ᓵᓚᒃᓴᐅᑎᖃᖃᑕᐅᔪᓐᓇᖅᑐᑦ

by Darrell Greer- December 22, 2017

ᐊᕐᕌᒍᒥ ᐱᒋᐊᖃᑕᐅᕗᑦ ᑲᖏᖅᖠᓂᕐᒥᐅᑦ ᕼᐋᑭᕐᓂᕐᒧᑦ ᐃᓕᓐᓂᐊᖅᑎᑦᓯᖃᑦᑕᖅᑐᑦ Rankin Rock Hockey Camp ᓵᓚᒃᓴᖃᑕᐅᑐᐃᓐᓇᕆᐊᖃᖅᑎᑕᐅᑉᓗᑎᒃ Arctic Inspiration Prizeᒥᒃ.

ᑲᖏᖅᖠᓂᕐᒥ ᐱᓐᖑᐊᖅᑐᓕᕆᓂᕐᒧᑦ ᑐᑭᒧᐊᒃᑎᑎᔨ ᑏᕕᑦ ᑲᓛᒃ ᓂᕆᐅᖕᓂᖃᑦᓯᐊᖅᐳᖅ ᑐᓴᖅᑎᑕᐅᓚᐅᖅᖢᑎᒃ ᑲᖏᖅᖠᓂᕐᒥᐅᑦ ᕼᐋᑭᖅᑎᑦ Rankin Rock Hockey Camp ᐃᓕᓐᓂᐊᖅᑎᑦᓯᖃᑦᑕᖅᑐᑦ ᓵᓚᒃᓴᐅᑎᖃᖃᑕᐅᔪᓐᓇᕐᓂᖏᓐᓄᑦ ᑖᑉᓱᒥᖓ n Arctic Inspiration Prizeᒥᒃ.

ᑲᖏᖅᖠᓂᕐᒥ ᐱᓐᖑᐊᖅᑐᓕᕆᓂᕐᒧᑦ ᑐᑭᒧᐊᒃᑎᑎᔨ ᑏᕕᑦ ᑲᓛᒃ ᓯᕗᓕᖅᑎᐅᕗᖅ Rankin Rock Hockey Camp ᐃᓕᓐᓂᐊᖅᑎᑎᖃᑦᑕᕐᓂᕐᒧᑦ ᓵᓚᒃᓴᖃᑕᐅᔪᓐᓇᕆᐊᖃᖅᖢᑎᒃ ᒪᒃᑯᒃᑐᓂᑦ ᐱᓐᖑᐊᖅᑎᑕᐅᖃᑦᑕᖅᑎᓪᓗᒋᑦ, ᑮᓇᐅᔭᓂᒡᓗ ᓵᓚᒃᓴᐅᑎᖃᕈᓐᓇᖅᖢᑎᒃ $100,000 ᑎᑭᓪᓗᒍ 7 ᐱᓐᖑᐊᖅᑎᑦ.

ᓵᓚᒃᓴᐅᑎᖃᖅᑐᑦ ᑐᓴᖅᑎᑕᐅᒍᑕᐅᓂᐊᖅᖢᑎᒃ ᔭᓐᓄᐊᕆ 31, 2018.

 

ᐅᐱᓐᓇᖅᑐᒥᒃ ᐱᔪᓐᓇᕐᓂᖃᕐᓂᖅ

ᓇᐅᔮᑦ

ᒪᑲᓚᐅᑦ ᐊᕐᓇᑎᐊᖅ ᐊᑖᑕᖓᓗ, ᐃᒪᓂᐅ ᐅᑕᒃ, ᓂᕈᐊᖅᑕᐅᓚᐅᖅᐅᑦ ᐃᓚᐅᓂᐊᖅᖢᑎᒃ Travis Hamonic Communityᖑᓂᕋᖅᑕᐅᔪᒧᑦ, ᐊᑐᖅᑕᐅᒐᒃᓴᖅ ᓄᑕᖃᓄᑦ ᓄᓇᖃᖅᑳᓯᒪᔪᓄᑦ ᐅᑭᐅᖃᖅᑐᓄᑦ 6−ᓂᑦ 17−ᒧᑦ.

ᑕᒪᓐᓇ ᐱᓕᕆᐊᖅ ᖃᐃᖁᔨᓚᐅᖅᐳᖅ ᒪᑕᑲᓚᐅᑦ ᓄᑲᖓᓂᒃ, ᐸᑲᒃ ᐊᕐᓇᑦᓯᐊᖅ ᐃᓚᐅᖁᔭᐅᑉᓗᓂ.

ᑎᖕᒥᓲᑰᕈᑎᒃᓴᑖᖅᖢᑎᒃ ᐅᑎᒧᑦ ᑭᐊᒍᕆᒧᑦ, ᐅᓐᓄᒃ ᒪᕐᕉᒃ ᒥᓂᒃᑕᖅᖢᑎᒃ, ᑮᓇᐅᔭᖃᖅᑎᑕᐅᑉᓗᑎᒡᓗ, ᓂᕆᒍᑎᒃᓴᖃᖅᑎᑕᐅᑉᓗᑎᒡᓗ ᐊᒻᒪ NHL ᐱᓐᖑᐊᖅᑎᓪᓗᒋᑦ Calgary Flames, ᐊᑖᓂᓗ ᖃᓂᓐᓂᖅᓴᒥ ᐃᒃᓯᕙᐅᑕᖃᖅᑎᑕᐅᑉᓗᑎᒃ, ᐅᕕᓂᕈᖅᑖᖅᑎᑕᐅᑉᓗᑎᒡᓗ ᐊᒻᒪ ᑲᑎᒪᖃᑕᐅᑉᓗᑎᒃ

NHLer Hamonic ᐱᓐᖑᐊᕐᓂᐊᓕᓵᑎᓪᓗᒋᑦ.

ᒪᑲᓚᐅᑦ ᓂᕈᐊᖅᑕᐅᓚᐅᖅᖢᓂ ᐱᓕᕆᐊᒧᑦ ᑕᒡᕗᖓ ᑑᒑᓕᒃ ᐃᓕᓐᓂᐊᕐᕕᒡᔪᐊᖓᑕ ᐊᖓᔪᖄᑉ ᑐᖏᓕᖓᓄᑦ ᔪᓕᐊ ᒪᒃᐴᓴᓐ.

 

ᓂᕆᕕᒡᔪᐊᑦᓯᐊᓚᐅᖅᑐᑦ

ᐃᒡᓗᓕᒑᕐᔪᒃ

ᖁᕕᐊᓱᖕᓇᒥ ᓂᕆᕕᒡᔪᐊᕐᓂᖅ/ᐅᑉᓗᕈᒥᑕᕐᓂᖅ ᐃᓕᓐᓂᐊᖅᑎᑎᔨᓄᑦ ᕕᑭ ᑕᓄᔭᒃ ᐊᒻᒪ ᐊᓇ ᓖᔅᒪᓐ ᑲᔪᑦᓯᓯᐊᓚᐅᖅᐳᖅ ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᖓᓂ ᐃᒡᓗᓕᒑᕐᔪᖕᒥ ᑎᓴᐱᕆ 15ᖑᓚᐅᖅᑐᒥ.

ᓂᕆᕕᒡᔪᐊᖃᑕᐅᓚᐅᖅᐳᑦ ᐃᒻᒪᖃ 25 ᐃᓐᓇᑐᖃᐃᑦ.

ᖁᕕᐊᓲᓯᐊᖅᑖᖅᑎᑕᐅᓚᐅᖅᖢᑎᒡᓗ ᑖᒃᑯᓇᖓᑦ ᐃᑲᔪᖅᑎᓂᑦ Helping our Northern Neighbours. ᐊᒻᒪ ᐃᓐᓇᑐᖃᐃᑦ ᐊᐱᕆᔭᐅᓚᐅᖅᐳᑦ ᐊᑎᓕᐅᖁᐅᑉᓗᑎᒃ ᖃᓄᑐᐃᓐᓇᖅ ᖃᓄᐃᓕᐅᖅᑎᑕᐅᖃᑕᐅᖃᑦᑕᕈᒪᒍᑎᒃ ᐃᓕᓐᓂᐊᖅᑎᓄᑦ ᐃᓕᓐᓂᐊᕈᑎᒃᓴᓂᒃ.

ᓄᑖ ᖃᐅᒻᒪᖁᑎᓕᐅᕈᑦ ᐃᑯᒪᓕᒡᔪᐊᖅ

ᐊᕐᕕᐊᑦ

ᖁᓪᓕᒃᑯᑦ ᐆᒻᒪᖁᑎᓕᕆᓂᕐᒧᑦ ᑯᐊᐳᕇᓴᒃᑯᖏᑦ ᐆᒃᑐᕋᕐᓂᐊᖅᐳᑦ ᓄᑖᒥᒃ ᖃᐅᒻᒪᖁᑎᓕᐅᕈᑎᒥᒃ ᐃᑯᒪᓕᒡᔪᐊᒥᒃ ᐊᕐᕕᐊᓂ ᓴᓇᑦᑕᐃᓕᐅᕌᓂᒃᐸᑦ, ᑎᓴᐱᕆ 18 ᓴᓇᑦᑕᐃᓕᐊᕈᓯᕐᒧᑦ, ᑎᓴᐱᕆ 23 ᐊᑯᓐᓂᖓᓂ 7 ᐅᑉᓛᒃᑯᑦ 7-ᐅᓐᓄᒃᑯᓪᓗ.

ᐊᕐᕕᐊᒥᐅᑦ ᖃᐅᔨᒪᖁᔭᐅᕗᑦ ᖃᒥᖃᑦᑕᕐᓂᐊᕐᒪᑕ ᐆᒃᑐᖃᐅᑎᖃᖅᑎᓪᓗᒋᑦ.

ᑎᑕᒋᐊᖅᑐᓚᐅᖅᑐᖅ ᐃᓐᖏᕆᐊᖅᑐᖅᖢᓂᓗ ᕙᓂᐹᖕᒥ

ᖃᒪᓂ’ᑐᐊᖅ/ᕙᓂᐹᒃ

ᕙᓂᐹᖕᒥ ᓴᓇᖑᐊᒐᖃᕐᕕᒃ ᑎᑎᕋᐅᔭᖅᑕᐅᓯᒪᔪᖃᕐᕕᒡᓗ ᑕᑯᒃᓴᐅᑎᑦᓯᓂᐊᖅᐳᖅ ᕿᐊᕐᕚᖅᖢᓂᓗ ᑐᖅᑯᔮᖓᒍᑦ ᑐᓴᖅᑕᐅᑎᑦᓯᑉᓗᓂᓗ ᐃᓐᖏᖅᑎ ᓂᐊᓴᓐ ᑕᒍᕐᓈ ᖃᒪᓂ’ᑐᓂᐊᒥᐅᑕᖅ ᐃᒃᐸᕐᓴᖅ ᑕᐃᒪᓐᓇᐃᓕᐅᕐᓂᐊᓚᐅᖅᖢᓂ.

ᑕᒍᕐᓈ ᖃᐅᔨᒪᔭᐅᕙᓪᓕᐊᑦᓯᐊᖅᐳᖅ ᑎᑕᐅᑎᖃᖃᑦᑕᕐᓂᖓᓄᑦ ᐊᔾᔨᐅᖏᑦᑐᓂᒃ ᐃᓄᐃᑦ ᐱᖅᑯᓯᑐᖃᖏᓐᓂᒃ ᐊᑐᖅᖢᓂ ᐃᓐᖏᖅᖢᓂ ᑐᓴᕐᓈᖢᓂᓗ. ᑕᒍᕐᓛ ᑕᐃᒪᓐᓇ ᐃᓐᖏᕐᓂᐊᓚᐅᕆᑉᓗᑎᒃ ᐃᓄᒃᑎᑐᑦ ᖁᕕᐊᓱᒡᕕᒃᓯᐅᑎᓂᒃ.

ᑕᒍᕐᓈ ᐅᑭᐅᓕᒃ 23-ᓂᒃ, ᐃᓐᖏᕆᐊᖅᑐᖃᑦᑕᖅᓯᒪᓕᖅᐳᖅ ᐊᒥᓱᓂ APTN Aboriginal Day Live

ᓄᓇᖃᖅᑳᖅᓯᒪᔪᑦ ᐅᑉᓗᖓᓂ ᐊᒻᒪ 2015-ᒥ Pan Am Games. ᐃᓕᑕᕆᔭᐅᒍᓯᐊᓚᐅᖅᐳᖅ ᑯᐃᓐ ᑕᐃᒪᓐ ᔪᐱᓖ ᓇᓪᓕᐅᕐᓂᖅᓯᐅᕐᕕᖓᓂ ᐅᔭᒥᒃᑖᖅᑎᑕᐅᑉᓗᑎᒃ 2012−ᒥ ᒪᒃᑯᒃᑐᓄᑦ ᐅᐱᒋᔭᐅᓕᖅᓯᒪᓂᖓᓄᑦ.

 

Leave a Comment:

Your email address will not be published. Required fields are marked *