Skip to content

ᐊᖅᐱᖕᓂᒃ ᐱᐊᖃᕐᓂᖅ?

ᐊᖅᐱᑦ ᒪᒪᖅᖢᑎᒃ ᖃᒃᑲᓐᓂᒐᓚᒃᑐᑦ, ᒪᒪᕆᔭᐅᓪᓗᑎᒡᓗ ᓄᓇᕗᒥᐅᓄᑦ, ᐱᐊᖑᖅᑎᑕᐅᑐᐃᓐᓇᕆᐊᖃᖅᐳᑦ ᒧᕆ ᑲᒥᑕ ᑲᔪᓯᑦᓯᐊᕈᓂ.

ᒧᕆ ᑲᒥᑕ, ᓄᓇᖃᖅᑐᖅ ᖁᕐᓗᕐᑐᒥ, ᑭᖑᓪᓕᖅᐹᖑᕗᖅ ᐃᓚᐅᖃᑕᐅᓪᓗᓂ ᓵᓚᒃᓴᐅᑎᖃᑦᑕᐅᑎᓂᕐᒧᑦ Innis & Gunnᑯᓐᓄᑦ ᓄᑖᒥᒃ ᑎᒥᖃᖅᑐᒥᒃ ᐊᔾᔨᐅᖏᑦᑐᒥᒃ ᐱᐊᓕᐅᕐᓂᕐᒧᑦ.

ᑲᒥᑕ 8ᒋᔭᐅᖃᑕᐅᓪᓗᓂ ᑲᓇᑕᒥᐅᑕᖅ ᓵᓚᒃᓴᐅᑎᖃᑦᑕᐅᑎᖃᑕᐅᕗᑦ ᑖᒃᑯᓄᖓ ᓯᑳᔅᓯᒥᐅᑕᓄᑦ ᐱᐊᓕᐅᖅᑎᓄᑦ Innis & Gunn, ᑯᓐᓄᑦ ᕿᓂᕐᒪᑕ ᐱᐊᓕᐊᕈᑎᒃᓴᒥᒃ ᓂᐅᕕᖅᑕᐅᔪᓐᓇᕐᓂᐊᖅᑐᒥᒃ ᓇᓂᑐᐃᓐᓇᖅ ᑲᓇᑕᒥ ᐊᕐᕌᒍ.

ᑲᒥᑕ ᐃᖑᓚᓪᓗᓂ ᑕᒪᒃᑯᓂᖓ ᐊᖅᐱᖕᓂᒃ ᐊᒻᒪ ᒪᒪᖅᑐᓂᒃ ᐱᑦᓯᓂᒃ, ᖃᐅᔨᒪᔭᐅᓪᓗᓂᓗ ᑕᐃᒪᓐᓇ ᓰᕐᓇᖅᑐᑦ ᐊᖅᐱᓪᓗ ᐱᑦᓯᓪᓗ. ᑕᒪᓐᓇ ᐱᐅᒋᔭᐅᓚᐅᖅᖢᓂ ᖃᐅᔨᓴᖅᑐᓄᑦ ᑕᐃᑲᓂ – Innis & Gunn's ᐱᒋᐊᖅᑎᑦᓯᓚᐅᖅᓯᒪᔪᒧᑦ ᐱᐊᓕᐅᖅᑎᓪᓚᕆᒃ Dougal Gunn Sharp – ᓂᕈᐊᖃᑕᐅᓚᐅᖅᖢᓂᓗ ᑭᖑᓪᓕᖅᐹᖑᓪᓗᓂ ᐆᒃᑐᖅᑕᐅᖃᑕᐅᓂᖓᓄᑦ.

“ᖁᕕᐊᓇᑦᓯᐊᖅᐳᖅ,” ᐅᖃᓚᐅᖅᐳᖅ ᑲᒥᑕ. “ᐅᐱᓚᐅᖅᐳᖓ.”

ᑕᐃᒪᓐᓇ ᓵᓚᒃᓴᐅᑎᖃᑦᑕᐅᑎᓂᕐᒧᑦ ᐃᓚᐅᓚᐅᓯᒪᖏᑦᖢᓂ, ᖃᐅᔨᓚᐅᖅᐳᖅ ᐱᐊᓕᐅᕐᓂᖅ ᐊᒃᓱᕈᕐᓇᕐᓂᖓᓄᑦ ᑕᖅᑭᐅᓚᐅᖅᑐᒥ Facebookᑯᑦ, ᐆᒃᑐᓚᐅᖅᖢᓂ ᐊᖅᐱᖕᓂᒃ – ᖃᐅᔨᒪᔭᐅᓪᓗᑎᒃ ᐃᓄᖕᓄᑦ ᑕᒪᒃᑯᐊ ᐊᖅᐱᑦ – ᓯᕗᓪᓕᖅᐹᒥ ᐱᒋᐅᓚᐅᖅᖢᓂ ᖁᕐᓗᖅᑑᒥ.

“ᑕᐃᒪᓐᓇ ᐃᓱᒪᒋᓚᐅᕋᒃᑯ,” ᐅᖃᓚᐅᖅᐳᖅ ᑕᐃᒪᓐᓇ ᐊᖅᐱᖕᓂᒃ ᐱᐅᓕᐅᕈᑎᒃᓴᐅᒐᕐᓂᖏᓐᓄᑦ ᐱᓇᓱᐊᖃᑕᐅᓚᐅᖅᖢᓂ ᐊᖅᐱᓪᓗ/ᐱᑦᓯᓪᓗ ᑲᑎᑕᐅᓯᒪᓪᓗᑎᒃ.

ᑕᐃᒪᓐᓇ ᐊᖅᐱᖅᑐᓚᐅᖏᑉᐳᖅ ᐊᖅᐱᑦ ᐊᓐᓂᕆᔭᐅᓂᖏᓐᓄᑦ ᐱᑕᖃᓗᐊᖏᓐᓂᖏᓐᓄᑦ.

“ᕿᓚᒥᑯᓗᒃ ᐊᐅᔭᐅᓲᖑᖕᒪᑦ ᐱᒍᒪᔭᐅᓯᑎᐅᓪᓗᑎᒡᓗ (ᐊᖅᐱᑦ). ᐃᓄᐃᑦ ᓄᓂᕙᒋᐊᖅᐸᒃᐳᑦ ᐊᖅᐱᖅᓯᐅᖅᖢᑎᒃ ᓱᓕ ᐱᔭᒃᓴᐅᓚᐅᖏᓐᓂᖏᓐᓂ ᐱᐊᓚᓗᐊᖅᑐᒃᑯᑦ ᐱᔭᐅᓇᓱᐊᖅᐸᖕᒪᑕ,” ᐅᖃᓚᐅᖅᐳᖅ. “ᐃᓄᐃᑦ ᖃᐅᔨᒪᔭᖃᖅᑐᒃᓴᐅᓪᓗᑎᒃ ᓇᓂ ᐊᖅᐱᖅᓯᐅᕐᓂᐊᕐᓂᕐᒥᒃ ᑕᒫᓂ... ᓇᖕᒥᓂᖅ ᒪᕐᕉᖕᓂᒃ ᐊᖅᐱᖅᓯᐅᓚᐅᖅᓯᒪᕗᖓ.”

ᓵᓚᒃᓴᕐᓂᐊᖅᑐᖅ ᓂᕈᐊᖅᑕᐅᓂᐊᖅᖢᓂ ᑕᒡᕙᓂ ᑕᖅᑭᒥ ᓂᕈᐊᕐᓂᐊᕐᒪᑕ ᑭᒃᑯᑐᐃᓐᓇᐃᑦ Innis & Gunn ᖃᕆᑕᐅᔭᖏᑦᑎᒍᑦ ᑐᑭᓯᒋᐊᕈᑎᒃᓴᖏᑦᑎᒍᑦ. ᓵᓚᒃᓴᐅᑎᖃᕐᓂᐊᖅᑐᖅ ᓯᑳᓪᓚᓕᐊᕐᒥᐊᖅᐳᖅ ᐳᓚᕋᕐᓗᓂ ᐱᐊᓕᐊᕐᕕᖕᒥᒃ Innis & Gunn ᐱᐊᓕᐊᕐᓂᐊᖅᖢᓂᓗ ᐱᖃᑎᖃᕐᓗᓂ Sharp.

ᓵᓚᒃᓴᑐᐃᓐᓇᕆᐊᒃᓴᖅ ᖁᕕᐊᓱᒃᐳᑦ ᑲᒥᑕ.

“ᑲᒪᓇᕋᔭᖅᐳᖅ ᐅᓂᒃᑳᕆᓗᒍ,” ᐅᖃᓚᐅᖅᐳᖅ. “ᐊᑏᑦ ᐃᓕᔭᐅᖃᓯᐅᑎᓗᓂ ᐱᐊᓕᐊᕐᓄᑦ. ᖁᕕᐊᓇᑦᓯᐊᕐᓂᐊᖅᐳᖅ,” ᐅᖃᓚᐅᖅᐳᖅ ᐊᓂᖏᒃ ᒪᕐᕉᖕᓂᒃ ᐃᒥᐊᓗᕕᖃᕐᒪᑕ ᑐᕌᓐᑐᒥ ᐊᒻᒪ ᐃᓕᒐᔭᕋᒥᐅᑦ ᑕᒪᓐᓇ ᐱᐊᓕᐊᓂ ᐊᓂᖏᑦᑕ ᓂᐅᕕᕐᕕᖓᓄᑦ.”

ᓯᑲᓪᓚᓕᐊᖃᑕᐅᓗᓂ ᐅᐱᓐᓇᕋᔭᖅᖢᓂᓗ.

“ᓯᑳᑦᓯᒪᐅᖃᑕᐅᒐᒪ. ᓯᑲᓪᓚᓕᐊᓚᐅᖅᓯᒪᓪᓗᖓᓗ ᖁᕕᐊᓇᕋᔭᖅᐳᖅ ᑕᐃᒪᓐᓇ ᑕᑯᔭᖅᑐᕐᓗᒋᓪᓗ ᐊᑖᑕᑦᓯᐊᒃᑯᒪ ᐱᕈᕐᕕᒋᓚᐅᖅᓯᒪᔭᖏᑦ.”