David talks, facts walk

by Darrell Greer- October 17, 2017

ᐃᓕᕿᑕᒫᖃᑦᑕᖅᐳᖓ ᐃᖕᒥᓄᑦ ᑕᑯᒑᖓᒪ ᐱᕙᓪᓕᐊᔪᓂ ᑎᑎᕋᖅᑕᐅᓯᒪᔪᓂᑦ ᐃᓄᖕᓄᑦ ᐃᓱᒫᓗᒍᑎᒋᔭᐅᔪᓂᒃ ᑏᕕᑦ ᓴᓱᑭᓗ ᖃᓄᖅ ᖃᐅᔨᒪᓂᖓ ᒪᓕᒃᑕᐅᑉᓗᑎᒃ ᐅᖃᐅᓯᕆᔭᐅᑉᓗᓂ ᐃᒪᓐᓇᐃᓕᐅᕆᐊᖃᖁᔨᓯᒪᓂᖓᓄᑦ.

Kivalliq News editor Darrell Greer.
Kivalliq News editor Darrell Greer.

ᑎᑎᕋᐅᓯᖃᖅᓯᒪᕗᖓ ᑕᐃᑉᓱᒪᓂ ᓴᓱᑭᒥᒃ ᐊᒻᒪ ᕌᓄ ᕼᐊᐃᑦᒥᒃ ᐱᔾᔪᑎᖃᖅᖢᑕ ᓂᐅᕕᖅᑕᐅᖃᑦᑕᖁᔨᖏᑦᖢᑎᒃ ᑕᒃᑯᓂᖓ ᐱᕈᖅᓯᐊᖑᓯᒪᔪᓂᒃ ᐃᖃᓗᖕᓂᒃ ᐃᖃᓗᑉᑕ ᐅᑭᐅᖅᑕᖅᑐᒥ ᐊᔾᔨᒐᓚᖏᓐᓂᒃ ᓵᒪᓐᓂᒃ.

ᓴᓱᑭ ᖃᐅᔨᓴᕈᑎᖃᕐᓂᕋᓚᐅᖅᓯᒪᕗᖅ ᑕᒪᒃᑯᐊ ᐱᕈᖅᓯᐊᖑᕙᒃᑐᑦ ᓵᒪᓐ ᐃᖃᓗᐃᑦ ᐱᔾᔪᑎᒋᑉᓗᒋᑦ ᐳᕆᑎᔅᑲᓚᑉᐱᐊᒥ ᐱᑕᖃᕐᓂᖏᓐᓄᑦ ᓂᕿᖏᑦ ᓱᕈᕐᓇᖅᑐᓂᒃ

polychlorinated biphenyls (PCBs) ᐊᒻᒪ ᐊᓯᖏᓐᓂᒃ ᑐᖁᓐᓇᖅᑐᓂᒃ ᐃᓗᓕᖃᕐᓂᖏᓐᓄᑦ, ᑭᓯᐊᓂ ᐱᕈᖅᓴᔭᐅᖏᑦᑐᑦ ᑕᕆᐅᕐᒥᐅᑕᐃᑦ ᓵᒪᓐ ᐃᖃᓗᐃᑦ ᖁᑦᓯᖕᓂᖅᓴᒃᑯᑦ ᐱᑕᖃᖅᐳᑦ ᑕᒪᒃᑯᓂᖓ ᕿᑉᓕᖅᑕᓂᒃ ᑎᒍᓇᓱᐊᖅᖢᒋᑦ ᐊᕕᑲᐅᑎᒋᕙᒃᑐᓂᒃ mercury.

ᑭᓯᐊᓂ, ᑕᐃᒪᖓᓂᑦ ᓴᓱᑭ 8ᑐᐃᓐᓇᕐᓂᒃ ᖃᐅᔨᓴᓚᐅᖅᓯᒪᕗᖅ ᐃᖃᓗᖕᓂᒃ, ᓱᕙᓕᑭᐊᖑᓚᐅᖅᖢᓂᓗ ᒥᑭᔪᒻᒪᕆᑯᓗᖕᒥᒃ ᖃᐅᔨᓴᓚᐅᕐᒪᑦ.

ᕼᐊᐃᑦᔅ ᓯᓚᕐᔪᐊᒥᐅᓄᑦ ᑐᓴᖅᑎᑎᓚᐅᖅᐳᖅ ᑕᒪᒃᑯᐊ ᑐᖁᓐᓇᖅᑐᑦ  PCBs ᑕᒪᒃᑯᓇᓂ ᐱᕈᖅᓴᔭᐅᓯᒪᔪᓂ ᐃᖃᓗᐃᓂ 8ᖏᖅᑕᖅᖢᑎᒃ ᐊᖏᓂᖅᓴᐅᓂᖓᓄᑦ ᑕᐅᓇᓂ ᐱᕈᖅᓴᔭᐅᔪᓂ ᐳᕆᑎᔅᑲᓚᑉᐱᐊᒥ.

ᑭᓯᐊᓂ ᐊᔾᔨᒌᖏᓐᓂᖃᓚᐅᖅᐳᑦ  0.0366 ppm (parts per million) ᐊᒻᒪ 0.0048 ppm, ᓱᕙᓕᑭᐊᖑᑉᓗᓂᓗ ᑕᐃᒪᓐᓇ ᖃᓄᐃᒐᔭᖏᒻᒪᑕ ᐃᖃᓗᐃᑦ ᑐᖁᓐᓇᖅᑐᖃᕋᓗᐊᕈᑎᒃ  2.0 ppm.

ᐱᕙᓪᓕᐊᔪᓕᕆᔨᒃᑯᑦ ᖃᐅᔨᑲᐅᑎᒋᑉᓗᑎᒃ ᑕᒪᒃᑯᐊ ᓈᓴᐅᑎᑦ ᐊᑐᖅᑕᐅᔪᒃ, ᑭᓯᐊᓂ, ᐊᒻᒪ ᐊᑐᓚᐅᖅᖢᑎᒃ ᑕᒪᒃᑯᓂᖓ ᑐᓴᒐᒃᓴᑎᒍᑦ ᑐᓴᖅᑕᐅᒍᒪᑦᓯᐊᖅᑐᓂᒃ ᖃᐅᔨᓴᕈᑎᖏᓐᓂᒃ ᓯᓚᕐᔪᐊᒥᐅᓄᑦ ᖃᐅᔨᒪᖁᔨᑉᓗᑎᒃ.

ᑭᒃᑯᑐᐃᓐᓇᐃᑦ ᐱᕈᖅᓴᖅᓯᒪᔪᓂᒃ ᐃᖃᓗᖕᓂᒃ ᓂᐅᕕᖁᔨᖃᑦᑕᖏᓕᑲᐅᑎᒋᑉᓗᑎᒃ ᐊᑭᕋᖅᑐᓕᑲᐅᑎᒋᑉᓗᑎᒃ ᑕᐃᒪᓐᓇᐃᓕᐅᖅᑐᓂᒃ, ᐅᖃᓚᐅᕋᓗᐊᖅᑎᓪᓗᒋᑦ ᑕᕆᐅᑉ ᐊᑭᐊᓂ ᐅᓗᕆᐊᓇᖏᒃᑲᓗᐊᕐᒪᖔᑕ ᓂᕿᑦ ᑎᒥᖁᑎᖏᑦ ᐅᖃᖅᓯᒪᒐᓗᐊᖅᑎᓪᓗᒋᑦ ᓂᕆᓗᒋᑦ ᖃᓄᐃᒍᑕᐅᒐᔭᖏᓐᓂᖏᓐᓄᑦ ᑎᒥᒧᑦ ᓱᓕ ᐱᐅᓂᖏᓐᓄᑦ ᑕᒪᒃᑯᐊ ᐱᕈᖅᓴᔭᐅᖏᑦᑐᑦ ᐃᖃᓗᐃᑦ ᐱᕈᖅᓴᖅᑕᐅᓯᒪᔪᓪᓗ ᐊᒻᒪ, ᑕᒡᕙᖓᑦ, ᐊᒥᐊᓕᑲᒥᐅᑦ ᐃᖢᐊᖅᓴᐃᔨᓕᕆᓂᕐᒧᑦ ᑎᒥᖓᑦ ᐅᓂᒃᑳᓚᐅᖅᖢᑎᒃ ᑕᒪᒃᑯᐊ ᐱᕈᖅᓴᔭᐅᓯᒪᔪᑦ ᐃᖃᓗᐃᑦ ᑎᒥᒧᑦ ᐱᐅᔪᖃᕐᓂᖏᓐᓄᑦ ᐊᑎᖃᖅᖢᓂ  omega-3 ᖁᐃᒃᑎᓴᐅᑎᖃᕐᓂᖏᓐᓄᑦ ᖁᑦᓯᖕᓂᖅᓴᒥᒃ ᑕᒪᒃᑯᐊ ᓱᕈᕐᓇᖅᑐᖃᖏᓐᓂᖅᓴᐅᑉᓗᑎᒃ, ᐱᓗᐊᖅᑐᒥᒃ ᒧᑯᕆᒥᒃ.

ᑕᒪᒃᑯᐊ ᐱᕈᖅᓴᔭᐅᓯᒪᖏᑦᑐᑦ ᐃᖃᓗᐃᑦ/ᐱᕈᖅᓴᔭᐅᔪᓪᓗ ᓂᐅᕙᐅᓛᒥᐅᑦ ᑕᕆᐅᖓᓂᒥᐅᑦ ᐃᖃᓗᐃᑦ/ᐱᕈᖅᓴᔭᐅᔪᓪᓗ ᐳᕆᑎᔅᑲᓚᑉᐱᐊᑉ ᑕᕆᐅᖓᓂᒥᐅᑦ ᐃᖃᓗᐃᑦ, ᖃᐅᔨᓴᖅᑕᐅᓯᒪᒐᓗᐊᕐᒪᖓᑕ ᐆᒃᑑᑎᒋᓗᒋᑦ, ᑕᒪᒃᑯᐊ ᖃᐅᔨᓴᖅᑕᐅᓚᐅᖅᑐᑦ ᐊᔾᔨᖏᖏᒃᑲᔭᖅᐸᖏᑦ, ᑕᒪᒃᑯᐊ ᓱᕈᕐᓇᖅᑐᖃᕐᓂᖅᓴᐅᒐᔭᖅᖢᑎᒃ ᐱᕈᓴᖅᑕᐅᓯᒪᖏᑦᑐᑦ ᐃᖃᓗᐃᑦ.

ᐱᕙᓪᓕᐊᔪᒃᑯᑦ ᐅᖃᖅᓯᒪᔪᖃᖃᑦᑕᓚᐅᖅᐳᖅ ᑕᒪᒃᑯᐊ ᐱᕈᖅᓴᔭᐅᓯᒪᔪᑦ ᐃᖃᓗᐃᑦ 90−ᐳᓴᓐ ᐅᓂᒃᑳᖅᑕᐅᓯᒪᔪᑦ, ᑳᓐᓱᑖᕈᑕᐅᔪᓐᓇᕐᓂᖏᓐᓄᑦ ᑕᐃᒪᓐᓇ ᖃᐅᔨᓴᖅᑕᐅᓯᒪᑉᓗᑎᒃ ᑕᐃᒪᓐᓇᐃᖏᒃᑲᓗᐊᖅᑎᓪᓗᒍ.

ᓴᓱᑭ ᐊᑭᕋᖅᑐᖁᔨᓗᐊᒧᑦ ᐱᕈᖅᓴᔭᐅᓯᒪᔪᓂᒃ ᐃᖃᓗᖕᓂᒃ ᓂᐅᕕᖅᑕᐅᖃᑦᑕᖁᔨᖏᑦᖢᓂ ᐃᑲᔪᖅᑕᐅᓚᐅᖅᐳᑦ ᐸᒥᓚ ᐋᓐᑐᓴᓐᒥᒃ  Pamela Anderson (ᐄ, ᐹᒥᓚ ᐋᓐᑐᓴᓐ) ᐃᓚᓕᐅᑎᑉᓗᓂ ᓂᐅᕕᖃᑦᑕᖁᔨᖏᑦᖢᓂ 2016-ᒥ.

ᓴᓱᑭ ᒫᓐᓇᓵᖑᓚᐅᖅᑐᒥ ᐅᖃᓚᐅᖅᐳᖅ ᑲᓇᑕ 25-ᒋᔭᐅᑉᓗᓂ ᐊᔪᖅᓴᖏᑦᓯᐊᖅᖢᑎᒃ ᐊᒃᓘᔫᑉᓗᓂ ᓄᓇᓕᐅᖃᑕᐅᑉᓗᓂ ᓄᑕᖃᓂᒃ ᑲᒪᑦᓯᐊᖅᑐᑦ, ᐱᔾᔪᑎᖃᖅᖢᑎᒃ ᐱᐅᖏᑦᑐᖃᖅᕙᐳᑦ ᐊᒥᖅᓵᖅᑐᕐᕕᖓᑦ ᐱᐅᖏᑦᑐᖃᕐᓂᖓᓄᑦ.

ᑭᓯᐊᓂ, ᖃᐅᔨᓴᕈᑕᐅᓯᒪᔪᑦ ᑖᒃᑯᓄᖓ ᓯᓚᑦᑐᖅᓴᕐᕕᒡᔪᐊᒃᑯᓐᓄᑦ  Fraser Institute –

ᐱᓕᕆᐊᖃᖅᖢᑎᒃ ᐱᓗᐊᖅᑐᒥᒃ ᑕᓪᓕᒪᓂᒃ ᐊᓂᖅᓵᖅᑐᕐᕕᑉᑎᓐᓂ ᓱᕈᕐᓇᖅᑐᓂᒃ ᐳᔪᕐᓗᖕᓂᒃ ᑕᐃᒪᖓᓂᑦ 1970-ᐅᓚᐅᖅᑐᒥᑦ ᐋᖅᑭᒃᐸᓪᓕᖅᓯᒪᓕᕐᒪᑦ ᓯᓚᕐᔪᐊᒥᓗ ᐊᓂᖅᓵᖅᑐᕐᕕᑉᑎᓐᓂᒃ ᖃᐅᔨᓴᑦᓯᐊᕐᓂᖅᓴᐅᑉᓗᑎᒃ.

ᖃᐅᔨᓐᓇᕈᑕᐅᓚᐅᖅᐳᖅ 70-ᐳᓴᓐ ᐅᖓᑖᓄᑦ ᑲᓇᑕᒥ ᖃᐅᔨᓴᕐᕕᒃ ᐊᓂᖅᓵᖅᑐᕐᕕᑉᑎᓐᓂᒃ ᓯᓚᒥᒃ ᑕᒪᒃᑯᐊ  ozone ᑕᖃᕐᓂᖓ ᖁᑦᓯᖕᓂᖅᓴᐅᓂᖓᓄᑦ ᐊᓂᖅᓵᖅᑐᕐᕕᒃᐳᑦ ᑕᐃᒪᖓᓂᑦ 1970-ᐅᓚᐅᖅᑐᒥᑦ, ᑭᓯᐊᓂ, 2015-ᖑᓕᖅᑎᓪᓗᒍ, ᑲᑕᒃᓯᒪᓂᖃᓕᕐᓂᖓᓄᑦ 16-ᐳᓴᒥᒃ.

ᐊᒻᒪ, 2000−ᓂᑦ 2015-ᒧᑦ, ᑕᒪᒃᑯᐊ ᓱᕈᕈᑕᐅᔪᓐᓇᖅᑐᑦ ᑕᑯᒃᓴᐅᑦᓯᐊᖏᑦᑐᑦ (ᐳᔪᖅ, ᑎᖕᒥᑳᖅᑐᑦ ᐳᓪᓚᖃᑦᑐᑦ) ᐱᐅᖏᑦᑑᓕᕈᑕᐅᔪᓐᓇᕐᒪᑕ ᐊᓂᖅᓵᖅᑐᕐᕕᒋᔭᑉᑎᓐᓄᑦ.

ᑕᒪᒃᑯᐊ ᐊᕙᑎᓂᒃ ᖃᐅᔨᓴᖅᑎᑦ ᖃᐅᔨᒪᑎᑦ ᖃᐅᔨᒋᐊᖃᓕᖅ ᓇᓂᓯᒋᐊᖃᓕᖅᐳᑦ ᐊᓯᖏᓐᓂᑦ ᖃᐅᔨᓴᖅᑎᕐᔪᐊᓂᒃ ᖃᐅᔨᓴᖅᑎᑦᓯᓗᑎᒃ, ᑖᓐᓇ ᓴᓱᑭ ᐊᑐᖅᑕᐅᖁᔭᒥᓂᒃ ᐊᑐᖅᑎᑦᓯᓇᓱᐊᖏᓐᓇᖃᑦᑕᕐᒪᑦ ᐃᓱᒫᓗᒍᑎᖃᖏᑦᖢᓂ ᑕᒪᒃᑯᓂᖓ ᖃᐅᔨᓴᓪᓚᑦᑖᖅᑕᐅᓚᐅᖅᓯᒪᖏᑦᑐᓂᒃ ᓱᓕᓪᓚᕆᒃᑐᒃᑯᑦ ᖃᐅᔨᓴᕈᑎᑦ.

Leave a Comment:

Your email address will not be published. Required fields are marked *