ᐱᓕᕆᔪᒻᒪᕆᐅᕗᑦ ᐊᕐᕌᒍᒥ ᑭᕙᓪᓕᐅᑉ ᐃᓗᐊᓂ

by Darrell Greer- December 21, 2017

ᑕᒪᒃᑯᓄᖓ ᐅᖃᓕᒫᖅᐸᒃᑐᓄᑦ ᑭᕙᓪᓕᕐᒥ ᓂᐱᕗᒃᑯᓐᓂᒃ, ᑭᖑᓪᓕᖅᐹᒥ ᑕᒪᓐᓇ ᑭᕙᓪᓕᕐᒥ ᓂᐱᕗᒃᑯᑦ 2017-ᒥ ᐊᒻᒪ ᐊᕐᕌᒍᖃᑦᓯᐊᖅᓯᒪᕗᒍᑦ.

Kivalliq News editor Darrell Greer

ᓂᕈᐊᖅᑎᑦ ᓂᕈᐊᕆᐊᖅᑐᓚᐅᖅᐳᑦ, ᓄᓇᕗᒥ ᒪᓕᒐᓕᐅᖅᑎᒃᓴᓂᒃ, ᑕᒪᒃᑯᐊ ᑲᑎᒪᔨᐅᓚᐅᖅᑐᑦ ᐲᖅᑕᐅᓚᐅᖅᖢᑎᒃ ᓄᑖᓂᒃ ᓂᕈᐊᓚᐅᖅᖢᑎᒡᓗ ᑭᕙᓪᓕᕐᒥ.

ᓄᑖᖅ ᓯᕗᓕᒃᑎᒋᔭᐅᓕᖅᑐᖅ ᐹᓪ ᖁᐊᓴ ᖃᓄᐃᓕᐅᕆᐊᕈᑎᖃᓚᐅᕆᑉᓗᓂ ᓄᓇᕗᑦ ᒐᕙᒪᒃᑯᖏᓐᓂ, ᓄᑖᒥᒃ ᑎᒃᑯᐊᖅᓯᓚᐅᖅᖢᓂᓗ ᐳᔾᔫᑦ ᑯᓱᒐᕐᒥᒃ ᑲᖏᖅᖠᓂᕐᒥᐅᑕᖅ, ᐃᓕᓐᓂᐊᖅᑐᓕᕆᓂᕐᒧᑦ ᒥᓂᔅᑕᐅᑉ ᑐᖏᓕᕆᓂᐊᓕᖅᖢᓂᐅᒃ.

ᐅᔭᕋᒃᑕᕆᐊᑦ Agnico Eagle Mines ᑲᔪᓯᒍᑎᖃᖅᖢᑎᒃ ᐅᔭᕋᒃᑕᕆᐊᕐᓂᕐᒥᒃ ᑕᐃᑲᓂ Whale Tail ᖃᓂᒋᔭᖓᓂ Meadowbank ᐊᒻᒪ, ᐅᔭᕋᒃᑕᕆᐊᕆᑉᓗᑎᒃ ᑕᐃᑲᓂ ᒥᒻᓚᑏᓐᒥ ᖃᓂᒋᔭᖓᓂ ᑲᖏᖅᖠᓂᐅᑉ, ᑐᑭᖃᖅᐳᖅ ᑮᓇᐅᔭᓕᐅᕈᑎᖃᑦᓯᐊᕐᓂᐊᕐᓂᖏᓐᓄᑦ ᑭᕙᓪᓕᕐᒥ.

ᑕᒪᓐᓇᓗ ᐊᖏᖃᑎᒌᒃᓯᒪᓂᖅ ᑎᖕᒥᓲᒃᑰᕈᑎᒃᓴᓂᒃ ᑭᕙᓪᓕᐅᑉ ᐃᓗᐊᓂ ᓄᓇᕗᒥᓗ ᐃᖢᐊᖏᔾᔪᑎᖃᓚᐅᖅᐳᖅ, ᑕᐃᒪᓐᓇ ᑎᖕᒥᓲᒃᑰᖃᑦᑕᖅᑐᓪᓗ ᐃᖢᐊᓪᓕᐅᕈᑎᖃᖅᓯᒪᑉᓗᑎᒃ, ᑕᐃᒪᓐᓇ ᐃᖢᕐᕆᔮᖅᑕᐅᖏᑦᓯᐊᓕᖅᖢᑎᒃ ᐃᓄᐃᑦ ᑎᖕᒥᓲᒃᑰᖅᐸᒃᑐᑦ.

ᑲᖏᖅᖠᓂᕐᒥᓗ ᓄᑖᖅ ᓯᐊᕐᕆᔮᕐᕕᒃ ᐱᒋᐊᖅᑕᐅᓚᐅᖅᖢᓂ ᖃᐅᔨᒪᕐᓚᓕᖅᖢᑎᒡᓗ ᓄᓇᓕᖕᓂᒥᐅᑦ ᐃᖢᐊᖅᓴᕐᓂᐊᓂᖅᓴᐅᓕᕐᓂᕐᒧᑦ.
ᑲᖏᖅᖠᓂᕐᒥ ᓯᐊᕐᕆᔮᕐᕕᒃ ᐊᑐᖅᑕᐅᖏᓐᓇᐅᔭᕐᒪᑦ ᓄᓇᕗᒥ ᐊᑐᖅᑕᐅᓛᖑᑉᓗᓂ ᐱᔨᑦᓯᕋᖅᖢᓂᓗ ᐊᒥᓱᓂᒃ ᕼᐋᑭᖅᑎᓂᒃ ᑭᕙᓪᓕᕐᒥᐅᓂᒃ ᐱᓐᖑᐊᕐᔪᐊᖃᑦᑕᖅᖢᑎᒡᓗ ᑕᐃᑲᓂ ᐊᑐᓂ ᑖᒃᑯᓂᖓ ᐋᑕᒻᑯᓐᓂᒃ ᐊᒻᒪ ᐃᓐᓇᐃᑦ ᐊᖑᑎᑦ ᕼᐋᑭᖅᑎᖏᓐᓂᒃ.

ᐊᕐᕕᐊᒥᐅᑦ ᐱᕈᖅᐸᓪᓕᐊᑐᐃᓐᓇᖅᖢᓂ ᐊᒻᒪ, ᓯᕗᓕᖅᑎᒋᔭᐅᑉᓗᓂ ᒪᐃᔭ ᐹᑉ ᓕᓄᑦ, ᑕᐃᒪᓐᓇ ᐊᒃᓱᕈᕈᑎᖃᐃᓐᓇᖅᖢᑎᒃ ᓂᕆᖁᑉᑐᓯᕙᓪᓕᐊᑉᓗᑎᒡᓗ ᓴᓇᕕᐅᒍᒪᑉᓗᑎᒃ ᐱᖁᑎᕐᔪᐊᓂᒃ ᐱᕈᖅᐸᓪᓕᐊᓂᖏᑦ ᐃᓄᒋᐊᒃᓯᕙᓪᓕᐊᓂᖏᑦ ᐱᔾᔪᑎᖃᖅᖢᑎᒃ.

ᕼᐊᒻᓚᒃᑯᑦ ᐃᑲᔪᖅᑕᐅᓂᖃᓚᐅᖅᐳᑦ ᓂᕈᐊᖅᑕᐅᓚᐅᖅᑎᓪᓗᒍ ᔮᓐ ᒦᓐ ᐊᕐᕕᐊᑦ ᐅᐊᖕᓇᖓᓄᑦ/ᑎᑭᕋᕐᔪᐊᒥᐅᓄᓪᓗ ᒪᓕᒐᓕᐅᖅᑎᐅᓕᖅᖢᓂ.

ᒦᓐ ᓲᕐᓗ ᖃᐅᒪᔪᖅ ᒪᓕᒐᓕᐅᖅᑎᐅᓕᓵᖅᖢᓂᓗ ᑕᐃᒪᓐᓇ ᖃᐅᔨᒪᔭᐅᑦᓯᐊᖅᖢᓂᓗ ᖃᓄᐃᓕᐅᕈᓐᓇᕐᓂᖓᓄᑦ, ᑕᐃᒪᓐᓇ ᐱᓂᐊᕐᓂᕋᐅᑎᒥᓂᒃ ᐱᓕᕆᐊᖃᖅᐸᒃᖢᓂ.

ᑭᕙᓪᓕᐅᑉ ᐃᓗᐊᓂ ᐊᒥᓱᖑᕆᐊᖁᔨᖏᓐᓇᖅᐳᑦ ᓇᓐᓄᒍᑎᒃᓴᓂᒃ, ᑕᒪᒃᑯᐊ ᓱᓇᑐᐃᓐᓇᕐᓂᒃ ᖃᐅᔨᓴᖅᑎᑦ ᐅᖃᐃᓐᓇᖃᑦᑕᖅᖢᑎᒃ ᓇᓄᐃᑦ ᐊᒥᓲᖏᓕᕐᓂᖏᓐᓄᑦ ᓄᓇᓕᖕᓄᐊᕋᔪᖏᓕᖅᖢᑎᒡᓗ, ᐱᓗᐊᖅᑐᒥᒃ ᐊᕐᕕᐊᓂ.

ᓱᓇᑐᐃᓐᓇᕐᓂᒃ ᖃᐅᔨᓴᖅᑎᑦ, ᐊᓯᐊᒍᓪᓕ, ᖃᐅᔨᒪᓂᖅᓴᐅᓕᖅᐳᑦ ᖃᑉᓯᐅᓂᖏᓐᓄᑦ ᑐᒃᑐᐃᑦ, ᐅᖃᐃᓐᓇᖅᖢᑎᒡᓗ ᑐᑐᓗᐊᖃᑦᑕᖁᔨᖏᑦᖢᑎᒃ ᑭᕙᓪᓕᕐᒥᐅᓂᒃ, ᑕᒪᒃᑯᐊ ᐊᒥᓲᓂᖅᓴᐃᑦ ᑐᒃᑐᑉᐸᖕᒪᑕ ᑮᓇᐅᔭᓕᐅᕈᑎᒋᒍᒪᑉᓗᒋᑦ ᐊᐅᓪᓚᖅᑎᑦᓯᖃᑦᑕᖅᖢᑎᒃ ᓄᓇᓕᖕᓄᑦ ᓄᓇᕗᒥ ᑕᐃᒪᓐᓇ ᐃᖕᒥᖕᓄᑦ ᑐᒃᑐᓯᐅᖏᐋᖅᖢᑎᒃ.

ᑕᐃᒪᓐᓇ ᐊᑯᓂ ᐊᐃᕙᐅᑎᖏᓐᓇᕐᓂᐊᖅᖢᑎᒡᓗ, ᐊᒃᓱᕈᕐᓇᓂᐊᕐᓗᓂᓗ ᑕᒪᐃᓐᓄᑦ ᓯᕗᓂᒃᓴᐅᓂᐊᖅᑐᒥ.

ᐱᐅᔪᓂᒃ ᐊᑐᖅᑐᖃᓚᐅᖅᐳᖅ ᑭᕙᓪᓕᕐᒥ ᓄᓇᓕᖕᓂ 2017-ᒥ, ᑕᐃᒪᓐᓇ ᖃᐅᔨᓐᓇᖅᓯᒪᑉᓗᓂᓗ ᑕᐃᒪᓐᓇᐃᓐᓂᖓᓄᑦ ᐃᓕᑕᕆᔭᐅᒍᓯᐊᖃᑦᑕᕐᒪᑕ ᑭᕙᓪᓕᕐᒥᐅᒃ.

ᐊᒥᓱᑦ ᑭᕙᓪᓕᕐᒥᐅᑦ ᐃᖃᐃᓕᓴᐅᑎᓂᒃ ᐱᓐᖑᐊᖅᑎᑦ ᓂᕈᐊᖅᑕᐅᖃᑕᐅᓯᒪᓕᖅᐳᑦ ᐊᔾᔨᒌᖏᑦᑐᓄᑦ ᐱᓐᖑᐊᕐᔪᐊᕈᑕᐅᓂᐊᖅᑐᓄᑦ 2018-ᒥ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᓐᖑᐊᕐᔪᐊᕐᓂᕐᒧᑦ ᓄᓇᑦᓯᐊᒥ.

ᕼᐋᑭᕐᓂᖅ, ᕙᓕᐹᕐᓂᖅ ᓵᑯᕐᓂᕐᓗ ᑭᕙᓪᓕᐅᑉ ᐃᓗᐊᓂ, ᐊᒻᒪ ᐅᔭᐅᑦᑕᖅᑎᑦ ᑲᖏᖅᖠᓂᕐᒥ, ᐱᕈᖅᐸᓪᓕᐊᑦᓯᐊᖅᐳᑦ ᓴᓐᖏᓕᖅᐸᓪᓕᐊᑉᓗᑎᒃ ᓂᕆᐅᒋᔭᖃᕐᓂᖅᓴᐅᑉᓗᑎᒡᓗ ᖃᓄᐃᓕᐅᕆᐊᕈᒪᓂᕐᒧᑦ ᐃᓚᐅᒍᒪᓂᕐᒧᓪᓗ ᑕᒡᕙᓂ ᐊᕐᕌᒍᒥ ᓄᑖᖑᓂᐊᖅᑐᒥ.

ᐃᓕᓐᓂᐊᖅᑐᓕᕆᓂᖅ, ᐃᖢᐃᓪᓕᐅᕈᑎᖃᓚᐅᖅᐳᖅ 2017 ᐃᓱᓕᓕᖅᑎᓪᓗᒍ, ᑭᕙᓪᓕᕐᒥ ᐃᓕᓐᓂᐊᕐᕕᑦ ᐃᓚᖏᑦ ᐃᓕᓐᓂᐊᖅᑎᑦᓯᔨᑭᒃᓴᖃᑦᑕᖅᖢᑎᒃ, ᑕᒪᓐᓇᓗ ᓱᓇᑐᐃᓐᓇᓕᕆᓂᕐᒧᑦ ᐃᓕᓐᓂᐊᕈᑕᐅᖃᑦᑕᖅᑐᑦ ᐱᓕᕆᐊᕆᔭᐅᔪᖅ Actuaᑯᓐᓄᑦ ᐃᖢᐊᖏᔾᔪᑎᒋᔭᐅᑉᓗᓂ ᐃᓚᖏᓐᓄᑦ ᐃᓕᓐᓂᐊᖅᑎᑎᖃᑦᑕᕐᓂᖏᑦ ᓱᓇᑐᐃᓐᓇᓕᕆᓂᕐᒧᑦ, ᖃᕆᑕᐅᔭᓕᕆᓂᕐᒧᑦ ᓴᓇᒪᔪᓕᕆᓂᕐᒧᓪᓗ ᓈᓴᐅᑎᓕᕆᓂᕐᒧᓪᓗ (STEM) ᓵᓚᒃᓴᐅᑎᖃᑦᑕᐅᑎᒍᑕᐅᖃᑦᑕᕐᓂᖓ ᐃᓇᖐᒍᒪᖕᒪᑕ ᐃᓕᓐᓂᐊᕈᑕᐅᕙᒃᑐᓂᒃ ᓱᓇᑐᐃᓐᓇᓕᕆᓂᕐᒧᑦ ᖃᐅᔨᓴᕈᑎᓂᒃ ᓴᓇᐅᒐᖃᖃᑦᑕᖅᖢᑎᒃ ᓱᓇᑐᐃᓐᓇᓕᕆᓂᖅ, ᓴᓇᒪᔪᓕᕆᓂᖅ ᖃᕆᑕᐅᔭᓕᕆᓂᕐᒧᓪᓗ ᓵᓚᒃᓴᐅᑕᐅᕙᒃᑐᖅ (SET) ᐋᖅᑭᒃᓱᖅᑕᐅᓯᒪᑉᓗᓂᓗ ᑭᕙᓪᓕᕐᒥ ᓱᓇᑐᐃᓐᓇᕐᓂᒃ ᐃᓕᓐᓂᐊᕈᑎᓂᒃ ᓄᓇᓕᖕᓂ ᑭᕙᓪᓕᐅᑉ ᐃᓗᐊᓂᓗ ᑕᒪᓐᓇ ᐊᑐᖅᑕᐅᖃᑦᑕᖅᓯᒪᓕᖅᖢᓂ ᐅᑭᐅᑦ ᐊᕙᑎᑦ ᐅᖓᑖᓄᑦ.

ᖁᕕᐊᓇᕐᓂᐊᖅᐳᖅ ᖃᓄᐃᓕᐅᕈᑕᐅᔪᑦ ᑭᕙᓪᓕᕐᒥ ᐊᕐᕌᒍ 2018−ᖑᓕᖅᐸᑦ. ᑕᐃᒪᓐᓇ ᑲᒪᓇᖅᑐᖃᕐᓂᐊᖅᖢᓂ.

ᑕᐃᒪ ᐊᕐᕌᒍᖅ ᓄᑖᖑᓚᐅᖏᓐᓂᐊᓂ, ᒥᐅᕆ ᑯᕆᓯᒪᓯ, ᕼᐊᐱᓂᐅᔨᐅᓗ.

Leave a Comment:

Your email address will not be published. Required fields are marked *