ᐊᖁᓐᓂᐅᔪᒥ ᓄᑖᖑᔪᒥ ᐃᓕᓐᓂᐊᕐᓂᐅᔪᒥ

by Darrell Greer- May 16, 2018

ᐱᓕᕆᐊᖑᔪᖅ, ᓱᓕ ᐱᒋᐊᓕᓵᕐᓂᖓᓂ, ᐊᑭᓕᖅᓱᐃᕙᓪᓕᐊᕗᖅ ᐊᖏᔪᓂ ᑮᓇᐅᔭᓕᐅᖅᑕᐅᓂᖏᓐᓂ ᑕᒪᑐᒪᓂ ᐃᓕᓐᓂᐊᕐᓂᕐᒧᑦ ᐊᕐᕌᒍᖓᓐᓂ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐊᕐᕕᐊᓂᑦ.

ᐃᓕᓴᐃᔩᑦ ᐊᖓᔪᖅᑳᖓ ᕉᒥᐆ ᕗᐊᓐᓇᐃ ᐅᖃᓚᐅᖅᐳᖅ ᐱᔪᓐᓇᖅᑎᑦᑎᓕᕐᓂᖅ ᐃᓕᓐᓂᐊᖅᑎᓂᑦ ᐅᕘᓇ ᐃᓄᑐᖃᖅᑎᒍᑦ ᐃᓕᓐᓂᐅᕐᓂᐅᔪᒥ ᐊᒻᒪ ᖃᐅᔨᒪᓂᖅᓴᓄᑦ ᐃᓕᓐᓂᐊᖅᑎᑦᑎᓕᐅᔪᒥ (ESTEEM) ᐱᓕᕆᐊᖑᔪᖅ ᑲᑐᔾᔭᐅᓪᓗᓂ ᐊᒃᓱᕈᕈᑕᐅᕗᖅ ᐅᑯᓇᓂ ᑕᒪᒃᑭᓂ ᐃᓄᖕᓄᑦ ᐊᒻᒪ ᖃᓪᓗᓈᓄᑦ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᕐᕕᖕᒥ.

ᓯᐊᕈᓪ ᓂᑉᒍᐊᓯ ᐅᖃᓕᒫᖅᐳᖅ ᑎᑎᕋᖅᓯᒪᓂᐅᔪᒥ ᐃᓄᒃ ᐊᒻᒪ ᓯᕿᓂᖅ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ (JAHS) ᐊᕐᕕᐊᓂᑦ ᑕᖅᑭᐅᓚᐅᖅᑐᒥ. ᐃᓕᓐᓂᐊᖅᑏᑦ ᐊᖏᓂᖅᓴᒥ ᐅᖃᐅᓯᒃᓴᖃᒃᑲᓐᓂᖅᑎᑕᐅᓕᖅᐳᑦ ᐃᓕᓐᓂᐊᕐᕕᐅᑉ ᒥᒃᓴᓄᑦ ᐅᕘᓇ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖓᑕ ᓄᑖᖑᔪᒥ ᐱᔪᓐᓇᖅᑎᑦᑎᓕᕐᓂᖅ ᐃᓕᓐᓂᐊᖅᑎᓂᑦ ᐅᕘᓇ ᐃᓄᑐᖃᖅᑎᒍᑦ ᐃᓕᓐᓂᐅᕐᓂᐅᔪᒥ ᐊᒻᒪ ᖃᐅᔨᒪᓂᖅᓴᓄᑦ ᐃᓕᓐᓂᐊᖅᑎᑦᑎᓕᐅᔪᒥ ᐱᓕᕆᐊᖑᓂᐅᔪᒥ.
Cheryl Nibgoarsi reads the script of Inuk and the Sun at John Arnalukjuak High School (JAHS) in Arviat in April of 2018. Students have greater input into school affairs under JAHS’s new ESTEEM program. photo courtesy of Gord Billard

ᐱᓕᕆᐊᖑᔪᖅ ᐃᓱᒪᒋᔭᐅᓚᐅᖅᐳᖅ ᐃᖅᑲᓇᐃᔭᖅᑎᐅᔪᑦ ᐃᓱᒪᒃᓴᖅᓯᐅᕆᑎᓪᓗᒋᑦ ᐱᓕᕆᔾᔪᓯᐅᔪᓂ ᐊᖏᒡᓕᒋᐊᖅᑎᑦᑎᓂᕐᒧᑦ ᐃᓕᓐᓂᐊᕐᕕᖕᒥ ᐅᐸᑦᑎᐊᖃᑦᑕᕐᓂᐅᔪᒥ ᐊᒻᒪ ᐃᓱᒪᒃᓴᖅᓯᐅᕆᓚᐅᖅᐳᑦ ᖃᓄᐃᒻᒪᑦ ᐃᓕᓐᓂᐊᖅᑎᒥ ᐃᓕᓐᓂᐊᕈᒪᓇᔭᕐᓂᖓᓂ, ᐅᖃᓚᐅᖅᐳᖅ.

ᑐᕌᖓᓂᐅᔪᖅ ᐅᕙᑦᑎᓐᓂ ᑐᓂᓯᓚᐅᖅᐳᖅ ᐃᓱᒪᒃᓴᖅᓯᐅᕈᑎᒃᓴᓂᑦ ᐊᒻᒪ ᐱᕕᒃᓴᖃᕐᓂᕐᒧᑦ ᐃᖅᑲᐅᒪᓂᕐᒧᑦ ᑭᓱᓂ ᐊᑐᐃᓐᓇᖃᖅᑎᑦᑎᓂᑦᑎᓐᓂ ᐃᓕᓐᓂᐊᖅᑎᑦᑎᓐᓄᑦ,” ᐅᖃᓚᐅᖅᐳᖅ ᕗᐊᓐᓇᐃ. “ᐃᓕᓐᓂᐊᖅᑎᐅᓐᓂᕈᒪ, ᑭᓱᒥᑦ ᐅᐸᒍᑎᖃᕈᒪᓇᔭᖅᐳᖓ ᐅᕗᖓ ᐃᓕᓐᓂᐊᕐᕕᖕᒧᑦ? ᖃᓄᐃᑦᑐᓂ ᐱᓕᕆᐊᖑᔪᓂ ᐅᕙᓐᓂᑦ ᐃᑲᔪᕋᔭᖅᐸᑦ ᖁᓱᓂᑉᒧ ᐊᑲᐅᙱᓕᐅᕈᑎᖃᕈᒪ ᐊᒃᓱᕈᕈᑕᐅᔪᓂᓪᓘᓐᓃᑦ ᐅᖃᓕᒫᕐᓂᓐᓄᑦ ᓇᐃᓴᐅᓯᕆᓂᕐᒧᓪᓘᓐᓃᑦ – ᐅᕙᓘᓐᓃᑦ ᐅᓇ ᐃᓕᓐᓂᐊᕐᕕᒃ ᐅᕙᓐᓂ ᐃᑲᔪᖅᓱᐃᔪᓐᓇᕋᔭᖅᐸ ᐊᑐᕐᓂᖃᕈᒪ ᐃᓚᖏᓐᓂ ᐊᒃᓱᕈᕈᑕᐅᔪᓄᑦ ᐃᓕᓐᓂᐊᕐᕕᐅᑉ ᓯᓚᑖᓂ?”

ᑕᐅᑐᒃᑕᑐᐊᖃᑲᐃᓐᓇᓕᓚᐅᖅᐳᒍᑦ ᐃᓕᓐᓂᐊᖅᑏᑦ ᐱᔭᕆᐊᓕᖏᓐᓂ, ᐅᓇᑐᐃᓐᓇᐅᙱᑦᑐᒥ ᐃᓱᒪᓇᓱᐊᕐᓂᕐᒧᑦ ᐱᓕᕆᓂᐅᔪᓂ ᐊᔭᐅᕆᓂᕐᒧᑦ ᐃᓗᐊᓄᒃᑲᓐᓂᖅ,” ᐅᖃᒃᑲᓐᓂᓚᐅᖅᐳᖅ.

ᓴᓇᓚᐅᖅᐳᑦ ᐱᔪᓐᓇᖅᑎᑦᑎᓕᕐᓂᖅ ᐃᓕᓐᓂᐊᖅᑎᓂᑦ ᐅᕘᓇ ᐃᓄᑐᖃᖅᑎᒍᑦ ᐃᓕᓐᓂᐅᕐᓂᐅᔪᒥ ᐊᒻᒪ ᖃᐅᔨᒪᓂᖅᓴᓄᑦ ᐃᓕᓐᓂᐊᖅᑎᑦᑎᓕᐅᔪᒥ ᐱᓕᕆᐊᖑᔪᒥ ᐃᓕᓐᓂᐊᖅᑏᑦ ᐱᔪᓐᓇᖅᓯᕚᓪᓕᕈᓐᓇᕐᓂᕐᒧᑦ ᐊᒻᒪ ᑲᑎᙵᓂᖃᕐᓗᑎᒃ ᐃᓕᖅᑯᓯᖓᓐᓄᑦ ᐊᒻᒪ ᐃᓄᑐᖃᖏᓐᓄᑦ, ᐅᖃᓚᐅᖅᐳᖅ.

ᐃᓕᓐᓂᐊᖅᑎᑦᑎᓐᓂ ᐱᔪᒪᔭᕗᑦ ᕿᒪᐃᒍᑎᒃ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᓯᕗᓕᐅᖅᑎᙳᕐᓗᑎᒃ ᓄᓇᓕᖕᓂ ᐊᒻᒪ ᑕᒪᒃᑭᓂ ᓄᓇᕗᒻᒥ ᐊᒻᒪ ᑲᓇᑕᒥ ᑭᒡᓕᐅᔪᓄᑦ,” ᐅᖃᓚᐅᖅᐳᖅ ᐳᐊᓐᓇᐃ.

ᐊᔾᔨᐅᙱᑦᑐᒥ ᐃᓕᓐᓂᐊᖅᑎᒧᑦ-ᑐᕌᖓᓂᖃᖅᑐᒧᑦ ᐊᒻᒪ ᐊᒃᓱᕈᖅᓯᒪᔪᒥ-ᐅᖃᐅᔾᔨᓂᐅᔪᒥ ᐱᔪᓐᓇᖅᑎᑦᑎᓕᕐᓂᖅ ᐃᓕᓐᓂᐊᖅᑎᓂᑦ ᐅᕘᓇ ᐃᓄᑐᖃᖅᑎᒍᑦ ᐃᓕᓐᓂᐅᕐᓂᐅᔪᒥ ᐊᒻᒪ ᖃᐅᔨᒪᓂᖅᓴᓄᑦ ᐃᓕᓐᓂᐊᖅᑎᑦᑎᓕᐅᔪᒥ ᐱᓕᕆᐊᖑᔪᖅ ᓴᖅᑭᑎᑦᑎᓯᒪᕗᖅ ᖁᑦᑎᒋᐊᖅᓯᓂᐅᔪᒥ ᑕᒪᐃᑎᒍᑦ ᐅᐸᑦᑎᐊᖃᑦᑕᕐᓂᐅᔪᒥ ᐊᒻᒪ ᐱᐅᔪᒥ ᐊᒃᑐᐃᓂᖃᖅᐳᖅ ᖃᔅᓯᒐᓚᖕᓄᑦ ᐊᑐᓂ ᐃᓕᓐᓂᐊᖅᑎᐅᔪᓄᑦ.

ᕗᐊᓐᓇᐃ ᐅᖃᓚᐅᖅᐳᖅ ᑐᓂᓯᓂᕐᒥ ᐊᓯᐊᒎᖅᑐᒥ ᐃᓂᒃᓴᖃᖅᑎᑕᐅᓂᕐᒥ ᑭᐅᔾᔪᑎᐅᕗᖅ ᑕᐃᒃᑯᓄᖓ ᐃᓕᓐᓂᐊᖅᑎᐅᔪᓄᑦ ᐊᒃᓱᕈᕈᑎᖃᖅᑐᓄᑦ ᐃᓕᓐᓂᐊᕐᕕᐊᕈᓯᖏᓐᓂᑦ – ᑎᑎᕋᕐᕕᓕᐊᖅᑎᑕᐅᙱᖔᖅᖢᑎᒃ ᐊᒻᒪ ᐊᖓᔪᖅᑳᖏᑦ ᐅᖃᓗᒡᕕᐅᓇᑎᒃ – ᐊᒻᒪ ᑐᓂᓯᓪᓗᓂ ᐃᓂᐅᔪᒥ ᐱᕙᓪᓕᐊᑎᑦᑎᔪᓐᓇᕐᓂᖏᓐᓂ ᑲᒪᒋᔭᖃᕈᓐᓇᖅᓯᓂᐅᔪᒥ ᐊᔪᙱᓐᓂᐅᔪᓂᑦ ᐊᒻᒪ ᐃᓕᑦᑎᓗᑎᒃ ᖃᓄᖅ ᐃᒻᒥᓂᒃ-ᐊᐅᓚᑦᑎᑦᑐᓐᓇᕐᓂᖏᓐᓂ.

ᐊᑕᐅᓯᖅ ᐊᖏᓛᖑᔪᒥ ᐃᓚᒋᔭᐅᔪᒥ ᐱᓕᕆᐊᖑᔪᒥ ᐱᓕᒻᒪᒃᓴᕐᓂᖅ ᐱᓕᕆᕕᐅᕗᖅ, ᕗᐊᓐᓇᐃ ᐅᖃᓚᐅᖅᐳᖅ ᓲᕐᓗ ᐃᒡᓗᑉ ᐃᓄᖃᕐᕕᒋᔭᖓᑎᑐᑦ ᐃᓂᐅᔪᖅ ᐃᓕᓐᓂᐊᕐᕕᖕᒥ.

ᐱᓕᕆᕕᒃ ᐊᑦᑎᖅᑕᐅᓯᒪᕗᖅ ᐃᓄᐃᑦ ᐱᓐᓇᕆᔭᖏᓐᓂ ᐊᔪᙱᓐᓂᐅᔪᓂ ᐱᔪᓐᓇᕐᓂᐅᔪᓄᑦ ᐊᒻᒪ ᐋᖅᑭᒋᐊᑦᑎᐊᖅᓯᓂᐅᔪᒥ.

ᐃᓕᓴᐃᔩᑦ ᐊᖓᔪᖅᑳᖓᑕ ᑐᖓᓕᖓ, ᓈᓐᓯ ᐅᓗᐊᑦᓗᐊᒃ, ᐃᓱᒪᒋᔭᖃᓚᐅᖅᑐᒥ ᐊᑎᖓᓐᓂ ᓴᙱᔪᒥ ᐃᒃᐱᒍᓱᖕᓂᖃᓚᐅᕐᒪᑦ ᐅᓇ ᐊᓯᐊᒎᖅᑐᒥ ᐃᓂᐅᔪᖅ ᐃᓂᐅᓪᓗᐊᖅᐳᖅ ᐃᓕᓐᓂᐊᖅᑏᑦ ᐱᔪᓐᓇᕋᔭᕐᓂᖏᓐᓂ ᐃᓅᓯᕐᒧᑦ ᐊᔪᙱᓐᓂᐅᔪᓂ ᐱᔭᕆᐊᓕᒥᓂᑦ,” ᐅᖃᓚᐅᖅᐳᖅ ᕗᐊᓐᓇᐃ. “ᓴᓇᓯᒪᕗᖅ ᐃᓂᐅᓪᓗᓂ ᐃᓕᓐᓂᐊᖅᑎᓄᑦ ᐃᑲᔪᖅᓱᐃᓂᖅᑖᕈᓐᓇᕐᕕᒋᔭᖓᓐᓂ ᐱᔭᕆᐊᓕᖏᓐᓂ ᑲᒪᒋᔭᖃᕈᓐᓇᕐᓂᕐᒧᑦ ᐊᒃᓱᕈᕈᑎᒋᔭᒥᓂᑦ ᐊᒻᒪᓗ, ᐊᒻᒪᑦᑕᐅᖅ, ᑕᐅᑐᒃᑕᑐᐊᖃᑲᐃᓐᓇᕈᓐᓇᕐᓗᑎᒃ ᐃᓕᓐᓂᐊᕈᑎᒥᓂᑦ, ᐊᙳᑎᓇᓱᐊᕐᓗᑎᒃ ᐱᓕᕆᐊᒃᓴᒥᓂᑦ ᐊᒻᒪ ᐱᔭᕇᖅᓯᓇᓱᐊᕐᓂᕐᒧᑦ ᐱᓕᕆᑦᑎᐊᕈᓐᓇᕐᓂᐊᕐᒪᑕ ᐃᓕᓐᓂᐊᕐᓂᖏᓐᓂ.”

ᐊᑕᐅᓯᖅ ᐃᓕᓐᓂᐊᖅᑎᐅᔪᖅ ᐃᓕᓐᓂᐊᕆᐊᖃᑦᑕᙱᓯᒪᔪᖅ ᐅᐸᓚᐅᖅᐳᖅ ᕗᐊᓐᓇᐃᒧᑦ ᖃᐃᖁᔨᓪᓗᓂ ᐃᓕᓐᓂᐊᖅᑎᐅᔪᒧᑦ ᐊᒻᒪ ᐃᓚᒌᖏᓐᓂ ᑕᑯᑎᑦᑐᒪᓪᓗᓂᒋᑦ ᐃᓂᐅᔪᒥᑦ ᐊᒻᒪ ᐅᓂᒃᑲᐅᑎᓪᓗᓂᒋᑦ ᐊᑲᐅᓂᐅᓂᐅᔪᓂᑦ, ᐃᓚᖃᖅᑐᒥ ᒪᕐᕈᓪᓗᐊᓂ ᐃᖅᑲᓇᐃᔭᖅᑎᐅᔪᓄᑦ ᐃᓂᒋᔭᖓᓐᓃᓪᓗᑎᒃ, ᓇᐅᑦᑎᖅᓱᖅᐸᒡᓗᑎᒃ ᐃᒡᓗᕈᓯᐅᔪᒥ ᖃᖓᓕᒫᑦᑎᐊᒃᑯᑦ.

ᐃᓕᓐᓂᐊᖅᑎ ᐅᑎᓚᐅᖅᐳᖅ, ᐅᐸᒃᒐᔪᒃᖢᓂ ᐃᒡᓗᕈᓯᐅᔪᒥ ᐊᒻᒪ ᐱᓕᕆᖃᑎᖃᖅᖢᓂ ᒥᐊᓂᖅᓯᔨᐅᔪᒧᑦ ᐃᓅᓯᓕᕆᔨᐅᔪᒧᑦ ᐊᒻᒪ ᐃᓕᓴᐃᔩᑦ ᐊᖓᔪᖅᑳᖓᑕ ᑐᖓᓕᐊᓂ.

ᖁᕕᐊᑉᐳᖓ ᐅᖃᕐᓂᕐᒧᑦ ᐃᓕᓐᓂᐊᖅᑎᐅᔪᖅ ᐃᓗᐊᓃᓚᐅᕐᓂᖓᓂ ᐊᓯᐊᒎᖅᑐᒥ ᐃᓂᐅᔪᒥᑦ ᖃᐅᑕᒫᒥ ᓱᒃᑲᐃᑦᑐᒥ ᑐᒃᓯᕋᖅᐸᓪᓕᐊᓂᖓᓂ ᐅᑎᖅᐸᓪᓕᐊᓂᕐᒧᑦ ᐃᓕᓐᓂᐊᕐᕕᐊᕈᓯᕐᒧᑦ, ᐊᒻᒪ ᒫᓐᓇ ᑐᕌᖓᓂᖃᑦᑎᐊᖅᐳᖅ ᐃᓱᓕᑦᑎᓛᓕᕐᓂᖓᓂ,” ᐅᖃᓚᐅᖅᐳᖅ ᕗᐊᓐᓇᐃ.

ᐅᑯᐊ ᒥᑭᑦᑐᑦ ᐱᓕᕆᑦᑎᐊᕐᓂᕐᒧᑦ ᐅᓂᒃᑲᐅᓯᐅᔪᑦ – ᐊᒻᒪᓗ ᖃᔅᓯᐊᕐᔪᖕᓂ ᑕᐃᒪᐃᓯᒪᔪᒥ ᑕᒪᑐᒪᓂ ᐊᕐᕌᒎᔪᒥ – ᐱᔪᓐᓇᖅᑎᑦᑎᕗᖅ ᐃᖅᑲᓇᐃᔭᖅᑎᓂᑦ ᑕᑯᓂᖏᓐᓂ ᐱᕙᓪᓕᕈᑕᐅᔪᓂᑦ ᐱᓕᕆᐊᖑᔪᓂ ᑕᐃᒪᐃᖏᓐᓇᕐᓂᐊᕐᓂᖓᓄᑦ ᓯᕗᓂᒃᓴᒧᑦ, ᐅᖃᓚᐅᖅᐳᖅ.

Leave a Comment: