ᕼᐋᑭᖅᑎᑦ Wolves ᓵᓚᒃᓴᓚᐅᕐᓂᖏᑦ ᑲᖏᖅᖠᓂᕐᒥ

by Darrell Greer- January 30, 2018

ᐊᕐᕕᐊᓂ ᕼᐋᑭᖅᑎᑦ Arviat Wolves ᓯᕗᓪᓕᖅᐸᐅᑉᓗᑎᒃ ᑕᐃᒪᖓᓗᒃᑖᓂᑦ ᕼᐋᑭᖅᑎᖏᑦ Banta ᑲᖏᖅᖠᓂᕐᒥ ᔭᓐᓄᐊᕆ 21-ᖑᑎᓪᓗᒍ.

ᑖᒃᑯᐊ Wolves ᐃᓕᓐᓂᐊᖅᑎᑕᐅᖃᑕᐅᓚᐅᖅᖢᑎᒃ ᔭᓐᓄᐊᕆ 19-21-ᒧᑦ ᐱᔨ ᐆᓕᒧᑦ ᐊᒻᒪ ᐋᓐᑐᕈ ᖁᒃᓱᖕᒧᑦ.

ᑳᓚᓐ ᒪᒃᑯᖕᓂᖅᓴᖅ ᓱᓗᒃ ᖁᕕᐊᓱᒃᑐᖅ Bantam Rock ᓵᓚᒃᓴᐅᑎᖃᓚᐅᑎᓪᓗᒋᑦ ᑲᑉᒥᒃ ᐊᕐᕕᐊᒥᐅᑦ Arviat Wolves ᓵᓚᒃᓴᓚᐅᖅᖢᑎᒃ ᑲᖏᖅᖠᓂᕐᒥᐅᓂᒃ Rankin Rock 1-0 ᑲᖏᖅᖠᓂᕐᒥ ᓯᐊᕐᕆᔮᕐᕕᖕᒥ ᔭᓐᓄᐊᕆ 21-ᒥ.

ᐊᕐᕕᐊᒥᐅᑦ ᓵᓚᒃᓴᖅᖄᓚᐅᖅᐳᑦ ᓇᐅᔮᒥᐅᓂᑦ/ᐃᒡᓗᓕᒑᕐᔪᖕᒥᐅᓂᒡᓗ ᕿᑎᐊᓂ ᐱᓐᖑᐊᓚᐅᖅᖢᑎᒃ, ᑖᒃᑯᐊ Rock−ᑯᑦ ᓵᓚᒃᓴᓯᓚᐅᖅᖢᑎᒃ ᓴᓪᓕᕐᒥᐅᓂᒃ ᐊᓯᖏᓐᓂᒡᓗ.

ᐊᕕᒃᓯᒪᔪᑦ ᑲᖏᖅᖠᓂᕐᒥᐅᑕᐃᑦ ᖃᒪᓂ’ᑐᐊᒥᐅᑕᐃᓪᓗ ᐅᔭᒥᒃᑖᕋᓱᐊᖅᑐᓂ ᐃᓚᐅᓚᐅᖏᑉᐳᑦ.

ᐆᓕ ᐅᖃᓚᐅᖅᐳᖅ ᖃᐅᔨᒪᓚᐅᖃᒥ ᑖᒃᑯᐊ ᕼᐋᑭᖅᑎᑦ Wolves ᐊᒃᓱᕈᕐᓂᐊᕐᓂᖏᓐᓄᑦ ᑲᖏᖅᖠᓂᕐᒧᖓᐅᓗᑎᒃ. ᐅᖃᓚᐅᖅᖢᓂᓗ ᖃᐅᔨᒪᓚᐅᕋᒥᓗ ᐸᕐᓇᒃᓯᒪᓚᐅᕐᒪᑕ ᐱᓐᖑᐊᖅᑎᑦ ᐊᒃᓱᕈᖃᑦᑕᓚᐅᕐᒪᑕ ᐊᔪᖏᓴᓕᕌᖓᒥᒃ ᓄᖅᑲᓚᐅᖅᓯᒪᖏᑦᖢᑎᒡᓗ ᓯᐊᕐᕆᔮᖃᑕᐅᖃᑦᑕᓚᐅᕐᒪᑕ, ᐊᒻᒪ ᐊᔪᖏᓐᓂᖃᑦᓯᐊᓚᐅᖅᖢᑎᒃ.

ᓇᓗᖏᓕᓚᐅᖅᐳᖓ ᐱᓐᖑᐊᖃᑎᒋᑉᓗᒋᑦ ᓴᓪᓕᕐᒥᐅᑦ ᐲᖅᓯᖃᑦᑕᐅᑎᑉᓗᑕ,” ᐅᖃᓚᐅᖅᐳᖅ ᐆᓕ.

ᓵᓚᒋᔭᐅᓚᐅᖅᐳᒍᑦ ᓴᓪᓕᕐᒥᐅᓄᑦ, ᑭᓯᐊᓂ ᑕᐃᒪᓐᓇ ᖁᕕᐊᒋᔭᐅᓚᐅᕋᑉᑕ ᓵᓚᒃᓴᖁᔭᐅᑉᓗᑕᓗ ᐊᒃᓱᕈᓚᐅᖅᐳᒍᑦ.

ᖃᐅᔨᒪᓚᐅᖅᐳᒍᓪᓗ ᓵᓚᒃᓴᕈᓐᓇᕐᓂᑉᑎᓐᓄᑦ.

ᒪᕐᕈᐃᖅᑕᖅᖢᑕ ᓵᓚᒋᐅᓚᐅᖅᐳᒍᑦ ᓯᕗᓪᓕᕐᒥ ᐱᓐᖑᐊᖅᖢᑕ, ᐊᒻᒪ, ᑕᐃᒪ, ᖃᐅᔨᒪᓚᐅᖅᐳᒍᑦ ᑕᒪᐃᓐᓂᒃ ᐱᓐᖑᐊᖃᑎᖃᕈᓐᓇᕐᓂᕐᒧᑦ.”

ᐆᓕ ᐅᖃᓚᐅᖅᐳᑦ ᕼᐋᑭᖅᑎᑦ Wolves ᒍᓕᖃᑦᓯᐊᓚᐅᖅᐳᑦ ᐊᔪᖏᑦᓯᐊᖅᑐᒥᒃ ᐱᓐᖑᐊᕐᔪᐊᖅᑎᓪᓗᒋᑦ, ᐊᒻᒪ ᐱᓐᖑᐊᖅᑎᑦ ᐱᓐᖑᐊᓚᐅᖅᐳᑦ ᓴᓐᖏᔫᑦᓯᐊᖅᖢᑎᒃ.
ᐅᖃᓚᐅᖅᖢᓂᓗ ᖁᒃᓱᒃ ᐋᖅᑭᒃᓱᐃᓚᐅᖅᖢᓂᓗ ᐱᓐᖑᐊᕐᔪᐊᖅᑎᓪᓗᒋᑦ, ᑲᔪᓯᑦᓯᐊᖅᑎᑦᓯᓚᐅᖅᐳᖅ.

ᑕᒪᒃᑯᐊᓗ ᐱᓐᖑᐊᖅᑎᕗᑦ ᑭᐴᑎᖃᑦᑕᖅᖢᒋᑦ ᓯᕗᓕᖅᑎᑦ ᓴᐅᒥᐊᓂᒥᐅᑕᐅᓕᖅᖢᑎᒃ ᕿᑎᐊᓂᓗ ᑕᓕᖅᐱᐊᓂᓗ ᐊᒻᒪ ᑕᐃᒪᓐᓇ ᑲᔪᓯᑦᓯᐊᓚᐅᖅᐳᑦ.

ᑕᐅᑐᓚᐅᖅᖢᑕᓗ ᐊᓯᖏᓐᓂᒃ ᐱᓐᖑᐊᖅᑎᓂᒃ ᖃᓄᖅ ᐱᓐᖑᐊᕈᓯᖃᕐᓂᖏᓐᓄᑦ ᖃᐅᔨᓚᓱᐊᖅᖢᑕ, ᐊᒻᒪ ᓇᓕᐊᖕᓂᒃ ᐱᓐᖑᐊᖃᑎᖃᕐᓂᐊᕐᓂᖏᓐᓄᓪᓗ ᖃᐅᔨᓇᓱᐊᖅᖢᑕ ᑕᐃᒪᓐᓇᓗ ᑲᔪᑦᓯᐊᓚᐅᑦᐳᒍᑦ.

