ᒪᓕᒃᓴᕐᓂᖅ ᐊᐅᓚᖁᑎᒥᒃ

by Darrell Greer- May 17, 2018

ᓕᐅ (ᑕᓕ) ᖃᓗᔾᔭᖅ ᐅᑎᓚᐅᖅᐳᖅ ᓵᓚᖃᖅᑎᐅᔪᓄᑦ ᐊᖕᒪᓗᖅᓯᓯᒪᓂᐅᔪᒧᑦ ᐱᓪᓗᓂ ᐃᓐᓇᕐᓄᑦ ᐊᕕᒃᓯᒪᓂᐅᔪᒥ ᑭᕙᓪᓕᕐᒥ ᓵᓚᖃᕋᓱᐊᕐᓂᐅᔪᒥ ᓯᑭᑑᒃᑯᑦ ᓱᒃᑲᓴᐅᑎᓂᐅᔪᓂᑦ ᑲᖏᖅᖠᓂᕐᒥ ᒪᐃ 8-ᖑᑎᓪᓗᒍ.

ᓱᒃᑲᓴᐅᑎᓂᐅᔪᑦ ᐊᐅᓚᑦᑕᕆᐊᖃᓚᐅᖅᐳᑦ ᑲᖏᖅᖠᓂᕐᒥ ᒪᐃ 5 ᐊᒻᒪ 6-ᒥ, ᑭᓯᐊᓂ ᓯᓚᑦᑎᐊᕙᐅᙱᑦᑐᒧᑦ ᓵᓚᖃᕋᓱᐊᕐᓂᐅᔪᒥ ᐃᓐᓇᕐᓄᑦ ᐊᕕᒃᓯᒪᓂᐅᔪᒥ ᓅᑕᐅᓂᖓᓄᑦ ᒪᐃ 8-ᒧᑦ ᑕᐃᑲᙵᑦ ᐱᓕᕆᐊᖑᓂᐊᓚᐅᖅᑕᖓᓂ.

ᓕᐅ (ᑕᓕ) ᖃᓗᔾᔭᖅ ᖁᑦᑎᒃᑐᒧᑦ ᑭᕕᒃᑕᐅᕗᖅ ᓯᑭᑑᖓᓂ ᐱᓚᐅᖅᑎᓪᓗᒍ ᐊᐅᓚᖁᑎᒥᑦ ᐃᓐᓇᕐᓄᑦ ᐊᕕᒃᓯᒪᓂᐅᔪᒥ ᑭᕙᓪᓕᕐᒥ ᓵᓚᖃᕋᓱᐊᕐᓂᐅᔪᒥ ᓯᑭᑑᒃᑯᑦ ᓱᒃᑲᓴᐅᑎᓂᐅᔪᓂ ᑲᖏᖅᖠᓂᕐᒥ ᒪᐃ 8-ᖑᑎᓪᓗᒍ.
Leo (Dali) Kaludjak is lifted high on his machine after taking the flag in the Senior Division of the Kivalliq Challenge snowmobile races in Rankin Inlet on May 8, 2016. photo courtesy Noel Kaludjak

ᑐᕈᐊᐃ ᒪᒃᐸ ᐱᓚᐅᖅᐳᖅ ᔫᓂᐊᓂ ᐊᕕᒃᓯᒪᓂᐅᔪᒥ ᓵᓚᖃᕈᑕᐅᔪᒥ (18-ᓂ ᐅᑭᐅᓕᖕᓂ ᐊᒻᒪ ᑐᖔᓂ), ᕌᔅ ᑕᑎ ᐱᓪᓗᓂ ᐊᐅᓚᖁᑕᐅᔪᒥ ᐊᔪᙱᓛᖑᔪᓄᑦ ᐊᕕᓯᒪᓂᐅᔪᒥ (35 ᐊᒻᒪ ᐅᖓᑖᓄᑦ).

ᑲᑎᓪᓗᒍ $42,000-ᓂ ᓵᓚᖃᐅᓯᐊᓂ ᑮᓇᐅᔭᓂᑦ ᑐᓂᐅᖅᑲᖅᑕᐅᓚᐅᖅᐳᑦ ᐱᖓᓱᓄᑦ ᐊᕕᒃᓯᒪᓂᐅᔪᓂᑦ ᑕᒪᑐᒪᓂ ᐊᕐᕌᒍᒥ.

ᒃᑲᓴᐅᑎᓂᕐᒧᑦ ᐋᖅᑭᒃᓱᐃᔨᐅᔪᖅ ᐊᒻᒪ ᐊᐅᓚᑦᑎᔨᐅᔪᖅ ᓅᓪ ᖃᓗᔾᔭᖅ ᐊᐅᓚᑦᑎᓯᒪᕗᖅ ᑭᕙᓪᓕᕐᒥ ᓵᓚᖃᕋᓱᐊᕐᓂᐅᔪᒥ ᓱᒃᑲᓴᐅᑎᓂᐅᔪᓂᑦ ᖄᖏᖅᓯᒪᓕᖅᑐᓄᑦ ᐊᕐᕌᒍᓄᑦ ᑕᓪᓕᒪᓄᑦ.

ᐅᖃᓚᐅᖅᐳᖅ ᑕᒪᑐᒪᓂ ᐊᕐᕌᒍᒥ ᐃᖏᕐᕋᕕᒋᔭᖓ 5.1 ᑭᓛᒥᑑᓚᐅᖅᐳᖅ ᑕᑭᓂᖓᓂ ᐊᒻᒪ ᖃᐃᕋᐃᓐᓇᓚᐅᖅᐳᖅ ᓱᒃᑲᓴᐅᑎᓂᐅᔪᓄᑦ.

ᔫᓂᐊᑦ ᐃᖏᕐᕋᓚᐅᖅᐳᑦ 8-ᓂ-ᐅᐃᔾᔮᕐᓂᐅᔪᓂ ᓱᒃᑲᓴᐅᑎᓂᐅᔪᒥ, ᐊᔪᙱᓛᖑᔪᑦ ᐃᖏᕐᕋᓪᓗᑎ 10-ᓂ-ᐅᐃᔾᔮᕐᓂᐅᔪᒥ ᓱᒃᑲᓴᐅᑎᓂᐅᔪᒥ. ᐃᓐᓇᕐᓄᑦ ᐊᕕᒃᓯᒪᓂᐅᔪᒥ ᐃᖏᕐᕋᓚᐅᖅᐳᑦ8-ᓂ ᐅᐃᔾᔮᕐᓂᐅᔪᓂ ᐊᑐᓂ ᓱᒃᑲᓴᐅᑎᓂᐅᔪᒥ ᐱᔪᓐᓇᕋᓱᐊᕐᓂᕐᒧᑦ ᓱᒃᑲᓴᐅᑎᓂᐅᔪᓂᑦ, ᑭᖑᓪᓕᖅᐹᒧᑦ ᓯᕗᓂᖓᓂ 10-ᓂ ᐅᐃᔾᔮᕐᓂᖃᖅᖢᑎᒃ ᐊᒻᒪ ᓵᓚᖃᕐᔪᐊᕐᓂᐅᔪᓄᑦ ᑭᖑᓪᓕᖅᐹᖓᓂ 20-ᓂ ᐅᐃᔾᔮᕐᓂᖃᖅᖢᓂ.

ᐅᓄᕐᓂᐅᔪᓂ ᓱᒃᑲᓴᐅᑎᔪᓂᑦ ᐊᔪᙱᓛᖑᔪᓄᑦ ᐊᕕᒃᓯᒪᓂᐅᔪᒥ ᐊᑦᑎᒃᐸᓪᓕᖅᓯᒪᕐᔪᐊᓚᐅᖅᐳᖅ ᑕᒪᑐᒪᓂ ᐊᕐᕌᒍᒥ, 6-ᑐᐃᓐᓇᓂ ᐃᓚᐅᖃᑕᐅᓪᓗᑎᒃ, ᐅᖃᓚᐅᖅᐳᖅ ᖃᓗᔾᔭᖅ.

ᐅᓄᕐᓂᖏᑦ ᐊᑦᑎᒃᓯᒋᐊᓚᐅᖅᐳᖅ ᐊᑦᑎᒃᓯᒋᐊᓚᐅᕋᒃᑯ ᖁᑦᑎᓛᖑᔪᒥ ᓵᓚᖃᐅᓯᐊᖓᓂ $3,000-ᒧᑦ $5,000-ᒥ ᐊᕐᕌᒎᓚᐅᖅᑐᒥ, ᑭᓯᐊᓂ ᐊᑦᑎᒃᓯᒋᐊᓚᐅᖅᐸᕗᑦ ᐃᓯᕈᑎᐊᓂ ᐊᑭᖓᓂ $300-ᒥ $150-ᑐᐃᓐᓇᒧᑦ ᑕᒪᑐᒪᓂ ᐊᕐᕌᒍᒥ,” ᐅᖃᓚᐅᖅᐳᖅ.

ᓅᓪ ᐅᖃᓚᐅᖅᐳᖅ ᓵᓚᖃᕋᓱᐊᕐᓂᖅ ᖃᓂᒌᒃᑐᑕᐅᓚᐅᖅᐳᑦ ᑕᒪᑐᒪᓂ ᐊᕐᕌᒍᒥ, ᐱᓗᐊᖅᑐᒥ ᔫᓂᐊᓂ ᐊᕕᒃᓯᒪᓂᐅᔪᓂ.

ᐅᖃᓚᐅᖅᐳᖅ ᖃᔅᓯᐊᕐᔪᖕᓂ ᐱᕐᕈᓗᐊᕿᓂᑕᖃᓚᐅᖅᐳᖅ ᐊᒻᒪ ᐊᑕᐅᓯᕐᒥ ᐋᓐᓂᖅᑐᖃᒐᓛᒃᖢᓂ.

ᐃᓐᓇᕐᓄᑦ ᐊᕕᒃᓯᒪᓂᐅᔪᖅ ᓱᒃᑲᔪᒻᒪᕆᐅᓚᐅᖅᐳᖅ ᑕᒪᑐᒪᓂ ᐊᕐᕌᒍᒥ,” ᐅᖃᓚᐅᖅᐳᖅ. “ᐊᕐᕌᓂ ᓵᓚᖃᖅᑎᐅᔪᖅ (ᓇᓇᐅᖅ ᑕᓄᔭᒃ) ᑭᖑᓪᓕᖅᐸᖅᓯᐅᑎᓄᐊᓚᐅᙱᒻᒪᕆᒃᑐᖅ ᑕᒪᑐᒪᓂ ᐊᕐᕌᒍᒥ, ᓯᑭᑑᖓ ᖃᓄᐃᖅᑰᕐᓂᕐᒪᑦ ᓱᒃᑲᓴᐅᑎᓚᐅᙱᒻᒪᑦ ᓱᒃᑲᔪᒥ.”

ᓯᓚᖓ ᐱᐅᑦᑎᐊᓚᐅᙱᒻᒪᑦ ᑕᒪᑐᒧᖓ ᐊᕐᕌᒍᒧᑦ ᑭᖑᓪᓕᖅᐹᖅᓯᐅᑎᖏᓐᓄᑦ, ᑭᓯᐊᓂ ᑭᓱᓕᒫᑦ ᐱᓕᕆᐊᖑᑦᑎᐊᓚᐅᖅᐳᑦ ᐃᓱᐊᓂ ᐊᒻᒪ ᖁᙱᐊᖅᑐᑦ ᐊᓕᐊᓇᐃᒍᓱᑦᑎᐊᓚᐅᖅᐳᑦ.

ᓅᓪ ᐅᖃᓚᐅᖅᐳᖅ ᓯᕗᓂᐊᓂ ᓱᒃᑲᓴᐅᑎᓂᐅᔪᓂᑦ ᓄᖅᑲᕐᓂᐊᓕᕐᓂᖓᓂ ᐊᐅᓚᑦᑎᓂᕐᒧᑦ ᑭᕙᓪᓕᕐᒥ ᓵᓚᖃᕋᓱᐊᕐᓂᐅᔪᒥ ᑕᒪᑐᒪᓂ ᐊᕐᕌᒍᒥ ᓵᓚᖃᖅᑎᐅᔪᖅ ᐅᖃᐅᓯᐅᕌᓂᒃᐸᑦ.

ᐊᕐᕌᒎᓛᖅᑐᒥ ᐊᓕᐊᓇᐃᒋᔭᖃᕈᒪᒐᒪ ᓱᒃᑲᓴᐅᑎᓂᐅᔪᒥᑦ ᖁᙱᐊᑐᐃᓐᓇᕐᓗᖓ ᐊᒻᒪ ᐊᔾᔨᓕᐅᕆᕐᔪᐊᕐᓗᖓ ᐊᒻᒪᓗ, ᒪᒃᑯᖕᓂᖅᓴᐅᔪᑦ ᐱᓕᕆᖔᕆᐊᖃᓕᖅᐳᑦ” ᐅᖃᓚᐅᖅᐳᖅ. “ᓯᕗᓪᓕᐅᔪᑦ ᐊᕐᕌᒍᑦ ᐱᐅᑦᑎᐊᓚᐅᖅᐳᑦ, ᑭᓯᐊᓂ ᑭᖑᓪᓕᐅᔪᑦ ᐊᕐᕌᒍᒐᓴᐃᑦ ᐅᕙᓐᓄᑦ ᐃᓗᐊᕈᓐᓃᖅᐸᓪᓕᐊᓚᐅᖅᐳᑦ. ᑕᒪᑐᒪᓂ ᐊᕐᕌᒍᒥ ᐱᓕᕆᙱᑲᓴᑦᑎᐊᓚᐅᖅᐸᒃᑲ, ᑭᓯᐊᓂ, ᐃᓱᒪᓚᐅᖅᐳᖓ, ᐋᒃᑲ, ᐊᑕᐅᓯᐊᒃᑲᓐᓂᕐᓗᖓ ᐱᓕᕆᓂᐊᖅᐸᒃᑲ ᐊᕐᕌᒍᒥ ᐊᒻᒪ ᓄᖅᑲᓕᕐᓗᖓ.”

ᓱᓕ ᐃᑲᔪᖃᑦᑕᕐᓂᐊᖅᐳᖓ ᐅᕙᓂ ᑕᐃᑲᓂᓗ” ᐅᖃᕆᐊᓪᓚᓚᐅᖅᐳᖅ. “ᑭᓯᐊᓂ ᐊᓯᐊᓂ ᐊᐅᓚᑕᐅᔭᕆᐊᖃᓕᖅᐳᖅ ᖃᓄᐃᓐᓂᐅᔪᒥ ᑕᒫᓃᖏᓐᓇᓛᙱᓐᓇᒪ ᑕᐅᕗᖓᓕᒫᖅ.”

Leave a Comment: