ᐃᒻᒥᖕᓂᑦ ᐃᓕᑦᑎᖃᑦᑕᐅᑎᓃᑦ

by Darrell Greer- May 9, 2018

ᖃᔅᓯᐊᕐᔪᖕᓂ ᖁᕕᐊᖅᑐᖃᓚᐅᖅᐳᖅ ᒥᒥᑯ ᑲᓇᑕᒥᐅᑕᓂᑦ ᒥᒥᑯ, ᐋᓐᑎᐊᕆᐅᒥ. ᕿᒪᐃᖕᒪᑕ ᑲᖏᖅᖠᓂᕐᒥ ᐅᓪᓗᓂᑦ-10-ᓂ ᓄᓇᓕᐅᔪᒥ ᐱᓇᓱᐊᕈᓯᐅᓚᐅᖅᑐᒥ.

ᒥᒥᑯ ᒪᒃᑐᑦ, ᐊᖓᔪᖅᑳᖏᓪᓗ ᐃᓚᐅᖃᑎᒋᔭᖏᓪᓗ ᑲᖏᖅᖠᓂᕐᒦᓚᐅᖅᑎᓪᓗᒋᑦ ᒪᕐᕈᖓᓂ ᓇᑉᐸᖓᓂ ᐅᐊᖕᓇᒥ ᑕᐅᖅᓰᓂᕐᒧᑦ ᐱᓕᕆᐊᖑᔪᒥ, ᑮᓇᐅᔭᖃᖅᑎᑕᐅᓪᓗᐊᑕᓚᐅᖅᑐᒥ ᐊᑐᖅᑕᐅᓂᑯᓂ ᑲᓇᑕᒥ ᐅᕘᓇ ᐃᑦᑕᕐᓂᓴᓕᕆᓂᕐᒧᑦ ᑲᓇᑕᒥ

Darrell Greer/NNSL photo
Members of the Mimico Canadiens try to keep warm on the sidelines while waiting for their pond hockey game to start on Williamson Lake as part of the Northern Exchange program between Mimico, Ont., and Rankin Inlet in Rankin on May 2, 2018.
ᐃᓚᒋᔭᐅᔪᑦ ᒥᒥᑯ ᑲᓇᑕᒥᐅᑕᓂᑦ ᓴᓂᕌᓂ ᐅᖅᑰᓇᓱᐊᕐᓂᕐᒧᑦ ᐅᑎᖅᑭᑎᓪᓗᒋᑦ ᑕᓯᕋᓈᒥ ᕼᐋᕿᕐᓂᕆᓂᐊᖅᑕᒥᓂᑦ ᐅᐃᓕᐊᒻᓴᓐ ᑕᓯᖓᓐᓂ ᐃᓚᒋᔭᐅᓪᓗᓂ ᐅᐊᖕᓇᒥ ᑕᐅᖅᓰᓂᐅᔪᒥ ᐱᓕᕆᐊᖑᔪᒥ ᒥᒥᑯ, ᐋᓐᑎᐊᕆᐅᒥ, ᐊᒻᒪ ᑲᖏᖅᖠᓂᕐᒥ ᒪᐃ 2-ᖑᑎᓪᓗᒍ.

ᒥᒥᑯ ᕼᐋᑭᒧᑦ ᐊᑖᑕᒋᔭᐅᔪᖅ ᐊᒻᒪ ᐊᔪᕆᖅᓱᐃᕙᒃᑐᖅ ᓖ ᐹᑯᕐ ᐅᖃᓚᐅᖅᐳᖅ ᓯᕗᓪᓕᖅᐹᒥ ᐃᓱᒪᓂᖓᓂ ᑲᖏᖅᖠᓂᕐᒥ ᑐᙵᓱᒃᑎᑕᐅᕐᔪᐊᕐᓂᖏᓐᓂ ᓄᓇᓕᐅᔪᒥᑦ.

ᐅᖃᓚᐅᖅᐳᖅ ᑕᒪᕐᒥ ᒥᒥᑯ ᑲᑎᙵᓂᐅᔪᑦ ᐊᖏᕐᕋᖅᓯᒪᔫᔮᓚᐅᖅᐳᑦ ᑎᑭᑐᐊᕋᒥᒃ ᑲᖏᖅᖠᓂᕐᒥ ᒥᑦᑕᕐᕕᖓᓐᓄᑦ.

ᓄᓇᓕᐅᔪᖅ ᐃᒻᒥᖕᓂ ᑲᔾᔮᕐᓇᖅᑐᐊᓗ – ᐃᓄᒃ, ᓯᓛᓗᖓ ᐊᒻᒪ ᑲᔾᔮᕐᓇᖅᑐᖅ ᑕᐅᑦᑐᖓ – ᑭᑯᓕᒫᑦ ᑲᑎᙵᓂᐅᔪᓂ ᐅᖃᐅᓯᖄᓂᒍᓐᓇᐃᓪᓕᓯᒪᕗᑦ ᑲᔾᔮᕐᓇᕐᓂᖓᓂ ᓄᓇᐅᕗᒥᑦ ᐊᒻᒪ ᐃᓄᖕᓂ ᐊᒻᒪ ᐅᕙᑦᑎᓐᓄᑦ ᑐᙵᓇᕐᓂᖏᓐᓄᑦ,” ᐅᖃᓚᐅᖅᐳᖅ ᐹᑯᕐ

ᕼᐋᑭᒐᓛᓲᖑᕗᒍᑦ ᒥᒥᑯᒥ ᐊᒻᒪ ᕼᐋᑭᒐᓛᓚᐅᖅᐳᒍᑦ ᐅᕙᓂ – ᕼᐋᑭᖅᑎᐅᕗᒍᑦ ᐊᒻᒪ ᑕᐃᒪᐃᓕᐅᓲᖑᕗᒍᑦ – ᐊᒻᒪᓗ ᑲᒪᕗᖓ ᑭᒡᓕᐅᓂᖓᓂ ᕼᐋᑭᒥᑦ ᐱᙳᐊᖅᑕᐅᓲᒥ ᑲᖏᖅᖠᓂᕐᒥ.

ᐊᒻᒪᓗ ᑲᒪᕗᖓ ᖃᓄᑎᒋ ᐊᓕᐊᓇᐃᒋᔭᐅᕐᔪᐊᕐᓂᖓᓂ – ᓄᓇᓕᓕᒫᖑᔫᔮᖅᑐᒥ – ᑭᓇᓕᒫᑦ ᐊᓕᐊᓇᐃᒋᔭᖃᕐᓂᖏᓐᓂ ᐱᙳᐊᕐᓂᐅᔪᒥ; ᐱᙳᐊᖅᑏᑦ, ᐊᖓᔪᖅᑳᑦ, ᐃᑲᔪᖅᓱᐃᔪᑦ; ᑕᒪᕐᒥᓗᑖᑦ ᐊᓕᐊᓇᐃᒋᔭᖃᑦᑎᐊᖅᑐᑦ ᐱᙳᐊᕐᓂᐅᔪᒥ.”

ᑕᐅᖅᓰᓂᐅᔪᖅ ᐱᓕᕆᐊᖑᔪᖅ ᐅᓇᑐᐊᖑᙱᑦᑐᖅ ᒪᕐᕉᖕᓂ ᑲᑎᙵᓂᐅᔪᓂ ᒪᒃᑐᓂ ᐱᙳᐊᖅᑎᓂᑦ ᐊᓯᖏᓐᓂᙶᖅᑐᓂ ᑲᓇᑕᒥ ᐱᙳᐊᖅᑐᓂ ᖃᔅᓯᐊᕐᔪᖕᓂ ᐱᙳᐊᕐᓂᖃᕐᓂᐅᔪᓂᑦ.

ᒃᑯᒃᑐᑦ ᐃᓚᐅᖃᑕᐅᔪᑦ ᐱᓕᕆᐊᖑᔪᒥ ᓴᖅᑭᔮᕐᕕᐅᕗᑦ ᓄᑖᖑᔪᒥ ᐃᓕᖅᑯᓯᐅᔪᒥ, ᐊᒻᒪ ᐱᕕᒃᓴᖃᖅᐳᑦ ᐅᓪᓗᓂ 10-ᓂ ᐊᕙᑎᐅᔪᒥ ᓯᓚᑖᓃᑦᑐᒥ ᓄᓇᒋᕙᒃᑕᒥᓂᑦ.

ᐋᓐᑎᐊᕆᐅᒥ ᒪᒃᑯᒃᑐᑦ ᐅᑭᐅᓖᑦ 10-ᓂ ᐊᒻᒪ 14-ᓄᑦ. ᐅᖃᖃᑎᖃᖅᓯᒪᕗᑦ ᓇᓕᒧᖃᑎᒥᓂᑦ ᑲᖏᖅᖠᓂᕐᒥ ᑕᐃᒪᙵᓂ ᐅᑎᓚᐅᕐᒪᑕ ᑐᕌᓐᑐᒥ ᑕᖅᑭᓪᓗᐊᖑᓕᖅᑐᓂ ᑎᓴᒪᓂᑦ; ᐅᖃᓘᑎᒥᓄᑦ ᐊᒻᒪ ᖃᕋᓴᐅᔭᑎᒍᑦ ᑲᑎᙵᖃᑎᖃᕐᓂᕐᒧᑦ.

ᐃᓚᒌᖑᔪᑦ ᐱᓕᕆᑦᑎᐊᖅᓯᒪᕐᔪᐊᖅᓯᒪᕗᑦ ᑭᓇᓕᒫᓂᒃ ᑐᙵᓱᒃᑎᑕᐅᓂᖏᓐᓂ, ᐊᖏᕐᕋᖅᓯᖅᑐᖃᑐᐊᖅᐸᑦ, ᕿᓚᒥᑯᓗᒃ ᐊᓯᐅᕙᓚᐅᖅᐳᖅ,” ᐅᖃᓚᐅᖅᐳᖅ. “ᐊᒥᓱᐃᑦ ᓄᑕᕋᕗᑦ ᐊᑐᓚᐅᖅᓯᒪᙱᓚᑦ ᓯᓚᒥ ᐃᓅᓯᐅᔪᒥ ᐊᖑᓇᓱᖕᓂᕐᒥ-ᐊᒻᒪ-ᐃᖃᓗᒐᓱᖕᓂᕐᒥ ᐊᔪᙱᓐᓂᐅᔪᓄᑦ. ᐃᓚᖓ ᐱᕐᔪᐊᖑᓂᐅᔪᒥ ᐱᕈᖅᓴᓪᓗᓂ ᑲᖏᖅᖠᓂᕐᒥ ᐱᓲᖑᒐᕕᑦ ᑕᒃᑯᓂᖓ ᐊᑑᑎᖃᑦᑎᐊᖅᑐᒥ ᐊᔪᙱᓐᓂᐅᔪᓂᑦ ᑭᓯᐊᓂ ᖃᐅᔨᒪᓂᖃᕐᓂᕐᒥ ᓄᓇᐅᑉ ᐊᑖᒎᕐᓂᐅᔪᒥ ᐃᖏᕐᕋᓂᐅᕙᒃᑐᒥ ᓱᕈᓯᖅ ᑲᖏᖅᖠᓂᕐᒥ ᖃᐅᔨᒪᓗᐊᕋᔭᙱᓚᖓᑦ ᓱᕈᓯᐅᔪᒥ ᑐᕌᓐᑐᒥ.”

ᐊᓕᐊᓇᐃᒻᒪᕆᒃᓯᒪᕗᖅ ᐃᓕᑦᑎᖃᑦᑕᐅᑎᓪᓗᓂ,” ᐅᖃᕆᐊᓪᓚᓚᐅᖅᐳᖅ.

ᐹᑯᕐ ᐅᖃᓚᐅᖅᐳᖅ ᓇᓕᐊᑐᐃᓐᓇᐃᑦ ᓄᓇᓕᐅᔪᑦ ᐊᐅᓪᓛᕐᓂᖃᕈᓐᓇᕋᔭᓚᐅᙱᓚᑦ ᑮᓇᐅᔭᖃᖅᑎᑕᐅᙱᒃᑯᑎᒃ ᐊᑐᕐᓂᑯᓂ ᑲᓇᑕᒥ.

ᑲᑐᔾᔨᖃᑎᒌᖑᔪᑦ ᑐᓂᓯᓚᐅᕆᕗᑦ ᐊᒥᓱᐊᓗᖕᓂ ᐃᓱᒪᒃᓴᖅᓯᐅᕈᑎᒃᓴᓂᑦ ᐊᒻᒪ ᐅᖃᐅᔾᔨᓂᐅᔪᓂ ᖃᓄᖅ ᐋᖅᑭᒃᓱᐃᓂᕐᒧᑦ ᐊᐅᓪᓛᕐᓂᕆᓂᐊᖅᑕᒥᓂᑦ, ᐅᖃᓚᐅᖅᐳᖅ.

ᐊᔾᔨᐅᙱᑦᑑᕗᖅ ᐊᒻᒪ ᐱᒻᒪᕆᐅᓪᓗᓂ ᑮᓇᐅᔭᖃᖅᑎᑦᑎᓂᐅᕗᖅ, ᐊᒻᒪᓗ ᖁᕕᐊᑦᑎᐊᖅᐳᖓ ᐱᑕᖃᕐᓂᖓᓂ ᐊᒻᒪᓗ ᐱᕕᒃᓴᖃᓚᐅᕐᓂᑦᑎᓐᓂ ᐃᓚᐅᖃᑕᐅᓂᕐᒧᑦ,” ᐅᖃᓚᐅᖅᐳᖅ.

Leave a Comment:

Your email address will not be published. Required fields are marked *