ᐅᔭᖅᑲᑦ ᑲᒪᑎᑦᑎᕗᑦ ᓴᓪᓕᒥᐅᓂᑦ ᐲᕖ ᑭᖑᓪᓕᖅᐹᖅᓯᐅᑎᖏᓐᓂ

by Darrell Greer- March 15, 2018

ᑲᖏᖅᖠᓂᕐᒥ ᐅᔭᖅᑲᑦ A ᐱᙳᐊᖅᑎᖏᑦ ᓵᓚᐅᕐᔪᐊᓕᓚᐅᖅᐳᑦ ᐱᒋᐊᓪᓚᒃᑲᓐᓂᐅᓕᖅᑎᓪᓗᒋᑦ ᐊᒻᒪ ᐱᓪᓗᑎᒃ ᓴᙱᔪᐊᓗᐃᑦ ᐲᕖ ᒪᓚᖃᕐᓂᐅᔪᒥ ᑲᖏᖅᖠᓂᕐᒥ ᒫᔾᔨ 4-ᖑᑎᓪᓗᒍ.

ᐅᔭᖅᑲᑦ ᓵᓚᐅᓚᐅᖅᐳᑦ ᑕᒪᐃᓐᓄᑦ ᐊᕐᕕᐊᕐᒥᐅᑕᓄᑦ ᐊᒻᒪ ᓴᓪᓕᓄᑦ ᐊᒥᖅᑳᖃᑦᑕᐅᑎᓂᐅᔪᒥ ᐃᓚᖓᓐᓂ ᐱᙳᐊᕐᓂᐅᔪᓂᑦ ᑭᓯᐊᓂ ᓵᓚᖃᓚᐅᖅᐳᑦ ᐊᕐᕕᐊᓂ ᑭᖑᓪᓕᖅᐹᑉ ᓯᕗᓂᐊᓂ ᖃᓄᐃᓕᐅᕐᓂᐅᔪᒥ ᐅᑎᓚᐅᖅᑳᕋᑎ 4-1 ᐃᓚᑰᓂᐅᔪᒥᑦ ᓵᓚᖃᖅᖢᑎᒃ ᓴᓪᓕᒥᐅᓂᑦ 5-4-ᒥ ᖁᕕᐊᓇᕐᔪᐊᖅᑐᒥ ᒎᓗᒧᑦ ᐅᔭᒥᖕᒧᑦ ᐱᙳᐊᕐᓂᐅᔪᒥᑦ.

Craig Collier presents Ramsey Eetuk of Coral Harbour with the Best Goalie award at the Powerful Peewees championship in Rankin Inlet on March 4, 2018.
ᑯᕋᐃᒡ ᑳᓕᐅᕐ ᑐᓂᓯᕗᖅ ᕌᒻᓯ ᐃᑦᑐᕐᒧᑦ ᓴᓪᓕᕐᒥᐅᑕᒥᑦ ᐃᓯᖅᑎᑦᑕᐃᓕᒪᑦᑎᐊᓂᖅᐹᖑᔪᒧᑦ ᓵᓚᖃᐅᓯᐅᒥᑦ ᓴᙱᔪᓂ ᐲᕖᓂ ᓵᓚᖃᕋᓱᐊᕐᓂᐅᔪᒥ ᑲᖏᖅᖠᓂᕐᒥ ᒫᔾᔨ 4-ᖑᑎᓪᓗᒍ.

ᐊᕐᕕᐊᑦ ᐱᓚᐅᖅᐳᑦ ᑲᓐᓄᔭᐅᔭᕐᒥ ᖃᓄᐃᓐᓂᐅᔪᒥ.

ᐅᔭᖅᑲᑦ A ᐊᖓᔪᖅᑳᖓ ᐊᔪᕆᖅᓱᐃᕙᒃᑐᓄᑦ ᑕᐃᕕᑦ ᑲᓛᒃ ᐅᖃᓚᐅᖅᐳᖅ ᖁᕕᐊᓇᕈᓘᔭᓚᐅᖅᐳᖅ ᐅᔭᖅᑲᑦ A ᐱᙳᐊᖅᑎᐅᔪᓄᑦ ᐅᑎᕐᔭᖅᖢᑎᒃ ᒪᕐᕉᔪᓂᑦ ᐊᒥᖅᑳᖃᑦᑕᐅᑎᔪᓄᑦ ᓵᓚᐅᓂᐅᔪᓄᑦ ᐊᒻᒪᓗ ᑕᐃᑯᙵᓗᒃᑕᖅᖢᑎᒃ ᓵᓚᖃᕋᓱᐊᕐᓂᕐᔪᐊᖑᔪᒧᑦ.

ᐱᔾᔪᑎᒋᓇᓱᒋᕙᕋ ᐱᔪᒪᓂᐅᔪᒥ ᓵᓚᖃᕈᒪᓂᕐᒧᑦ ᐊᒻᒪᓗ ᖃᐅᔨᒪᓂᕐᒧᑦ ᖃᓄᖅ ᐱᙳᐊᖅᐸᖕᓂᖏᓐᓂ ᐱᙳᐊᕐᓂᕐᔪᐊᖑᔪᓂᑦ, ᐱᓗᐊᖅᑐᒥ ᐃᓄᒋᐊᕐᔪᐊᖅᑐᓂᑦ, ᒪᕐᕉᓪᓗᑎᒃ ᐱᔾᔪᑎᕐᔪᐊᖑᓂᖏᓐᓂ ᐅᑎᕈᓐᓇᓚᐅᕐᓂᑦᑎᓐᓂ ᐅᕙᓂ ᓵᓚᖃᕋᓱᐊᕐᓂᐅᔪᒥ,” ᐅᖃᓚᐅᖅᐳᖅ. “ᑭᕙᓪᓕᕐᒥ ᕼᐋᑭᕐᓂᖅ ᐆᒻᒪᕆᕐᔪᐊᕐᓂᐅᕗᖅ… ᖃᓄᐃᓐᓂᐅᔪᒥ ᐱᙳᐊᖅᑎᑦᑎᓐᓂ, ᑲᓴᖓᑎᓪᓗᑎᑦ 4-1-ᒧᑦ ᑭᖑᓪᓕᖅᐹᖓᓂ ᐊᒻᒪ ᐅᑎᕐᓗᑎᒃ ᓵᓚᖃᕐᓂᕐᒧᑦ – ᓵᓚᒃᓴᖅᑎᐅᓪᓗᑎᒃ ᒪᕐᕉᖕᓂ ᐊᖑᑎᓂᒃ ᐃᓚᑰᓪᓗᑎᒃ – ᑕᐃᒪᐃᓲᖑᑐᐃᓐᓇᙱᑦᑐᖅ. ᐃᑲᕐᕋᒐᓵᓗᖕᓂ ᐊᒻᒪ ᐸᕐᓇᐃᓂᐅᔪᒥ ᐊᔪᕈᖅᓱᐃᕙᒃᖢᓂ ᐱᙳᐊᖅᑎᐅᔪᓂᑦ, ᐊᒻᒪᓗ ᐊᓕᐊᓇᐃᑉᐳᖅ ᐃᑲᔪᕐᓂᖃᕐᓂᖓᓂ ᐱᙳᐊᕐᔪᐊᕐᓂᐅᔪᒥ ᑕᐃᒪᐃᑦᑐᒥᑦ.”

ᑲᓛᒃ ᐅᖃᓚᐅᖅᐳᖅ ᓇᓗᓇᕈᓐᓃᓚᐅᖅᐳᖅ ᐊᒥᖅᑳᖃᑦᑕᐅᑎᔪᓂᑦ ᐱᙳᐊᕐᓂᐅᔪᒥ ᐊᕐᕕᐊᑦ, ᓴᓪᓕᑦ ᐊᒻᒪ ᑲᖏᖅᖠᓂᖅ A ᐱᙳᐊᕐᓂᖏᓐᓂ ᖁᑦᑎᖕᓂᖅᓴᐅᔪᒥ ᑭᒡᓕᐅᔪᒥ ᖃᒪᓂᑦᑐᐊᕐᒥ, ᓇᐅᔮᑦ ᐊᒻᒪ ᑲᖏᖅᖠᓂᕐᒥ ᐅᔭᖅᑲᑦ B-ᒥᑦ.

ᓵᓚᖃᕋᓱᐊᕐᓂᐅᔪᖅ ᓱᓕ ᑕᑯᒃᓴᐅᓂᖃᓚᐅᖅᐳᖅ ᖃᔅᓯᒐᓚᖕᓂ ᐱᐅᓂᐅᔪᓂᑦ, ᓵᓚᖃᕋᓱᐊᕐᓂᐅᔪᒥ ᖃᓄᐃᓕᐅᕐᓂᑦᑎᐊᕚᓘᓂᖓᓂ, ᐅᖃᓚᐅᖅᐳᖅ.

ᑭᕙᓪᓕᕐᒥ ᓄᑕᖅᑲᐃᑦ ᖃᐅᔨᒪᑦᑎᐊᖅᐳᑦ ᐱᙳᐊᕆᐊᒃᓴᖅ,”ᐅᖃᓚᐅᖅᐳᖅ ᑲᓛᒃ. “ᑕᒪᕐᒥᒐᓚᐃᑦ ᑲᖏᖅᖠᓂᕐᒧᐊᖃᑦᑕᖅᓯᒪᕗᑦ ᑕᐃᒪᙵᓂ ᐅᑭᐅᖃᖅᖢᑎᒃ 7-ᓂᑦ, ᑕᐃᒫᒃ ᖃᐅᔨᒪᕗᑦ ᑭᓱᓂᒃ ᓂᕆᐅᒋᐊᒃᓴᒧᑦ ᐊᒻᒪᓗ ᓇᓗᓇᕐᓂᑕᖃᙱᑦᑐᖅ ᒫᓐᓇᐅᓕᖅᑐᒥ ᖃᐅᔨᓴᖅᑎᐅᔪᓄᑦ ᐊᒻᒪᓗ ᒪᓕᒋᐊᓕᖏᓐᓄᑦ ᐱᙳᐊᕐᓂᐅᔪᒥ.”

ᑲᓛᒃᐅᖃᓚᐅᖅᐳᖅ ᑭᒡᓕᐅᔪᒥ ᐃᓯᖅᑎᑦᑕᐃᓕᒪᓂᐅᔪᒥ ᖁᒻᒧᒃᐸᓪᓕᐊᔫᔮᖅᐳᖅ ᐊᕕᒃᑐᖅᓯᒪᓂᐅᔪᒥ ᐊᒻᒪᓗ ᖃᔅᓯᐊᕐᔪᖕᓂ ᐅᔾᔨᕐᓇᕐᔪᐊᖅᑐᓂ ᐃᓯᖅᑎᑦᑕᐃᓕᒪᔨᐅᔪᓂ ᓴᙱᔪᐊᓗᐃᑦ ᐲᕖ ᓵᓚᖃᕋᓱᐊᕐᓂᐅᔪᒥ.

ᑲᓛᒃ ᐅᖃᓚᐅᖅᐳᖅ ᕼᐋᑭᖅᑎᕋᓛᑦ ᑭᕙᓪᓕᕐᒥ ᑕᑯᒃᓴᐅᓂᖃᖅᐳᑦ ᖃᔅᓯᒐᓚᖕᓂ ᓄᑕᖅᑲᓂᑦ ᖁᕕᐊᒋᔭᖃᓪᓚᑦᑖᖅᑐᓂ ᐱᙳᐊᕐᓂᐅᔪᒥᑦ.

ᐅᖃᓚᐅᖅᐳᖅ ᕼᐋᑭ ᐃᓕᖅᑯᓯᙳᖅᓯᒪᓕᖅᐳᖅ ᐊᕕᒃᑐᖅᓯᒪᓂᐅᔪᒥ ᐊᒻᒪᓗ ᖁᕕᐊᒋᔭᖃᓪᓚᑦᑖᕐᓂᖓᓂ ᐊᒻᒪ ᐊᓕᐊᓇᐃᒋᔭᐅᑦᑎᐊᕐᓂᖓᓂ ᐱᙳᐊᕐᓂᐅᔪᒥ ᒪᕐᕉᓪᓗᑎᒃ ᓇᓗᓇᐃᒃᑯᑕᐅᕗᑦ ᑭᕙᓪᓕᕐᒥ ᕼᐋᑭᖅᑎᕋᓛᖑᔪᓄᑦ.

Leave a Comment: