ᓇᐅᔮᒥᐅᑦ ᐊᑦᓯᖅᑕᐅᓂᖏᑦ ᐊᔪᖏᓛᖑᓪᓗᑎᒃ ᐅᓇᑕᖅᑐᒃᓴᖑᐊᓛᖏᑦ

by Darrell Greer- December 5, 2017

ᐊᕐᕌᒍᖅ ᐃᓱᓕᓕᖅᐳᖅ ᐊᑲᐅᔪᒥᒃ ᐊᑐᖅᓯᒪᓪᓗᑎᒃ ᑖᒃᑯᐊ ᐅᓇᑕᖅᑐᒃᓴᖑᐊᓛᑦ 3055 Royal Canadian Army Cadets Corps (RCACC) ᓇᐅᔮᓂ, ᐊᑦᓯᖅᑕᐅᓚᐅᖅᖢᑎᒃ ᐊᔪᖏᓛᖑᓂᖏᓐᓄᑦ ᑐᖏᓕᐊᓂ ᐅᑭᐅᒥ ᑕᐃᒪᓐᓇ ᐊᑦᓯᖅᑕᐅᓯᒪᓕᖅᓗᑎᒃ.

ᐃᓂᒋᔭᐅᔪᒥ ᐃᓕᓐᓂᐊᖅᑎᑎᔨ ᑳᑉᑎᓐ ᐃᐅᕆᓐ ᒪᑭᓐᓕ ᑐᓂᓯᔪᖅ ᑳᑉᑎᓐ ᓗᐃᑦ ᕗᕋᐃᓐᓯᔅᒧᑦ, ᓴᐅᒥᐊᓂ, ᐊᒻᒪ ᓯᕝ ᕗᐊᕋᓐ ᐋᕕᓱ ᑎᐅᕋᓐ ᒪᑉᓴᓛᒧᑦ ᐃᓕᑕᕆᔭᐅᒍᑎᒥᒃ ᐊᑦᓯᖅᑕᐅᑉᓗᑎᒃ 3055 RCACC ᓇᐅ​ᔮᓂ ᐅᓇᑕᖅᑐᒃᓴᖑᐊᓛᑦ ᖁᑦᓯᓛᒃᑯᑦ ᐊᔪᖏᑦᓯᐊᕐᓂᖏᓐᓄ ᓄᓇᕗᒥ ᑐᖏᓕᐊᓂ ᐅᑭᐅᒥ ᓄᕕᐱᕆ 24-ᒥ ᓇᐅᔮᓂ.

ᖁᑦᓯᓛᒃᑯᑦ ᐅᓇᑕᖅᑐᒃᓴᖑᐊᓛᑦ ᒪᕐᕉᒃ ᖁᑦᓯᖕᓂᖅᓴᒧᐊᖅᑕᐅᓚᐅᕆᓪᓗᑎᒃ, ᔮᒃ ᑯᐸᒃ ᐊᒻᒪ ᐃᐅᕆᓐ ᑯᐸᒃ, ᕗᐊᕋᓐ ᐋᕕᓱᖑᖅᑎᑕᐅᓪᓗᑎᒃ. ᑕᒪᕐᒥᒃ ᔮᒃ ᐊᒻᒪ ᐃᐅᕆᓐ ᐅᑭᐅᒥ ᑕᓪᓕᒪᓂ ᐅᓇᑕᖅᑐᒃᓴᖑᐊᓛᖑᓕᖅᐳᑦ.

ᑖᒃᑯᐊ ᑲᒪᔨᖓᑦ ᑳᑉᑎᓐ ᓗᐃ ᕗᕋᐃᓐᓯᔅ ᐅᖃᓚᐅᖅᐳᖅ ᑕᒪᕐᒥᒃ ᔮᒃ ᐊᒻᒪ ᐃᐅᕆᓐ ᐱᐊᓂᓚᐅᕐᒪᑎᒃ ᖃᓄᐃᓕᐅᕈᑕᐅᒋᐊᖃᖅᑐᓂᒃ ᐊᑐᖅᑕᐅᒋᐊᖃᖅᑐᓂᒃ ᐃᓕᓐᓂᐊᕈᑕᐅᒋᐊᖃᖅᑐᓂᒡᓗ ᕗᐊᕋᓐ ᐋᕕᓱᖑᕐᓂᕐᒧᑦ ᑕᐃᒪᓐᓇᓗ ᐱᑎᑕᐅᒋᐊᖃᓚᐅᖅᖢᑎᒃ, ᑕᒪᒃᑯᐊ ᕗᐊᕋᓐ ᐋᕕᓱᒃᑯᑦ 6ᖑᓕᖅᖢᑎᒃ ᓇᐅᔮᓂ, ᐃᓚᐅᑎᑕᐅᓪᓗᓂ ᓰᕝ ᕗᐊᕋᓐ ᐋᕕᓱᐃᑦ ᒪᕐᕉᓕᖅᖢᑎᒃ.
ᐅᖃᓚᐅᖅᐳᖅ ᐅᓇᑕᖅᑐᒃᓴᖑᐊᓛᑦ ᖁᕕᐊᓱᒃᑎᑕᐅᒃᑲᓐᓂᓚᐅᖅᐳᑦ ᐊᑦᓯᖅᑕᐅᓂᕐᒧᑦ ᐅᓇᑕᖅᑐᒃᓴᖑᐊᓛᑦᓯᐊᕙᐅᓂᖏᓐᓄᑦ ᐊᕐᕌᒍᒥ ᑭᕙᓪᓕᕐᒥ ᐊᕐᕌᒍᑕᒫᖅᓯᐅᑎᓂ ᖁᕕᐊᓱᖕᓇᐅᑎᓪᓗᒍ ᓂᕆᕕᒡᔪᐊᖅᑎᑕᐅᓪᓗᑎᒃ ᑑᒑᓕᒃ ᐃᓕᓐᓂᐊᕐᕕᒡᔪᐊᖓᓂ.

ᐃᒻᒪᖄ 40 ᐅᓇᑕᖅᑐᒃᓴᖑᐊᓛᑦ ᐃᓚᐅᓚᐅᖅᐳᑦ ᓂᕆᕕᒡᔪᐊᖃᑕᐅᓪᓗᑎᒃ ᓄᓇᓕᖕᓂᒥᐅᓂᒃ ᐃᓚᐅᑎᑦᓯᓪᓗᑎᒃ ᖃᐃᖁᔨᓯᒪᓪᓗᑎᒃ , ᐃᓚᐅᓚᐅᖅᖢᓂ ᓂᐅᕕᕐᕕᖕᒥ ᐊᐅᓚᑦᓯᔨᖓᑦ ᑯᐊᐸᒃᑯᓐᓂᓪᓗ, ᒪᐃᔭ ᓄᓕᐊᖓᓗ, ᑎᑎᕋᖅᑎ ᓄᓕᐊᖓᓗ, ᐱᖓᓱᒃ ᐃᓐᓇᑐᖃᕗᑦ ᐅᓇᑕᖅᑐᒃᓴᖑᐊᓛᓂ, ᐳᑭᖅᑕᓕᒃ ᐊᒻᒪ ᐃᓕᓐᓂᐊᕐᕕᐊᓛᒥ ᐊᖓᔪᖄᖅ,” ᐅᖃᓚᐅᖅᐳᖅ ᕗᕋᐃᓐᓯᔅ.

ᐃᓕᓐᓂᐊᖅᑎᑎᔨᖃᓚᐅᖅᐳᕐᓗ ᐊᑕᐅᓯᕐᓗ ᓇᔭᖑᐊᖅ ᐃᑲᔪᕆᐊᖅᓯᒪᓪᓗᓂ ᐊᑭᓕᖅᑐᖅᑕᐅᖏᑦᖢᓂ ᓂᕿᓕᐅᖃᑕᐅᓪᓗᓂ ᐊᕿᒋᕐᔪᐊᒥᒃ ᐊᓯᖏᓐᓂᒡᓗ ᐃᓗᓕᒥᐅᑕᖏᓐᓂᒃ, ᐸᑕᐃᑐᐃᑦ, ᑭᐅᕆᑦᔅ, ᑑᓂᑉᔅ ᐊᒻᒪ ᐸᐅᖓᐃᑦ.

ᑕᒪᕐᒥᒃ ᓂᕆᐅᒋᔭᖃᓚᐅᖅᐳᖅ ᖁᕕᐊᓱᖕᓇᒥ ᓂᕆᕕᒡᔪᐊᖃᑕᐅᓂᕐᒧᑦ ᑕᐃᒪᓐᓇ ᓂᕆᖃᑦᑕᖏᓐᓇᑦᑕ ᐊᓐᓄᕌᖅᓯᒪᓪᓗᑕ ᐅᓇᑕᖅᑐᒃᓴᖑᐊᓛᑦ ᐊᓐᓄᕌᖏᓐᓂᒃ … ᐃᓕᓐᓂᐊᕐᕕᒃ ᐃᖃᐃᓕᓴᕐᕕᖓ ᐱᐅᓴᖅᓯᒪᓪᓗᓂ ᐊᐅᓚᖁᑎᖃᖅᖢᓂᓗ ᐊᒻᒪ ᐅᓇᑕᖅᑐᒃᓴᖑᐊᓛᑦ ᑕᐃᒪᓐᓇ ᓂᕆᕕᒡᔪᐊᖃᑎᒌᓚᐅᖅᐳᒍᑦ.”

ᕗᕋᐃᓐᓯᔅ ᐅᖃᓚᐅᖅᐳᖅ ᐱᖓᓲᖕᒪᑕ ᐊᖏᔪᑦ ᖃᓄᐃᓕᐅᕈᑕᐅᓂᐊᖅᑐᑦ ᐊᕐᕌᒍᒥ ᐅᓇᑕᖅᑐᒃᓴᖑᐊᓛᓄᑦ: ᑭᖑᓪᓕᖅᐹᖅᓯᐅᑦ ᐅᓇᑕᖅᑐᒃᓴᖑᔭᕐᓂᖅ ᐊᕐᕌᒍᒥ ᖁᒡᕙᖅᑕᐅᒋᐊᖅᑐᖃᖅᑎᓪᓗᒍ, ᐅᓇᑕᕐᔪᐊᓚᐅᖅᓯᒪᔪᓂᒃ ᐃᖅᑲᐅᒪᔭᖃᕐᓂᖅ ᐊᒻᒪ ᖁᕕᐊᓱᒡᕕᖕᒥ ᐅᓇᑕᖅᑐᒃᓴᖑᐊᓛᑦ ᓂᕆᕕᒡᔪᐊᖅᑎᑕᐅᓂᖏᑦ.

ᐅᖃᓚᐅᖅᖢᓂᓗ ᑕᒡᕙᓂ ᐊᕐᕌᒍᒥ ᐊᔾᔨᐅᖏᑦᑑᑎᑕᐅᒃᑲᓐᓂᓚᐅᖅᐳᖅ ᐊᑦᓯᖅᑕᐅᕐᒪᑕ ᖁᑦᓯᓛᖑᓪᓕᑎᒃ ᐅᓇᑕᑦᑐᒃᓴᖑᐊᖑᓂᕐᒧᑦ ᑐᖏᓕᐊᓂ ᐊᕐᕌᒍᒥ, ᐃᓚᐅᑎᑕᐅᓚᐅᖅᖢᑎᒃ ᓄᓇᕗᒥ ᐊᒻᒪ ᒫᓂᑑᐸᒥᐅᑦ ᐅᓇᑕᖅᑐᒃᓴᖑᐊᓛᖏᑦ.

ᓂᕆᐅᒋᓚᐅᖏᑉᐸᕗᑦ ᖃᐃᖁᔭᐅᓯᒪᔪᖃᕐᒪᑦ −− ᑭᕙᓪᓕᕐᒥ ᐃᓕᓐᓂᐊᖅᑎᑎᔨ ᑳᑉᑎᓐ ᐃᐅᕆᓐ ᒪᑭᓐᓕ −− ᑕᑯᔭᖅᑐᓚᐅᖅᖢᓂ ᑲᖏᖅᖠᓂᕐᒧᑦ ᐊᒻᒪ ᓇᐅᔮᓄᑦ,” ᕗᕋᐃᓐᓯᔅ ᐅᖃᓚᐅᖅᐳᖅ.

ᐊᑦᓯᖅᑕᐅᓪᓗᓂ ᖁᑦᓯᓛᒃᑯᑦ ᐅᓇᑕᖅᑐᒃᓴᖑᐊᓛᖑᓂᕐᒧᑦ ᑐᖏᓕᐊᓂ ᐊᕐᕌᒍᒥ ᐊᔾᔨᐅᖏᑦᓚᐅᖅᐳᖅ,” ᕗᕋᐃᓐᓯᔅ ᐅᖃᓚᐅᖅᐳᖅ.

ᑳᑉᑎᓐ ᒪᑭᓪᓕ ᐃᓚᐅᓚᐅᖅᐳᖅ ᓂᕆᕕᒡᔪᐊᖃᑕᐅᓂᕐᒧᑦ ᐊᐱᕆᓚᐅᖅᐸᕋᓗ ᐅᖃᓪᓚᒍᒪᖕᒪᖔᑦ ᖃᐅᔨᒪᓚᐅᖏᑉᐳᖓ ᖃᓄᐃᓕᐅᓂᐊᕐᓂᖓᓄᑦ ᑭᓯᐊᓂ ᓂᕆᐅᓚᐅᖏᑉᐳᖓ ᐅᖃᐅᓯᕆᔭᖏᓐᓂᒃ, ᐅᖃᓚᐅᖅᑎᓪᓗᒍ ᑐᓴᖅᑎᑎᒍᑎᒥᒃ.”

ᐊᑦᓯᖅᑕᐅᓪᓗᓂ ᖁᑦᓯᓛᒃᑯᑦ ᐅᓇᑕᖅᑐᒃᓴᖑᐊᓛᑦᓯᐊᖑᓂᕐᒧᑦ ᑐᖏᓕᐊᓂ ᐅᑭᐅᒥ ᐊᒃᓱᕈᕐᓇᖅᐳᖅ ᑕᐃᒪᓐᓇᐃᓕᖓᐃᓐᓇᕈᒪᓇᖅᐳᕐᓗ, ᕗᕋᐃᓐᓯᔅ ᐅᖃᓚᐅᖅᐳᖅ, ᑭᓯᐊᓂ ᐅᓇᑕᖅᑐᒃᓴᖑᐊᓛᑦ ᐊᕐᕌᒍᒥ ᐃᒪᓐᓇᐃᓕᐅᖅᓯᒪᓂᕆᔭᒥᓂᒃ ᓱᓕ ᐱᓕᕆᐊᖃᖅᐳᑦ.

ᕗᕋᐃᓐᓯᔅ ᐅᖃᓚᐅᖅᐳᖅ ᐱᓕᕆᔨᖃᕐᓂᖅ ᐃᖢᐃᓪᓕᐅᕈᑎᒋᔭᐅᖏᓐᓇᖅᐳᖅ ᐅᓇᑕᖅᑐᒃᓴᖑᐊᓛᓄᑦ ᐱᓕᕆᔨᖃᒃᑲᓐᓂᕈᒪᓪᓗᓂᓗ, ᑭᓯᐊᓂ ᑕᒪᓐᓇ ᐱᓕᕆᐊᕆᔭᐅᔪᖅ ᓚᑭᐅᕗᖅ ᐃᑲᔪᖅᑐᖅᑕᐅᖏᓐᓇᕐᒪᑕ ᓂᐅᕕᕐᕕᒃᑯᒃᑯᓐᓄᑦ ᕼᐊᒻᓚᒃᑯᓐᓄᓪᓗ.

ᑕᐃᒪᓐᓇᐃᑉᐳᒍᑦ ᐃᑲᔪᖅᑕᐅᓯᒪᑉᓗᑕ ᓄᓇᓕᖕᓂᒥᐅᑕᑦᓯᐊᕙᖕᓄᑦ,” ᐅᖃᓚᐅᖅᐳᖅ.

ᐱᓕᕆᕕᖃᖅᑐᑦ ᓄᓇᓕᖕᒥ ᕼᐊᒻᓚᒃᑯᓪᓗ ᑕᒪᕐᒥᒃ ᐅᓇᑕᖅᑐᒃᓴᖑᐊᓛᓂᒃ ᓇᐅᔮᓂ ᓴᓐᖏᓂᕆᔭᐅᖃᑕᐅᕗᑦ ᓄᓇᓕᖕᒥ.”

Leave a Comment:

Your email address will not be published. Required fields are marked *