ᓯᐊᕐᕆᔭᐅᑎᑯᑖᖕᓄᑦ ᖃᓕᕈᓯᕐᒨᖅᑐᓄᑦ ᓇᐅᔮᓂ

by Darrell Greer- February 22, 2018

ᐱᓇᓱᐊᕈᓯᐅᑉ ᓄᙳᐊᓂ ᑲᑎᖃᑎᖃᕐᓂᐅᓚᐅᖅᐳᖅ ᐱᖃᓐᓇᕆᔭᑐᖃᒥᓂᑦ, ᑐᙵᓇᖅᖢᑎᒃ ᓵᓚᖃᕋᓱᐊᕐᓂᐅᔪᒥ ᐊᒻᒪᓗ ᐊᓕᐊᓇᐃᒋᔭᖃᕐᓂᕐᒧᑦ ᑕᑯᔭᒃᓴᓕᒫᖏᓐᓂᑦ ᐊᕐᕌᒍᑕᒫᒥ ᐅᓇᑕᖅᑐᒃᓴᙳᐊᓄᑦ ᓱᒃᑲᓴᐅᑎᓂᐅᔪᒥ ᓵᓚᖃᕋᓱᐊᕐᓂᐅᔪᒥ ᐅᐊᐃᑦᕼᐅᐊᔅ, ᔫᑳᓐᒥ, ᐱᒋᐊᕐᓂᕆᔭᖓᓂ ᑕᖅᑭᐅᔪᒥᑦ.

ᓇᐅᔮᕐᒥᐅᑕᖅ ᐅᓇᑕᖅᑐᒃᓴᙳᐊᖅ ᕕᒃᑐᕐ ᕿᓪᓗᐊᖅ, ᓴᐅᒥᖓᓐᓂ, ᑲᖏᖅᖠᓂᕐᒥᐅᑕᖅ ᔫᑲᒻ ᐊᓇᒍᐊᖅ ᐊᒻᒪ ᓇᐅᔮᕐᒥᐅᑕᖅ ᒥᐊᕆ ᓵᓐᑎᐊᓪ ᓇᓄᕐᓗᒃ ᒪᒪᑕᒃᐳᑦ ᓇᐅᔮᑦ ᐃᖃᓗᖓᓐᓂ ᐊᒻᒪ ᑲᖏᖅᖠᓂᐅᑉ ᑐᒃᑐᖓᓂ ᐱᔭᕇᖅᓯᓚᐅᖅᑎᓪᓗᒋᑦ ᓱᒃᑲᓴᐅᑎᓂᖏᓐᓂ ᓵᓚᖃᕋᓱᐊᕐᓂᖓᓂ ᐅᐊᐃᑦᕼᐅᐊᔅ, ᔫᑳᓐᒥ, ᕕᕈᐊᕆ 11−ᒥ.

3055 RCACC ᓇᐅᔮᓂ ᓇᒃᓯᐅᑎᓚᐅᖅᐳᑦ 21 ᐅᓇᑕᖅᑐᒃᓴᙳᐊᓂ ᓱᒃᑲᓴᐅᑎᓂᐅᔪᒧᑦ, ᐊᒻᒪᓗ ᐊᖏᕐᕋᐅᔾᔨᕈᓘᔭᓚᐅᖅᐳᑦ ᖃᔅᓯᐊᕐᔪᖕᓂ ᑲᓐᓄᔭᐅᔭᕐᒥ ᐅᔭᒥᓂᑦ ᖃᓄᐃᓐᓂᐅᔪᒥ ᐊᒃᓱᕈᕐᓂᐅᓚᐅᖅᑐᒥ ᐱᓕᒻᒪᒃᓴᓂᖃᑦᑎᐊᕐᓇᑎᒃ ᑭᕙᓪᓕᕐᒥ

3055 ᑲᒪᔾᔨᒻᒪᕆᖓ ᓗᐊᐃᑦ ᕗᕌᓐᓯᔅ ᐅᖃᓚᐅᖅᐳᖅ ᑕᒪᒃᑭᑦ 8−ᖑᔪᑦ ᓇᐅᔮᕐᒥᐅᑕᑦ ᐅᓇᑕᖅᑐᒃᓴᙳᐊᑦ ᓵᓚᖃᕋᓱᐊᓚᐅᖅᑐᓂ ᕕᕈᐊᕆ 10 ᐊᒻᒪ 11 ᐱᐊᓂᒃᓯᔪᓐᓇᓚᐅᖅᐳᑦ ᓱᒃᑲᓴᐅᑎᓂᖏᓐᓂᑦ.

ᐅᖃᓚᐅᖅᐳᖅ ᓇᐅᔮᓂᕐᒥᐅᑕᐃᑦ 8− ᐅᓇᑕᖅᑐᒃᓴᙳᐊᖃᓚᐅᖅᐳᑦ ᐃᓚᐅᖃᑕᐅᔪᓂ ᓱᒃᑲᓴᐅᑎᓂᐅᔪᒥ ᐱᓕᒻᒪᒃᓴᕐᓂᕐᒧᑦ ᐱᓕᕆᐊᖑᔪᒥ ᖃᓄᐃᓐᓂᐅᔫᑉ ᑐᙵᕕᒋᔭᖓᓂ ᐃᓂᒋᔭᐅᕙᒃᑐᒥ, ᐊᒻᒪ ᑎᓴᒪᒃᑲᓐᓃᑦ ᐃᓚᐅᖃᑕᐅᓚᐅᖅᐳᑦ ᐃᑲᔪᖅᓱᐃᓂᕐᒥ ᐱᔨᑦᑎᕋᕐᓂᕐᒧᑦ ᐱᓇᓱᐊᕈᓯᐅᑉ ᓄᙳᐊᓂ.

ᐊᔪᕐᓇᓪᓚᕆᒃᐳᖅ ᐅᓇᑕᖅᑐᒃᓴᙳᐊᑦᑎᓐᓄᑦ ᓵᓚᖃᕋᓱᐊᕐᓂᕐᒧᑦ ᔭᓗᓇᐃᕝᒥᐅᓄᑦ ᐊᒻᒪ ᐅᐊᐃᑦᕼᐅᐊᔅᒥᐅᓄᑦ ᓱᒃᑲᓴᐅᑎᓂᕐᒧᑦ ᐱᓕᕆᕕᖃᕐᒪᑕ ᑕᒪᒃᑭᓄᑦ ᐊᖓᔪᖅᑳᖃᕐᕕᓂᑦ ᓄᓇᓕᖅᐸᐅᔭᓂᑦ,” ᐅᖃᓚᐅᖅᐳᖅ ᕗᕌᓐᓯᔅ.

ᓄᑕᖅᑲᕗᑦ ᓴᙱᓂᖃᑦᑎᐊᖅᑐᑦ ᐊᒻᒪ ᐱᔪᒪᓂᖃᑦᑎᐊᖅᖢᑎᒃ ᓵᓚᖃᕋᓱᐊᕐᓂᕐᒧᑦ, ᑭᓯᐊᓂ ᐃᓚᑰᓂᖃᕐᒪᑕ ᐃᓚᖏᓐᓂ ᐱᔭᕆᑐᔪᓂᑦ ᖃᓄᐃᓐᓂᐅᔪᒥᑦ.

ᓄᓇᕗᒻᒥᙶᖅᑐᓂ ᐅᓇᑕᖅᑐᒃᓴᙳᐊᑦ ᑲᓇᑕᒥ ᑲᑎᙵᓂᕐᒧᐊᖅᑐᖃᓚᐅᙱᓚᖅ, ᑭᓯᐊᓂ ᓴᙱᔪᒥ ᐱᐊᓂᖕᓂᖃᓚᐅᖅᐳᑦ ᐅᕙᓂ ᖃᓄᐃᓐᓂᐅᔪᒥᒃ, ᒪᕐᕉᖕᓂ ᑲᖏᖅᖠᓂᕐᒥᐅᑕᓂᒃ ᐅᓄᑕᖅᑐᒃᓴᙳᐊᓂ ᓂᕈᐊᖅᑕᐅᓚᐅᖅᐳᑦ ᐅᓇᑕᖅᑐᒃᓴᙳᐊᓄᑦ ᐃᑲᔪᖅᑐᐃᖃᑕᐅᓂᐊᕐᓂᕐᒧᑦ.

ᑕᒪᓐᓇ ᖃᓄᐃᓕᐅᕐᓂᑐᐊᖑᕗᖅ ᐊᕐᕌᒍᒥ ᐅᓇᑕᖅᑐᒃᓴᙳᐊᓅᖅᑐᑐᐊᓄᑦ ᐱᖓᓱᓂ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓄᑦ, ᑕᐃᒫᒃ ᑖᓐᓇᑐᐊᖑᕗᖅ ᑕᒪᒃᑭᓂ ᐅᑭᐅᖅᑕᖅᑐᒥ ᑲᑎᓲᖑᓂᖏᓐᓄᑦ ᐊᑕᐅᑦᑎᒥᒃ ᑖᔅᓱᒥᖓᑦᑕᐃᓐᓇᖅ ᐱᔾᔪᑎᖃᖅᑐᒧᑦ.”

ᕗᕌᓐᓯᔅ ᐅᖃᓚᐅᖅᐳᖅ ᐅᐊᐃᑦᕼᐅᐊᔅ ᓇᐅᔮᓂ ᐅᓇᑕᖅᑐᒃᓴᙳᐊᑦ ᓇᒃᓯᐅᔾᔨᕙᖕᓂᖏᓐᓂ ᐅᓇᑕᖅᑐᒃᓴᙳᐊᖏᓐᓂ ᐊᐅᔭᒃᑯᑦ ᑕᖕᒫᕐᓂᐅᔪᒧᑦ, ᑕᒪᓐᓇ ᓱᒃᑲᓴᐅᑎᓂᐅᔪᖅ ᐱᕕᒃᓴᖃᑦᑎᐊᕐᓂᐅᕗᖅ ᓄᑖᓄᑦ ᐅᓇᑕᖅᑐᒃᓴᙳᐊᓂ ᐃᒃᐱᒍᓱᓪᓚᕆᖕᓂᐅᔪᒥ ᓵᓚᖃᕋᓱᐊᕐᓂᐅᔪᒧᑦ.

ᐅᖃᓚᐅᕆᕗᖅ ᖃᓄᐃᓐᓂᐅᔪᖅ ᑐᓂᓯᓲᖑᒋᕗᖅ ᐅᓇᑕᖅᑐᒃᓴᙳᐊᖏᓐᓂ ᐃᒃᐱᒍᓱᓪᓚᕆᖕᓂᐅᔪᒥ ᓵᓚᖃᕋᓱᐊᕐᓂᐅᔪᒥᑦ.

ᐅᓇᑕᖅᑐᒃᓴᙳᐊ ᓵᓚᖃᕋᓱᐊᑦᑎᐊᓲᖑᕗᑦ ᐊᒻᒪᓗ ᐱᔭᕇᕈᒪᓪᓗᑎᒃ ᓱᒃᑲᓴᐅᑎᓂᐅᔪᒥᑦ.

ᐅᖃᐅᑎᒐᔪᒃᑕᒃᑲ ᖃᓄᐃᓗᐊᙱᑦᑐᖅ ᓇᒥ ᐱᐊᓂᖕᓂᖏᓐᓂ, ᐱᓇᔪᐃᓐᓇᕋᓱᐊᕈᑎᒃ ᐊᒻᒪ ᐃᒻᒥᖕᓂᒃ ᐅᔭᐅᕆᑦᑎᐊᕐᓗᑎᒃ ᐃᓕᓐᓂᐊᕐᓂᖅ ᐊᑐᕆᐊᕐᓗᒍ ᐊᒻᒪᓗ ᐱᔭᕇᕐᓗᑎᒃ.

ᐊᒻᒪᓗ, ᐱᓇᓱᐊᑦᑎᐊᕐᓗᑎᒃ ᐊᒻᒪᓗ ᓴᐱᓕᖅᑕᐃᓕᓗᑎᒃ, ᑕᒪᔾᔭ ᑕᐃᒪᐃᖁᑐᐃᓐᓇᖅᑕᒃᑲ.

ᑕᐃᒫᒃ ᐱᖓᓱᑦ ᐃᓚᖏᑦ ᑲᑎᑎᕆᓂᕐᒧᑦ ᑕᒪᒃᑭᓂᑦ ᐅᓇᑕᖅᑐᒃᓴᙳᐊ, ᐱᕕᒃᓴᖃᕐᓗᑎᒃ ᖃᐅᔨᒋᐊᕐᓂᕐᒧᑦ ᐅᐊᐃᑦᕼᐅᐊᔅ, ᐊᒻᒪᓗ ᐱᕕᒃᓴᖃᕐᓂᖏᓐᓄᑦ ᐱᓇᔪᐃᓐᓇᕐᓂᕐᒧᑦ ᐊᒻᒪ ᐱᔭᕇᖅᓯᓗᑎᒃ ᐊᔪᕐᓇᖅᑐᐊᓗᖕᒥ ᓵᓚᖃᕋᓱᐊᕐᓂᐅᔪᒥᑦ ᓱᒃᑲᓴᐅᑎᓂᐅᔪᒥ ᖃᓄᐃᓕᐅᕐᓂᑦᑎᐊᕙᐅᓂᖓᓂ.”

ᕗᕌᓐᓯᔅ ᐅᖃᓚᐅᖅᐳᖅ ᓇᐅᔮᓂᕐᒥᐅᑕᑦ ᐅᓇᑕᖅᑐᒃᓴᙳᐊᑦ ᐊᓕᐊᓇᐃᒋᔭᖃᓚᐅᖅᐳᑦ ᐊᒃᓱᕈᕐᓂᐅᔪᒥ ᓱᒃᑲᓴᐅᑎᓂᐅᔪᖅ ᑐᓂᓯᓂᖓᓂ, ᐊᒻᒪᓗ ᐊᓕᐊᓇᐃᒍᓱᑐᐃᓐᓇᖅᐳᑦ ᐃᓚᒋᔭᐅᓂᖏᓐᓂ ᖃᓄᐃᓐᓂᐅᔪᒥ ᐅᑭᐅᖅᑕᖅᑐᒧᑦ ᐅᓇᑕᖅᑐᒃᓴᙳᐊᓄᑐᐊᖅ.

ᐅᖃᓚᐅᖅᐳᖅ ᐃᓚᖏᑦ ᓄᑖᖑᓂᖅᓴᑦ ᓯᐊᕐᕆᔭᐅᑎᑯᑖᖅᑎᐅᔪᑦ ᖁᕕᐊᑐᐃᓐᓇᖅᐳᑦ ᐱᐊᓂᖕᓂᕐᒧᑦ, ᐊᒻᒪᓗ ᐊᓕᐊᓇᐃᒋᔭᖃᑦᑎᐊᖅᐳᑦ ᑕᑰᑎᓂᕐᒧᑦ ᐊᓯᖏᓐᓂ ᐅᓇᑕᖅᑐᒃᓴᙳᐊ ᐅᑭᐅᖅᑕᖅᑐᓗᒃᑖᒥᑦ.

ᐅᖃᓚᐅᖅᐳᖅ ᐃᓚᖏᑦ ᐅᓇᑕᖅᑐᒃᓴᙳᐊ, ᑭᓯᐊᓂ, ᖃᓄᐃᓐᓂᐅᔪᒥ ᐱᕕᒡᔪᐊᕆᕙᖓᑦ.

ᐅᓇᑕᖅᑐᒃᓴᙳᐊᖃᖅᐳᖓ ᓱᒃᑲᓴᐅᑎᓂᐅᔪᒥ ᐱᒻᒪᕆᐅᒋᔭᖃᕐᔪᐊᖅᐳᑦ ᐊᒻᒪ ᐃᒻᒥᖕᓂᒃ ᐊᔭᐅᕆᕐᔪᐊᖅᖢᑎᒃ.

ᐃᓚᖏᑦ ᖃᓄᐃᓕᖓᓂᐅᔪᑦ ᑕᒪᑐᒪᓂ ᐊᕐᕌᒎᔪᒥ ᐅᖓᓯᓗᐊᓚᐅᙱᑦᑐᑦ ᓯᕗᓕᐅᖅᑎᐅᔪᓂᑦ, ᑕᐃᒫᒃ ᓵᓚᖃᕋᓱᐊᕐᔪᐊᓚᐅᖅᐳᑦ.

ᑭᓯᐊᓂ ᖁᕕᐊᒋᔭᖃᕐᔪᐊᓚᐅᖅᐳᑦ ᐊᓯᖏᓐᓂ ᐅᓇᑕᖅᑐᒃᓴᙳᐊᓂ ᑲᑎᙵᓂᐅᔪᓂᑦᑕᐅᖅ, ᐱᓗᐊᖅᑐᒥ ᑲᑎᙵᓂᐅᔪᓂ ᐅᓇᑕᖅᑐᒃᓴᙳᐊᑦ ᖃᐅᔨᒪᓚᐅᖅᑕᖏᓐᓂ ᐊᐅᔭᒃᑯᑦ ᑕᖕᒫᕐᓂᐅᔪᒥᑦ, ᑕᐃᒫᒃ ᖁᕕᐊᓱᙱᑦᑑᙱᑦᑐᑦ ᐊᓯᖏᓐᓂ ᐅᓇᑕᖅᑐᒃᓴᙳᐊᓂ ᑲᑎᙵᓂᐅᔪᓂᑦ ᓵᓚᒃᓴᕌᖓᑕ, ᐊᒻᒪᓗ ᑕᒪᓐᓇ ᐃᓕᖅᑯᓯᖃᕐᕕᖃᕐᓂᐅᔪᖅ ᑕᑯᔪᒪᓲᕋ.”

ᕗᕌᓐᓯᔅ ᐅᖃᓚᐅᖅᐳᖅ ᑕᐃᒪᓐᓇᑎᑐᑦ ᐅᓇᑕᖅᑐᒃᓴᙳᐊ ᑲᑎᙵᓂᐅᔪᓂᑦ ᓄᓇᕘᑉ ᓯᓚᑖᓂ, ᓱᒃᑲᓴᐅᑎᓂᐅᔪᖅ ᓱᓕ ᓴᖅᑭᑎᑦᑎᓲᖑᕗᖅ ᐃᓛᓐᓂᒃᑯᑦᐅᐊᑲᓪᓚᖔᓯᕗᓪᓕᖅᐹᖑᔪᓂ ᐊᐅᓪᓛᖅᑎᐅᔪᓂᑦ.

ᐅᖃᓚᐅᖅᐳᖅ 16-ᐅᑭᐅᓕᒃ ᐅᓇᑕᖅᑐᒃᓴᙳᐊᖅ ᐊᐅᓪᓛᖅᑐᒥ ᓄᓇᕘᑉ ᓯᓚᑖᓄᑦ ᓯᕗᓪᓕᖅᐹᑦᑎᐊᒥ ᓱᒃᑲᓴᐅᑎᓂᐅᔪᒥ, ᐊᒻᒪᓗ ᑕᑯᓪᓗᓂ ᓇᐹᖅᑐᓂᑦ ᓯᕗᓪᓕᖅᐹᑦᑎᐊᒥ, ᐅᐊᑲᓪᓚᖔᖑᓂᐅᓚᐅᖅᐳᖅ.

ᑕᒪᓐᓇᐅᓂᖓ, ᐅᓇᑕᖅᑐᒃᓴᙳᐊᒥᒃ ᐊᐅᓪᓛᕐᓂᐅᔪᒥ ᓄᓇᕘᑉ ᓯᓚᑖᓄᑦ ᐊᒻᒪᓗ ᐊᑐᕐᓂᖃᖅᖢᓂ ᓄᑖᖑᓂᐅᔪᓂᑦ ᒫᓐᓇᐅᓂᖓᓂ, ᓴᖅᑭᑎᑦᑏᓐᓇᕐᓂᐊᖅᐳᖅ ᖁᕕᐊᓇᖅᑐᒥ ᖃᓄᐃᓐᓂᐅᔪᓂᑦ, ᐊᒻᒪᓗ ᑕᒪᒃᑯᐊᖑᔪᑦ ᐅᓇᑕᖅᑐᒃᓴᙳᐊᑦ ᐱᓕᕆᐊᖑᔪᒥ ᐱᒻᒪᕆᐅᕐᔪᐊᕐᓂᖓᓂ ᓄᑕᖅᑲᖁᑎᑦᑎᓐᓄᑦ.

ᓯᕗᒻᒧᑦ ᐃᖏᕐᕋᓂᕐᒧᑦ, ᑕᐃᒪᑐᖅ ᓯᓚᕗᑦ ᐱᑦᑎᐊᕐᓂᐊᖅᐳᖅ ᕿᓚᒻᒥᐅᔪᒥ ᐅᖓᓯᖕᓂᖅᓴᒥᓪᓘᓐᓃᑦ ᐊᒻᒪᓗ ᑕᐃᒪᑐᖅ ᐱᓕᕆᓂᖃᕈᓐᓇᓛᖅᐳᒍᑦ 20−ᒋᔭᑦᑎᓐᓂ ᓇᓪᓕᐅᕐᓂᖅᓯᐅᕐᓂᕐᒧᑦ ᑲᑎᓐᓂᕆᔭᑦᑎᓐᓂ.

ᐱᒋᐊᓚᐅᖅᐳᒍᑦ ᕿᑭᕆᐊᑦᑎᐊᕋᓱᐊᕐᓂᕐᒧᑦ ᑕᒪᑐᒪᓂ ᐱᓇᓱᐊᕈᓯᐅᑉ ᓄᙳᐊᓂ, ᒪᕐᕉᖕᓂ ᑲᑎᙵᓂᐅᔪᓂ ᑕᓪᓕᒪᓂᑦ ᖁᑭᕆᐊᖅᖢᑎᒃ ᑕᒪᒃᑭᓂᒃ ᓇᖏᖅᓯᒪᓂᐅᔪᓄᑦ ᐊᒻᒪᓗ ᓴᓂᓕᐊᓂ ᐃᓂᐅᔪᓄᑦ.

ᖃᐅᔨᓛᖅᐳᒍᑦ ᕕᕈᐊᕆ ᓄᙳᐊᓂ ᒫᔾᔨᒦᓪᓘᓐᓃᑦ ᐱᒋᐊᕐᓂᖓᓂ ᓇᐃᓴᐅᓯᑦᑎᐊᓚᐅᕐᒪᖔᑦᑕ ᖁᑦᑎᒃᑐᒥ ᓯᕗᒻᒧᐊᕐᓂᕐᒧᑦ ᑭᖑᓪᓕᕐᒧᑦ ᐱᓕᕆᓂᐅᔪᒧᑦ ᒋᒻᓕ, ᒫᓂᑑᐸᒧᑦ.”

Leave a Comment: