ᐃᑲᔪᖅᑐᐃᓂᖅ ᓵᓚᒃᓴᕋᔭᖅᑐᒥᒃ

by Darrell Greer- January 1, 2018

ᐅᕙᖓᓗ, ᑕᒪᒃᑯᓂᖓ ᐱᓐᖑᐊᕈᑎᓂᒃ ᐃᒋᑦᑕᒐᓂᒃ ᐱᓐᖑᐊᕋᓱᐊᖅᐳᖓ ᓚᑭᐅᑎᑦᓯᖏᑐᐃᓐᓇᕆᐊᖃᖅᖢᑕᓗ ᑕᐃᒪᓐᓇᐃᓕᐅᕐᓂᒻᓂᒃ ᓯᕗᓂᐊᒍᑦ ᐅᒃᐱᕈᓱᒃᑲᒪ ᑖᒃᑯᐊ ᕼᐋᑭᕐᓂᕐᒧᑦ ᐃᓕᓐᓂᐊᖅᑎᑦᓯᔨᐅᕙᒃᑐᑦ Rankin Rock Hockey Camp ᓵᓚᒃᓴᕐᓂᕋᓱᒋᑉᓗᒋᑦ ᐅᑭᐅᖅᑕᖅᑐᒥ ᓵᓚᒃᓴᐅᑎᒃᓴᐅᓂᐊᖅᑐᓂᑦ Arctic Inspiration Prize (AIP) ᒪᒃᑯᒃᑐᓕᕆᓂᕐᒧᑦ ᐅᓐᓄᒃ, ᔭᓐᓄᐊᕆ 31 ᐊᑐᕚᒥ.

Kivalliq News editor Darrell Greer

ᑏᕕᑦ ᑲᓛᒃ ᑕᐅᑐᖅᑰᕐᓂᖓ ᓴᖅᑭᓪᓚᕆᖕᓂᐊᓕᖅᐳᖅ ᐃᓕᓐᓂᐊᖅᑎᑕᐅᒍᑕᐅᖃᑦᑕᖅᑐᑦ ᐱᕙᓪᓕᐊᑎᑕᐅᒃᑲᓐᓂᕐᓂᐊᖅᖢᑎᒃ ᐃᑲᔪᕐᓂᐊᖃᖃᑦᑕᕐᓂᖓᓄᑦ ᕼᐋᑭᖅᑐᓕᕆᓂᕐᒧᑦ ᖁᕕᐊᒋᔭᖃᖅᑐᓂᒃ ᓄᓇᓕᖕᓂ ᖃᓄᑐᐃᓐᓇᖅ ᐱᓐᖑᐊᖃᑕᐅᔪᓂᒃ ᕼᐋᑭᕐᓂᕐᒧᑦ.

ᐊᒻᒪ ᑕᒪᓐᓇ ᐃᑲᔪᖅᑐᖅᖢᒍ ᓇᖕᒥᓂᖅ, ᓂᐱᖃᓚᐅᖏᓐᓇᒪ ᖃᐅᔨᒪᒐᓗᐊᖅᖢᖓ ᖃᑉᓗᓈᑦ ᓄᓇᖓᓐᓂᑦ ᑎᑭᑎᑦᓯᖃᑦᑕᖅᑎᓪᓗᒋᑦ ᑮᓇᐅᔭᖅᑐᖅᖢᑎᒡᓗ ᑕᒪᒃᑯᐊ ᑎᑭᑎᑦᓯᖃᑦᑕᕐᓂᖅ ᐅᑭᐅᓂ ᐊᕙᑎᐅᓯᒪᓕᖅᑐᓂ ᑕᐃᒪᓐᓇ ᖃᑉᓗᓈᑦ ᓄᓇᖓᓐᓂᒥᐅᑦ ᐊᔪᖏᑦᑑᓂᖅᓴᐅᓇᓱᒋᔭᐅᑉᓗᑎᒃ, ᐱᐅᓂᖅᓴᐅᒐᓱᒋᔭᐅᑉᓗᑎᒃ ᐊᔪᖏᓐᓂᖅᓴᐅᓇᓱᒋᔭᐅᑉᓗᑎᒡᓗ.

