ᓵᑯᖅᑎᑦ ᐃᓕᑕᕆᔭᐅᓚᐅᖅᐳᑦ

by Darrell Greer- November 7, 2017

ᓇᓗᓇᖏᑦᓯᐊᖅᐳᖅ ᐹᓪ ᓱᕈᓱ ᑮᓇᖓ ᓴᕆᒪᓱᒃᑐᖅ ᐅᖃᐅᓯᖃᓕᕌᖓᒥ ᖃᓄᖅ ᓄᑕᖃᑦ ᖃᓄᐃᓕᐅᕈᑎᖃᖅᓯᒪᓂᖏᓐᓄᑦ ᑐᖔᓂ 12 ᐅᑭᐅᓕᑦ ᑲᖏᖅᖠᓂᕐᒥᐅᑕᐃᑦ Rankin Wolves ᓵᑯᖅᑎᖏᑦ ᓵᓚᒃᓴᓚᐅᕐᓂᖏᓐᓄᑦ ᐱᓐᖑᐊᖅᑐᓕᕆᓂᕐᒧᑦ ᒥᓐᖑᖅᓯᕐᕕᓕᕆᓂᕐᒧᓪᓗ ᑲᑐᔾᔨᖃᑎᒌᑦ ᓄᓇᓕᖕᓂ ᐊᕐᕌᒍᒥ ᐃᓕᑕᕆᔭᐅᓚᐅᕐᓂᖏᓐᓄᑦ ᑕᖅᑭᐅᓚᐅᖅᑐᒥ ᐃᖃᓗᖕᓂ.

ᑲᖏᖅᖠᓂᕐᒥ ᓵᑯᖅᑎᑦ Rankin (Inlet) Wolves ᓱᑐᖔᓂ 12 ᐅᑭᐅᓕᑦ ᐱᓐᖑᐊᖅᑐᓕᕆᓂᕐᒧᑦ ᒥᓐᖑᖅᓯᕐᕕᓕᕆᓂᕐᒧᓪᓗ ᑲᑐᔾᔨᖃᑎᒌᑦ ᓄᓇᓕᖕᓂ ᐊᕐᕌᒍᒥ ᐃᓕᑕᕆᔭᐅᒍᑎᖃᖅᑐᑦ ᐃᖃᓗᖕᓂ ᐊᒃᑐᐱᕆ 14-ᒥ. photo courtesy of Paul Stroeder

ᓄᑕᖃᑦ ᑕᐃᒪᓐᓇ ᐊᒃᓱᕈᓚᐅᕐᒪᑕ ᑮᓇᐅᔭᓂᒃ ᐱᕈᖅᓴᐃᑉᓗᑎᒃ ᐊᒻᒪ ᑕᑯᑉᓗᒋᑦ ᑮᓇᖏᑦ ᔭᓗᓇᐃᓕᐊᕐᓂᐊᓕᖅᐸᑕ, ᑕᒪᒃᑯᐊ ᓴᕆᒪᒋᖃᑦᑕᖅᐸᒃᑲ ᐱᓕᕆᐊᕆᔭᑉᑎᓐᓂ,” ᐅᖃᓚᐅᖅᐳᖅ.

ᓱᕈᑐ ᓵᓚᒃᓴᖃᑕᐅᓚᐅᕆᑉᓗᓂᑦᑕᐅᖅ ᓵᑯᖅᑐᓂᒃ ᒥᐊᓂᖅᓯᔨᐅᓂᖓᓄᑦ ᐱᓐᖑᐊᖅᑎᓪᓗᒋᑦ ᐊᕐᕌᒍᒧᑦ, ᐊᐅᓚᑦᓯᓯᒪᑉᓗᓂ ᐃᓕᓐᓂᐊᖅᑎᑎᓯᒪᑉᓗᓂᓗ ᐱᓐᖑᐊᖅᑎᓂᒃ. ᐅᖃᓚᐅᖅᐳᖅ ᐊᒥᓱᖑᖅᐸᓪᓕᐊᑐᐃᓐᓇᕐᒪᑕ ᓄᑕᖃᑦ ᑕᐃᒪᖓᓂᑦ ᐱᒋᐊᓚᐅᖅᓯᒪᑎᓪᓗᒍ ᐊᕐᕌᒍᑦ ᑕᓪᓕᒪᐅᓕᖅᑐᓂ.

ᐅᖃᓚᐅᖅᖢᓂᓗ ᑕᒪᒃᑯᐊᓘᓐᓃᑦ ᐊᖓᔪᖄᕆᔭᐅᔪᑦ ᒪᒃᑯᖕᓂᖅᓴᓄᑦ ᓄᑕᖃᓄᑦ ᒍᕇᑦ 3−ᒥ 4−ᒥᓗ ᐊᐱᕆᖃᑦᑕᓕᕐᒪᑕ ᐃᕐᓂᖏᑦ ᐊᔪᖏᓴᕆᐊᖅᑐᖃᑕᐅᔪᓐᓇᕐᒪᖔᑕ.

ᑕᐃᒪᓐᓇ ᕿᐱᓗᖃᑦᑕᖏᑉᐸᒃᑲ, ᑐᓐᖓᓱᒃᑎᑉᐸᒃᑲᓗ ᑕᐃᒪᓐᓇ ᑕᒪᕐᒥᒃ ᐃᓕᓐᓂᐊᖅᑎᓐᓇᓱᐊᖅᖢᒋᑦ,” ᐅᖃᓚᐅᖅᐳᖅ ᓱᕈᑐ. “ᓴᐃᒪᓐ ᐊᓚᐃᑦᑐᒃ ᐃᓕᓐᓂᐊᕐᕕᖓᓂ ᐱᑦᓯᐊᖃᑦᑕᖅᐳᑦ ᐅᕙᑉᑎᓐᓂᒃ.”

ᐅᖃᓚᐅᖅᖢᓂᓗ ᐃᓕᓐᓂᐊᕐᕕᒃ ᐃᖃᐃᓕᓴᕐᕕᖕᒥᖕᓂᒃ ᐊᑐᖅᑎᑦᓯᖃᑦᑕᕐᒪᑕ ᑕᐃᒪᓐᓇ ᐊᕕᒃᓯᒪᖁᑉᓗᒋᑦ ᓄᑕᖃᑦ, 15−ᖑᑉᓗᑎᒃ ᐊᑐᓂ ᐊᔪᖏᓴᖅᑎᑕᐅᔪᑦ.

ᐱᓕᕆᖃᑎᒋᑉᓗᒋᓪᓗ ᑐᖔᓂ 13 ᐅᑭᐅᓕᑦ ᐊᖑᑎᑦ ᐃᓚᐅᑎᖃᑦᑕᐃᓐᓇᖁᑉᓗᒋᑦ ᐃᓕᓐᓂᐊᖏᓕᕋᓗᐊᖅᑎᓪᓗᒋᑦ ᓴᐃᒪᓐ ᐊᓚᐃᑦᑐᒃ ᐃᓕᓐᓂᐊᕐᕕᖓᓂ,” ᐅᖃᓚᐅᖅᐳᖅ.

ᐃᓚᐅᓕᖅᑐᑦ ᐱᓐᖑᐊᖅᑎᓂ Rankin Wolves ᑐᖔᓂ 12 ᐅᑭᐅᓕᑦ ᐊᒥᓱᖑᖅᓯᒪᓕᖅᐳᑦ 15-ᓂᑦ 18-ᓄᑦ ᓯᕗᓪᓕᕐᒥ ᐅᑭᐅᒥ ᐃᒪᓐᓇᐃᓕᖅᖢᑎᒃ ᐊᒥᓲᓂᖏᑦ 45 ᐊᒻᒪ 55 ᐊᕐᕌᒍᒥ ᐊᑐᖅᑐᒥ.

ᓱᕈᑐ ᐅᖃᓚᐅᖅᐳᖅ ᑕᒪᒃᑯᐊ ᓵᑯᓪᓚᕆᖏᒃᑲᓗᐊᖅᖢᑎᒃ ᐊᓯᐊᓂᒃ ᐊᖅᓴᕐᓂᕐᒥᒃ ᐱᓐᖑᐊᖅᖢᑎᒃ, ᐃᓕᓐᓂᐊᖅᑎᖃᑦᑕᖅᐸᖏᑦ ᓵᑯᕐᓂᕐᒧᑦ ᐊᑐᖅᑕᐅᒋᐊᖃᖅᑐᓂᒃ.

ᐅᖃᓚᐅᖅᖢᓂᓗ ᐱᓐᖑᐊᖅᑎᑦ ᐊᕿᒋᐅᖅᓴᑉᓗᑎᒃ, ᑐᓂᓯᓂᖅ ᐊᖅᓴᒥᒃ ᐊᒻᒪ ᐊᖅᓴᒥᒃ ᑐᓂᔭᐅᓂᖅ ᖃᓄᐃᓕᐅᕆᐊᖃᕈᑎᑦ, ᓵᓚᒃᓴᐅᑎᖃᑕᐅᓂᖅ ᖁᕕᐊᓱᒡᓗᓂᓗ ᐱᓐᖑᐊᕐᓂᖅ.

ᓵᑯᕐᓂᐅᑉ ᓴᓂᐊᒍᑦ ᐊᖅᓴᕐᓂᖅ ᑕᐃᒪᓐᓇ ᐃᓕᓐᓂᐊᖅᑎᑕᐅᖃᑦᑕᖅᐳᑦ ᖃᓄᐃᓕᐅᕈᑎᒋᔭᐅᒋᐊᖃᖅᑐᓂᒃ − ᐊᖅᓴᖅ ᐊᐅᓚᑕᐅᖏᓐᓇᕆᐊᖃᕐᓂᖓᓄᑦ ᐃᒡᓗᑉ ᓴᓂᕋᖓᓄᑦ ᐃᒋᖃᑦᑕᖏᓐᓂᖅᓴᐅᓗᒍ − ᑕᐃᒪᓐᓇ ᐱᓯᒪᓂᖅ ᓄᑕᖃᑦ ᑕᐃᒪᓐᓇ ᐃᓕᓐᓂᐊᖅᑎᑕᐅᑉᓗᑎᒃ ᑐᓂᓯᒋᐊᖃᕐᓂᖏᓐᓄᑦ ᐊᖅᓴᒥᒃ ᑐᓂᔭᐅᓂᖅ ᖃᓄᖅ ᖁᕕᐊᓱᑦᓯᐊᕐᓗᑎᒡᓗ ᑕᐃᒪᓐᓇᐃᓕᐅᕐᓗᑎᒃ,” ᐅᖃᓚᐅᖅᐳᖅ.

ᖁᕕᐊᓇᖏᓗᐊᕐᒪᑦ ᐊᕿᒃᓯᓗᓂ ᐊᖅᓴᒥᒃ ᐱᓐᖑᐊᕐᕕᐅᑉ ᓯᓚᑖᓄᑦ ᐊᒻᒪ ᐱᒋᐊᒃᑲᓐᓂᓕᕆᑉᓗᓂ ᑕᐃᒪᓐᓇᑦᓴᐃᓐᓇᖅ.”

ᓱᕈᑐ ᐅᖃᓚᐅᖅᐳᖅ ᓴᕆᒪᓱᑦᓯᐊᕋᒥ ᐱᓐᖑᐊᖅᑎᑦ ᑮᓇᐅᔭᓂᒃ ᐱᕈᖅᓴᐃᑦᓯᐊᖃᑦᑕᕐᒪᑕ ᑕᐃᒪᓐᓇ ᐱᓕᕆᐊᕆᔭᖓᓂ.

ᐅᖃᓚᐅᖅᖢᓂᓗ ᑕᐃᒪᓐᓇ ᐊᔪᖏᓴᕆᐊᖃᖅᐳᑦ ᐃᑲᔪᕐᓗᑎᒡᓗ ᔭᓗᓇᐃᓕᐊᖃᑕᐅᒍᒪᒍᑎᒃ ᐃᓐᖑᐊᕐᔪᐊᕐᓇᐅᓂᐊᖅᑐᒥ ᓂᐅᕕᐊᒃᓴᖃᖅᑎᑦᓯᖃᑦᑕᕐᓗᑎᒃ ᓇᓚᐅᑦᓵᕈᑎᓂᒃ ᑮᓇᐅᔭᓂᒃ ᐱᕈᖅᓴᐃᒍᑎᓂᒃ ᐊᒻᒪ ᐃᒐᓯᒪᔪᑦ ᐸᓚᐅᒑᒃᓴᐃᑦ ᓂᐅᕕᐊᒃᓴᕆᔭᐅᑉᓗᑎᒃ ᐊᒻᒪ ᐊᑭᑭᑦᑐᓂᒃ ᓱᓇᑐᐃᓐᓇᕐᓂᒃ ᓂᐅᕕᐊᒃᓴᖃᖅᐸᒃᖢᑎᒃ.

ᐱᓪᓚᕆᐅᔪᒥᒃ ᐱᓕᕆᐊᖃᕐᒪᑕ ᓇᖕᒥᓂᖃᕈᑎᖃᖅᖢᑎᒃ ᐱᓐᖑᐊᖅᑎᑦ ᓵᑯᕆᐊᖅᑐᖃᑕᐅᑐᐃᓐᓇᖃᑦᑕᖏᑦᖢᑎᒃ ᓇᒧᖓᐅᖃᑕᐅᔪᓐᓇᕈᒪᑉᓗᑎᒃ ᑕᐃᒪᓐᓇᐃᓕᐅᖏᒻᒪᑕ,” ᐅᖃᓚᐅᖅᐳᖅ.

ᑕᒪᒃᑯᐊ ᓄᑕᖃᑦ ᑲᖏᖅᖠᓂᕐᒥᑦ ᐊᐅᓪᓚᓚᐅᖅᓯᒪᖏᑦᑐᑦ ᑭᕙᓪᓕᕐᒥᓪᓘᓐᓃᑦ, ᓄᓇᓕᖕᒥᑦ ᐊᐅᓪᓚᖃᑎᒋᓗᒋᑦ ᔭᓗᓇᐃᒧᑦ ᐱᒻᒪᕆᐅᑎᑕᐅᒐᔭᕐᒪᑦ ᑮᓇᖏᑦ ᓇᓗᓇᖏᑦᖢᑎᒡᓗ ᑕᐃᑯᖓᐅᒑᖓᒥᒃ ᓂᕆᔭᖅᑐᕐᕕᖕᒧᑦ McDonald’s, ᑕᓚᕕᓴᒃᑯᑦ ᑭᓯᐊᓂ ᑕᑯᔭᐅᓯᒪᑉᓗᓂ, ᓯᕗᓪᓕᖅᐹᑦᓯᐊᒥ ᑕᐃᒪᓐᓇᐃᓕᐅᖅᑎᑕᐅᑉᓗᑎᒃ.

ᑕᒪᓐᓇ ᐱᓕᕆᐊᕆᔭᓂ ᐱᔾᔪᑎᖃᕐᒪᑦ ᓄᑕᖃᓂᒃ ᑭᓯᐊᓂ, ᑕᐃᒪᓐᓇᐃᒋᐊᖃᖅᖢᓂᓗ.

ᑖᒃᑯᐊ ᓄᑕᖃᑦ ᑕᑯᓂᐊᕐᒪᑕ ᐃᓕᑕᕆᔭᐅᒍᓯᐊᒥᒃ ᓵᓚᒃᓴᐅᑎᒋᔭᒥᖕᓂᒃ ᐊᐅᓚᖁᑎᒥᒃ ᓴᐃᒪᓐ ᐊᓚᐃᑦᑐᒃ ᐃᓕᓐᓂᐊᕐᕕᖓᓂ ᐃᓕᔭᐅᑎᓪᓗᒍ ᐱᕙᓪᓕᐊᔪᓕᕆᒍᑕᐅᓗᑎᒡᓗ ᐊᔾᔨᓕᐅᖅᑕᐅᓗᑎᒃ ᐅᕕᓂᕈᖅᑖᖅᑎᑕᐅᓗᑎᒡᓗ ᖃᓄᐃᓕᐅᖅᓯᒪᓂᕐᒥᖕᓄᑦ ᖃᐅᔨᓯᒪᓂᐊᖅᐳᑦ ᐱᕚᓪᓕᕈᑎᖃᖅᓯᒪᓕᕐᓂᕐᒥᖕᓄᑦ. ᐊᒻᒪ ᑕᐃᒪᓐᓇᐃᒻᒪᑦ ᐱᓕᕆᐊᖅᐳᑦ,” ᐅᖃᓚᐅᖅᐳᖅ.

ᖁᕕᐊᓱᒃᐳᖓ ᐱᓕᕆᐊᖅᐳᑦ ᐃᓕᑕᕆᔭᐅᓚᐅᕐᒪᑕ, ᐊᒻᒪ ᓴᕆᒪᓱᒃᖢᖓ ᐊᒃᓱᕈᖅᓯᒪᓂᖏᓐᓄᑦ ᓄᑕᖃᑦ ᑕᒪᓐᓇ ᐱᓕᕆᐊᕆᔭᐅᓕᕐᒪᑦ. ᑕᐃᒪᓐᓇᐃᒻᒪ ᓄᑕᖃᓄᑦ ᑐᕌᕐᒪᑦ, ᑕᐃᒪᓐᓇ ᓇᖕᒥᓂᖃᕐᓂᕐᒧᑦ ᐅᐱᒋᔭᖃᖅᑐᑦ ᐃᑲᔪᖅᖢᑎᒡᓗ ᑕᒪᓐᓇ ᐱᓕᕆᐊᖑᓂᖓᓄᑦ ᑕᐃᒪᓐᓇ ᓴᕆᒪᓱᒍᑎᒋᕙᕋ.”

Leave a Comment:

Your email address will not be published. Required fields are marked *