ᑐᑮᕈᑎᓚᐅᖅᐳᒍᑦ ᐅᑕᕿᑉᓗᑕ ᑭᖑᓪᓕᖅᐹᖅᓯᐅᓕᖅᑎᓪᓗᒋᑦ 10−ᒥᓂᑐᐃᓐᓇᐅᓕᖅᑎᓪᓗᒋᑦ ᐱᓐᖑᐊᕐᓂᐅᓂᐊᖅᑐᖅ, ᑭᓯᐊᓂ ᐱᓐᖑᐊᖅᑎᕗᑦ ᐱᓂᐊᒍᑎᖃᓚᐅᖅᐳᑦ.”

ᐃᑎᖅᑎᑕᐅᓚᐅᖅᑐᖅ ᐊᑕᐅᓯᐊᖅᖢᑕ ᐊᔪᖏᑦᓯᐊᓚᐅᖅᐳᒍᑦ ᐃᑎᕐᓂᕋᓱᒋᔭᐅᖏᒃᑲᓗᐊᖅᖢᓂ, ᐃᑎᖅᑎᑕᐅᓚᐅᖅᖢᓂ Wolvesᑯᓐᓄᑦ ᓯᕗᓪᓕᕐᒥ ᐱᓐᖑᐊᕆᐊᖅᑎᓪᓗᑕ.

ᐆᓕ ᐅᖃᓚᐅᖅᐳᖅ ᑕᐃᒪ ᒎᓕᒋᔭᐅᔪᑦ ᐱᓐᖑᐊᖃᑕᐅᓚᐅᕐᒪᑕ, ᐊᑕᐅᓯᐊᕐᓗᑎᒃ ᐃᑎᖅᑎᑦᓯᓂᐊᕋᓱᒋᓚᐅᖅᐳᑦ ᓵᓚᒃᓴᐅᑕᐅᓂᐊᖅᑐᒥᒃ.

ᐱᐅᖏᑦᑑᓚᐅᕋᓗᐊᖅᖢᓂ ᐃᑎᖅᑎᑕᐅᔪᖅ ᑭᓯᐊᓂ ᓵᓚᒃᓴᐅᑎᒋᓚᐅᖅᐸᕗᑦ.

ᐱᓐᖑᐊᖅᑎᕗᑦ ᐊᖅᓵᖅᓯᖃᑦᑕᓚᐅᖅᐳᑦ ᐊᒃᓱᕈᑦᓯᐊᕐᖢᑎᒃ ᐱᓐᖑᐊᓚᐅᖅᐳᓪᓗ, ᐊᒻᒪ ᓚᑭᐅᕗᒍᑦ ᓄᖅᑲᖅᑎᓚᐅᕋᑉᑎᒍ ᓵᓚᒃᓴᖅᖢᑕᓗ.

ᓴᕆᒪᓱᑦᓯᐊᓚᐅᖅᐳᑦ ᐱᓐᖑᐊᖃᑎᒥᖕᓂᒡᓗ ᓴᕆᒪᓱᒍᑎᖃᖅᖢᑎᒃ, ᐊᒻᒪ ᐊᒥᓱᑦ ᐅᖃᓪᓚᐃᓐᓇᓚᐅᖅᐳᑦ ᓵᓚᒃᓴᓚᐅᕐᓂᕐᒥᖕᓂᒃ ᑕᐃᒪᓐᓇ ᐊᖏᔪᒥᒃ ᐱᓐᖑᐊᖅᖢᑎᒃ 1-0.

ᑐᓐᖓᓱᒃᑎᑕᐅᑦᓯᐊᓚᐅᖅᐳᒍᑦ ᐊᕐᕕᐊᓄᑦ. ᐃᓄᐃᓪᓗ ᑕᒪᕐᒥᒃ ᐅᐱᒋᔭᖃᓚᐅᖅᐳᑦ ᐅᕙᑉᑎᓐᓂᒃ ᐅᖃᐅᑎᔭᐅᖃᑦᑕᖅᖢᑕᓗ ᐱᑦᓯᐊᕐᓂᑉᑎᓐᓄᑦ.”
ᖁᒃᓱᒃ ᐅᖃᓚᐅᖅᖢᓂᓗ ᐱᓐᖑᐊᕐᔪᐊᕐᓇᖅ ᐋᖅᑭᒃᓱᖅᑕᐅᓯᒪᑦᓯᐊᓚᐅᖅᐳᑦ ᐊᐅᓪᓛᑦᓯᐊᖅᖢᓂᓗ, ᖁᕕᐊᓇᖅᖢᓂᓗ ᐊᒃᓱᕈᕐᓇᖅᖢᓂᓗ, ᑐᓐᖓᓱᒃᑎᑕᐅᑦᓯᐊᖅᖢᑕᓗ ᑲᖏᖅᖠᓂᕐᒥ.

ᐅᖃᓚᐅᖅᖢᓂᓗ ᐊᕐᕕᐊᓂ ᐱᓐᖑᐊᖅᑎᑦ ᑕᒪᑐᒥᖓ ᐃᖅᑲᐅᒪᔭᒃᓴᖃᐃᓐᓇᕐᓂᐊᖅᐳᑦ ᐊᑯᓂ.

ᐃᓚᖏᑦ ᐱᓐᖑᐊᖅᑎᑦ ᖁᒃᓴᓱᓚᐅᕋᓗᐊᖅᖢᑎᒃ ᓯᕗᓪᓕᕐᒥ ᐲᖅᓯᖃᑦᑕᐅᑎᑉᓗᑕ ᐱᓐᖑᐊᖅᓯᒪᓕᖅᖢᑕ ᑐᖏᓕᐊᓂ ᓵᓚᐅᓚᐅᕋᑉᑕ,” ᐅᖃᓚᐅᖅᐳᖅ ᖁᒃᓱᒃ.

ᐅᖃᐅᑎᓚᐅᖅᖢᖏᓪᓗ ᐊᓐᓄᕌᖅᑐᕐᕕᖕᒦᓕᖅᑎᓪᓗᒋᑦ ᐊᒃᓱᕈᕐᓗᑎᒃ ᓯᐊᕐᕆᔮᕐᓂᐊᖏᑉᐸᑕ, ᒎᓗᑎᑖᕐᓂᐊᖏᑉᐳᑦ ᑕᒡᕙᖓᑦ ᐊᒃᓱᕈᕆᐊᓕᓚᐅᖅᐳᑦ.

ᓵᓚᒃᓴᖅᖢᑎᒃ ᓇᐅᔮᒥᐅᓂᒃ/ᐃᒡᓗᓕᒑᕐᔪᖕᒥᐅᓂᒡᓗ ᕿᑎᐊᓂ ᐱᓐᖑᐊᓕᖅᖢᑎᒃ, ᖃᐅᔨᓚᐅᖅᐳᒍᑦ ᑕᐃᒪ ᓵᓚᒋᔭᐅᔪᓐᓇᕐᓂᐊᖏᓐᓂᑉᑎᓐᓄᑦ ᑭᖑᓪᓕᖅᐹᖅᓯᐅᓕᖅᐸᑕ.

ᓵᓚᒃᓴᓚᐅᖅᐳᑦ 7-5 ᐲᖅᓯᖃᑦᑕᐅᑎᑉᓗᑎᒃ, ᑕᐃᒪᓐᓇ ᓯᐊᕐᕆᔮᓚᐅᖏᓐᓇᑉᑕ ᐃᑎᖅᑎᑦᓯᒋᐊᖃᑦᑕᖏᑦᖢᑕᓗ ᑕᐃᒪᓐᓇᑎᑐᑦ ᐱᓚᐅᖅᖢᑕ ᕿᑎᐊᓂ ᐱᓐᖑᐊᓕᖅᖢᑕ.”

ᖁᒃᓱᒃ ᐅᖃᓚᐅᖅᐳᖅ ᑖᒃᑯᐊ Wolves ᓴᐳᔾᔨᑦᓯᐊᖃᑦᑕᖅᖢᑎᒃ ᐱᓐᖑᐊᓚᐅᖅᐳᑦ ᐱᓇᓱᐊᕈᓯᐅᑉ ᓄᖑᐊᓂᓗᒃᑖᖅ.

ᐅᖃᓚᐅᖅᖢᓂᓗ ᐱᓐᖑᐊᑦᓯᐊᓚᐅᕐᒪᑕ ᐊᒻᒪ, ᒪᕐᕈᐃᖅᑕᖅᖢᑎᒃ ᓵᓚᒋᔭᐅᓚᐅᖅᖢᑎᒃ, ᓱᒃᑲᓂᕐᒥᖕᓂᒃ ᐊᑐᖅᖢᑎᒃ ᐊᒃᓱᕈᐃᓐᓇᓚᐅᖅᐳᑦ ᐱᓐᖑᐊᖃᑎᒋᔭᒥᓄᑦ.

ᑕᐃᒪ ᐃᑎᖅᑎᑦᓯᓯᒪᓕᖅᖢᑕ 1-0 ᑭᖑᓪᓕᖅᐹᖅᓯᐅᓕᖅᖢᑕ ᐃᑎᖅᑎᑦᓯᒃᑲᓐᓂᕐᓂᐊᕋᓱᒋᓚᐅᖏᑉᐳᒍᑦ ᑕᒪᒃᑯᐊ ᐱᓐᖑᐊᕈᓯᕆᓚᐅᖅᑕᕗᑦ ᐃᒪᓐᓇᐃᖃᑦᑕᓚᐅᕐᒪᑕ 5-3 ᐅᕙᓘᓐᓃᑦ 6-4, ᐃᑎᖅᑎᑦᓯᔪᖃᖃᑦᑕᖅᖢᓂᓗ ᐊᒥᓱᓂᒃ.

ᐊᐅᒃᑲᓐᓂᖓᖃᑕᐅᓕᓚᐅᖅᐳᖓ ᐱᓐᖑᖃᑕᐅᔪᑎᑐᑦ ᑭᖑᓪᓕᖅᐹᓂ 10ᒥᓂᖑᓕᖅᑎᓪᓗᒍ ᐱᓐᖑᐊᕐᓇᐅᓂᐊᖅᑐᖅ, ᑕᐃᒪᓐᓇᑎᒋᓗ ᐃᕆᐊᓛᓚᐅᖅᓯᒪᖏᑦᖢᖓ ᕼᐋᑭᖅᑐᓂ.

ᖁᕕᐊᓇᑦᓯᐊᓚᐅᖅᐳᖅ ᓵᓚᒃᓴᕋᑉᑕ, ᐱᓐᖑᐊᖅᑎᑦ ᐃᕆᐊᓛᖅᖢᑎᒃ, ᖁᖑᑐᖅᖢᑎᒃ ᓇᓂᑐᐃᓐᓇᖅ ᑕᑯᑉᓗᒋᓪᓗ ᐊᖓᔪᖄᕆᔭᐅᔪᑦ ᐊᕐᕕᐊᓂᑦ ᐅᖃᓗᒃᑐᑦ ᐅᐱᒋᔭᖃᖅᖢᑎᒃ ᓵᓚᒃᓴᕋᑉᑕ.

ᒥᕝᕕᒃ ᑕᑖᑦᓯᐊᓚᐅᖅᐳᖅ ᐊᖏᕐᕋᕋᑉᑕ, ᓯᕙᓂᖅᑐᓂᒃ ᑐᓴᖅᓴᐅᔪᖃᖅᖢᓂᓗ ᐊᒻᒪ ᐊᖓᔪᖄᕆᔭᐅᔪᑦ ᐸᑦᑕᒃᑐᖅᑐᑦ. ᖁᕕᐊᓱᑦᓯᐊᓚᐅᖅᐳᒍᑦ ᓴᕆᒪᓱᒃᖢᑕᓗ!”

Leave a Comment: