ᓇᐅᔮᓂ ᐅᓇᑕᖅᑐᒃᓴᖑᐊᓛᑦ ᐃᓕᓐᓂᐊᓚᐅᖅᑐᑦ ᐊᐅᔭᖅ

by Darrell Greer- September 18, 2017

ᐊᒥᓲᓂᖃᖅᑐᖅ ᐊᕙᑎᑦ ᐅᖓᑖᓄᑦ ᓇᐅᔮᓂ ᐅᓇᑕᖅᑐᒃᓴᖑᐊᓛᑦ ᐃᓕᓐᓂᐊᕌᓂᓚᐅᖅᐳᑦ ᐊᐅᔭᖅ ᕙᐃᑦᕼᐅᐊᔅ, ᔪᑳᓐᒥ, ᐊᒻᒪ Cold Lake, Alta., ᐊᐅᔭᐅᓵᓚᐅᖅᑐᒥ.

ᒫᔅᑐ ᕗᐊᕋᓐ ᐋᕕᓱ ᑎᐅᕋᓐᔅ ᒪᑉᓴᓛᒃ, ᐅᐱᒋᔭᐅᑉᓗᓂ ᐃᓕᑕᕆᔭᐅᒍᓯᐊᓚᐅᖅᑐᖅ ᐅᓇᑕᖅᑐᒃᓴᖑᐊᑦ ᐃᓕᓐᓂᐊᖅᑎᑕᐅᓚᐅᖅᑎᓪᓗᒋᑦ ᐊᐅᔭᖅ, ᐃᓕᓐᓂᐊᖅᑎᑕᐅᖃᑦᑕᖅᖢᑎᒃ ᓄᑖᖅ ᐅᓇ ᐱᐅᕆ ᑯᐸᒃ ᖁᑭᐊᓂᕐᒥᒃ ᐳᓪᓚᐅᔭᓕᖕᓂᒃ ᓇᐅᔮᓂ ᑕᖅᑭᐅᓚᐅᖅᑐᒥ.

ᐃᓕᓐᓂᐊᕈᑕᐅᓚᐅᖅᑐᖅ ᐱᓱᖕᓂᖅ, ᖁᑭᐊᑎᑕᐅᖃᑦᑕᕐᓂᖅ, ᐃᖃᐃᓕᓴᕐᓂᖅ ᐊᒻᒪ ᐃᖃᐃᓕᓴᐅᑎᓂᒃ ᐱᓐᖑᐊᕈᑎᖃᕐᓂᖅ.

ᑎᒍᒥᐊᖅ ᕼᐊᖅᐱ, ᐅᑭᐅᓕᒃ 14-ᓂᒃ, ᐱᓱᖕᓂᕐᒧᑦ ᐃᓕᓐᓂᐊᖃᑕᐅᓚᐅᖅᐳᑦ ᕙᐃᑦᕼᐅᐊᔅᒥ.

ᕼᐊᖅᐱ ᐅᖃᓚᐅᖅᐳᖅ ᖁᕕᐊᒋᑦᓯᐊᓚᐅᕋᒥᒋᑦ ᐃᓕᓐᓂᐊᕈᑎᒋᔭᓂ, ᐱᓗᐊᖅᑐᒥᒃ ᖃᓄᐃᓕᐅᕈᑕᐅᖃᑦᑕᓚᐅᖅᑐᑦ ᐅᑉᓗᓄᑦ ᑕᓪᓕᒪᓄᑦ ᐱᓱᒃᑎᑕᐅᑉᓗᑎᒃ.

ᐅᖃᓚᐅᖅᐳᖅ ᐅᑎᕈᒪᒐᒥ ᐊᐅᔭᖅ 2018-ᒥ ᐆᒃᑑᕋᓱᐊᕐᓗᓂᓗ ᐱᐊᓂᒡᓗᓂᓗ 6 ᓂᒃ ᐱᓇᓱᐊᕈᓯᓂᒃ ᐱᓱᖕᓂᕐᒧᑦ ᐊᐅᓪᓚᖅᓯᒪᓂᕐᒧᑦ ᐃᓕᓐᓂᐊᕈᒪᑉᓗᓂ ᐃᓕᓐᓂᐊᖅᑎᑦᓯᔨᖑᖅᓴᕐᓗᓂ.

ᐅᑉᓗᓄᑦ ᐊᒥᓱᓄᑦ ᐃᓕᓐᓂᐊᖅᑎᑕᐅᓚᐅᖅᐳᒍᑦ ᐱᓱᖕᓂᕐᒥᒃ, ᖃᔭᕆᐊᖅᑐᕐᓂᕐᒥᒃ ᐊᒻᒪ ᐸᐃᓯᑯᕐᓂᕐᒥᒃ, ᖁᕕᐊᓇᑦᓯᐊᓚᐅᖅᐳᖅ,” ᐅᖃᓚᐅᖅᐳᖅ ᕼᐊᒃᐱ.

ᐊᒃᓱᕈᕐᓇᕐᓂᐊᓚᐅᖅᖢᓂᓗ, ᖃᐅᔨᒪᓕᖅᐳᖓᓗ ᐊᔪᖏᓐᓂᖅᓴᐅᓕᕋᒪ ᒫᓐᓇ ᑕᐃᒪᖓᓂᑦ ᐱᒋᐊᓚᐅᖅᖢᖓ.

ᖃᖓᑭᐊᖅ ᐃᓕᓐᓂᐊᖅᑎᑎᖃᑦᑕᕈᒪᓇᔭᖅᐳᖓ ᑕᐃᒪᓐᓇ ᐃᑲᔪᕐᓗᖓᓗ ᐊᓯᒻᓂᒃ ᐃᓚᐅᔪᓐᓇᖅᓯᖁᑉᓗᒋᑦ ᐱᓱᖕᓂᕐᒧᑦ ᐊᐅᓪᓛᖅᓯᑦᓯᓂᕐᒧᓪᓗ.”

ᐳᕆᔾᔭᑦ ᒪᓕᑭ, ᐅᑭᐅᓕᒃ 14-ᓂᒃ, ᖁᑭᐊᓂᕐᒥᒃ ᐃᓕᓐᓂᐊᓚᐅᖅᐳᖅ ᕙᐃᑦᕼᐅᐊᔅᒥ.

ᒪᓕᑭ ᐅᖃᓚᐅᖅᐳᖅ ᖁᑭᐊᒍᓐᓇᑦᓯᐊᖏᓐᓇᒥ, ᑭᓯᐊᓂ ᐃᖢᐊᖅᓯᕙᓪᓕᐊᒐᓱᐊᖅᐳᖅ.

ᐅᖃᓚᐅᖅᖢᓂᓗ ᖁᑭᐊᓂᕐᒥᒃ ᐊᔪᖏᓐᓂᖅᓴᐅᓕᕐᓂᕋᖅᖢᓂ ᑕᐃᒪᖓᓂ ᐱᒐᓱᓂ ᐱᓇᓱᐊᕈᓯᓂ ᐃᓕᓐᓂᐊᓚᐅᖅᖢᓂ ᕙᐃᑦᕼᐅᐊᔅᒥ.

ᖁᑭᐊᑎᑕᐅᖃᑦᑕᓚᐅᖅᐳᒍᑦ ᑕᐃᑲᓂ ᖃᓄᕐᓗ ᐋᖅᑭᒃᓯᒪᓗᓂ ᖁᑭᐊᒋᐊᖃᕐᓂᕐᒥᒃ, ᐅᔾᔨᖅᑐᑦᓯᐊᕆᐊᖃᕐᓂᕐᒥᒃ, ᖃᓄᕐᓗ ᖁᑭᐅᑎᑦ ᐋᖅᑭᒃᓯᒪᒋᐊᖃᖃᑦᑕᕐᓂᕐᓄᑦ ᑐᕌᖅᑎᑦᓯᓂᐊᕐᓂᐊᕐᓗᓂ, ᐊᓂᖅᓵᖅᑐᕐᓂᖅ ᐊᓯᖏᓪᓗ,” ᐅᖃᓚᐅᖅᐳᖅ ᒪᓕᑭ.

ᐃᓕᓐᓂᐊᖅᑎᑕᐅᓚᐅᖅᐳᒍᓪᓗ ᑕᐃᒪᓐᓇ ᐊᐅᔭᖅ ᐊᐳᑎᒃᑯᑦ ᓯᐊᕐᕆᔮᕐᓗᓂ ᓯᐊᕐᕆᔭᐅᑎᖃᕐᓗᓂ ᑕᑭᔪᓂᒃ ᖁᑭᐊᓂᖅ, ᐅᓪᓚᓚᐅᕐᓗᓂ ᖁᑭᐊᓂᖅ.

ᐃᓕᓐᓂᐊᕐᓂᖅ ᖁᕕᐊᓇᑦᓯᐊᓚᐅᖅᐳᖅ, ᑭᓯᐊᓂ ᖁᕕᐊᒋᓛᕆᓚᐅᖅᑕᕋ ᑕᐃᒪᓐᓇ ᐃᓱᒪᖅᓱᖅᑎᑕᐅᓕᕌᖓᑉᑕ, ᑲᑎᑦᓯᖃᑦᑕᖅᖢᑕᓗ ᓄᑖᓂᒃ ᐱᖃᓐᓇᖅᑖᕆᓂᐊᖅᑕᑉᑎᓐᓂᒃ − ᑕᐃᑲᓂ ᐅᓇᑕᖅᑐᒃᓴᖑᐊᓛᖅᑕᖃᖅᐳᖅ ᐊᒥᓱᓂᒃ ᓇᑭᑐᐃᓐᓇᖅ ᑲᓇᑕᒥᑦ.”

ᑎᐊᕈ ᐊᖑᑎᖑᐊ, ᐅᑭᐅᓕᒃ 14- ᓂᒃ, ᐃᖃᐃᓕᓴᕐᓂᕐᒧᑦ ᐊᒻᒪ ᐃᖃᐃᓕᓴᐅᑎᓂᒃ ᐱᓐᖑᐊᕈᑎᓂᒃ ᐃᓕᓐᓂᐊᓚᐅᖅᐳᖅ Cold Lake−ᒥ.

ᐊᖑᑎᖑᐊ ᐅᖃᓚᐅᖅᐳᖅ ᐃᓄᓪᓚᕆᑐᐊᖑᓚᐅᕋᒥ ᑕᐅᓇᓂ ᐃᓕᓐᓂᐊᖅᑎᑕᐅᑎᓪᓗᒋᑦ.

ᐅᖃᓚᐅᖅᖢᓂᓗ ᐱᓇᓱᐊᕈᓯᓄᑦ ᐱᖓᓱᓄᑦ ᖁᕕᐊᓇᓚᐅᕐᓂᖓᓄᑦ ᐊᒃᓱᕈᕐᓇᖅᖢᓂᓗ ᖁᕕᐊᒋᑦᓯᐊᖅᖢᓂᒋᓪᓗ ᓄᑖᓂᒃ ᐱᖃᓐᓇᖅᑖᓚᐅᕋᒥ ᐊᓯᖏᓐᓂᑦ ᑲᓇᑕᒥᐅᑕᓂᒃ.

ᐊᐅᓚᑎᑕᐅᖏᓐᓇᐅᔭᖃᑦᑕᓚᐅᖅᐳᒍᑦ,” ᐅᖃᓚᐅᖅᐳᖅ ᐊᖑᑎᖑᐊ.

ᐱᓕᕆᐊᖃᓗᐊᓚᐅᖅᖢᑕᓗ ᓵᑯᕐᓂᕐᒥᒃ ᐊᒻᒪ ᐹᔅᑭᑉᐹᕐᓂᕐᒥᒃ ᓵᑯᕐᓂᖅ ᖁᕕᐊᒋᓛᕆᓚᐅᖅᖢᒍ.

ᖁᕕᐊᒋᑦᓯᐊᓚᐅᖅᖢᒋᓪᓗ ᑕᒪᕐᒥᒃ ᐃᓕᓐᓂᐊᕈᑎᒋᔭᐅᖃᑦᑕᖅᑐᑦ ᐃᖃᐃᓕᓴᖃᑦᑕᕋᒪ, ᐊᒻᒪ ᖁᕕᐊᒋᔭᖃᖅᓗᖓᓗ ᐃᓕᓐᓂᐊᕐᓂᕐᒥᒃ ᑕᒪᐃᓐᓂᒃ ᒪᓕᒃᑕᐅᒋᐊᖃᖅᑐᓂᒃ ᐊᔾᔨᒌᖏᑦᑐᓂᒡᓗ ᓵᑯᕐᓗᓂ ᐹᔅᑭᑉᐹᕐᓗᓂᓗ.”

ᑐᖏᓕᐊᓂ ᐊᕐᕌᒍᒥ ᐅᓇᑕᖅᑐᒃᓴᖑᐊᓛᖑᓕᖅᑐᑦ ᒫᒃ ᑭᖑᒃ, 12 ᐊᒻᒪ ᔩᒻᔅ ᐊᓚᕋᒃ, 13, ᐱᓇᓱᐊᕈᓯᓄᑦ ᒪᕐᕉᖕᓄᑦ ᐃᓕᓐᓂᐊᓚᐅᖅᐳᖅ ᕙᐃᑦᕼᐅᐊᔅᒥ ᖃᓄᑐᐃᓐᓇᖅ.

ᑭᖑᒃ ᐅᖃᓚᐅᖅᐳᖅ ᖁᕕᐊᒋᓚᐅᕋᒥᒋᑦ ᑕᒪᕐᒥᒃ ᐃᓕᓐᓂᐊᕈᑎᑦ, ᑭᓯᐊᓂ ᖃᔭᖅᑐᕐᓂᖅ ᖁᕕᐊᒋᓛᕆᓚᐅᖅᖢᓂᐅᒃ.

ᐅᖃᓚᐅᖅᐳᖅ ᖁᕕᐊᓇᑦᓯᐊᓚᐅᕐᓂᖓᓄᑦ ᐃᓕᓐᓂᐊᖅᖢᓂ ᖃᔭᖅᑐᑦᓯᐊᕆᐊᒃᓴᖅ.

ᐅᓇᑕᖅᑐᒃᓴᐅᔭᖃᑦᑕᓚᐅᖅᐳᒍᓪᓗ ᑕᐃᑲᓂ, ᖃᓄᐃᒃᓴᖏᑦᖢᖓᓗ ᑕᐃᒪᓐᓇ,” ᐅᖃᓚᐅᖅᐳᖅ ᑭᖑᒃ.

ᐃᓕᓐᓂᐊᖅᑎᑦᓯᔨᑦ ᐊᔪᖏᑦᓯᐊᓚᐅᖅᖢᑎᒃ ᖁᕕᐊᒋᓚᐅᖅᖢᒋᓪᓗ ᐱᓐᖑᐊᑦᓯᐊᕆᐊᖃᕐᓂᕐᒥᒃ ᖃᓄᖓᓴᖃᑦᑕᖏᓪᓗᓂ ᐅᖃᐅᓯᖃᖃᑦᑕᓚᐅᕐᒪᑕ ᓵᓚᐅᒐᓗᐊᕐᓗᓂ ᖃᓄᐃᒃᓴᖃᑦᑕᕆᐊᖃᖏᓐᓂᕐᒥᒃ.

ᐊᓚᕋᕐᒧᑦ ᖁᕕᐊᒋᓛᖃᓚᐅᕐᓂᕋᖅᐳᖅ ᖁᑭᐊᖃᑦᑕᕐᓂᕐᒥᒃ.

ᐅᖃᓚᐅᖅᖢᓂᓗ ᖁᑭᖅᓯᒍᓂᖅᓴᐅᓕᕋᒥ ᐊᔪᖏᓴᐃᓐᓇᕐᓂᐊᖅᖢᓂᓗ.

ᐊᔪᖏᑦᓯᐊᕈᒪᕗᖓ ᖁᑭᖅᓯᒍᓐᓇᑦᓯᐊᕈᒪᑉᓗᖓ, ᐅᓇᑕᖅᑐᒃᓴᖑᐊᓛᑦ ᑕᐃᒪᓐᓇ ᖁᑭᐊᓗᑎᒃ ᓵᓚᒃᓴᐅᑎᖃᑦᑕᐅᑎᓕᕌᖓᑕ ᐃᓚᐅᖃᑕᐅᒍᒪᑉᓗᖓ,” ᐅᖃᓚᐅᖅᐳᖅ.

ᖃᐅᔨᒪᓚᐅᖏᒃᑯᓗᐊᖅᐳᖓ ᐃᒡᓕᐅᕆᐊᒃᓴᖅ ᐋᓐᓂᐊᕐᕕᖕᒥ ᐃᒡᓕᖅᑎᑐᑦ ᕿᐱᖏᑦ ᐃᓕᐅᖃᖃᑦᑕᕐᓗᒋᑦ, ᖃᐅᔨᒪᓕᖅᐳᖓ.

ᓇᐅᔮᓂ ᐅᓇᑕᖅᑐᒃᓴᖑᐊᓛᑦ 3055 RCACC 12-ᓂᒃ ᐃᓚᓕᐅᑎᔪᖃᓚᐅᖅᐳᖅ ᐊᕐᕌᒍᒥ ᐊᑐᖅᑐᒥ ᑕᐃᒪᖓᓂᑦ ᐃᓕᓐᓂᐊᖅᑎᑕᐅᓚᐅᖅᖢᑎᒃ. ᐅᓇᑕᖅᑐᒃᓴᖑᐊᓛᑦ ᐊᐅᓪᓚᖅᑎᑦᓯᖃᑦᑕᖅᖢᑎᒃ 25-ᓂᒃ ᐊᐅᔭᒃᑯᑦ ᐊᕐᕌᒍᑕᒫᑦ.