ᖃᐅᔨᒪᖕᒪᑕ ᑕᒪᒃᑯᐊ ᐅᖃᓕᒫᖏᓐᓇᖃᑦᑕᖅᑐᑦ ᐱᕙᓪᓕᐊᔪᓂᒃ, ᑲᒪᔨᐅᖃᑕᐅᓚᐅᕋᒪ ᐊᖓᔪᖃᐅᑕᐅᑉᓗᖓ ᑖᒃᑯᓂᖓ ᐅᑭᐅᖅᑕᖅᑐᒥ ᕼᐋᑭᖅᑐᓕᕆᓂᕐᒧᑦ ᒥᐊᓂᖅᓯᔨᐅᔪᓂᒃ ᐃᓕᓐᓂᐊᖅᑎᑎᓂᕐᒧᑦ ᐊᑯᓂ ᐅᑭᐅᖑᓯᒪᓕᖅᑐᓂ ᖃᓄᐃᓕᐅᓚᐅᖅᓯᒪᖏᑦᖢᖓᓗ ᑕᒪᒃᑯᓂᖓ ᐱᓕᕆᐊᒻᓂᒃ ᐱᔾᔪᑎᖃᖏᒻᒪᑕ ᖃᓄᐃᓕᒍᑎᒋᓚᐅᖅᓯᒪᖏᑉᐸᕋ.

ᐅᖃᐅᓯᕆᖏᓕᕐᓗᒍ ᑕᒪᓐᓇ.

ᑎᑎᕋᐅᓯᖃᖃᑦᑕᖅᓯᒪᕗᖓ ᑲᓛᒃ ᕼᐋᑭᕐᓂᕐᒧᑦ ᐃᓕᓐᓂᐊᖅᑎᑦᓯᖃᑦᑕᕐᓄᑦ, ᐊᒻᒪ ᑕᒪᒃᑯᐊ ᐅᖃᐅᓯᕆᓯᒪᔭᒃᑲ ᓱᓕ ᐅᒃᐱᕆᑦᓯᐊᖅᖢᒋᑦ ᐱᔾᔪᑎᒋᑉᓗᒍ ᐃᓕᓐᓂᐊᖅᑎᑎᒍᑕᐅᖃᑦᑕᖅᑐᑦ.

ᐅᖃᓕᒫᕆᐅᖅᓴᓂᕐᒧᑦ ᑎᑎᕋᕆᐅᖅᓴᓂᕐᒧᓪᓗ ᐃᓕᓐᓂᐊᖅᑎᑦᓯᒻᒫᖃᑦᑕᖅᖢᑎᒃ − ᑕᒪᒃᑯᐊ ᒪᒃᑯᒃᑐᑦ ᐅᔾᔨᕈᓱᒃᑎᑕᐅᕙᓪᓕᐊᑉᓗᑎᒃ ᐃᓱᒪᑦᓯᐊᕐᓂᕐᒧᑦ, ᓱᓕ ᑕᐃᒪᓐᓇ ᐱᓐᖑᐊᖃᑕᐅᒐᓗᐊᕐᓗᑎᒃ, ᑕᐃᒪᓐᓇ ᖃᐅᔨᑎᑕᐅᓗᑎᒃ ᐱᓕᕆᖃᑎᒌᑦᓯᐊᕆᐊᖃᕐᓂᕐᒧᑦ ᑕᐱᕇᑦᓯᐊᕆᐊᖃᕐᓂᕐᒧᓪᓗ − ᑕᒪᓐᓇᓗ ᓴᓐᖏᓂᕆᔭᐅᑉᓗᓂ, ᑕᐃᒪᓐᓇ ᐃᓕᓐᓂᐊᖅᑎᑦᓯᒍᑕᐅᖃᑦᑕᖅᑐᖅ.

ᐱᖃᑎᖓ ᓴᓐᖏᓂᖃᐅᑕᐅᔪᖅ ᐱᕙᓪᓕᐊᑎᑕᐅᒍᑕᐅᔪᕐᓗ ᐃᓕᓐᓂᐊᖅᑎᑎᒍᑕᐅᕙᒃᑐᑉ ᐋᖅᑭᐅᒪᓂᖓᓄᑦ ᐊᑐᖃᑦᑕᕐᒪᑕ ᒪᒃᑯᒃᑐᓂᒃ ᓯᕗᓕᖅᑎᓂᒃ.

ᖃᐅᔨᒪᓯᒪᑉᓗᒋᓪᓗ ᐊᒥᓲᓂᖅᓴᐃᑦ ᒪᒃᑯᒃᑐᑦ ᓯᕗᓕᖅᑎᐅᖃᑕᐅᔪᑦ ᑲᓛᒃ ᐃᑲᔪᖅᑎᒋᒍᒪᓯᒪᔭᖏᑦ ᐃᓕᓐᓂᐊᖅᑎᑦᓯᑎᓪᓗᒍ ᐅᑭᐅᓂ ᐊᒥᓱᓂ, ᖃᐅᔨᒪᑦᓯᐊᖅᖢᑎᒡᓗ ᐅᔾᔨᕐᓇᖅᖢᑎᒃ ᖃᓄᐃᓕᐅᕈᓯᖏᑦᑎᒍᑦ: ᕼᐋᑭᕐᓂᕐᒧᑦ ᖁᕕᐊᒋᔭᖃᖅᖢᑎᒃ, ᐃᑲᔪᕈᒪᑉᓗᑎᒃ ᐱᓐᖑᐊᕈᓯᒥᒃ ᖁᕕᐊᒋᓯᒪᔭᖏᓐᓂᒃ ᐊᒻᒪ ᒪᒃᑯᒃᑑᖃᑎᒥᓂᒃ ᑕᐃᒪᓐᓇ ᐃᓕᓐᓂᐊᖅᑎᑦᓯᒍᒪᑉᓗᑎᒃ, ᑕᐃᒪᓐᓇ ᓴᓐᖏᔪᒥᒃ ᐅᒃᐱᕈᓱᒃᖢᑎᒃ ᐱᓕᕆᐊᒧᑦ ᐃᓕᓐᓂᐊᕈᑕᐅᔪᒧᑦ ᐃᓕᓐᓂᐊᖅᑎᑦᓯᖃᑕᐅᑉᓗᑎᒃ ᐃᑲᔪᕈᒪᑉᓗᑎᒡᓗ ᒪᒃᑯᒃᑐᓂᒃ ᕼᐋᑭᖅᑎᓂᒃ ᕼᐋᑭᕐᓂᕐᒧᑦ ᐊᔪᖏᓴᖁᑉᓗᒋᑦ ᐋᓐᓂᐊᕐᓇᖏᑦᑐᒃᑯᓪᓗ ᐃᓅᓯᖃᖅᑎᑦᓯᖁᔨᑉᓗᑎᒃ.

ᖁᕕᐊᓱᑦᓯᐊᖅᐳᑦ ᒫᓐᓇ, ᑖᒃᑯᐊ ᓵᓚᒃᓴᐅᑎᒃᓴᐃᑦ ᑕᒡᕙᖓᑦ AIPᑯᓐᓂᑦ ᑐᑭᖃᕐᓂᐊᕐᒪᑦ ᑕᐃᒪᓐᓇ ᐃᓕᓐᓂᐊᖅᑎᑎᓂᖅ ᓄᓇᓕᖕᓄᑦ ᐊᓯᖏᓐᓄᐊᕈᑕᐅᖃᑦᑕᕐᓂᐊᕐᒪᑦ ᑕᐃᒪᓐᓇ ᐊᒥᓱᓂᒃ ᒪᕐᕈᐃᖅᑕᕐᓗᒍ ᐊᒥᓲᓂᖅᓴᓂᒃ ᐃᑲᔪᕐᓂᐊᖅᖢᑎᒃ ᓄᑕᖃᓂᒃ ᖁᕕᐊᒋᔭᒥᖕᓂᒃ ᐱᓐᖑᐊᕐᓗᑎᒡᓗ ᑕᒪᒃᑯᓂᖓ ᐱᐅᓛᓂᒃ ᖁᕕᐊᓇᖅᑐᒥᒃ ᐱᓐᖑᐊᕐᓂᕐᒥᒃ ᕼᐋᑭᕐᓂᕐᒥᒃ.

ᐊᕐᕕᐊᓂ ᕼᐋᑭᖅᑎᐊᓛᑦ ᑲᑐᔾᔨᖃᑎᒌᒃᑯᖏᑦ ᐱᕙᓪᓕᐊᒍᑎᖃᖅᓯᒪᕗᑦ ᐅᑭᐅᓂ ᖄᖏᖅᓯᒪᓕᖅᑐᓂ, ᐊᒻᒪ ᓯᕗᓂᐊᒍᑦ ᐱᓕᕆᐊᖃᕆᐊᓕᓚᐅᖅᖢᑎᒃ ᐳᓚᕋᖅᑕᐅᑉᓗᑎᒃ ᑖᒃᑯᓄᖓ ᐃᓕᓐᓂᐊᖅᑎᑎᔨᐅᕙᒃᑐᓂᑦ Rankin Rock Hockey Campᑯᓐᓄᑦ ᐃᑲᔪᖅᑕᐅᒋᐊᒃᑲᓐᓂᕐᓗᑎᒡᓗ ᐱᕈᖅᐸᓪᓕᐊᓂᕐᒧᑦ.

ᐊᒻᒪ ᑕᒪᒃᑯᐊ ᑕᐃᒪᓐᓇᐃᓕᐅᖅᓯᒪᑎᓪᓗᒋᑦ, ᑲᓛᒃ ᐊᒻᒪ ᐊᕐᕕᐊᒥᐅᑕᖅ ᒋᓕᓴᓐ ᐅᒃᐸᕼᐅᐊᒃ ᐱᓕᕆᖃᑎᒌᑦᓯᒪᕗᒃ ᐱᕙᓪᓕᐊᑎᑎᓂᕐᒧᑦ ᑕᒪᒃᑯᓂᖓ ᑕᐃᒍᖅᑕᐅᔪᓂᒃ ᑭᕙᓪᓕᕐᒥ ᒪᒃᑯᒃᑐᑦ ᑲᓇᒃᔅᑯᓐᓂᒃ ᑖᒃᑯᓇᖓᑦ ᒪᒃᑯᖕᓂᖅᓴᓂᖔᖅᑐᑦ ᐊᑕᒻᑯᓐᓂᑦ ᑭᕙᓪᓕᖅ ᑲᓇᒃᔅ ᒪᒃᑯᒃᑐᑦ C ᐱᓕᕆᐊᖅ ᐱᓐᖑᐊᖃᑕᐅᖁᑉᓗᒋᑦ ᑕᒪᒃᑯᐊ ᐊᑐᖅᑕᐅᒍᒪᓯᒪᖕᒪᑕ ᐊᒥᓱᓄᑦ ᒪᒃᑯᒃᑐᓄᑦ ᑭᕙᓪᓕᕐᒥ.

ᐊᔾᔨᐅᖏᑦᑐᒥᒃ ᖁᕕᐊᓇᖅᑐᒥᒃ ᓴᖅᑭᔮᖅᑐᖃᖅᐳᖅ ᑭᕙᓪᓕᕐᒥ ᕼᐋᑭᕐᓂᕐᒧᑦ ᒫᓐᓇ, ᐊᒻᒪ ᓯᕗᓕᖅᑎᖃᖅᖢᑎᒡᓗ ᐊᔪᖏᑦᑐᓂᒃ ᐱᔪᓐᓇᑦᓯᐊᖅᖢᑎᒡᓗ ᒫᓐᓇᒥ, ᐸᕐᓇᒃᓯᒪᑦᓯᐊᖅᖢᑎᒡᓗ ᐊᒻᒪ ᐃᓱᒪᒋᔭᐅᓯᒪᑦᓯᐊᖅᑐᓂᒃ ᐱᓕᕆᐊᖃᖅᖢᑎᒃ ᑕᒪᒃᑯᓂᖓ ᐱᓕᕆᐊᖃᖅᖢᑎᒃ ᐃᓱᒪᒋᔭᐅᓚᐅᖅᓯᒪᖏᑦᑐᒃᓴᐅᔪᓂᒃ ᐱᔭᐅᓂᐊᓚᐅᖅᓯᒪᓇᓱᒋᔭᐅᖏᑦᑐᓂᒃ.

ᐊᒻᒪ, ᑖᒃᑯᐊ ᐃᓕᓐᓂᐊᖅᑎᑎᖃᑦᑕᖅᑐᑦ Rankin Rock Hockey Camp ᐊᑎᖓ ᐅᓐᓄᒃ ᑕᐃᒍᖅᑕᐅᒃᐸᑦ, ᑖᒃᑯᐊ ᓵᓚᒃᓴᐅᑎᑖᖅᑎᑦᓯᕙᒃᑐᑦ AIP ᐃᑲᔪᕐᓂᖃᕐᓂᐊᖅᐳᑦ ᐃᓕᖁᓯᑐᖃᓂᒃ ᐊᑐᖅᖢᑎᒃ ᒪᒃᑯᒃᑐᓄᑦ ᐃᓕᓐᓂᐊᕈᑎᒃᓴᖃᖅᑎᑎᔪᓂᒃ, ᐋᖅᑭᒃᓱᖅᑕᐅᓯᒪᔪᓂᒃ ᐅᑭᐅᖅᑕᖅᑐᒥᐅᓄᑦ ᒪᒃᑯᒃᑐᓄᑦ ᑐᕌᖅᑐᓂᒃ ᐱᒻᒪᕆᐅᔪᒥᒃ ᓴᖅᑭᑎᑎᓂᐊᕐᒪᑕ ᐊᓯᖏᓐᓂᑦ ᑭᕙᓪᓕᕐᒥ ᓄᓇᓕᖕᓂᒥᐅᓄᑦ ᒪᒃᑯᒃᑐᓄᑦ.

ᑭᕙᓪᓕᕐᒥᐅᖃᑕᐅᔪᒥᒃ ᓵᓚᒃᓴᖅᑐᖃᒃᑲᓐᓂᖅᐸᑦ ᑲᓛᒃ ᐊᓯᐊᓂᒃ, ᐃᒡᓗᓕᒑᕐᔪᖕᒥᐅᑦ ᑐᓴᖏᑐᐃᓐᓇᕆᐊᖃᖅᐳᑦ ᕼᐋᑭᖅᑐᓂᒃ ᐱᓕᕆᐊᖃᖃᑦᑕᖅᑐᓂᒃ ᑲᖏᖅᖠᓂᕐᒥ, ᑖᒃᑯᐊ ᐃᒡᓗᓕᒑᕐᔪᖕᒥᐅᑦ ᖃᔭᓕᐅᕐᓂᐊᕐᒪᑕ.

ᑕᐃᒪᑐᖅ, ᐊᓯᐊᓂ ᐅᑉᓗᒥ ᑕᒪᓐᓇ ᐅᖃᐅᓯᕆᔭᐅᒍᒫᖅᖢᓂ.

Leave a Comment: