ᐅᑭᐅᖅᑕᖅᑐᒥ ᑐᓴᒐᒃᓴᓕᕆᔨᒃᑯᑦ

by Darrell Greer- February 13, 2018

ᐃᓱᒪᒋᕙᓪᓕᐊᓪᓗᒍ ᑐᒃᑐᑦ, ᑲᒪᒋᕙᓪᓕᐊᓯᒪᕙᕋ ᐊᔾᔨᒋᖅᑰᔨᓂᖓᓄ ᑲᓇᖕᓇᐅᑉ ᐃᒪᖓᓂ ᐆᒐᖃᕈᓐᓃᖅᓯᒪᓂᖓᓂᒃ ᐃᓅᓯᓐᓂᒃ ᐊᓯᔾᔩᓚᐅᖅᓯᒪᓂᖓᓂᒃ, ᑕᐅᓴᖏᓐᓃᑦᑐᓄᓪᓗ ᑕᐅᕙᓂ.

Kivalliq News editor Darrell Greer

ᒫᓐᓇ ᑕᐃᔅᓱᒪᓂᑐᑦ, ᑐᒃᑐᖕᓂᖅ ᐅᑭᐅᖅᑕᖅᑐᒥ ᓈᒻᒪᖏᑦᑑᔮᓕᕐᒪᑦ, ᐃᓄᐃᓪᓘᓐᓃᑦ ᐱᖁᔭᖏᑦ ᐊᑑᑎᖃᖅᑑᔭᕈᓐᓃᕐᒪᑕ.

ᑲᖏᖅᖠᓂᕐᒥᐊᒐᓴᐃᑦ ᐊᑲᐅᒃᓴᖅᓯᒪᖏᒻᒪᑕ ᑕᓐᑎᓐᑯᑦ ᐱᓕᕆᐊᕆᔪᒪᔭᖏᓐᓂᒃ ᑐᑭᓯᓇᕆᓪᓗᓂᓗ ᐊᑲᐅᒋᔭᐅᖏᓐᓂᖓ ᐊᖒᑉ ᓄᓇᖓᓂ ᑐᒃᑐᑦ ᐊᖅᑯᑎᒋᓂᖓᓄ.

ᐊᑲᐅᙱᓕᐅᕈᑎᒐᓴᐅᑎᓪᓗᒋᑦ ᖃᓄᓕᒫᖅ, ᑲᒪᓇᖅᑐᖅ ᐅᓐᓂᕐᓗᒃᑐᖃᑦᑎᐊᖏᓐᓂᖓᓄᑦ.

ᐊᑲᐅᖏᔾᔪᑎᒋᕚ ᑲᓇᖕᓇᐅᑉ ᐃᒪᖓᓂ ᐱᕈᖅᓴᓂᑰᑎᓪᓗᖓ ᖃᓄᐃᓕᐅᕈᓐᓇᖅᑰᔨᖏᓐᓂᓐᓄᑦ ᑐᒃᑐᖃᕈᓐᓃᖅᐸᓪᓕᐊᓂᕐᒥᒃ ᐱᕕᒃᑎᓪᓗᒋᑦ, ᐊᐱᖅᑯᑎᒃᓴᖃᐅᕐᓂᓐᓂ, ᓈᓚᒃᐸᓪᓕᐊᓂᓐᓂ ᑐᑭᓯᓇᓱᒃᑎᓪᓗᖓ ᑐᒃᑐᓕᕆᔪᓂᒃ, ᑭᓯᐊᓂ ᖃᐅᔨᕚᓪᓕᕐᓂᓐᓄ ᐅᖃᕈᓐᓇᖅᐳᖓ ᐊᑦᑕᓐᓇᖅᑐᒦᓐᓂᖏᓐᓄᑦ.

ᑕᐅᒪᐃᒃᑲᓗᐊᖅᑎᓪᓗᒍ, ᑕᑯᓯᒪᓂᑰᓂᓐᓄ ᐃᖃᓗᒐᓵᓗᐃᑦ ᐱᑕᖃᕈᓐᓃᖅᓯᒪᓂᖏᓐᓄ, ᓂᓪᓕᕈᑎᒋᔪᒪᕙᕋ ᐊᑦᑕᓐᓇᖅᑐᒦᒍᑎᒋᔭᖏᓐᓄ.

ᐊᔾᔨᒌᖏᑦᑐᑦ 13 ᑐᒃᑐᐃᑦ ᓄᖑᑉᐸᓪᓕᐊᓕᖅᑐᑦ, ᒪᕐᕈᓪᓗᐊᓪᓗ ᑯᐸᐃᖕᒥ ᐱᑕᖃᕈᓐᓃᖅᐸᓪᓕᐊᓯᔪᑦ.

ᑐᒃᑐᑦ ᓄᖑᑉᐸᓪᓕᐊᓂᖓ ᐅᖃᐅᓯᐅᔭᕆᐊᖃᓪᓚᕆᒃᓯᒪᓕᖅᑐᖅ … ᑭᓯᐊᓂ ᑮᓇᐅᔾᔭᒃᓴᓂᕆᔭᖓ – ᑐᑭᓯᒋᐊᖅᑕᐅᑦᑎᐊᕆᐊᓕᒃ ᐊᓯᖏᓐᓄᓪᓗ ᖃᓄᖅᑑᕈᑕᐅᖏᑎᓪᓗᒍ, ᖃᐅᔨᓴᖅᑕᐅᑦᑎᐊᕆᐊᖃᓕᖅᐳᖅ.

ᑐᑭᓯᑎᑕᐅᑦᑎᐊᕈᓘᔭᓕᖅᐳᖓ ᐊᖑᓇᓱᒃᑎᓪᓚᕆᖕᒧᑦ.

ᐊᖑᓇᓱᒃᑎᐅᙱᓚᖓ, ᑮᓇᐅᔾᔭᒃᓴᕋᓱᙱᓚᖓ ᑖᔅᓱᒨᖓᔪᒥ, ᒫᓂ ᐳᕈᖅᓴᓯᒪᖏᑦᑐᖓ – 20-ᓗᐊᓂᒃ ᐊᕐᕋᐅᒍᓂᒃ ᑲᖏᖅᖠᓂᕐᒥᐅᑕᐅᓯᒪᓕᖅᐳᖓ ᐊᖏᕐᕋᕆᓇᓱᒋᓪᓗᒍᓗ – ᐅᖃᐅᓯᒃᑲ ᑭᓲᓇᓱᒋᒐᔭᖏᔾᔪᑎᒋᕚ ᒫᓂᒥᐅᑕᐅᑐᖃᖏᓐᓂᓐᓄ.

ᑕᐃᒪᓐᓇᑦᑕᐃᓐᓇᖅ ᑲᔪᓯᒍᑦᑕ ᐊᑕᐅᓯᑐᐊᕐᒥᒃ ᖃᓄᐃᑦᑐᐊᓕᒑᕗᖅ.

ᑐᑭᓯᑎᑕᐅᓯᒪᕗᖓ ᐱᖃᓐᓇᕆᔭᓐᓄᑦ ᑲᖏᖅᖠᓂᕐᒥᐅᑕᕐᒧᑦ ᐊᖑᓇᓱᒃᑏᑦ ᐅᑭᐊᒃᓵᒃᑯᑦ ᐸᖕᓂᕐᓂᒃ ᐱᓇᓱᖃᑦᑕᕐᒪᑕ, ᑭᓯᐊᓂ ᐊᓯᔾᔨᕐᓂᖓᓄᑦ ᑐᒃᑐᑦ ᐊᖅᑯᑎᖏᑦ ᐱᔾᔪᑕᐅᓪᓗᓂ, ᐊᕐᓇᕐᓗᒐᓱᖔᖅᐸᓕᖅᐳᑦ ᓄᕕᐱᕆᒥᒃ ᐃᓚᒌᑦ ᕿᒥᕆᔭᐅᖁᓪᓗᒋᑦ.

ᐊᐳᖅᑕᕈᑕᐅᕈᓘᔭᕈᓐᓇᕈᑎᒋᕚ ᐊᖑᓇᓱᒃᑎᓄᑦ. ᑕᐃᒪᐃᑦᑐᒪᖏᒃᑲᓗᐊᖅᑎᓪᓗᒋᑦ ᑐᒃᑐᓂᒃ ᐱᑕᖃᓗᐊᕈᑎᒋᔪᓐᓃᕋᔭᕐᓂᖓᓄᑦ.

ᑕᓐᑎᓐᑯᑦ ᐊᐅᓚᑦᑎᕈᓛᔭᖅᐳᑦ ᑖᔅᓱᒥᖓ, ᓄᓇᒥᒃ ᑭᓱᕈᓘᔭᕐᓂᒃ ᕿᓂᕈᓐᓇᕐᓂᖏᓐᓄᑦ ᒐᕙᒪᑐᖃᒃᑯᓐᓄ ᓄᓇᒋᓂᕋᖅᓯᒪᔭᖓᓃᓐᓂᖓᓄᑦ, ᐃᓄᐃᑦ ᓄᓇᖓᓂᐅᖏᑦᑐᖅ (ᐊᖏᕈᑎ ᒪᓕᒡᓗᒍ).

ᑕᐃᒪᓐᓇᐅᑎᓪᓗᒍ, ᐃᓱᒫᓘᑎᒋᔭᐅᖅᑰᔨᙱᓚᖅ ᓂᖀᑦ ᓂᐅᕕᐊᒃᓴᐅᓂᖏᓐᓂᒃ, ᐱᓗᐊᖅᑐᒥᒃ ᕿᑭᖅᑕᓂᒥᐅᓄᑦ, ᑮᓇᐅᔾᔭᒃᓴᐅᑕᐅᓪᓗᓂ, ᐃᒃᐱᒋᔭᐅᑦᑎᐊᕐᓇᓂ.

ᑲᓇᑕᒥ ᑲᑎᒪᔩᑦ ᓂᕐᔪᑎᓂᒃ ᖃᐅᔨᓴᖅᑎᐅᓪᓗᑎᒃ ᐱᑕᖃᕈᓐᓃᖅᐸᓪᓕᐊᓂᖏᓐᓂᒃ ᐅᖃᖅᓯᒪᕗᑦ ᑐᒃᑐᑦ ᖃᐅᔨᒪᔭᐅᔭᕆᐊᖃᓕᕐᓂᖏᑦ ᐊᑦᑕᕐᓇᖅᑐᒦᓕᕐᓂᖏᓐᓂ ᐱᑕᖃᕈᓐᓃᑐᐃᓐᓇᕆᐊᖃᓕᕐᓂᖏᓐᓂᒃ. ᐅᒃᐱᕈᓱᒃᑐᒐᓚᐅᓪᓗᑎᒡᓗ ᑕᐃᒪᓐᓇᐃᖅᑲᒻᒥᕈᓐᓃᖅᑐᖅ.

ᓈᓴᖅᑕᐅᓚᐅᕐᓂᖏᑦ 600,000-ᖏᓐᓃᓪᓗᐊᓕᖅᑐᑦ ᑐᒃᑐᐃᑦ, ᑯᐸᐃᖕᒥᑦ ᔫᑳᓐᒧᑦ, ᑭᓯᐊᓂ ᖃᐅᔨᔭᐅᓛᕆᕗᑦ ᖃᔅᓯᐅᓕᕐᒪᖔᑕ ᐱᓇᓱᐊᕈᓯᐅᓛᖅᑐᒥ ᐅᖓᓪᓕᕐᒥᓪᓘᓐᓃᑦ.

ᐅᒃᐱᕆᑦᑎᐊᖅᐸᕋ ᓈᓴᐃᔪᕕᓂᖅ ᖃᒪᓂᕐᔪᐊᕐᒥ ᑐᒃᑐᓂᒃ ᑭᕙᓪᓕᕐᒥ ᖃᐅᔨᑎᑦᑎᓂᐊᖅᖢᓂᓗ ᖃᔅᓯᐅᓕᕐᓂᖏᓐᓂ.

ᓇᓗᓇᐃᖅᑕᐅᓚᐅᖅᑎᓪᓗᒍ ᖃᔅᓯᐅᓂᖏᑦ, ᓄᓇᕗᒻᒥ ᐊᖑᓇᓱᒃᑐᓕᕆᕙᒃᑐᑦ 28-ᓗ ᓄᓇᓕᖏᓂ ᐊᖑᓇᓱᒃᑐᓕᕆᔨᖏᑦᑕᐅᖅ ᖃᓄᖅᑑᕈᓐᓇᖅᓯᓛᕐᒪᑕ, ᑕᐃᒪᓐᓇᐃᑦᑕᕆᐊᖃᕈᑎᒃ.

ᑕᐃᒪᓐᓇᐅᓚᐅᖅᓯᒪᒋᕗᖅ , ᐅᑕᖅᑭᑎᓪᓗᒋᑦ ᐆᒐᕐᓂᒃ ᐱᐅᖅᓱᐊᖁᔨᒐᓗᐊᖅᑎᓪᓗᒍᒋᑦ. ᑭᓯᐊᓂ ᖃᓄᐃᓕᐅᖅᑐᖃᓚᐅᖏᓐᓂᖓᓄᑦ, ᐊᓯᐅᔨᔭᐅᓯᒪᕗᖅ ᐃᖃᓪᓕᐊᕐᓂᖅ ᐱᕈᖅᓴᕕᒋᓯᒪᔭᓐᓂ ᐱᖃᓯᐅᑎᓪᓗᒍ ᐃᓅᓯᐅᑐᖃᕐᓂᑯᒥᒃ.

ᒫᓐᓇ, ᑕᒫᓂ ᐊᑐᖅᑕᐅᕙᓪᓕᐊᒋᕗᖅ ᓄᖑᓕᒑᓂᖏᓐᓂᒃ ᑐᒃᑐᐃᑦ.

Leave a Comment:

Your email address will not be published. Required fields are marked *