ᑲᒪᒋᔭᓕᒃ ᖃᐃᖁᔨᓂᕐᒧᑦ ᐊᔪᖅᓴᙱᑦᑎᐊᕐᓂᐅᔪᒧᑦ

by Darrell Greer- February 23, 2018

ᑕᐅᖅᓰᓂᖅ ᐃᓱᒪᓕᐊᖑᔪᓂ ᐊᒻᒪᓗ ᐃᓱᒪᒋᔭᐅᓂᐅᔪᓂ, ᐃᓄᓕᒫᑎᒍᑦ ᐅᖃᓪᓚᖃᑎᒌᖕᓂᐅᔪᓄᑦ ᐅᕙᑦᑎᓐᓂ ᑎᑭᐅᑎᑎᑦᑎᓚᐅᖅᐳᖅ ᐃᓅᖃᑎᒌᖕᓂᕐᒧᑦ ᓯᐊᒻᒪᖅᑎᑦᑎᓂᐅᔪᒧᑦ ᐱᐅᔫᔪᓐᓇᖅᐳᖅ.

Kivalliq News editor Darrell Greer

ᐃᓛᓐᓂᒃᑯᑦ ᓇᖕᒥᓂᖅ ᐃᓱᒪᒋᔭᑐᐊᑦᑎᓐᓂ ᐊᔪᖅᓯᓯᒪᓗᐊᒧᑦ ᕿᓚᒥᐊᓗᒃ ᐃᓱᒪᒋᕙᙱᓐᓇᑦᑎᒍᑦ ᐊᒃᓱᕈᕐᓂᖏᓐᓂ ᐊᒻᒪᓗ ᐊᓕᐊᓇᐃᒋᔭᖃᕐᓂᕐᒥᑦ ᐊᓯᖏᑦ ᐱᖃᕐᓂᖏᓐᓂ ᐱᔾᔪᑕᐅᔪᒧᑦ ᐃᓱᒪᒋᔭᖓ ᐊᔾᔨᒋᙱᒃᑯᓂᐅᒃ ᐃᓱᒪᒋᔭᑦᑎᓐᓂ.

ᒪᑐᐃᖓᔪᒥ, ᐊᔾᔨᒋᙱᑕᖓᓂ ᐅᖃᖃᑎᖃᕐᓂᐅᔪᒥ, ᑎᑭᐅᑎᔪᓐᓇᖃᑦᑕᖅᐳᒍᑦ ᐃᒪᓐᓇᐃᖔᖅᓯᒪᔪᒥ ᐱᐅᓂᖅᓴᐅᔪᒥ ᐋᖅᑭᒍᑎᖃᕈᓐᓇᖅᑐᒥ ᐃᓱᖓᓂ, ᐅᕝᕙᓘᓐᓃᑦ, ᒥᑭᓛᖓᓂ, ᐱᓗᑕ ᑐᑭᓯᒃᑲᓐᓂᕐᓂᐅᔪᒥ ᐊᓯᖓᑕ ᐃᓱᒪᒋᓯᒪᔭᖓᓐᓂ.

ᓯᕕᑐᔪᒥ ᖁᐊᐃᑦᑖᖅᓇᖅᑑᕗᖅ ᒫᓐᓇᐅᓕᖅᑐᒥ ᐃᓅᓯᕆᔭᑦᑎᓐᓂ, ᑭᓯᐊᓂ, ᐱᔾᔪᑎᖃᖅᑐᒥ ᖃᔅᓯᐊᕐᔪᐃᑦ ᐃᓄᖕᓄᑦ ᐊᔪᕈᓐᓃᖅᑎᑕᐅᓯᒪᓂᖓᓂ ᑭᓇᐅᓂᖓᓂ ᓇᓗᓇᕐᓂᖓᓂ ᓇᕿᑦᑕᐅᑎᒧᑦ, ᐊᑲᐅᒃᓴᙱᑦᑐᒧᑦ ᑕᒪᒃᑭᓄᑦ ᐃᓱᒪᒋᔭᐅᓂᐅᔪᓄᑦ ᐅᖃᐅᓯᖏᑕ ᐊᓯᐊᓂᑦ, ᐅᕝᕙᓘᓐᓃᑦ ᐃᓱᒪᖓᒪᑐᓯᒪᑦᑎᐊᖅᖢᓂ ᐋᖅᑭᒃᓯᒪᓂᖃᖅᖢᓂ ᐱᔪᓐᓇᕐᓂᐅᔪᓄᑦ

ᐅᔾᔨᕈᓱᓕᓚᐅᖅᐳᖓ ᖃᔅᓯᐊᕐᔪᖕᓂ ᑎᑎᕋᖅᑕᐅᓯᒪᓂᐅᔪᓂ ᐃᖏᕐᕋᔭᐅᔮᕐᔪᒃᑐᓂ ᖃᕋᓴᐅᔭᑎᒍᑦ ᓯᓚᕐᔪᐊᕌᓗᖓᓂ ᑕᖅᑭᐅᓚᐅᖅᑐᒥ ᐊᒻᒪᓗ ᐊᐃᑦᑖᕈᓱᓚᐅᖅᐳᖓ ᑕᑯᓂᕐᒧᑦ ᖃᓄᑎᒋ ᐊᑭᕋᖅᑐᕐᔪᐊᕐᓂᐅᔪᓂ ᐊᔪᕈᓐᓃᖅᑎᑕᐅᓯᒪᓂᖏᑕ ᐋᖅᑭᒃᓯᒪᓂᖏᑦ ᑭᐅᓂᕆᔭᐅᔪᓄᑦ, ᐅᖃᐅᓯᐅᔪᑦ ᐃᓚᖏᓐᓂ ᖃᓂᓐᓂᖃᖅᖢᓂ ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦᐊᒻᒪᓗ ᐅᖃᖃᑎᖃᖅᖢᑎᒃ ᐃᓄᖕᓄᑦ ᐃᓕᖅᑯᓯᖃᑎᖃᕐᕕᒋᔭᒥᓄᑦ!

ᐅᖃᐅᓯᐅᔪᖅ ᐱᔾᔪᑎᖃᓚᐅᖅᐳᖅ ᐅᖃᐅᓯᓕᐊᓂᑦ ᐱᖓᓱᓂ ᐃᓄᖕᓄᑦ ᐱᔾᔪᑎᖃᖅᑐᒥ ᐃᖅᑲᓇᐃᔮᖃᕐᓂᕐᒧᑦ ᓄᓇᕗᒻᒥ; ᒪᕐᕉᒃ ᐃᓕᓐᓂᐊᖅᑎᐅᓪᓗᑎᒃ ᖁᑦᑎᒃᑐᒥᑕᑯᒃᓴᐅᓂᓕᖕᒥᑦ ᐱᓕᕆᐊᖑᔪᒥ ᐊᒻᒪᓗ ᐱᖓᔪᖓ ᓯᓚᑦᑐᖅᓴᕐᕕᖕᒥ ᐃᓱᓕᑦᑎᓯᒪᔪᒥ ᐱᓕᕆᐱᓪᓚᒃᐸᒃᑐᖅ ᑲᑎᒪᔪᓕᕆᓂᐅᔪᓂᑦ ᐃᓛᓐᓂᓚᐅᓱᖓᕐᒥ.

ᐊᒻᒪᓗ, ᐱᖓᓲᔪᑦ ᐱᓚᐅᖅᑎᓪᓗᒋᑦ ᐅᖃᐅᓯᒃᓴᒐᓛᓗᖕᓂ ᐃᑲᔪᖅᓱᐃᔪᓂᑦ ᐱᓕᕆᐊᕆᓇᓱᐊᖅᑕᒥᓂᑦ, ᐱᓚᐅᕆᕗᑦ ᑕᐃᒪᓐᓇᐸᓗᒃ ᐱᐅᙱᓐᓂᐅᔪᓂᑦ ᐅᖃᐅᓯᒃᓴᓂᑦ, ᐃᓚᖏᑦ ᐃᓄᖕᒧᑦ ᑐᕌᖓᑎᑕᐅᓪᓗᑎᒃ.

ᐱᖓᓲᔪᑦ ᐅᖃᐅᓯᖃᓚᐅᖅᐳᑦ ᐃᓱᒪᒋᔭᒥᓂᑦ ᐃᖅᑲᓇᐃᔮᖅᑖᕐᓂᕐᒧᑦ ᓄᓇᕗᒻᒥ, ᐱᓗᐊᖅᑐᒥ ᐃᖅᑲᓇᐃᔮᓂᑦ ᓄᓇᕗᒻᒥ ᒐᕙᒪᒃᑯᓐᓄᑦ ᐅᕝᕙᓘᓐᓃᑦ ᐊᕕᒃᑐᖅᓯᒪᓂᐅᔪᓄᑦ ᐃᓄᖕᓄᑦ ᑲᑐᔾᔨᖃᑎᒌᖑᔪᓄᑦ, ᐊᓯᖏᓪᓗ, ᐊᑭᓕᖅᓱᖅᑕᐅᕐᔪᐊᕐᓂᖃᖅᑐᓂᑦ, ᐊᖏᐸᓗᒃᑐᓂ ᐱᕙᓪᓕᕈᑎᓂᑦ ᑲᑎᙵᓂᐅᔪᓂᑦ ᐊᒻᒪᓗ ᐊᖏᔪᐊᓗᖕᓂ ᐃᑦᑐᖅᓯᐅᑎᓂᑦ ᐸᕐᓇᒍᑎᓂᑦ ᑕᐃᒃᑯᓄᖓ ᐃᓐᓇᐅᓗᐊᓕᕈᑎᒃ ᓄᖅᑲᖓᔾᔪᑎᒋᔪᓐᓇᓛᕐᓂᖏᓐᓂ ᐊᕐᕌᒍᓄᑦ.

ᑕᐃᒪᐃᒃᑳᖓᑦ, ᓄᓇᕗᑦ ᖃᓂᒡᓕᓂᖅᓴᐅᓂᐊᖅᐳᖅ ᑐᕌᒐᒃᓴᖓᓄᑦ 85 ᐳᓴᓐᑎᖓᓄᑦ ᐃᓄᖕᓂ ᐃᖅᑲᓇᐃᔮᖃᕐᓂᖏᓐᓄᑦ ᓱᒃᑲᓂᖅᓴᒻᒪᕆᐅᔪᒥ.

ᐃᓕᓯᓗᓂ ᖃᓄᐃᙱᑦᑎᐊᖅᑐᒥ ᐃᖅᑲᓇᐃᔭᕐᓂᕐᒧᑦ ᐃᓕᖅᑯᓯᖃᑦᑎᐊᕋᓱᖕᓇᕐᓂᕐᒥᒃ ᐊᒻᒪᓗ ᐊᓱᐃᓛᒃ ᐸᕐᓇᐅᑎᖃᓕᖅᐳᑎᑦ ᖃᐅᒪᓂᖅᓴᒥ ᓯᕗᓂᒃᓴᒥᒃ ᐅᕙᓂ ᓄᓇᕗᒻᒥ.

ᐃᑲᔪᖅᓱᐃᑦᑎᐊᖅᐳᖓ ᑖᒃᑯᐊ ᒪᒃᑯᒃᑐᑦ ᐃᓄᖕᓂ ᐅᖃᖅᑕᖏᓐᓂ ᓱᓕᑦᑎᐊᕐᓂᐅᔪᒥ ᐱᓕᕆᐊᖑᔪᒥᑦ, ᑕᐃᒫᒃ ᐊᔪᓚᐅᖅᐳᖓ ᑐᑭᓯᓇᓱᒋᐊᒃᓴᖅ ᐃᓚᖏᓐᓂ ᐱᑦᑎᐊᙱᓐᓂᐅᔪᓂ ᐊᒻᒪ ᐊᑭᕋᖅᑐᕐᓂᐅᔪᒥ ᓇᒃᓯᐅᑎᔭᐅᓚᐅᖅᑐᓂ ᐃᒻᒥᖕᓄᑦ.

ᑕᐅᖅᓰᓂᐅᔪᖅ, ᑭᓯᐊᓂ, ᑐᓂᓯᓂᖃᖅᐳᖅ ᓱᓕᔪᕆᔭᐅᔪᓐᓇᕐᓂᖓᓄᑦ ᓇᓗᓇᐅᓂᐅᔪᒥᑦ ᐱᓯᒪᑦᑎᓯᒪᔭᓐᓂᑦ ᐊᑯᓂᐊᓘᔪᒥ ᐃᓱᒪᒋᔭᐅᓂᐅᔪᒥ ᑐᓴᖅᓯᒪᔭᓐᓂᑦ ᐅᓄᖅᑐᐃᖅᓱᖅᑐᒥ ᐊᒥᓱᓂᒃ ᐊᔾᔨᒌᙱᕈᓘᔭᖅᑐᓂ ᐃᓄᖕᓄᑦ.

ᑕᑯᒃᓴᐅᓂᐅᔪᒥ ᓈᒻᒪᒋᔭᒥᓂᑦ ᐃᓱᒪᖃᑦᑕᕐᓂᖏᓐᓄᑦ, ᓱᕙᓕᑭᐊᖑᕗᖅ ᖃᓪᓗᓈᓂ ᓄᓇᕗᒻᒥ ᐊᔪᕆᖅᓱᐃᓂᖏᓐᓂ ᐃᓅᓯᑦᑎᐊᕙᖃᕋᓱᐊᕐᓂᖓᓄᑦ ᐱᓇᓱᐊᕐᓂᒃᑯᑦ ᐃᓕᓐᓂᐊᕐᓂᐅᔪᒥᑦ, ᐸᖅᑭᑦᑎᐊᕐᓂᐅᔪᒥ ᓴᙱᑦᑎᐊᖅᑐᒥ ᐃᖅᑲᓇᐃᔭᕐᓂᕐᒧᑦ ᐃᓕᖅᑯᓯᖃᑦᑎᐊᕋᓱᖕᓇᕐᓂᑦ, ᐊᒻᒪᓗ ᐊᑐᓕᕐᓂᕐᒧᑦ ᐱᔪᒪᓂᖃᑦᑎᐊᕐᓂᕐᒥᑦ ᐊᒻᒪᓗ ᐱᔪᓐᓇᕐᓂᕐᒥ ᐱᓕᕆᑦᑎᐊᕈᓐᓇᕐᓂᕐᒧᑦ ᑐᓂᓯᔪᓐᓇᕐᓂᕐᒧᑦ ᐱᐅᓂᖅᓴᒥ ᐱᐅᓂᖓᓂ ᐃᓅᓯᐅᔪᒥ ᓇᖕᒥᓂᖅ ᐃᓚᒌᖑᔪᓄᑦ.

ᑕᒪᓐᓇ ᑐᓴᒐᒃᓴᖅ, ᐃᒪᐃᓐᓂᕋᐃᔪᑦ, ᑐᓂᔭᐅᔭᕆᐊᖃᖅᐳᖅ ᐃᓄᖕᒧᑦ ᓂᕆᐅᖕᓂᖃᕐᓂᕐᒧᑦ ᑐᓴᖅᑕᐅᓂᖓᓄᑦ

ᑕᐃᒫᒃ, ᐅᑯᐊ ᐱᖓᓱᑦ ᐃᓄᐃᑦ ᖁᕝᕙᖅᓴᐃᔪᓂ ᐱᕙᓪᓕᕈᑕᐅᔪᓄᑦ ᓇᖕᒥᓂᖅ ᐱᔪᒪᓂᖃᑦᑎᐊᕐᓂᕐᒥᑦ ᐊᒻᒪ ᖁᑦᑎᖕᓂᖅᓴᒧᑦ ᐃᓕᓐᓂᐊᕐᓂᕐᒥᑦ; ᒪᕐᕉᒃ ᖃᐅᔨᒪᓂᖃᑦᑎᐊᖅᖢᑎᒃ ᒪᒃᑯᒃᖢᑎᒃ ᐃᓕᓐᓂᐊᖅᑎᐅᓪᓗᑎᒃ ᓯᕗᓂᒃᓴᖃᑦᑎᐊᓛᖅᑐᓄᑦ ᐊᒻᒪᓗ ᐊᑕᐅᓯᖅ ᐊᓕᐊᓇᐃᒋᔭᖄᓂᒃᑐᒥ ᐊᖏᐸᓗᒃᑐᒥ ᐱᓕᕆᑦᑎᐊᕈᓐᓇᖅᓯᒪᓂᖓᓂ, ᖁᔭᓐᓇᒦᕌᓗᒃ.

ᐃᓅᖃᑎᒥᒃ ᐊᔾᔨᒌᖏᑦᑐᓄᑐᐃᓐᓇᖅ, ᐅᒃᐱᕐᓂᖏᓐᓄᑦ ᐃᓕᖅᑯᓯᖓᓂᓪᓗ, ᐱᑕᖃᖅᑐᖃᐅᕐᓂᐊᖅᐳᖅ ᑐᓴᒐᒃᓴᒥ ᑐᓴᕈᒪᙱᑦᑐᓄᑦ, ᐊᒻᒪᓗ ᖃᓄᑐᐃᓐᓇᖅ ᐱᓕᕆᓂᐊᖅᐳᖅ ᐊᓯᖏᓐᓂ ᑐᓴᖅᑕᐃᓕᒪᑎᑦᑎᓇᓱᖕᓂᐊᖅᖢᑎᒃ ᐱᔾᔪᑎᒃᓴᓕᐅᕐᓂᐊᕐᒪᑕ ᖃᓄᐃᒻᒪᑦ ᓱᓕ ᐃᓚᒋᔭᐅᓂᖏᓐᓂ ᐊᑲᐅᙱᓕᐅᕈᑕᐅᔪᒥ ᐊᒻᒪᓗ ᐃᓚᒋᔭᐅᓇᑎᒃ ᐋᖅᑭᒍᑎᒃᓴᐅᔪᒥ.

ᑕᐃᒪᑐᖅ ᓂᕈᕐᓂᖃᕐᓕ ᒪᒃᑯᒃᑐᓂ, ᑲᔪᖏᖅᓴᐃᓯᒪᔪᓂ ᐃᓄᖕᓂ ᐃᓚᐅᖃᑕᐅᓂᐊᖅᐳᑦ ᓵᓚᖃᕐᓂᕐᒧᑦ ᑲᒪᒋᔭᖃᓕᕐᓂᕐᒧᑦ ᐊᖅᑯᑕᐅᔪᒧᑦ ᐃᓅᓯᕐᒥ ᓂᕈᐊᒐᕆᔭᒥᓂᑦ, ᐊᒻᒪᓗ ᐊᑭᓕᐅᑕᐅᓂᐊᖅᑐᑦ ᑕᖅᑳᓃᑉᐳᑦ ᐱᓕᕆᔪᒪᓂᖃᑦᑎᐊᕈᕕᑦ ᐱᓇᓱᐊᕐᓂᖏᓐᓄᑦ.

ᐊᒻᒪᓗ ᑕᐃᒪᑐᖅ, ᐃᒻᒥᖕᓂᒃ ᑲᑕᒃᓴᖅᑕᐅᑦᑕᐃᓕᓕᑦ ᑕᐃᒃᑯᓄᖓ ᐱᔭᕆᐊᖃᕐᓂᖏᓐᓂ ᐊᑭᓕᐅᑎᓂᒃ ᐊᒃᓱᕈᓚᐅᕐᓇᑎᒃ ᐅᕝᕙᓘᓐᓃᑦ ᐱᐅᔪᒧᑦ ᐃᑲᔪᕈᑎᓕᐅᖅᓯᒪᓇᑎᒃ

ᓄᖃᑎᒌᖕᓂᐅᔪᒧᑦ

ᐃᓛᒃ, ᐱᐅᓪᓗᓂ ᐅᖃᐅᓯᒃᓴᐅᕗᖅ ᐅᓄᕐᓂᖅᓴᐅᔪᓂ ᑐᓴᖅᐸᓪᓕᐊᓂᐊᖅᑐᓂᑦ ᐊᒻᒪ ᒪᓕᒃᑕᐅᓗᓂ ᐃᖏᕐᕋᕙᓪᓕᐊᑎᓪᓗᒋᑦ ᖁᑦᑎᖕᓂᖅᓴᐅᔪᒧᑦ ᐊᑐᖅᑕᐅᓂᐅᕙᒃᑐᒥ ᐃᓅᓯᕐᒥ ᐃᓄᓕᒫᓄᑦ.

 

Leave a Comment:

Your email address will not be published. Required fields are marked *