ᐃᓄᒃ ᐊᒻᒪ ᓯᕿᓂᖅ

by Darrell Greer- June 13, 2018

ᐊᓕᐊᓇᐃᒋᔭᓕᑦ ᖁᙱᐊᖅᑕᐅᓂᐅᔪᓂ ᑕᑯᒃᓴᐅᑎᑦᑎᕕᐅᓚᐅᖅᐳᑦ ᖁᙱᐊᖅᑕᐅᓂᕐᔪᐊᖑᔪᒥ ᐃᓄᒃ ᐊᒻᒪ ᓯᕿᓂᕐᒥ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᖁᙱᐊᖅᑕᐅᓲᓄᑦ ᑲᑎᙵᓂᐅᔪᓄᑦ ᑕᒪᑐᒪᓂ ᐱᓇᓱᐊᕈᓯᐅᓚᐅᖅᑐᒥ ᐊᕐᕕᐊᓂᑦ.

ᐱᐅᒋᔭᐅᕐᔪᐊᖅᑐᒥ ᐅᖃᐅᓯᐅᓯᒪᓂᖓᓂ ᐱᓕᕆᔨᒻᒪᕆᐅᔪᓄᑦ ᐊᒻᒪ ᓄᓇᕐᔪᐊᓕᒫᒥ ᐱᓕᕆᑦᑎᐊᖅᑐᐊᓗᖕᒥ ᕼᐊᓄᕆ ᐸᐃᓱᓪᒧᑦ ᐅᓂᒃᑲᐅᓯᐅᓯᒪᕗᖅ ᐱᓕᕆᑦᑎᐊᖅᑕᐅᑦᑎᐊᓗᖕᒥ ᐃᓚᖏᓐᓂ ᓄᓇᕐᔪᐊᖑᔪᒥ ᖁᙱᐊᖅᑕᐅᕙᒃᑐᓄᑦ, ᐊᒻᒪᓗ ᐊᕐᕕᐊᕐᓂ ᐱᙳᐊᖅᑎᐅᔪᑦ ᑭᐅᓚᐅᖅᐳᑦ, ᐊᒻᒪ ᖄᖏᐅᑎᓪᓗᑎᒃ, ᑐᑭᒧᐊᒃᑎᑦᑎᔨ ᒍᐊ ᐱᓛᑦ ᓂᕆᐅᕐᓂᕆᔭᖏᓐᓂ ᖁᙱᐊᖅᑕᐅᓂᖏᓐᓄᑦ, ᐅᖃᓚᐅᖅᑐᒥ ᖁᙱᐊᖅᑕᐅᓂᐅᔪᖅ “ᐱᐅᕐᔪᐊᓚᐅᖅᐳᖅ.”

ᐃᓄᒃ (ᓯᐊᕈᓪ ᓂᑉᒍᐊᕐᓯ), ᓴᐅᒥᖕᒥ, ᐹᖅᓯᕗᖅ ᐊᓄᕆᐅᑉ ᑕᕐᓂᖓᓂ (ᕕᓕᑉ ᐅᑲᑦᓯᐊᖅ) ᐊᒻᒪ ᑕᖅᑭᐅᑉ ᑕᕐᓂᖓᓂ (ᕋᓱᓪ ᓱᓗᒃ) ᒪᓕᖃᑦᑕᐅᑎᓪᓗᑎᒃ, ᓱᒃᑲᐃᓵᕆᕗᑦ ᐊᒻᒪ ᐃᑲᔪᖅᖢᓂᔾᔪᒃ ᐃᖏᕐᕋᓂᖓᓂ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᖁᙱᐊᖅᑕᐅᓲᓄᑦ ᑲᑎᙵᓂᐅᔪᓄᑦ ᓴᖅᑭᑎᑕᐅᓂᖓᓂ ᐃᓄᒃ ᐊᒻᒪ ᓯᕿᓂᕐᒥ ᐊᕐᕕᐊᓂ ᔫᓂ 7-ᖑᑎᓪᓗᒍ.
Inuk (Cheryl Nibgoarsi), from left, meets the Spirit of the Wind (Phillip Okatsiak) and the Spirit of the Moon (Russell Suluk) who, respectively, hinder and help him on his journey during the John Arnalukjuak High School Drama Club production of Inuk and the Sun in Arviat on June 7, 2018. photo courtesy Gord Billard

ᓯᕗᓪᓕᖅᐹᒥ ᐸᕐᓇᐅᑎᖃᓚᐅᖅᐳᖅ ᓴᖅᑭᑎᑕᐅᓂᐅᔪᒥ ᐊᑐᕈᒪᔪᓐᓃᓚᐅᖅᑕᖓᓂ ᐊᔪᕐᓇᙱᑦᑑᑎᓐᓇᓱᐊᕐᓂᕐᒧᑦ, ᐊᒻᒪ ᓅᓐᓂᐅᔪᖅ ᐱᓕᕆᑦᑎᐊᖅᑕᐅᓚᐅᖅᐳᖅ. ᐅᖃᓚᐅᖅᐳᖅ.

“ᓴᓇᙱᖔᖅᖢᑎᒃ ᐃᒡᓘᑉ ᐊᕙᓗᖓᓂ, ᐊᔾᔨᙳᐊᖃᓚᐅᖅᐳᒍᑦ ᐃᒡᓗᒥ ᓴᖅᑭᔮᖅᑎᑕᐅᔪᒥ ᑐᓄᐊᓂ ᐊᕙᓗᖓᓂ ᐊᒻᒪ ᐊᑐᓚᐅᖅᐳᖓ ᑕᕐᕆᔭᓕᐅᕐᓂᕐᒧᑦ ᑲᒪᓇᖅᑐᓂ ᐃᓚᓯᓂᕐᒧᑦ ᐊᒃᑐᐃᓂᐅᒐᓚᒃᑐᓂ ᓴᖅᑭᔮᖅᑎᑕᐅᓂᐅᔪᓂ ᓲᕐᓗ ᐃᑯᒪᒥ ᐃᑭᑦᑐᒥ ᐃᒡᓘᑉ ᐃᓗᐊᓂ ᐊᒻᒪ ᑕᐃᒪᐃᑦᑐᒐᓚᖕᓂ,” ᐅᖃᓚᐅᖅᐳᖅ ᐱᓛᑦ.

“ᐃᓕᓴᐃᔨᐅᖃᑎᒐ, ᓯᐊᕋ ᐳᕋᒃᓱᕙᐃᒍᕐ, ᐱᓕᕆᓕᒪᓂᖃᕐᔪᐊᖅᐳᖅ ᐱᓕᕆᓂᐅᔪᒥ ᐊᒻᒪᓗ ᐃᑲᔪᕐᓂᖃᕐᔪᐊᓚᐅᖅᐳᖅ ᐆᒧᖓ ᖁᙱᐊᖅᑕᐅᓂᐅᔪᒥ,” ᐅᖃᒃᑲᓐᓂᓚᐅᖅᐳᖅ. “ᐃᑲᔪᓚᐅᖅᐳᖅ ᓇᐅᒃᑯᓕᒫᑦᑎᐊᖅ, – ᐱᐅᓴᖅᑕᐅᓂᕐᒥ, ᐊᓐᓄᕌᕆᓂᐊᖅᑕᖏᓐᓂ, ᑐᕌᖅᑎᑦᑎᓂᕐᒧᑦ, ᐋᖅᑭᒋᐊᖅᓯᒃᑲᓐᓂᕐᓂᕐᒧᑦ, ᐱᖁᑎᕈᓘᔭᖏᓐᓂ-ᑕᓕᖅᐱᖕᒥ ᑕᓕᖅᑖᕆᓚᐅᖅᐸᕋ ᓴᖅᑭᑎᑦᑎᒥᐅᔪᒥ.”

ᐱᓛᑦ ᐅᖃᓚᐅᖅᐳᖅ ᓯᕗᓪᓕᖅᐹᖅ ᖁᙱᐊᖅᑕᐅᓂᐅᔪᖅ 90 ᒥᓂᑦ-ᐸᓘᓂᐊᓚᐅᕋᓗᐊᖅᐳᖅ, ᑭᓯᐊᓂ ᐃᒻᒥᓂᒃ ᐊᒻᒪ ᐳᕋᒃᓱᕙᐃᒍᕐ ᒥᒃᖠᒋᐊᓚᐅᖅᐸᖓᑦ ᐃᑲᕐᕋᒧᑦ ᐊᑕᐅᓯᑐᐊᒧᑦ ᖁᙱᐊᖅᑕᐅᓂᐅᔪᒧᑦ.

ᐃᓚᖏᑦ ᐱᙳᐊᖅᑕᐅᓂᐅᔪᒥ ᓇᓂᔭᖏᓐᓂ ᒪᕐᕈᐃᖅᓯᒪᔫᔮᖅᑐᓂ ᐊᑐᙱᑦᑐᓪᓘᓐᓃᑦ ᐲᖅᑕᐅᓚᐅᖅᐳᑦ ᐊᒻᒪ ᖃᓄᐃᓕᖓᓂᖓ ᖁᙱᐊᕐᓂᐅᓚᐅᖅᐳᖅ ᐊᔪᕐᓇᙱᓐᓂᖅᓴᐅᔪᒥ ᖁᙱᐊᕆᐊᒃᓴᖅ ᖁᙱᐊᖅᑐᓄᑦ.

“ᓯᐊᕈᓪ ᓂᑉᒍᐊᕐᓯ ᐱᙳᐊᓚᐅᖅᐳᖅ ᐱᙳᐊᖅᑎᐅᓛᖑᔪᒥ ᐃᓄᖕᒥ ᐊᒻᒪᓗ ᐱᓕᕆᑦᑎᐊᒃᑲᒻᒪᕆᐊᓘᓪᓗᓂ ᐃᒻᒥᓂᐅᓚᐅᖅᐳᖅ ᐱᙳᐊᕐᓂᐅᔪᒥ, ᑕᒪᕐᒥᓕᒫᓂ ᖁᙱᐊᖅᑕᐅᓂᐅᔪᒦᖦᖢᓂ, ᕼᐊᓐᓇᓚᒐᓚᖕᓂ ᕼᐊᓐᓇᓚᒐᓚᖕᓂᓗ ᐅᖃᕆᐊᖃᖅᑕᒥᓂᑦ ᐃᖅᑲᐅᒪᔭᕆᐊᓕᖏᓐᓂ ᐊᒻᒪ ᐱᓕᕆᑦᑎᐊᖏᓐᓇᖅᖢᓂ ᖁᙱᐊᖅᑕᐅᓂᖓᓂ.

“ᐋᓐᑎ (ᐃᕙᓗᐊᖅᔪ) – ᐱᓕᕆᓕᒪᓂᐅᒋᓪᓗᓂ ᖁᙱᐊᖅᑕᐅᓂᕐᒧᑦ ᐅᕙᓂ-ᐱᓕᕆᑦᑎᐊᕐᔪᐊᓚᐅᕆᕗᖅ ᐊᑐᕐᓂᖃᐅᑎᖏᓐᓂᑦ,” ᐅᖃᓚᐅᖅᐳᖅ ᐱᓛᑦ. “ᐋᓐᑎ ᑐᖁᓚᐅᖅᑎᓪᓗᒍ ᐊᑖᑕᐅᓪᓗᓂ, ᐅᑎᓚᐅᖅᐳᖅ ᑭᖑᓂᐊᒍᑦ ᐅᒥᖕᒪᙳᐊᖑᓪᓗᓂ ᐊᒻᒪᓗ ᐱᙳᐊᕐᓂᕆᓚᐅᖅᑕᖓ ᓯᙱᑦᑎᐊᕆᓚᐅᖅᐸᕋ.”

“ᐱᖠᑉ ᐅᑲᑦᓯᐊᖅ ᐊᒻᒪ ᕋᓱᓪ ᓱᓗᒃ ᑕᕐᓂᐅᓪᓗᑎᒃ ᐊᓄᕆᒧᑦ ᐊᒻᒪ ᑕᖅᑭᒧᑦ ᐊᖏᐸᓗᒃᑐᓂ ᐊᑐᕐᓂᖃᐅᑎᖃᓚᐅᕆᕗᑦ, ᐊᒻᒪᓗ ᓴᙱᕐᔪᐊᓚᐅᕆᕗᑦᑕᐅᖅ.”

ᖁᙱᐊᖅᑕᐅᓲᓄᑦ ᑲᑎᙵᓂᐅᔪᓄᑦ ᑎᓴᒪᓂ ᖁᙱᐊᖅᑕᐅᓂᖃᓚᐅᖅᐳᑦ ᐊᕐᕕᐊᓂ ᔫᓂ 5 ᐊᒻᒪ 6-ᒥ, ᒪᕐᕉᖕᓂ ᐃᓕᓐᓂᐊᕐᕕᖕᒥ ᖁᙱᐊᖅᑕᐅᓂᐅᓪᓗᑎᒃ ᒥᑭᓐᓂᖅᓴᐅᔪᒥ ᐊᒻᒪᓗ ᒪᕐᕉᒃ ᐅᓐᓄᐊᒃᑯᑦ ᖁᙱᐊᖅᑕᐅᓂᐅᓪᓗᑎᒃ ᐃᓄᓕᒫᓄᑦ.

ᐱᓛᑦ ᐅᖃᓚᐅᖅᐳᖅ ᐅᖃᐅᔾᔭᐅᓚᐅᖅᐳᖅ ᐃᓄᒃ ᐊᒻᒪ ᓯᕿᓂᖅ ᑲᒪᓇᖅᑑᓪᓗᓂ ᖁᙱᐊᖅᑕᐅᓂᐅᓚᐅᖅᐳᖅ ᑕᒪᕐᒥᑦᑎᐊᖅ ᐱᙳᐊᖅᑐᑦ ᓴᙱᔪᐃᓐᓇᐅᓚᐅᕐᒪᑕ.

Leave a Comment: