ᐅᒃᐱᕈᓱᒃᑎᑦᓯᓂᖅ

by Darrell Greer- December 19, 2017

ᔮᓐ ᐊᕐᓇᓗᒡᔪᐊᖅ ᐃᓕᓐᓂᐊᕐᕕᒡᔪᐊᖓᓂ ᑕᑯᓐᓇᒐᒃᓴᓂᒃ ᐱᓐᖑᐊᖅᑎᑦ ᐱᓐᖑᐊᓚᐅᖅᐳᑦ Yes, Virginia, There is a Santa Claus ᐊᕐᕕᐊᓂ ᐱᓇᓱᐊᕈᓯᐅᓚᐅᖅᑐᒥ.

ᕗᔨᓂᐊ ᐅ’ᕼᐊᓐᓚᓐ (ᓯᐊᕈ ᓂᑉᕈᐊᒃᓯ) ᑎᑎᕋᖅᑐᖅ ᐱᕙᓪᓕᐊᔪᓕᕆᔨᒧᑦ ᑕᒡᕙᓂ The New York Sun ᐊᑖᑕᖓ (ᕋᓱ ᒪᒃᐸ) ᑕᐅᑐᒃᑎᓪᓗᒍ ᔮᓐ ᐊᕐᓇᓗᒡᔪᐊᖅ ᐃᓕᓐᓂᐊᕐᕕᒡᔪᐊᖓᓂ ᑕᑯᓐᓇᒐᒃᓴᓂᒃ ᐱᓐᖑᐊᖅᑎᑦ ᐱᓐᖑᐊᖅᑎᓪᓗᒋᑦ Yes, Virginia, There Is a Santa Claus ᐊᕐᕕᐊᓂ ᑎᓴᐱᕆ 12 ᐊᒻᒪ 13.

ᑐᑭᒧᐊᒃᑎᑎᔨ ᒍᐊᑦ ᐱᓛᑦ ᐅᖃᓚᐅᖅᐳᖅ ᑕᐃᒪᓐᓇᐃᑦᑐᒥᒃ ᐱᓐᖑᐊᖅᑎᑎᒋᐊᓕᓚᐅᕋᒥ, ᐅᖃᓕᒫᓚᐅᖅᖢᓂᒋᑦ ᐱᓐᖑᐊᒐᒃᓴᐃᑦ.

ᐅᖃᓚᐅᖅᐳᖅ ᖃᓄᐃᓕᐅᓪᓚᕆᒃᑐᖃᓗᐊᖏᑦᖢᓂ ᐱᓐᖑᐊᒐᒃᓴᒥ ᖃᓄᖅ ᐃᓱᒪᒋᔭᐅᓂᐊᕐᓂᖏᓐᓄᓪᓗ ᖃᐅᔨᒪᓚᐅᖏᑦᖢᓂ ᐊᕐᕕᐊᓂ.

ᐅᖃᓪᓚᒃᖢᑎᒡᓗ− ᐊᒻᒪ ᖃᓄᐃᓕᐅᕐᓂᕐᒧᑦ ᐱᔾᔪᑎᖃᖅᐳᑦ ᐱᓐᖑᐊᕈᑦ, ᐅᖃᓕᒫᖅᑕᐅᑎᓚᐅᕋᑉᑯ ᓄᑕᖃᓄᑦ ᐱᐅᒋᔭᐅᓚᐅᖅᑐᒃᓴᐅᕗᖅ ᐅᓂᒃᑳᖅᑐᐊᑦᓯᐊᖑᓇᓱᒋᔭᐅᔪᒃᓴᐅᓚᐅᖅᖢᓂᓗ,” ᐅᖃᓚᐅᖅᐳᖅ ᐱᓛᑦ.

ᑎᑎᖃᐃᑦ ᑕᐃᒪᓐᓇ ᐅᖃᐅᓯᖅᑕᖏᑦ ᑐᑭᓯᔭᐅᑦᓯᐊᖏᑦᑐᒃᓴᐅᓚᐅᖅᐳᑦ, ᖃᐅᔨᓚᐅᖅᑐᒃᓴᐅᑉᓗᑎᒡᓗ ᐃᓄᐃᑦ ᖃᓄᐃᓕᐅᕋᓱᓚᐅᕐᓂᖏᓐᓄᑦ ᐱᔾᔪᑎᖃᕐᒪᑦ ᓵᓐᑕᑲᓛᓯᒥᒃ, ᐱᑕᖃᖏᑦᑐᒥᒃ ᐱᔾᔪᑎᖃᖏᒻᒪᑦ.

ᐆᒻᒪᑎᖏᓐᓃᒻᒪ ᓄᑕᖃᑦ ᓵᓐᑕᑲᓚᓯ.”

ᑲᑐᔾᔨᖃᑎᒌᑦ ᐱᓐᖑᐊᕐᓂᕐᒧᑦ ᓯᑕᒪᐃᖅᑕᖅᖢᑎᒃ ᑕᑯᓐᓇᖅᑎᑦᓯᓚᐅᖅᐳᑦ 14−ᖑᑉᓗᑎᒃ ᐱᓕᕆᔨᖃᖅᖢᑎᒡᓗ ᑕᐃᒪᓐᓇᑎᒋᐅᔪᓂᒃ, ᒪᕐᕉᖕᓂ ᐃᓕᓐᓂᐊᕐᕕᖕᓂ ᐊᒻᒪ ᒪᕐᕈᐃᖅᑕᖅᖢᑎᒃ ᑭᑐᑐᐃᓐᓇᕐᓂᒃ ᑕᑯᓐᓇᖅᑎᑦᓯᓚᐅᖅᖢᑎᒃ.

ᓯᕗᓪᓕᖅ ᑕᑯᓐᓇᖅᑕᐅᓚᐅᖅᑐᖅ 160ᓂᒃ ᐃᓄᖃᓚᐅᖅᐳᖅ, ᑐᖏᓕᐊᓂ ᐃᓄᒋᐊᖕᓂᖃᖅᖢᓂ 200-ᓂᒃ.

ᐱᓛᑦ ᐅᖃᓚᐅᖅᐳᖅ ᐃᓄᖕᓄᑦ ᑕᑯᓐᓇᖅᑕᐅᓚᐅᖅᑐᑦ ᒪᕐᕈᐃᖅᑕᖅᖢᑎᒃ, ᐃᓱᒪᒋᓚᐅᕐᒪᑕ ᐊᒥᓱᓄᑦ ᐅᐸᒃᑕᐅᑦᓯᐊᕐᓂᖏᓐᓄᑦ.

ᐅᖃᓚᐅᖅᖢᓂᓗ ᑕᑯᓐᓇᕆᐊᖅᓯᒪᔪᑦ ᖁᕕᐊᒋᔭᖃᓚᐅᕐᒪᑕ, ᐱᓗᐊᖅᑐᒥᒃ ᐅᓐᓄᒃᑯᑦ.

ᓈᓚᑦᓯᐊᕋᓱᐊᓚᐅᖅᖢᑎᒡᓗ ᖃᓄᐃᓕᐅᕈᑕᐅᔪᓂᒃ, ᐸᒃᑕᒃᑐᖅᑕᐅᕙᒃᖢᑕᓗ 11−ᖏᖅᑕᖅᖢᑎᒃ ᑕᑯᓴᐅᑎᑦᓯᓚᐅᕐᒪᑕ ᐸᒃᑕᒃᑐᑦᓯᐊᖅᐸᒃᑎᒡᓗ,” ᐅᖃᓚᐅᖅᐳᖅ.

ᓄᑕᖃᑦ ᐅᐱᑦᓯᐊᓚᐅᕐᒪᑕ ᐊᒻᒪ ᒪᐃᔭᕗᑦ, ᐹᑉ, ᑕᑯᓐᓇᕆᐊᖃᑕᐅᖏᓐᓇᖅᐸᒃᖢᓂ, ᐃᓕᕿᑕᒫᖅᖢᓂ ᐊᔪᖏᓐᓂᕋᐃᑉᓗᓂ ᐱᓐᖑᐊᖅᑎᓂᒃ, ᐱᓗᐊᖅᑐᒥᒃ ᐅᖃᐅᓯᖏᑦ ᐊᔪᕐᓇᒐᓚᒃᑲᓗᐊᖅᑎᓪᓗᒋᑦ.”

ᐊᕐᕌᒍᒥ ᑕᒡᕙᓂ ᐊᑐᖅᑐᒥ ᐅᑭᐅᑦ 120 ᓇᓪᓕᐅᕐᓂᖅᓯᐅᕐᕕᒃ ᐊᕐᕌᒍᒥ (1897) ᕗᔨᓂᐊ ᑎᑎᖃᖏᑦ ᑎᑎᕋᖅᑕᐅᓚᐅᖅᓯᒪᑉᓗᑎᒃ ᐱᕙᓪᓕᐊᔪᑎᒍᑦ The New York Sun, ᑕᒪᒃᑯᐊᓗ ᐱᓛᑦᒧᑦ ᐱᓐᖑᐊᖅᑐᓄᓪᓗ ᐅᖃᐅᓯᕆᔭᐅᓚᐅᖅᖢᑎᒃ.

ᐱᓛᑦ ᐅᖃᓚᐅᖅᐳᖅ ᐃᓕᓐᓂᐊᖅᑐᖅ ᒍᕇ 6-ᒥ ᒥᐅᕆ−ᐱᑦ ᐅᓗᐊᓪᓗᐊᒃ, ᕗᔨᓂᐊᖑᐊᖑᓚᐅᖅᑑᑉ ᐱᖃᓐᓇᖑᐊᖓ ᒥᐅᕆ ᓘ ᐹᑯ, ᒪᒃᑯᓛᖑᓚᐅᖅᖢᓂ ᐱᓐᖑᐊᖃᑕᐅᔪᖅ ᐊᔪᖏᑦᓯᐊᓚᐅᖅᖢᓂᓗ.

ᐱᓛᑦ ᐅᖃᓚᐅᖅᐳᖅ ᐅᓗᐊᓪᓗᐊᒃ ᐊᒥᓱᓂᒃ ᐅᖃᓪᓚᒋᐊᖃᓚᐅᖅᖢᓂ, ᐅᑉᓗᑕᒫᓪᓗ ᐊᔪᖏᓴᕆᐊᖅᐸᓚᐅᖅᖢᓂ, ᐸᕐᓇᑦᓯᐊᖅᖢᓂ ᑕᑯᓐᓇᖅᑕᐅᓂᐊᖅᑐᓄᑦ.

ᐊᔪᖏᑦᓯᐊᖅᖢᓂ ᓯᓚᑐᖕᒪᑦ ᐱᓕᕆᑦᓯᐊᓚᐅᖅᖢᓂᓗ ᒥᐅᕆ ᓘᖑᐊᖑᑉᓗᓂ,” ᐅᖃᓚᐅᖅᐳᖅ.

ᐅᖃᑎᓚᐅᖅᐸᒃᑲᓗ ᑕᑯᓐᓇᕆᐊᖅᓯᒪᔪᑦ ᑕᒪᕐᒥᒃ ᒥᐅᕆ−ᐱᑦ ᐊᔪᖏᑦᓯᐊᓚᐅᕐᒪᑦ ᑕᑯᓐᓇᒐᒃᓴᓕᐅᕐᓂᕐᒧᑦ, ᐊᒻᒪ ᑕᐃᒪᑐᖅ ᐅᑎᕈᒫᖅᐳᖅ ᑕᐃᒪᓐᓇᐃᓕᐅᖃᑕᐅᖏᓐᓇᕐᓗᓂ ᐱᓕᕆᑦᓯᐊᔪᖕᒪᑦ.

ᓯᐊᕆ ᓂᑉᕈᐊᒃᓯ (ᕗᔨᓂᐊ), ᐱᓐᖑᐊᓚᐅᖅᓯᒪᑉᓗᓂᓗ ᔪᓕᐊᖑᐊᖑᑉᓗᓂ, ᐊᒻᒪ ᓄᐊ ᒪᒃᐸ, ᐱᓐᖑᐊᓚᐅᖅᓯᒪᑉᓗᓂ ᐱᕙᓪᓕᐊᔪᓕᕆᔨᐅᖑᐊᖅᖢᓂ Francis P. Church, ᑕᒪᕐᒥᒃ ᐊᔪᖏᑦᓯᐊᓚᐅᖅᖢᑎᒃ ᑲᔪᓯᑦᓯᐊᖅᑎᑦᓯᓚᐅᖅᖢᑎᒡᓗ.”

ᖁᕕᐊᓱᖕᓇᒥ ᐱᓐᖑᐊᖅᑕᐅᓚᐅᖅᑐᖅ ᐊᓂᒍᖅᓯᒪᖅᑎᓪᓗᒍ, ᐱᓐᖑᐊᖅᑎᑦ ᑕᐃᒪᓐᓇᐃᓕᐅᒃᑲᓐᓂᕐᓂᐊᖅᐳᑦ ᐊᓯᖏᓐᓂᒃ ᐱᓐᖑᐊᕈᑎᓂᒃ.

ᐱᓛᑦ ᐅᖃᓚᐅᖅᖢᓂ ᐱᓐᖑᐊᕈᒪᖕᒪᑕ ᑐᖁᑕᐅᕕᐊᓂ ᒪᑭᕕᐊᓂᓗ ᓱᓕ ᑕᒡᕙᓂ ᐊᕐᕌᒍᒥ, ᑭᓯᐊᓂ ᐱᓕᕆᐊᒃᓴᖃᓗᐊᕐᓂᖏᑦ ᐱᔾᔪᑎᒋᑉᓗᒍ ᐊᑕᐅᓯᐊᑐᐃᓐᓇᕐᓗᑎᒃ ᐱᓐᖑᐊᕐᓂᐊᖅᑐᒃᓴᐅᕗᑦ ᐊᕐᕌᒍᒥ ᓄᑖᒥ 2018−ᒥ.

ᖃᐅᔨᒪᖏᑦᑐᖓ, ᓱᓕ, ᖃᓄᐃᓕᐅᕐᓂᐊᕐᒪᖔᑕ, ᑭᓯᐊᓂ ᕼᐊᓕᑏᕐᓇᐅᔪᒥ ᐊᓂᒍᐃᓚᐅᕐᓗᑕ, ᑕᖃᐃᖅᓯᓚᐅᕐᓗᑕᓗ, ᖃᓄᐃᓕᐅᒐᒃᓴᒥᒃ ᐃᓱᒪᓕᐅᕈᑎᖃᕐᓂᐊᖅᐳᒍᑦ,” ᐅᖃᓚᐅᖅᐳᖅ.

ᐅᖃᐅᑎᓚᐅᖅᐸᒃᑲᓗ ᑕᐃᒪᓐᓇ ᐱᓐᖑᐊᕐᓂᖅ Yes, Virginia, There is a Santa Claus, ᐱᓕᕆᑦᓯᐊᓚᐅᕐᓂᖏᓐᓄᑦ ᓂᕆᐅᒃᐳᖓᓗ ᐅᑎᖁᑉᓗᒋᑦ ᖁᕕᐊᓱᒡᕕᐅᕌᓂᒃᐸᑦ.”

 

Leave a Comment:

Your email address will not be published. Required fields are marked *