ᐱᓐᖑᐊᖅᑎᑦ ᑕᐱᕇᑦ ᓵᓚᒃᓴᐅᑕᐅᓚᐅᖅᑐᒥᒃ ᐊᑐᓚᐅᖅᐳᑦ ᐊᕐᕕᐊᓂ

by Darrell Greer- February 7, 2018

ᑲᖏᖅᖠᓂᕐᒥᐅᑦ ᐱᑦᓯᐊᕋᓱᐊᓚᐅᖅᐳᑦ ᓵᓚᒃᓴᕐᔪᐊᕋᓱᐊᖅᑎᓪᓗᒋᑦ ᐊᕐᕕᐊᒥᐅᑦ Arctic Connection−ᑯᑦ ᑕᐃᒪᓐᓇ ᓵᓚᒋᔭᐅᓚᐅᖏᒃᑲᓗᐊᖅᖢᑎᒃ 3-2 ᓵᓚᒃᓴᖅᓯᒪᑉᓗᑎᒃ ᑭᖑᓪᓕᖅᐹᖅᓯᐅᓕᖅᑎᓪᓗᒋᑦ ᔮᓐ ᓕᓐᑎᐅ ᐃᖅᑲᐅᒪᑉᓗᒍ ᑳᒻᒥᐊ ᑲᑉ ᐱᓐᖑᐊᕐᔪᐊᖅᑎᓪᓗᒋᑦ ᐃᓐᓇᐃᑦ ᐊᖑᑎᑦ ᐊᕐᕕᐊᓂ ᔭᓐᓄᐊᕆ 28−ᖑᑎᓪᓗᒍ.

Craig Beardsall having a blast after Team Rankin Inlet successfully defends JLM Calm Air Cup senior men’s crown in Arviat on Jan. 28. photo courtesy of Noel Kaludjak

ᑲᖏᖅᖠᓂᖅ ᖄᖏᖅᓯᓚᐅᖅᖢᑎᒃ ᑭᕙᓪᓕᖅ ᕿᑎᐊᓂ ᐱᓐᖑᐊᓕᖅᑎᓪᓗᒋᑦ, ᑖᒃᑯᐊ Arctic Connection ᓵᓚᒃᓴᖅᖢᑎᒃ ᓴᓪᓕᕐᒥᐅᓂᒃ ᐱᓐᖑᐊᖅᑐᓂᒃ ᐊᓯᔾᔩᑎᑦᓯᑉᓗᑎᒃ.

ᑭᕙᓪᓕᖅ ᓵᓚᒃᓴᖅᖢᓂ ᓴᓪᓕᕐᒥᐅᓂᒃ ᐱᖓᔪᒋᔭᐅᑉᓗᑎᒃ ᓵᓚᒃᓴᖅᖢᑎᒃ, ᑖᒃᑯᐊᓗ ᐱᓐᖑᐊᖃᑕᐅᓚᐅᕆᑉᓗᑎᒃ ᑎᑭᕋᕐᔪᐊᒥᐅᑦ, ᖃᕆᑏᑯᒃᑯᑦ, ᐊᕐᕕᐊ ᓕᔾᔭᓐᔅ Arviat Legends ᐊᒻᒪ ᐊᕐᕕᐅᒥᐅᑕᐃᑦ Arviat Underdogs.

Arctic Connection−ᑯᑦ ᐃᑎᖅᑎᑦᓯᓂᐊᖅᑑᔮᓚᐅᕋᓗᐊᖅᖢᑎᒃ 1−ᒥᓂᑦ ᐱᕕᒃᓴᖃᓕᖅᑎᓪᓗᒋᑦ, ᐃᑎᖅᑎᑦᓯᖏᓐᓂᕋᖅᑕᐅᓚᐅᖅᖢᑎᒃ ᑲᖏᖅᖠᓂᕐᒥ ᒎᓕᖓᑦ ᔩᒻᔅ ᒥᐅᕆᑦ ᑮᓇᑉᐸᖓ ᐲᓚᐅᕐᒪᑦ ᐊᒃᑐᖅᑕᐅᑉᓗᓂ ᐃᑎᖅᑎᑕᐅᓚᐅᖏᓐᓂᐊᓂ ᕼᐋᑭᕈᑦ.

ᐱᓐᖑᐊᕐᔪᐊᕐᓇᒥᒃ ᐊᐅᓚᑦᓯᔨᐅᓚᐅᖅᑐᖅ ᐊᒻᒪ Arctic Connection ᑳᑉᑎᖓᑦᑕ ᐃᑲᔪᖅᑎᖓᑦ ᐱᓕᓴᓐ ᐅᑉᐸᕼᐅᐊᒃ ᐅᖃᓚᐅᖅᐳᖅ ᐅᑭᐅᒥ ᐊᑐᖅᑐᒥ ᐱᓐᖑᐊᕐᔪᐊᕐᓇᖅ ᐊᒃᓱᕐᓇᓛᖑᓚᐅᕐᒪᑦ ᐱᓐᖑᐊᖅᑎᓄᑦ ᔮᓐ ᓕᓐᑎᐅ ᐃᖅᑲᐅᒪᓪᓗᒍ ᕼᐋᑭᕐᔪᐊᕐᓇᐅᓯᒪᔪᓂ ᐅᑉᓗᒥᒧᑦ ᑎᑭᑦᖢᒍ.

ᐅᖃᓚᐅᖅᐳᖅ ᓴᓪᓕᕐᒥᐅᑦ ᐃᓚᐅᓚᐅᖅᑎᓪᓗᒋᑦ ᐱᓐᖑᐊᕐᔪᐊᕐᓇᐅᔪᒥ ᐊᔾᔨᐅᖏᑎᑦᓯᓚᐅᕐᒪᑕ ᖁᕕᐊᓇᕐᓂᖅᓴᐅᑎᑦᓯᑉᓗᑎᒡᓗ ᑕᐅᑐᒋᐊᖅᑐᖅᐸᒃᑐᓄᑦ.

“ᑕᐃᒪᓐᓇ ᓇᓕᐊᑐᐃᓐᓇᖅ ᓵᓚᒃᓴᕈᓐᓇᓚᐅᖅᐳᖅ,” ᐅᖃᓚᐅᖅᐳᖅ ᐅᑉᐸᕼᐅᐊᒃ.

“ᑭᖑᓪᓕᖅᐹᖑᓕᖅᑎᓪᓗᒍ ᓯᑕᒪᑦ ᑕᐱᕇᑦ ᐱᓐᖑᐊᖅᑎᑦ ᓂᕆᐅᒋᓚᐅᖅᐸᒃᑲ ᕿᑎᐊᓂ ᐱᓐᖑᐊᓕᖅᑎᓪᓗᑕ, ᑭᓯᐊᓂ ᖃᓄᐃᓕᐅᕐᓂᐊᕐᒪᖔᑕ ᓂᕆᐅᖕᓂᖃᓚᐅᖏᑉᐳᖓ ᑭᖑᓪᓕᖅᐹᒥ ᐱᓐᖑᐊᓕᖅᑎᓪᓗᒋᑦ.

“ᓯᕗᓪᓕᖅᐹᒥ ᐅᑭᐅᒥ ᖃᕆᑏᑯᒃᑯᑦ ᕿᑎᐊᓂ ᐱᓐᖑᐊᓕᖅᑎᓪᓗᒋᑦ ᐃᓚᐅᓚᐅᖏᑉᐳᑦ, ᑭᓯᐊᓂ ᐱᓐᖑᐊᑦᓯᐊᓚᐅᖅᐳᑦ ᐃᓚᒋᔭᐅᔪᖅ ᐃᓚᐅᖃᑕᐅᖏᑦᖢᓂ ᐳᔾᔫᑦ ᑯᓱᒐᒃ, ᑏ

ᕕᑦ ᑲᓛᒃ, ᐊᒪᐅᔭᖅ ᓕᓐᑎᐅ ᐊᒻᒪ ᑯᕆᔅ ᑳᓐᓂᓕ.”

ᐅᑉᐸᕼᐅᐊᒃ ᐅᖃᓚᐅᖅᐳᖅ ᑕᐅᑐᒋᐊᖅᓯᒪᔪᑦ ᐃᕆᐊᓛᓗᕿᓚᐅᕐᒪᑕ ᐃᑲᔪᖅᑐᐃᑉᓗᑎᒃ ᑕᐃᒪᖓᓗᒃᑖᖅ ᐱᓐᖑᐊᕐᔪᐊᕐᓇᐅᑎᓪᓗᒍ ᔭᓐᓄᐊᕆ 25-28, ᐱᓐᖑᐊᓕᓚᐅᖅᖢᑎᒃ ᓇᓪᓕᐊᒃ ᓵᓚᒃᓴᕐᒪᖔᑦ ᓴᓇᑦᑕᐃᓕᒥ ᐊᒥᓱᒻᒪᕆᐊᓗᖕᓄᑦ ᑕᐅᑐᒋᐊᖅᑐᖅᑕᐅᓯᒪᑉᓗᑎᒃ.

ᐅᖃᓚᐅᖅᐳᖅ ᑖᒃᑯᐊ Arctic Connection−ᑯᑦ ᒪᕐᕈᐃᖅᑕᖅᖢᑎᒃ ᐃᑎᖅᑎᑦᓯᓚᐅᕋᓗᐊᖅᖢᑎᒃ ᐊᑐᖏᓐᓂᕋᖅᑕᐅᓚᐅᖅᐳᑦ ᑭᖑᓪᓕᖅᐹᒥ ᐱᓐᖑᐊᓕᖅᑎᓪᓗᒋᑦ ᐃᓚᖏᓐᓂᒃ ᐃᓄᖕᓂᒃ ᖁᕕᐊᓱᖏᔾᔪᑕᐅᓕᖅᖢᑎᒃ, ᑭᓯᐊᓂ ᑕᐃᒪᓐᓇᐃᒋᐊᖃᕐᒪᑦ.

“ᐊᒃᓱᕈᖅᑎᑦᓯᓚᐅᖅᐳᑦ ᑕᐅᑐᒋᐊᖅᑐᖅᓯᒪᔪᑦ ᑖᒃᑯᐊ ᒪᕐᕉᒃ ᐃᑎᖅᑎᑕᐅᔪᑦ ᐊᑐᖅᑎᑕᐅᖏᓐᓂᖏᓐᓄᑦ, ᑭᓯᐊᓂ ᑕᒪᓐᓇ ᐊᓂᒍᕐᒪᑦ ᐊᕐᕌᒍᒧᑦ ᑕᐅᑐᒋᐊᖃᓕᕐᒪᑕ.

“ᔮᓐ ᓕᓐᑎᐅ ᐃᖅᑲᐅᒪᑉᓗᒍ ᐱᓐᖑᐊᕐᔪᐊᕐᓇᖅ ᑕᐃᒪᓐᓇ ᐊᒃᓱᕈᕐᓇᖅᖢᓂᓗ ᐃᓚᐅᔪᓄᑦ ᐊᕐᕌᒍᑕᒫᓪᓗ ᐃᓚᐅᑎᒃᓯᒃᑲᓐᓂᕈᒪᑉᓗᑕ ᐃᓚᐅᒍᒪᔪᓂᒃ, ᑕᒪᒃᑯᐊ ᕼᐋᑭᖅᑐᓕᕆᔨᐅᖃᑕᐅᔪᑦ ᐃᓚᐅᒋᐊᖃᖅᐳᑦ, ᑕᐃᒪᓐᓇ ᖁᕕᐊᓇᖏᑉᐳᑦ ᑕᐅᑐᒋᐊᖅᓯᒪᔪᑦ ᖁᕕᐊᓱᖏᔾᔪᑎᖃᓕᕌᖓᑕ ᑕᐃᒪᓐᓇ.

“ᑕᐃᒪᑐᖅ ᐱᓐᖑᐊᖃᑕᐅᓚᐅᖅᑐᑦ ᐃᓚᐅᓂᐊᖅᐳᑦ ᐅᑎᕐᓂᐊᖅᐳᑦ 2019−ᒥ, ᕙᓂᐹᖕᒥᐅᑕᓂᒡᓗ ᐱᓐᖑᐊᖃᑕᐅᖁᔨᓐᓇᖅᐳᖅ.

“ᐱᑕᖃᓚᐅᖅᐳᒍᑦ ᕙᓂᐹᖕᒥᖔᖅᑐᒥᒃ ᒎᓕᒥᒃ ᐊᒻᒪ ᐱᖓᓱᓂᒃ ᐱᓐᖑᐊᖅᑎᓂᒃ ᐱᓐᖑᐊᖅᑎᑉᑎᓐᓂ ᐅᑭᐅᒥ ᐊᑐᖅᑐᒥ ᖁᕕᐊᒋᔭᖃᑦᓯᐊᖅᑑᔮᖅᖢᑎᒡᓗ ᐱᓐᖑᐊᕐᔪᐊᕈᑕᐅᓚᐅᖅᑐᒥᒃ, ᑕᐃᒪᑐᖅ, ᑲᔪᖏᖅᓴᐃᓂᐊᖅᐳᑦ ᐊᓯᒥᖕᓂᒃ ᐃᓚᐅᖃᑕᐅᖁᔨᓗᑎᒃ ᐊᕐᕌᒍ.”

Scott Forcand, ᕙᓂᐹᒥᐅᑕᖅ ᒎᓕ ᐃᓚᐅᓚᐅᖅᐳᖅ, ᐅᖃᓚᐅᖅᖢᓂᓗ ᖁᕕᐊᓱᑦᓯᐊᓚᐅᕋᒥ ᐱᓐᖑᐊᖃᑕᐅᑉᓗᓂ.

ᒪᒃᑯᒃᑐᓄᑦ− ᐊᒻᒪ ᐃᓐᓇᕐᓄᑦ ᐱᓐᖑᐊᖃᑕᐅᓯᒪᔪᖅ ᒎᓕᐅᑉᓗᓂ, Forcand ᐅᖃᓚᐅᖅᐳᖅ ᖁᐊᖅᓵᕈᑎᖃᓚᐅᕋᒥ ᐱᐊᓚᔪᒻᒪᕆᐅᓂᖓᓄᑦ ᐱᓐᖑᐊᕐᔪᐊᕐᓇᐅᓚᐅᖅᑐᒥ.

ᐅᖃᓚᐅᖅᖢᓂᓗ ᑕᐃᒪᓐᓇ ᐱᓐᖑᐊᖅᑎᓪᓗᒋᑦ, ᓱᖏᐅᑎᕙᓪᓕᐊᓚᐅᖅᐳᑦ ᐱᓐᖑᐊᖃᑎᒥᓂᒃ ᐊᒻᒪ ᖁᕕᐊᓱᖃᑕᐅᑉᓗᓂ ᖃᓄᐃᓕᐅᕐᓂᖏᓐᓄᑦ ᑕᐅᑐᒋᐊᖅᓯᒪᔪᑦ ᐊᒥᓱᑦ ᐃᑲᔪᖅᑐᐃᓚᐅᕐᓂᖏᓐᓄᑦ ᐱᓐᖑᐊᖅᑎᖏᓐᓂᒃ.

“ᑐᓐᖓᓇᑦᓯᐊᓚᐅᖅᖢᓂᓗ ᐊᕐᕕᐊᓂ ᐃᓄᑦᓯᐊᖑᑉᓗᑎᒡᓗ ᑕᐃᑲᓂᒥᐅᑦ,” ᐅᖃᓚᐅᖅᐳᖅ.

“ᕼᐋᑭᕐᓂᖅ ᓴᓗᒪᒻᒪᓗ, ᐱᐊᓚᑦᓯᐊᖅᖢᑎᒡᓗ ᐊᒻᒪ ᖁᕕᐊᓇᑦᓯᐊᖅᖢᓂ.

“ᑕᐃᒪᓐᓇ ᐃᑲᔪᖅᑐᖅᑕᐅᓗᐊᖃᑦᑕᖏᓐᓇᒪ ᐱᓐᖑᐊᖃᑕᐅᑉᓗᖓ ᖁᕕᐊᓱᑐᐃᓐᓇᖅᖢᑕ ᕙᓂᐹᖕᒥ, ᑭᓯᐊᓂ, ᐊᕐᕕᐊᓂ ᐃᑲᔪᖅᑐᖅᑕᐅᑦᓯᐊᓚᐅᖅᐳᒍᑦ, ᐱᓗᐊᖅᑐᒥᒃ ᓴᓇᑦᑕᐃᓕᒥ.

“ᐊᒥᓱᒻᒪᕆᐅᓚᐅᖅᐳᑦ ᑕᐅᑐᒋᐊᖅᓯᒪᔪᓪᓗ ᑐᑮᕈᑎᓕᖅᖢᑎᒃ ᐅᕙᑉᑎᓐᓂᒃ, ᑕᐃᒪᓐᓇ ᐃᓄᖕᓄᑦ ᐃᑲᔪᖅᑐᖅᑕᐅᑉᓗᓂ ᖁᕕᐊᓇᑦᓯᐊᖅᐳᖅ.”

Forcand ᐅᖃᓚᐅᖅᐳᖅ ᐊᔪᖏᓐᓂᖅ ᐱᐊᓚᓴᕐᓂᕐᓗ ᐱᕙᓪᓕᐊᓂᖃᖅᐸᒃᐳᑦ ᓯᐊᕐᕆᔮᕐᕕᖕᒥ ᐊᒥᓱᓄᑦ ᑕᐅᑐᒋᐊᖅᑐᖅᑕᐅᓯᒪᑉᓗᓂ ᐃᑲᔪᖅᑐᖅᑕᐅᑉᓗᓂᓗ.

ᐅᖃᓚᐅᖅᖢᓂᓗ ᑕᐃᒪᓐᓇ ᐊᒥᓱᓄᑦ ᑕᐅᑐᒃᑕᐅᑉᓗᓂ, ᐱᓐᖑᐊᖅᑎᑦ ᐱᑦᓯᐊᕈᒪᕗᑦ ᐃᑲᔪᕈᒪᑉᓗᑎᒡᓗ ᐱᓐᖑᐊᖃᑎᒥᖕᓂᒃ, ᐃᑎᖅᑎᑦᓯᓗᑎᒡᓗ ᓄᖅᑲᖅᑎᑦᓯᓗᑎᒡᓘᓐᓃᑦ ᐃᑎᖅᑎᑕᐅᓇᓱᐊᖅᑐᒥᒃ.

“ᐃᑎᖅᑎᑦᓯᓗᓂ ᖁᕕᐊᒋᔭᐅᓕᕐᓇᖅᐳᖅ ᐃᓄᐃᓪᓗ ᐃᑲᔪᖅᑐᐃᓕᖅᖢᑎᒃ ᐃᓕᖕᓂᒃ, ᑕᐃᒪᓐᓇ ᖁᕕᐊᓇᒃᑲᓐᓂᕈᑎᒋᑉᓗᓂᐅᒃ.

“ᓯᑕᒪᐅᑉᓗᑕ ᐅᑎᕈᒪᕗᒍᑦ ᖃᖓᑭᐊᖅ, ᐅᑎᕐᓗᑕ ᐱᓐᖑᐊᖅᑎᓪᓚᕆᖃᕐᓗᑕᓗ ᕙᓂᐹᖕᒥᑦ ᑕᐱᕇᒃᑐᓂᒃ ᖃᓄᖅ ᐊᔪᖏᓐᓂᐊᕐᒪᖔᑉᑕ ᐊᔪᕐᓂᐊᕐᒪᖔᑉᑕᓗ ᐱᓐᖑᐊᖃᑎᑉᑎᓐᓂᒃ ᑕᐃᒪᓐᓇᐃᓕᐅᕈᒪᕗᒍᑦ.”

ᐊᓐᑐᕈ ᓯᒻᔅ ᓵᓚᒃᓴᖅᑐᓂᑦ ᑲᖏᖅᖠᓂᕐᒥᐅᓂᑦ ᐱᓐᖑᐊᖃᑕᐅᔪᖅ, ᐅᖃᓚᐅᖅᐳᖅ ᐅᔾᔨᕈᓱᓚᐅᕋᒥ ᔮᓐ ᓕᓐᑎᐅ ᐃᖅᑲᐅᒪᑉᓗᒍ ᕼᐋᑭᕐᔪᐊᕐᓇᐅᓚᐅᖅᑐᖅ ᐊᔾᔨᒌᖕᓂᖅᓴᐅᓚᐅᕐᓂᖓᓄᑦ ᐊᓯᖏᓐᓂᑦ ᐅᑭᐅᓂᑦ, ᐱᓗᐊᖅᑐᒥᒃ ᓯᑕᒪᓂ ᐱᓐᖑᐊᖅᑎᓂ ᑕᐱᕇᓂ.

ᐅᖃᓚᐅᖅᐳᕐᓗ ᕿᑎᐊᓂ ᐱᓐᖑᐊᓕᖅᑎᓪᓗᒋᑦ ᑭᖑᓪᓕᖅᐹᒥᓗ ᑕᒪᕐᒥᒃ ᕼᐋᑭᕐᓂᖅ ᖁᕕᐊᓇᓚᐅᖅᐳᖅ ᓇᓕᐊᑐᐃᓐᓇᖅ ᓵᓚᒃᓴᕈᓐᓇᓚᐅᕐᒪᑕ.

“ᓴᓪᓕᕐᒥᐅᑦ ᐱᓐᖑᐊᖅᑎᖏᑦ ᖃᐃᖃᑕᐅᓚᐅᖅᑎᓪᓗᒋᑦ ᐊᒃᓱᕈᕐᓇᕈᑕᐅᓕᓚᐅᖅᐳᑦ ᐊᒻᒪ ᖁᕕᐊᓇᖅᑐᒥᒡᓗ ᐱᓐᖑᐊᖅᑎᑦᓯᓚᐅᖅᐳᑦ,” ᐅᖃᓚᐅᖅᐳᖅ ᓯᒻᔅ.

“ᑎᑭᕋᕐᔪᐊᒥᐅᑦ ᐱᓐᖑᐊᕈᓯᕆᓚᐅᖅᑕᖓᓐᓂᒃ ᖁᐊᖅᓵᕈᑎᖃᕐᓚᓚᐅᖅᐳᖓ, ᐄᓪᓚᕆᒃ, ᐱᓗᐊᖅᑐᒥᒃ ᓵᓚᒃᓴᓚᐅᕐᒪᑕ ᓴᓪᓕᕐᒥᐅᓂᒃ ᐲᖅᓯᖃᑦᑕᐅᑎᑎᓪᓗᒋᑦ.

“ᑖᒃᑯᐊ ᖃᕆᑏᑯᒃᑯᑦ ᐊᒃᓱᕈᓗᐊᓚᐅᖏᑉᐳᑦ ᐱᓐᖑᐊᕐᔪᐊᕐᓇᒥ, ᑕᒪᒃᑯᐊ ᐊᔪᖏᑦᓯᐊᖅᑐᑦ ᐱᓐᖑᐊᖃᑎᖏᑦ ᐱᑕᖃᖏᒃᑲᓗᐊᖅᑎᓪᓗᒋᑦ.

“ᐃᓱᒫᓗᒍᑎᖃᓚᐅᖅᐳᒍᑦ ᖃᓄᐃᓕᐅᕐᓂᐊᕐᒪᖔᑕ ᐃᑎᖅᐸᓪᓕᐊᓗᑕ ᓯᐊᕐᕆᔮᕐᕕᖕᒧᑦ ᐊᓂᕙᓪᓕᐊᓗᑕᓗ, ᑭᓯᐊᓂ, ᐊᒥᓱᑦ ᐃᓄᐃᑦ ᖃᓄᐃᓚᐅᖏᑉᐳᑦ ᐅᑭᐅᒥ ᐊᑐᖅᑐᒥ ᓄᑕᕋᐃᓐᓇᕐᓚᐅᓚᐅᖅᖢᑎᒡᓗ ᐃᑲᔪᖅᑐᐃᔪᑦ.”

ᓯᒻᔅ ᐅᖃᓚᐅᖅᐳᖅ ᑲᖏᖅᓕᓂᕐᒥᐅᑦ ᓵᓚᒃᓴᒃᑲᓐᓂᕈᒪᑦᓯᐊᓚᐅᖅᐳᑦ ᑕᒡᕙᓂ ᐅᑭᐅᒥ ᐱᓐᖑᐊᕐᔪᐊᕐᓇᐅᑎᓪᓗᒍ.

ᐅᖃᓚᐅᖅᖢᓂᓗ ᖁᕕᐊᓇᖃᑦᑕᖅᖢᓂ ᑕᐃᒪᖓᓂᑦ ᐱᓐᖑᐊᖃᑕᐅᑉᓗᓂ ᔮᓐ ᓕᓐᑎᐅ ᐃᖅᑲᐅᒪᑉᓗᒍ ᕼᐋᑭᕐᔪᐊᕐᓇᒥ, ᐊᖏᕐᕋᐅᔾᔨᖏᒃᑯᑎᑦ ᓵᓚᒃᓴᐅᑎᒥᒃ ᑲᑕᒃᓯᒪᓕᕋᔭᕐᒪᑕ ᑲᖏᖅᖠᓂᕐᒥᐅᑦ ᐱᓐᖑᐊᖅᑎᑦ.

“ᓵᓚᒃᓴᕈᒪᑦᓯᐊᓚᐅᖅᐳᒍᑦ ᐅᖁᒪᐃᒃᓴᖅᖢᑕᓗ ᓵᓚᒃᓴᖏᒃᑯᑉᑕ, ᐊᒻᒪ ᑕᒪᓐᓇ ᐊᒃᓱᕈᕐᓇᕆᐊᒃᑲᓐᓂᓚᐅᖅᐳᖅ ᑖᒃᑯᐊ Arctic Connection−ᑯᑦ ᐊᒥᓱᒻᒪᕆᖕᓂᒃ ᐱᓐᖑᐊᖅᑎᖃᓚᐅᕐᒪᑕ, ᐱᓗᐊᖅᑐᒥᒃ ᖃᑉᓗᓈᑦ ᓄᓇᖓᓐᓂᒥᐅᓂᒃ ᐱᓐᖑᐊᖃᑎᖃᖅᖢᑎᒃ.

“ᓵᓚᒃᓴᓚᐅᖅᐳᑦ ᐅᕙᑉᑎᓐᓂᒃ ᐲᖅᓯᖃᑦᑕᐅᑎᑎᓪᓗᑕ, ᖃᐅᔨᒪᓪᓚᕆᓚᐅᖏᑉᐳᒍᑦ ᖃᓄᐃᓕᐅᕐᓂᐊᕐᒪᖔᑉᑕ ᑭᖑᓪᓕᖅᐹᖑᓕᖅᐸᑦ.

“ᐊᑕᐅᓯᐊᑐᐃᓐᓇᕈᒪᓐᓇᓚᐅᖅᐳᖅ ᑭᖑᓪᓕᖅᐹᒥ ᑕᐃᒪᓐᓇᐃᓚᐅᑎᖅᐳᑦ ᖁᖁᐊᓕᖅᖢᓂᓗ.”

Leave a Comment: