓇᕋᔭᕐᓂᖓᓂ ᐅᕘᓇ ᖃᓄᐃᙱᑦᑎᐊᕐᓂᐅᔪᒧᑦ ᓯᓚᐅᔪᓄᑦ ᑐᙵᕕᖏᓐᓂ,” ᐅᖃᓚᐅᖅᐳᖅ ᑎᒍᒥᐊᕐ. “ᐅᕙᑦᑎᓐᓂ ᑐᓂᓯᓚᐅᖅᐳᑦ $6,500, ᐊᑭᓖᓚᐅᖅᑐᒥ ᑕᒪᒃᑭᑦᑎᐊᕐᒥ ᐊᑭᒋᔭᖓᓐᓂ ᐱᓕᕆᐊᒃᓴᒧᑦ.”

ᕼᐋᒻᓚᒃᑯᑦ ᐱᔭᕆᐊᖃᓚᐅᖅᐳᑦ ᐊᓯᐊᓂ ᖃᐅᒪᖅᑯᑎᖃᑦᑎᐊᖅᑐᒥ ᐃᓂᐅᔪᒥ ᓱᕈᓯᕐᓄᑦ ᓯᐊᕐᕆᔮᕐᕕᐅᔪᒥ, ᐅᖃᓚᐅᖅᐳᖅ, ᐱᓗᐊᖅᑐᒥ ᐊᓐᓂᑭᑕᕐᕕᖓ ᒪᑐᓂᐊᓕᕐᓂᖓᓂ ᑕᖅᑭᐅᓛᖅᑐᒥ.

ᐱᓕᕆᑦᑎᐊᖅᑐᒻᒪᕆᐅᕗᖅ ᐅᕙᑦᑎᓐᓄᑦ, ᐅᑭᐅᖅᑕᖅᑑᑉ ᑭᒡᓕᙳᐊᖓᓂ ᐃᕐᙳᓯᖓᓐᓄᑦ ᐃᓐᓇᕐᓄᑦ ᐊᖑᑎᓄᑦ ᕼᐋᑭᒧᑦ ᓵᓚᖃᕋᓱᐊᕐᓂᐅᔪᖅ ᐱᓕᕆᐊᖑᓂᐊᓕᕐᒪᑦ ᑎᑭᑉᐸᓪᓕᐅᔪᒧᑦ ᐱᓇᓱᐊᕈᓯᐅᑉ ᓄᙳᐊᓂ, ᐊᒻᒪ ᓯᓚᒥ ᓯᐊᕐᕆᔮᕐᕕᒃ ᑐᓂᓯᓂᖃᖅᐳᖅ ᓯᐊᕐᕆᔮᕐᕕᐅᒃᑲᓐᓂᕈᓐᓇᖅᑐᒥ ᐊᓯᐅᔨᔾᔮᙱᒻᒪᑕ ᓯᑯᒦᓐᓂᐅᔪᒥ ᖃᓂᒋᔭᖓᓐᓂ ᐃᓱᖓᓐᓂ ᐅᑭᐅᖑᔪᒥ,” ᐅᖃᓚᐅᖅᐳᖅ ᑎᒍᒥᐊᕐ.

ᓂᐅᕕᖅᑎᒃᑯᑦ ᑭᒡᒐᖅᑐᐃᔨᖓ ᐅᖃᓚᐅᖅᐳᖅ ᐊᒥᓲᙱᑦᑐᓂ ᓄᓇᓕᖕᓂ ᑐᒃᓯᕋᖅᑐᖃᓚᐅᙱᓚᖅ ᑮᓇᐅᔭᖃᖅᑎᑕᐅᓂᐅᔪᒥ ᐅᕘᓇ ᖃᓄᐃᙱᑦᑎᐊᕐᓂᐅᔪᒥ ᓯᓚᐅᔪᒥ ᑐᙵᕕᖓᓐᓂ, ᐅᖃᒃᑲᓐᓂᓚᐅᖅᐳᖅ.

ᐅᖃᓚᐅᖅᐳᖅ ᑕᑯᒃᑲᓐᓂᕈᒪᒐᔭᕐᓂᖓᓂ ᐊᓯᖏᓐᓂ ᓄᓇᓕᐅᔪᓂ ᐱᕚᓪᓕᕈᑎᖃᕐᓂᖏᓐᓂ ᑐᙵᕕᐅᔪᒥ, ᓱᓕᓂᐅᔪᖅ ᐊᒥᓲᙱᑦᑐᑦ ᑐᒃᓯᕋᙱᓐᓂᖏᓐᓂ ᑐᑭᖃᓚᐅᖅᐳᖅ ᖃᓄᐃᙱᑦᑎᐊᕐᓂᐅᔪᒥ ᓯᓚᖓᑦ ᑕᒪᒃᑭᓂ ᐊᑭᐅᔪᒥ ᐊᑭᓖᔪᓐᓇᓚᐅᖅᐳᑦ ᐃᓚᒋᔭᐅᔪᒥ ᓯᓚᒥ ᓯᐊᕐᕆᔮᕐᕕᖓᓐᓄᑦ

ᐊᖑᑎᓂᑦ ᖃᑦᑎᕆᕝᕕᖕᒥ ᐱᓕᕆᐊᒃᓴᐅᔪᒥ ᐱᒋᐊᖅᑎᑦᑎᓚᐅᖅᐳᑦ,” ᐅᖃᓚᐅᖅᐳᖅ. “ᖁᕕᐊᓚᐅᖅᐳᑦ ᐃᑲᔪᕐᓂᕐᒧᑦ ᑕᐃᒪᐃᑦᑐᒐᓚᖕᒧᑦ ᑕᐃᒪᐃᓕᐅᓗᐊᕌᓗᒍᓐᓇᙱᒻᒪᑕ. ᐅᖁᒪᐃᑦᑐᓄᑦ ᓄᓇᓯᐅᑎᕐᔪᐊᓂ ᐊᑐᓚᐅᖅᐳᑦ ᐅᓪᓗᑉ ᓇᑉᐸᓪᓗᐊᖓᓂ ᐊᐳᑕᐃᔭᖅᓯᑎᓪᓗᒋᑦ, ᐊᒻᒪᓗ ᖃᔅᓯᒐᓚᖕᓂ ᖃᑦᑎᕆᔨᐅᔪᓂ ᐊᒻᒪ ᖃᔅᓯᐊᕐᔪᖕᓂ ᐊᖑᑎᓂᑦ ᐱᙳᐊᖅᑐᓕᕆᔨᒃᑯᓐᓂ ᑲᒪᒋᔭᖃᖅᖢᓂ ᐃᒻᒥᖅᓱᐃᓂᐅᔪᒥᑦ.”

ᐊᑯᓂᐅᓗᐊᙱᑦᑐᒥ ᑕᑯᓚᐅᖅᐳᒍᑦ ᖃᔅᓯᒐᓚᖕᓂ ᓱᕈᓯᕐᓂᑦ ᑕᒫᓃᕋᔭᒃᑐᓂᑦ ᐊᒻᒪ ᐅᑕᖅᑭᙳᖅᐸᓪᓕᐊᓪᓗᑎᒃ,” ᐅᖃᒃᑲᓐᓂᓚᐅᖅᐳᖅ.

ᑎᒍᒥᐊᕐ ᐅᖃᓚᐅᖅᐳᖅ ᓯᕗᓪᓕᖅᐸᐅᓪᓗᓂ ᓯᓚᒥ ᓯᐊᕐᕆᔮᕐᕕᖕᒥ ᓴᓇᔭᐅᓚᐅᕐᓂᖓᓂ ᓴᓂᓕᖃᖅᖢᓂ ᐃᓕᓐᓂᐊᓕᓵᖅᑐᓄᑦ ᐃᓕᓐᓂᐊᕐᕕᖓᓐᓂ.

ᐅᖃᓚᐅᖅᐳᖅ ᐱᓕᕆᐊᒃᓴᐅᔪᖅ ᓱᒃᑲᐃᒡᓕᒋᐊᖅᑕᐅᓚᐅᖅᐳᖅ ᕿᓚᒥᕈᓗᒃ ᓯᓚᑦᑎᐊᕙᐅᙱᑦᑐᒧᑦ ᐱᓇᓱᐊᕈᓯᐅᓚᐅᖅᑐᒥ.

ᓄᓇᓕᐅᔪᖅ ᐱᐅᒋᔫᔮᖅᑕᖓ ᐃᓱᒪᓂᐅᔪᒥ, ᐊᒻᒪᓗ ᓇᓗᙱᐸᓗᒃᐳᖓ ᓂᕆᐅᓛᕐᓂᖏᓐᓂ ᑕᐃᒪᐃᑦᑐᐸᓗᖕᒥ ᐊᕐᕌᒎᓛᖅᑐᒥ,” ᐅᖃᓚᐅᖅᐳᖅ. “ᑕᐃᒪᐃᑦᑑᕗᖅ.”

Leave a Comment: