ᐱᖃᑎᖃᕐᓂᖅ Flamesᑯᓐᓂᒃ

by Darrell Greer- January 18, 2018

ᒪᑲᓚᐅᑦ ᐊᕐᓇᑦᓯᐊᖅ, ᐅᑭᐅᓕᒃ 14-ᓂᒃ, ᖁᐊᖅᓵᓚᐅᖅᐳᖅ, ᑲᐸᒃᓗᓂᓗ ᖁᕕᐊᓱᑦᓯᐊᖅᖢᓂᓗ ᐅᖃᐅᑎᔭᐅᓚᐅᖅᖢᓂ ᑑᒑᓕᒃ ᐃᓕᓐᓂᐊᕐᕕᒡᔪᐊᖓᑕ ᐊᖓᔪᖄᑉ ᑐᖏᓕᖓᓄᑦ ᔪᓕᐊ ᒪᒃᐴᓴᓐ ᑭᐊᒍᕆᓕᐊᕐᓂᐊᕐᓂᕋᖅᖢᓂᐅᒃ ᑕᑯᔭᖅᑐᕐᓗᓂ NHL ᕼᐋᑭᕐᔪᐊᕐᓂᐊᖅᑎᓪᓗᒋᑦ ᑖᒃᑯᐊ Flames ᐊᒻᒪ Nashville Predators ᑲᑎᑦᓯᓂᐊᖅᖢᓂᓗ ᑭᐊᒍᕆᒥ ᓴᐳᔾᔨᔨᒥᒃ ᐱᓐᖑᐊᖅᑎᖏᓐᓄᑦ ᕼᐋᑭᖅᑎᖏᓐᓄᑦ Travis Hamonic.

ᒪᑲᓚᐅᑦ ᐊᕐᓇᑦᓯᐊᖅ, ᑐᓄᐊᓂ, ᓇᐅᔮᒥᐅᑕᖅ ᓄᑲᖓᓗ, ᐸᑲᒃ, ᐱᖁᑎᖏᓐᓂᒃ ᑭᐊᒍᕆ ᕕᓖᒻᔅᑯᑦ ᐆᒃᑐᖅᑐᑦ ᐃᓕᓐᓂᐊᕐᕕᖓᓐᓂ ᑕᐃᑲᓂ Calgary Flames Saddledomeᒥ ᐃᓚᒌᑦ ᐳᓚᕋᓚᐅᕐᓂᖏᓐᓄᑦ Travis Hamonic Northern Projectᒥ ᑭᐊᒍᕆᒥ ᑎᓴᐱᕆ 16-ᒥ.

ᐊᒻᒪ ᐊᕐᓇᑦᓯᐊᖅ ᑐᓵᑎᓪᓗᒍ ᐱᐅᓯᕙᓪᓕᐊᑐᐃᓐᓇᓚᐅᖅᐳᖅ.

ᐊᑖᑕᖓᓗ ᐃᓚᐅᖁᔭᐅᑉᓗᓂ, ᐃᒪᓂᐅ ᐅᑕᒃ, ᑭᓯᐊᓂᓗ ᓄᑲᖓ, ᐸᑲᒃ, ᐃᓚᐅᖁᔭᐅᒋᑉᓗᓂ.

ᑕᐃᒪᓐᓇ ᖁᕕᐊᓱᒋᐊᓕᓚᐅᖅᐳᖅ ᒪᑲᓚᐅᑦ ᓂᕈᐊᖅᑕᐅᑉᓗᓂ ᐊᑎᕐᓂᑦ ᓇᒃᓯᐅᑎᔭᐅᑉᓗᑎᒃ ᒪᒃᐴᓴᒧᑦ ᑕᐅᓄᖓ ᑖᒃᑯᓄᖓ Northern Projectᑯᓐᓄᑦ.

Hamonic, ᐃᖅᑭᓕᕐᓚᐅᑉᓗᓂ, ᓄᓕᐊᖓᓗ ᓯᑎᕙᓂ, ᐊᒻᒪ Flames Foundation, ᐱᓕᕆᐊᖃᕆᐊᓚᐅᖅᐳᑦ ᑕᒪᑐᒥᖓ ᐃᖢᐃᓪᓕᐅᕈᑎᖃᕐᔪᐊᓚᐅᖅᖢᑎᒃ.

ᒪᑲᓚᐅᑦ, ᕙᓂᐹᖕᒧᐊᓚᐅᖅᓯᒪᒐᓗᐊᖅᖢᓂ ᐊᓯᐊᓄᐊᓚᐅᖅᓯᒪᖏᑦᖢᓂ ᓄᓇᓕᖕᒧᑦ ᖃᑉᓗᓈᑦ ᓄᓇᖓᓐᓄᑦ, ᐅᖃᓚᐅᖅᐳᖅ ᖁᕕᐊᓇᑦᓯᐊᓚᐅᕐᓂᖓᓄᑦ ᑕᒪᓐᓇ.

ᐅᖃᓚᐅᖅᖢᓂᓗ ᕼᐋᑭᖅᑐᓕᕆᔨᐅᓗᐊᖏᓐᓂᕋᖅᖢᓂ, ᐱᐅᒋᓂᖅᓴᐅᓕᕋᓗᐊᖅᖢᓂᐅᒃ ᕼᐊᑭᖅᑎᓕᕆᓂᖅ ᒫᓐᓇᐅᓕᖅᑐᖅ ᐊᒻᒪ Hamonic ᐱᐅᒋᓛᕆᓕᖅᖢᓂᐅᒃ.

ᖁᕕᐊᒋᓛᕆᓚᐅᖅᐸᕋ ᖃᖓᑕᓂᖅ ᑕᐅᓄᖓᐅᑉᓗᓂ, ᑕᑯᔪᓐᓇᓚᐅᕋᑉᑭᑦ ᐃᒡᓗᕐᔪᐊᑦ ᓄᓇᓕᕐᔪᐊᕐᓗ ᐊᖏᔪᖅ ᒥᑉᐸᓪᓕᐊᓕᖅᖢᑕ,” ᐅᖃᓚᐅᖅᐳᖅ ᒪᑲᓚᐅᑦ.

ᕚᑲᓪᓚᐅᓚᐅᕐᒪᑦ” ᑕᐅᑐᒃᖢᒋᑦ ᖁᓛᓂᑦ,”

ᒪᑲᓚᐅᑦ, ᐊᑖᑕᖓᓗ, ᐊᒻᒪ ᐸᑲᒃ ᑕᑯᔭᖅᑐᖅᑎᑕᐅᓚᐅᖅᐳᑦ Saddledomeᒥᒃ ᐱᖃᑎᖃᖅᑎᑕᐅᑉᓗᑎᒃ Hamonicᒥᒃ ᐊᒻᒪ 14-ᓂᒃ ᐅᑭᐅᓕᒃ ᐅᐱᑦᓯᐊᓚᐅᖅᖢᓂ ᑕᑯᔭᒥᓂᒃ.

ᐅᖃᓚᐅᖅᖢᓂᓗ ᐊᓐᓄᕌᖅᑐᕐᕕᖓᓂ ᑕᑯᑎᑕᐅᑉᓗᑎᒃ ᐅᐱᓐᓇᓚᐅᕐᒪᑦ ᖁᕕᐊᓇᖅᖢᓂᓗ, ᐊᒻᒪ Flames ᑯᓐᓂ ᐱᓐᖑᐊᖅᑎᑦ ᐃᓄᑦᓯᐊᖑᑉᓗᑎᒃ ᑐᓐᖓᓱᒃᑎᑕᐅᑉᓗᑎᒡᓗ ᑕᑯᔭᖅᑐᖅᓯᒪᓂᖏᓐᓂ.

ᐊᒥᓱᑦ ᐱᓐᖑᐊᖅᑎᑦ ᕼᐋᑭᖅᑎᑦ ᐊᔾᔨᓕᐅᖅᑕᐅᒍᒪᓚᐅᖅᐳᖅ ᐅᕙᑉᑎᓐᓂᒃ ᐱᖃᑎᖃᖅᖢᑎᒃ ᐊᔾᔨᓕᐅᖅᑕᐅᒐᓗᐊᕈᑉᑕᓕ ᓱᖁᑎᒃᓴᓚᐅᖏᑎᓪᓗᑕ,” ᐅᖃᓚᐅᖅᐳᖅ ᐃᒡᓚᒐᓚᒃᖢᓂᓗ.

ᑐᕌᕙᔅ ᐊᓐᓄᕌᖅᑐᕐᕕᖕᒧᐊᓚᐅᖏᓐᓂᑉᑎᓐᓂ ᐅᖃᓚᐅᖅᐳᖅ ᐱᓱᒋᐊᖃᖏᓐᓂᑉᑎᓐᓄᑦ ᖄᖓᒍᑦ ᓇᓗᓇᐃᒃᑯᑕᖏᑦᑕ ᐱᓐᖑᐊᖅᑎᑦ, ᐅᔾᔨᖅᑐᑦᓯᐊᕋᓱᐊᓚᐅᖅᐳᒍᑦ.

ᐊᑖᑕᒐ ᖁᕕᐊᓱᑦᓯᐊᓚᐅᖅᐳᖅ ᐅᕙᒻᓄᑦ, ᐊᒻᒪ ᖁᕕᐊᓱᑦᓯᐊᖅᖢᓂᓗ ᐊᐅᓪᓚᖅᓯᒪᖃᑎᒋᔭᐅᒐᒥ ᐅᕙᒻᓄᑦ ᐸᑲᖕᒧᓪᓗ, ᕿᐊᓚᐅᖅᐳᕐᓘᓐᓃᑦ.

ᓄᓇᒃᑰᕈᑎᒃᑯᑦ ᑕᑭᔪᒃᑯᑦ ᐊᐃᔭᐅᓚᐅᖅᐳᒍᑦ, ᓇᓴᖅᑖᓚᐅᖅᖢᖓᓗ ᒎᓕᖓᓄᑦ ᐊᑎᓕᐅᖅᑕᐅᓯᒪᑉᓗᓂ (David Rittich), ᐊᒻᒪ ᕼᐋᑭᕈᑎᒥᒃ ᐅᕕᓂᕈᕐᒥᒡᓗ ᑐᕌᕙᔅ ᖃᐃᑦᓯᓚᐅᖅᖢᓂ ᐊᖏᕐᕋᐅᑎᒐᒃᓴᒻᓂᒃ.”

ᑕᐃᒪᓐᓇ ᒪᒃᑯᒃᑑᖃᑎᒥᑎᑐᑦ ᓇᐅᔮᓃᑐᐃᓐᓇᖅᓯᒪᑉᓗᓂ ᐃᓅᓯᕐᒥᓂ, ᑕᒪᒃᑯᐊᓗ and a stick and Saddledomeᒦᖏᑦᑐᑦ ᒪᑲᓚᐅᑦᒧᑦ ᐱᐅᒋᔭᐅᖃᑕᐅᓚᐅᖅᐳᑦ.

ᒪᑲᓚᐅᑦ ᐅᖃᓚᐅᖅᐳᖅ ᐱᐅᒃᓴᓚᐅᕋᒥ ᐃᒡᓗᕐᔪᐊᓂᒃ ᑕᑯᔭᒥᓂᒃ, ᐊᖏᔪᒻᒪᕆᐅᑉᓗᓂᓗ ᑭᐊᒍᕆ.

ᓂᕆᔭᖅᑐᖃᑦᑕᓚᐅᖅᐳᒍᑦ McDonaldᒥ ᐊᐅᓪᓚᖅᓯᒪᑉᓗᑕ, ᑭᓯᐊᓂ ᓂᕆᖃᑎᒋᑉᓗᒍ Travis ᓯᑏᒃᒥᒃ ᑐᒃᑐᕙᒃᑐᓚᐅᖅᐳᖓ.

ᓂᐅᕕᕐᕕᓕᐊᓚᐅᖅᐳᒍᑦ ᐊᖏᔪᒻᒪᕆᐅᑉᓗᓂᓗ, ᐊᒥᓱᑦ ᓂᐅᕕᕐᕕᑦ ᑲᑎᖓᔪᑦ ᐊᒻᒪ ᐊᓯᖏᑦ.

ᖁᕕᐊᓱᑦᓯᐊᓚᐅᖅᐳᖓ ᖁᔭᓐᓇᒦᑦᓯᐊᖅᖢᒋᓪᓗ ᑖᒃᑯᐊ ᑐᕌᕙᔅ ᓄᓕᐊᖓᓗ.

ᑕᒪᑦᑕ ᖁᕕᐊᓱᓚᐅᖅᐳᒍᑦ, ᐊᑖᑕᒐ ᐅᖃᐅᓯᒃᓴᖃᕐᓂᐊᖅᑐᒃᓴᐅᕗᖅ ᐅᑎᕈᑉᑕ.”

ᒪᒃᐴᓴᓐ ᐅᖃᓚᐅᖅᐳᖅ ᕿᓚᓈᓚᐅᕋᒥ ᑭᖑᓪᓕᖅᐹᖅᓯᐅᓕᖅᑎᓪᓗᒍ ᐃᓕᓐᓂᐊᕐᓇᖅ ᐃᓱᓕᓐᓂᐊᓕᖅᑎᓪᓗᒍ ᖁᕕᐊᓱᒡᕕᖕᒥ ᓄᖅᑲᖓᓐᓇᐅᓂᐊᖅᑐᒥ, ᑲᔪᓯᑦᓯᐊᖁᔨᓚᐅᕋᒥ ᐊᐅᓪᓚᖅᓯᒪᑎᓪᓗᒋᑦ.

ᐅᖃᓚᐅᖅᖢᓂᓗ ᓯᓚᑦᓯᐊᖑᓐᓇᖁᔨᓚᐅᖅᖢᓂᓗ ᐊᐅᓪᓚᓕᖅᐸᑕ ᑎᓴᐱᕆ 14-ᒥ, ᐊᐅᓪᓚᕐᓂᐊᓚᐅᕐᒪᑕ, ᑕᐃᒪᓐᓇ ᐃᓱᒫᓗᒍᑕᐅᖏᓐᓇᖅᐸᒃᖢᓂ ᓯᓚ ᑭᕙᓪᓕᕐᒥᐅᓄᑦ.

ᓂᕈᐊᓚᐅᖅᖢᑎᒡᓗ ᑑᒑᓕᒃ ᕿᓇᓗᒐᐅᑉ ᑑᒑᖓᓂᒃ ᓴᓇᖑᐊᖅᓯᒪᔪᒥᒃ ᓂᕈᐊᓚᐅᖅᖢᑎᒃ Travisᒧᑦ ᐊᒻᒪ ᐅᒃᐱᖑᐊᒥᒃ ᓄᓕᐊᖓᓄ, ᖁᔭᓐᓇᒦᕈᑎᓕᐅᖅᖢᑎᒡᓗ ᑎᑎᕋᖅᓯᒪᔪᓂᒃ ᐊᔾᔨᓕᐅᕆᑉᓗᑎᒡᓗ ᓇᐅᔮᓂ ᐊᔾᔨᖑᐊᓂᒃ ᑐᓂᒐᒃᓴᒥᖕᓂᒃ,” ᐅᖃᓚᐅᖅᐳᖅ ᒪᒃᐴᓴᓐ.

ᒪᑲᓚᐅᑦ ᐊᓈᓇᐃᓚᐅᖅᓯᒪᕗᖅ ᐊᒻᒪ ᒪᕐᕉᒃ ᐊᖓᔪᖏᒃ ᒪᒃᑯᒃᑑᑉᓗᓂ, ᑕᐃᒪᓐᓇ ᐃᒃᐱᖕᓇᖅᖢᓂᓗ ᒪᒃᑯᒃᑑᔪᓄᑦ ᑭᓇᑐᐃᓐᓇᕐᒧᑦ ᐱᕈᖅᓴᑉᓗᓂ, ᑕᐃᒪᓐᓇ ᐃᖢᐃᓪᓕᐅᕈᑎᒋᓚᐅᖅᑕᖓᑦ ᐃᖢᐊᖅᓯᕚᓪᓕᓚᐅᕐᓂᖓᓄᑦ ᑕᐃᒪᓐᓇ ᓂᕈᐊᖅᑕᐅᓚᐅᖅᐳᖅ.

ᓴᕆᒪᓱᑦᓯᐊᖃᑦᑕᖅᐳᑦ ᓇᓴᖅᓯᒪᑉᓗᑎᒃ ᐅᕕᓂᕈᖅᓯᒪᑉᓗᑎᒡᓗ ᐅᑉᓗᑕᒫᑦ ᐃᓕᓐᓂᐊᕐᕕᖕᒥ ᐅᑎᖅᓯᒪᓕᕐᒪᑕᓂᑦ, ᐊᑖᑕᖓᓪᓗ ᓱᓕ ᖁᒡᕕᐅᖃᑦᑕᖅᓗᓂ ᖁᕕᐊᓱᒃᖢᓂ ᖁᔭᓐᓇᒦᖅᖢᓂᓗ ᐊᐱᕆᔭᐅᒑᖓᒥ ᐊᐅᓪᓚᖅᓯᒪᖃᑕᐅᓚᐅᕐᓂᖓᓄᑦ, ᑕᐃᒪᓐᓇ ᖁᕕᐊᓇᖅᓗᓂᓗ ᑕᑯᑉᓗᒍ.

ᖁᕕᐊᓇᑦᓯᐊᓚᐅᖅᐳᖅ ᑕᐃᒪᓐᓇ ᐱᑦᓯᐊᖅᑕᐅᓚᐅᕐᒪᑕ ᐱᔪᓐᓇᕐᓂᖃᖅᑎᑕᐅᓚᐅᕐᒪᑕᓗ ᑕᐃᒪᓐᓇ, ᐃᖅᑲᐅᒪᐃᓐᓇᕐᓂᐊᖅᖢᑎᒡᓗ ᐊᑐᓚᐅᖅᑕᒥᓂᒃ ᑕᐃᒪᖓᓗᒃᑖᖅ.”

Leave a Comment: